CINEDAYS’ – Kurir.mk

Со премиерата на филмот „М“ отворен 22. CINEDAYS

Ивона Петрова — Fri, 14 Jul 2023 06:34:27 +0000

Со македонската премиера на филмот „М“ на Вардан Тозија беше отворен 22. Меѓународен фестивал на европски филм – CINEDAYS. - Имаме совршено отворање на фестивалот, повеќе од 1000 гледачи го следеа филмот „М“ на Вардан Тозија без здив, и во паркот зад МКЦ и во киното Фросина. Благодарност до режисерот Тозија и продуцентот Дарко Попов кои ни овозможија Скопје вечерва да ја добие посакуваната фестивалска атмосфера и заедно со комплетната авторска и актерска екипа да го имаме ова задоволство, истакна програмскиот координатор на CINEDAYS, Маргарита Арсова. Под слоганот „Муви најт“, Скопје до 18 овој месец ќе живее во филмот на CINEDAYS, со редуциран број на локации и филмови на репертоарот. - Ние како тим се трудиме вечерашниот фестивалски филмски шарм и содржина да ги одржиме низ целото издание на CINEDAYS затоа што имаме одлична програма која витешки ја сработивме со драстично намален буџет. Се надевам дека годинешниов исклучок нема да биде практика, рече Арсова. Билетите за CINEDAYS се по цена од 200 денари, за сите филмови. Фестивалот е поддржан од Кинотека на Македонија, Публицис, Скопска пивара, ЕУ за ТЕБЕ, Неотел, Гете институт, Агенцијата за филм на РСМ и Град Скопје.

Почнува меѓународниот фестивал на европски филм „CINEDAYS“

Ивона Петрова — Thu, 07 Jul 2022 05:31:39 +0000

Mеѓународниот фестивал на европски филм – CINEDAYS, под слоганот „Од високо подобро се гледа“, ќе се одржи од денеска до 14 овој месец на повеќе локации низ Скопје – на покривот на ГТЦ, на покривот на Дом на градежници, Музеј на современа уметност, Авто киното на Водно, во МКЦ парк, во кино Милениум и Кинотека. Отворањето и затворањето на 21 – от CINEDAYS, се во знак на македонските режисерски имиња, информираат организаторите. Филмот „Мими“ на Даријан Пејовски својата светска премиера ќе ја има вечерва на отворање на фестивалот, а затворањето на фестивалот е со „Нема да си сама“ на Горан Столевски. Фестивалот е поддржан од Град Скопје.

Започнува меѓународниот фестивал на европски филм – CINEDAYS

Тале Кристо — Tue, 05 Jul 2022 14:54:26 +0000

Mеѓународниот фестивал на европски филм – CINEDAYS, под слоганот „Од високо подобро се гледа“, ќе се одржи од 7 до 14 овој месец на повеќе локации низ Скопје - на покривот на ГТЦ, на покривот на Дом наградежници, Музеј на современа уметност, Авто киното на Водно, во МКЦ парк, во кино Милениум и Кинотека. Отворањето и затворањето на 21 – от CINEDAYS, се во знак на македонските режисерски имиња. Филмот „Мими“ на Даријан Пејовски својата светска премиера ќе ја има во четврток на отворање на фестивалот, а затворањето на фестивалот е со „Нема да си сама“ на Горан Столевски, кој што го сврте вниманието на светската филмска јавност по премиерата на Санденс. Годинешната програма на CINEDAYS е селекција на Бернд Будер, и во неа граѓаните ќе имаат прилика да видат светски и македонски филмови и копродукции што „гравитираат“ во неколку нови и веќе познати програмски целини: Официјална селекција, SEE програма, МК Shorts (кратки филмови), ретроспектива на Фатих Акин, како и Гала програмата на фестивалот во која доминираат филмови од годинешново издание на Канскиот фестивал. Во насока на поддршка и развој на филмската уметност Градот Скопје е подржувач на меѓународниот фестивал кој со години наназад е неизоставен дел од културната програма на Скопје. Повеќе информации и програма: https://cinedays.mk