циклон – Kurir.mk

Над 40.000 лица евакуирани во Пакистан и Индија пред налетот на силниот циклон Бипарџој

Ивана Ефремовски — Tue, 13 Jun 2023 13:25:47 +0000

Повеќе од 40.000 лица се евакуирани во Индија и Пакистан пред пристигнувањето на моќниот циклон Бипарџој, што е придружен со ветрови со брзина од над 150 километри на час, соопштија денеска властите. Циклонот Бипарџој, што на бенгалски значи катастрофа, денеска напредуваше во Арапското Море и се очекува в четврток да удри на тлото меѓу јужен Пакистан и западна Индија, соопшти метеоролошката служба. Повеќе од 22.000 лица се евакуирани во пакистанската провинција Синд, а повеќе од 20.000 во индиската држава Гуџарат, соопштија властите во двете земји. На брегот на Гуџарат, на рибарите им е кажано да останат во пристаништето бидејќи брановите може да надминат три метри височина. Индиската крајбрежна стража вчера евакуираше 50 членови на екипажот од брод за истражување на нафта, што имаше тешкотии во невремето. Според властите во Гуџарат, во обилните дождови и силните ветрови што му претходат на циклонот, веќе загинале три лица, две деца врз кои се урнал ѕид и една жена врз која паднало дрво, а под закана се околу 1,6 милиони жители. Во Пакистан, меѓу 22.000 и 23.000 жители на крајбрежните села беа евакуирани во внатрешноста, за француските медиуми изјави помошникот комесарот на областа Бадин. Десетици илјади луѓе се сместени во привремени засолништа организирани во училиштата во областа. Во 2021 година, истата област беше погодена од циклонот Тауктае, во кој загинаа 150 луѓе и предизвика голема материјална штета. Циклоните, што се нарекуваат урагани во северниот дел на Атлантикот и тајфуни во Пацификот, се редовна закана за северните брегови на Индискиот Океан, каде живеат десетици милиони луѓе. Според научниците, овие феномени имаат тенденција да бидат посилни поради глобалното затоплување. (МИА)

РАЗОЧАРУВАЊЕ ЗА СИТЕ КОИ ИМААТ ПЛАН ДА ОДАТ ВО ГРЦИЈА – силен циклон кој доаѓа таму ќе ви го уништи одморот на море!

Дарко Андоновски — Tue, 16 May 2023 10:01:51 +0000

Не само во Македонија, туку и во целиот регион, под влијание на многу силен циклон, мај минува со многу променливо време и посвежи температури од просекот за овој период од годината. До средината на оваа недела и на грчкото крајбрежје се очекува многу променливо време, особено на подрачјето на Јонското Море и на Халкидики. Грција на почетокот на неделава ќе биде под влијание на силен циклон со пообилни врнежи од дожд и појава на грмежи. Најобилни врнежи се очекуваат на островите во Јонско Море и на северозападниот брег, на север и североисток и на подрачјето на Халкидики и Олимпискиот регион. На одредени локации се очекуваат и над 100-150 литри на метар квадратен, особено во северозападните предели на Грција, со можност за локални поплави и порои. Ќе дува силен и бурен јужен ветер кој ќе носи повеќеметарски бранови. По средината на оваа недела се очекува стабилизирање на времето. Грчкото крајбрежје ќе има сончево и топло време со температура од 24 до 30°C, а посвежо ќе биде само на островите во Егејското Море, со температури до 22°C, пред се поради ефектот на ладење од постуденото море. Потоа до крајот на мај се очекува претежно сончево и топло време со умерен, а на островите и засилен северен ветер. Максималната температура ќе биде претежно од 25 до 30°С. Температурата на Егејското Море деновиве е од 15 до 17°С, а на Јонското од 17 до 19°С. Кон крајот на мај температурата на Јонското Море би била од 20 до 22°С, а на Егејското Море од 18 до 20°С, пишува „Телеграф“.рс.

Најмалку шестмина загинати во циклон во Мјанмар

Катерина Бојаџиева — Mon, 15 May 2023 16:46:27 +0000

Најмалку шест лица загинаа, а околу илјада се евакуирани од западниот брег на Мјанмар, откако силен циклон ги погоди таа земја и Бангладеш. При силниот налет на ветрот се повредени повеќе од 700 луѓе од околу 20.000 луѓе кои се засолниле во зградите на ридовите на градот Ситва, како што се манастирите, пагодите и училиштата. Циклонот нанел вода од морето во крајбрежните области на Ситве, а голем број граѓани се засолниле на покривите и спратовите на куќите.

АЛАРМ ПРЕКУ ЗВУЧНИЦИ: Повик за евакуација долж бреговите на Бангладеш и Мјанмар поради циклон

Ивона Петрова — Sat, 13 May 2023 14:39:52 +0000

Активисти волонтери во крајбрежните области во Бангладеш денеска преку звучници ги повикуваат луѓето да одат во засолништа пред исклучително силен циклон што се очекува да стигне до бреговите на Бангладеш и Мјанмар во следните 24 часа. Циклонот Мока се движи кон бреговите на југоисточниот дел на Бангладеш и Мјанмар со брзина од 160 километри на час и налети на ветар до 175 километри, соопшти индиската метеоролошка служба. Се прогнозира дека ќе стигне до копното вечерва во областа меѓу Кокс Базар во Бангладеш и Кјаукпи во Мјанмар. Бангладеш има подготвено повеќе од 1.500 засолништа. Повеќе од еден милион бегалци Рохинџи, кои побегнаа од прогонот во Мјанмар, се сместени токму на патеката на циклонот во камповите во Кокс Базар, каде локалните власти и ОН се подготвуваат за невремето. Бангладеш, кој е подложен на природни катастрофи како што се поплави и циклони, издаде највисоко ниво на предупредување за областа Кокс Базар. Метеоролошката служба на земјата предупреди дека циклонот може да предизвика големи материјални штети и да ги загрози животите во осум крајбрежни области. Според извештаите, локалните власти во 20 области се повикани да се подготват за циклонот. Посебна загриженост има за малиот корален остров Сент Мартинс во Бенгалскиот залив, каде што се прават подготовки за заштита на илјадници жители. Според Центарот за предупредување и прогнозирање поплави во Дака, крајбрежјето може да го погодат силни поројни поплави. И Мјанмар ја подигна тревогата на највисоко ниво, наведувајќи дека циклонот се движи кон брегот во државата Ракајн, во близина на градот Ситве.

Во циклонот Фреди во Африка 463 загинати

Тале Кристо — Sat, 18 Mar 2023 12:12:34 +0000

Во тропскиот циклон Фреди, кој ја погоди Југоисточна Африка, загинаа 463 лица, објави денеска јужноафриканското радио Ес Еј Би Си. Невремето предизвика најголема штета во Малави, каде загинаа 360 луѓе. Уништени се илјадници куќи и згради. Според прелиминарните проценки, материјалните загуби достигнуваат десетици милијарди долари. Фреди се формирал во Индискиот Океан северозападно од Австралија и се распаднал по 38 дена вечерта на 14 март. Тоа беше најдолготрајниот циклон откако беа направени набљудувања во овој дел од земјината топка. Максималната брзина на ветерот во центарот на невремето достигна 62,6 метри во секунда. Циклонот помина повеќе од 8.000 километри, а ги погоди Маурициус, Мадагаскар, Малави и Мозамбик.

Четворица загинати од циклонот Габриел во Нов Зеланд: Без струја останаа 144 илјади луѓе

Тале Кристо — Wed, 15 Feb 2023 07:13:09 +0000

Четири лица загинаа на Нов Зеланд откако циклонот Габриел ја погоди земјата на почетокот на оваа недела, јави ДПА, повикувајќи се на полицијата. Тело е пронајдено на местото каде исчезна пожарникар при уривање на куќа во регионот Окленд - најнаселен град во земјата. Три лица загинаа во друга област на Северниот остров - Хоков Залив. Циклонот донесе силен дожд и силен ветер во ноќта од понеделник кон вторник. Предизвика поплави и лизгање на земјиштето на Северниот остров, дом на три четвртини од пет милиони жители на Нов Зеланд, изолирајќи цели градови. Околу 10.500 луѓе се принудени да ги напуштат своите домови. Без струја останаа 144 илјади луѓе. Сепак, напојувањето е постепено обновено. Властите на Нов Зеланд денеска соопштија дека најлошото поминало, но предупредија дека се уште постои опасност. Тие почнаа да го проценуваат степенот на штетата во изолираните градови каде што надојдените води ги разурнаа патиштата и ги прекинаа комуникациите. Во целата земја веќе една недела е прогласена вонредна состојба. Циклонот Габриел беше „најмоќната метеоролошка појава во Нов Зеланд во овој век, рече премиерот Крис Хипкинс. Министерот за управување со кризи, Киеран Меканулти, додаде дека „ова е голема катастрофа“. Ќе бидат потребни „многу недели“ за обнова на погодените области, предвиде тој, предупредувајќи дека „патот е долг“.

Нов Зеланд ги откажа летовите поради очекуваниот циклон

Ивона Петрова — Sun, 12 Feb 2023 10:43:41 +0000

Националниот авиопревозник на Нов Зеланд денеска откажа десетици летови додека жителите на Окленд се подготвуваат за поплави од циклонот Габриел, две недели откако најголемата бура во земјата го поплави најголемиот град во земјата, при што загинаа четири лица. Ер Нов Зеланд соопшти дека ги откажал сите домашни летови до и од Окленд, Туаранга, Хамилтон и Таупо до пладне во вторник, како и многу меѓународни летови, но дека некои меѓународни линии ќе продолжат иако летовите до Окленд може да бидат пренасочени кон други градови. Циклонот Габриел денеска го погоди северниот дел на Нов Зеланд, а утре се очекува да наврнат повеќе од 250 милиметри дожд во Окленд. Ветрот ослабе кога циклонот се намали, а налетите се очекува да достигнат околу 130 километри на час. Според прогнозата на MetService, се очекуваат обилни врнежи од дожд, ветер и високи бранови. На северот на Нов Зеланд некои патишта веќе се затворени поради поплави и ветрови, а илјадници домаќинства се без струја. Новозеландскиот премиер Крис Хипкинс ги предупреди граѓаните да се подготват навреме, дури и за случај на евакуација.

Тропскиот циклон Гомбе предизвика 53 жртви во Мозамбик

Дарко Андоновски — Fri, 18 Mar 2022 08:38:09 +0000

Најмалку 53 лица загинаа во Мозамбик откако тропскиот циклон Гомбе ја погоди земјата пред една недела, изјави одговорниот политичар за тешко погодената провинција Нампула, Мети Гондола, јави ДПА. Гондола синоќа ја соопшти и бројката на загинати, предупредувајќи дека вистинската бројка на жртви може да биде многу поголема. Илјадници куќи во оваа северна крајбрежна провинција се делумно или целосно уништени, а многу области се целосно отсечени од надворешниот свет поради поплавите и оштетувањата на патиштата, што напорите за помош ги прави речиси невозможни. Брзината на ветрот на циклонот достигна околу 200 километри на час додека минатата недела ја зафати оваа југоисточна африканска земја, појасни ДПА. Јужниот дел на Африка во моментов минува низ летната сезона на циклони, која носи силни бури и врнежи до март или април.

Циклонот од Германија пристигна во Србија

Магдалена Андонова — Sun, 18 Jul 2021 12:45:54 +0000

Метеорологот Ѓорѓе Џуриќ на својот Фејсбук профил објави дека циклон кој пристигна над Германија, која беше сериозно погодена од поплавите, пристигна во Србија и најави дека државата ќе биде под циклонот до вторник, со опасност од грмотевици, град и обилни врнежи од дожд .

ВКЛУЧЕН ЦРВЕНИОТ АЛАРМ: Индија се подготвува за сило невреме, евакуирани се 10.000 луѓе – се очекуваат удари до 180 километри на час

Магдалена Андонова — Tue, 25 May 2021 08:20:37 +0000

Десетици илјади луѓе беа евакуирани денес во низините на двете индиски држави и се преселени во засолништата за да избегнат силно невреме кое се движи кон источниот брег на земјата. Циклонот Јас треба да се претвори во „многу силна циклонска бура“ со брзина на ветерот до 177 километри на час, објави индискиот метеоролошки оддел, а пренесува агенцијата АП. Циклонот се очекува утре да достигне до копното на индиските држави Одисеј и Западен Бенгал. Циклонот, кој доаѓа во време на катастрофална епидемија на вирусот корона, само уште повеќе ќе ги комплицира напорите на Индија да се справи со двете истовремено, само 10 дена откако циклонот Таукте го погоди западниот брег на Индија и уби повеќе од 140 лица. Илјадници луѓе одговорни за вонредни состојби се распоредени во крајбрежните региони на двете држави со задача да го евакуираат населението, рече С. Н. Прадан, директор на Индиските национални сили за одговор при катастрофи. Индиските воздухопловни сили и морнарицата се исто така подготвени да обезбедат помош. На рибарските бродови им беше кажано да се засолнат до понатамошно известување, бидејќи синоптичарите предупредуваа на големи плимни бранови. Во Западен Бенгал, властите се обидоа да пренесат десетици илјади луѓе во засолништа за циклони, а официјалните лица истакнаа дека најмалку 20 области во земјата ќе ги почувствуваат ефектите од невремето. Минатиот мај, скоро 100 лица загинаа во циклонот Амфан, најсилното невреме во повеќе од една деценија што ја погоди Источна Индија, вклучително и државата Западен Бенгал. Невремето срамни со земја села, уништи фарми и остави милиони без електрична енергија во источна Индија и Бангладеш. Во вчерашното телевизиско обраќање, индискиот државен министер Одиша Навен Патнаик апелираше до луѓето кои биле префрлени во засолништата да носат двојни маски и да одржуваат социјална дистанца и побара од властите да дистрибуираат маски на евакуираните.