цинк – Kurir.mk

Знаци кои укажуваат на тоа дека ви недостасува цинк во вашето тело

Ристе Здравков — Thu, 25 Aug 2022 13:14:08 +0000

Сите знаеме за цинкот, но дали знаете што се прави овој минерал за вашето здравје? Цинкот е еден од најважните минерали за исхраната и правилниот начин на живот на луѓето. Цинкот често се занемарува бидејќи се наоѓа во навистина мали количини во нашите тела. Потребни ви се само осум милиграми цинк на ден, иако тоа влијае на толку многу процеси во вашиот организам. Но, токму затоа што ни треба малку, дури и мал недостиг на цинк влијае на здравјето. Ова се симптомите што ви кажуваат дека треба да го зголемите внесот на овој важен минерал. Вашиот желудник е постојано под стрес Цинкот „работи“ со протеини во секој орган и помага на скоро 100 различни ензими од различни процеси, од кои еден е варењето. Делува како ко-фактор во многу гастроинтестинални активности, што значи дека вашето тело не може да ја вари храната и да ги апсорбира хранливите материи без него. Често, симптомите како гадење, повраќање или дијареја се толкуваат исклучиво како нетолеранција на глутен. Но, наместо тоа, проблемот сепак може да биде недостигот на цинк во исхраната. Размислете за зголемување на внесот на храна богата со цинк, како што се морската храна или јогуртот. Чувствителни сте на болка Ако вашите мускули ве болат неколку дена по тренингот или имате модринки кои траат подолго време, обрнете внимание. Недостигот на цинк го забавува заздравувањето на раните. Санирањето на болката е индивидуално и не постои цврсто правило за времето на опоравување. Меѓутоа, ако видите промени што вашето тело ги одбива многу бавно, недостигот на цинк може да биде виновникот. Го губите чувството за мирис и вкус Повеќето рецептори за вкус се наоѓаат во вашата носна празнина, па овие две сетила се неразделно поврзани. Цинкот е клучен за целосната функционална перцепција на вкусот, па ако почнете да сфаќате дека не чувствувате вкус или мирис на храна, како што сте навикнале, тоа може да биде затоа што имате ниско ниво на цинк во организмот. Често сте настинати/болни Кога не внесувате доволна количина цинк, може да почувствувате нарушување на имунолошкиот одговор што е знак дека вашиот имунолошки систем не работи правилно. Следете ги симптомите и посетете лекар ако не се чувствувате добро, а за да ја надоместите количината на цинк што ви недостасува, зголемете го внесот на храна која содржи цинк или користете суплементи со цинк. На вашите очи им треба долго време да се навикнат на темнината Знаете како кога влегувате во кино, на вашите очи им треба време да се навикнат на темнината? Овој феномен се нарекува прилагодување кон темнината, а недостигот на цинк може да го спречи, бидејќи цинкот е потребен за производство на витамин А, што е клучен витамин за здравјето на очите. Имате проблем со концентрацијата Не се идентификувани специфични механизми за ниското ниво на цинк и степенот на концентрација – но постои корелација. Докажано е дека цинкот влијае на тоа колку долго можете да седите и да се концентрирате на нешто. Во некои студии, кога луѓето со недостиг на цинк земале додатоци, биле забележани промени во однесувањето. Вашиот метаболизам е забавен Цинкот претставува витален дел од одржувањето на метаболизмот. Овој минерал помага во метаболизмот на протеините, јаглехидратите и мастите. Кога немате доволно цинк во вашето тело, може да имате намалена енергија, да бидете побавни и да ви треба подолго време да ја намалите телесната тежина. За да го спречите ова, јадете повеќе храна богата со цинк, како што се мешунки, ореви и семиња.

На вашиот организам му е потребен ЦИНК, еве како да ја задоволите потребата

Ивана Ефремовски — Sat, 06 Nov 2021 20:40:18 +0000

Цинкот е многу важен минерал, кој што учествува во многу процеси во организмот. Како и другите минерали, така и цинкот треба да се консумира редовно преку исхраната или како додаток. Тоа му помага на организмот да функционира правилно и лесно да се бори против болести. На повеќе од 200 ензими во телото им е потребен цинкот за да функционираат правилно. Цинкот е потребен за создавањето на многу хормони, меѓу кои и хормоните кои што му кажуваат на имунолошкиот систем како да се бори кога ќе го нападнат бактерии. Цинкот е особено важен за оние хормони, кои што го регулираат растот на телото и машкиот хормон тестостерон. Недостигот на цинк кај мажите го намалува нивото на тестостерон и бројот на сперматозоидите. Нивото на тестостерон влијае и врз сексуалната активност, големината на мускулната маса, растот на коските и сл. Затоа е потребно мажите да му посветат поголемо внимание на цинкот. Организмот се справува полесно со настинките и грипот кога има доволно цинк во него, затоа што цинкот помага за зајакнување на имунолошкиот систем. Освен тоа цинкот помага и за одржувањето на добар изглед на кожата. Тој го контролира лачењето на лојните жлезди и помага во борбата против акните. И добриот вид на очите во голема мера зависи од цинкот. Најголем дел од цинкот во телото е концентриран во кожата, косата, ноктите и очите (кај мажите и во простатата). Дневните потреби на цинк најдобро е да ги задоволувате преку исхраната. Цинкот е најзастапен во црвеното месо, рибата и морските плодови, јаткастите плодови, семките од тиква и сончоглед и јајцата. Овошјето и зеленчуците содржат минимални количини цинк. Од нив најмногу цинк има во крушите, оревите, црешите, гравот, грашокот и леќата.

Цинкот му е непријател на коронавирусот: Еве што треба да јадете за да бидете здрави оваа зима

Ивана Ефремовски — Mon, 02 Nov 2020 08:39:35 +0000

За да избегнете инфекција со коронавирус во зима, задолжително вклучете ги овие пет намирници богати со цинк, советува „Пигл тајмс“. Според истражувањето, овој минерал (цинк) игра многу важна улога во зајакнувањето на нашиот имунолошки систем. Не само тоа, туку исто така го подобрува нашиот дигестивен систем и метаболизмот. Цинкот е важна хранлива материја што треба да биде вклучена во вашата исхрана. Возрасните треба да земаат 8 мг до 13 мг цинк дневно. Кога жената е бремена или дои, внесот варира во зависност од полот на бебето.

Веднаш штом ќе започне зимската сезона, треба да вклучите цинк во вашата дневна исхрана за да помогнете во борбата против грипот и другите инфекции.

„Акцент“ објави седум намирници богати со цинк да ги вклучите во вашето мени:

Кикирики

Кикириките се евтин и вкусен извор на цинк. Специјалното е што сите сакаат кикирики. Можете да ги вклучите во вашата салата, или може да намачкате путер од кикирики на јаболко или леб. Кикириките се важен извор на цинк за оние кои јадат вегетаријанска храна.

Хумус

Хумусот е богат и со цинк. Може да се јаде со сендвичи или помфрит. Хумусот е полн со антиоксиданти, влакна и многу други хранливи материи.

Јајца

Јајцата содржат умерено количество цинк. Едно големо јајце содржи 5% од дневните потреби за цинк. Содржи 77 калории, 6 грама протеини и 5 грама здрави масти, како и други минерали и хранливи материи.

Леќа и наут

Леќата и наутот содржат многу цинк. 100 грама варена леќа содржи 12% од дневните потреби од цинк.

Месо Месото е одличен извор на цинк, вообичаено сите типови на месо содржат цинк (телешко, свинско, пилешко и сл.). 100 g месо содржи околу 4.8 mg на цинк што е околу 43% од дневните препорачани количини. Житарки Житарките како пченица, киноа, ориз, овес исто така содржат цинк. 100 g овес содржи 4 mg цинк, што е некаде околу 40% од дневниот препорачан внес.

Цинкот не може сам да се избори со коронавирусот: Овие два витамина се клучни во превенцијата и лекувањето!

Ивана Ефремовски — Fri, 17 Apr 2020 13:32:05 +0000

Витамините Ц и Д од неодамна се користат за лекување на новиот коронавирус, тврди доктор Џозеф Меркол. „Критичните заболени со коронавирус добиваат големи дози витамин це во најголемиот болнички систем во Њујорк. Доктор Ендру Вебер, пулмолог и специјалист за интензивна нега, на своите пациенти со коронавирус им дава 1.500 мг витамин Ц интравенозно“, открил тој. Потоа, идентични количини од силниот антиоксиданс повторно се воведуваат три или четири пати на ден, рекол доктор Вебер. Шемата на лечење се заснова на експерименталното лечење на луѓето во Шангај и во Кина. „Пациентите што примале витамин Ц се чувствувале значително подобро од оние што не примале витамин Ц“, рекол доктор Вебер и додал дека нивото на витамин Ц кај пациентите со коронавирус нагло опаѓа кога нивниот организам претерано реагира на инфекцијата. Според Вебер, витаминот Ц се користи во комбинација со антималариски лек, хидроксихлорокин и со антибиотик, кои исто така дале добри резултати во лечењето коронавирус.

Витамин Ц ефикасно лекува сепса

Витаминот Ц се користи за лекување сепса од 2017 година. Важно е да се напомене дека лекувањето нема несакани појави, а во 2009 година се покажало дека витамин Ц е ефикасен лек против свинскиот грип, така што јасно е зошто кинеските и американските лекари се надеваат на неговата помош во борбата со коронавирусот.

Важноста на витаминот Ц е нагласена за време на пандемијата на САРС

Уште во 2003 година, за време на пандемијата на САРС, фински истражувач се повикал на истражување за употребата на витамин Ц, откако научниците покажале дека го намалува траењето и јачината на настинката кај луѓето и значително ја намалува осетливоста на белите дробови на воспаленија. Тогаш, докторите напишале: „Неодамна е идентификуван нов коронавирус како причина за тежок акутен респираторен синдром (САРС). Во недостиг на специјален третман, треба да се разгледа можноста дека витаминот Ц може да има неспецифично влијание врз некои вирусни инфекции на дишните патишта. Постојат бројни извештаи дека витаминот Ц може да влијае врз имунолошкиот систем, на пример врз функцијата на фагоцитите, трансформацијата на Т-лимфоцитите и производството на интерферон. Конкретно, витамин Ц ја зголемува отпорноста на инфекцијата на птичји коронавирус.“

Неверојатна претпоставка на шефот на американскиот Центар за контрола и превенција на болести за витаминот Д

Витаминот Д е уште една силна компонента во превенцијата и лекувањето на грипот. Иако изгледа дека витаминот Д нема директно влијание врз самиот вирус, тој го зајакнува имунитетот, што му овозможува на домаќинот поефикасно да се бори против вирусот. Исто така, ги спречува воспалителните процеси. Ако се земаат заедно, тоа може да направи витаминот Д да биде корисен против ковид-19. „Мое тврдење дека витаминот Д може да го намали ризикот од инфекции јавно е потврден на 24 март, 2020 година. Постојат многу наводи за чудесно излекување, но науката ја поддржува можноста, иако не е доказ, дека витаминот Д може да го зајакне имунолошкиот систем, особено кај луѓето со ниско ниво на овој витамин“, наведува доктор Меркол. Додатокот на витамин Д го намалува ризикот од респираторни инфекции, го регулира производството на цитокин и може да го ограничи ризикот од други вируси, како што е грипот. Моментално, не се знае дали дефицитот на витамин Д игра каква било улога во тежината на ковид-19. Повеќето луѓе произведуваат витамин Д во кожата кога е изложена на сонце. Околу 15 минути директна сончева светлина дневно е доволна за да се произведе вистинската количина на витамин Д.

Препораки за витамин Ц и Д

Врз основа на достапните научни докази, нема причина да се игнорираат витамините Ц и Д поради превенција од ковид-19 и други респираторни инфекции. Ако не ви помогнат во борбата против коронавирус, сигурно нема ни да ви наштетат, но секако ќе ви го зајакнат имунитетот и ќе ви помогнат полесно да се изборите со болеста. Извор: Убавина и здравје

Зошто се верува дека цинкот може да ја спречи заразата со коронавирусот и како да го користите?

Ивана Ефремовски — Wed, 01 Apr 2020 09:35:17 +0000

Цинкот може да биде ефикасен кога станува збор за намалување на времетраењето на настинката, а сега се знае дека многу обични настинки се предизвикани од коронавируси. Па, многумина да се прашуваат дали цинкот може да помогне во ублажување на влијанието и да помогне во борбата против новиот коронавирус кој пустоши низ целата планета. Цинкот е неопходен минерал за здравјето на луѓето, но генерално не ви требаат големи количини – околу 15 милиграми на ден е сосема доволно. Тој е одговорен за вашиот имунолошки систем, за заздравувањето на раните, за видот и за развојот на мозокот, а се покажа и дека има антивирусно дејство. Според едно истражување, луѓето кои внесувале цинк во организмот додека имале симптоми на настинка биле значително пократко време болни во однос на луѓето што не внесувале цинк. Кај луѓето што внесувале цинк, настинката траела 4,5 дена, а кај другата група настинката траела 8 дена. Учесниците консумирале приближно 80 милиграми цинк дневно, што е над дневните потреби, но тоа не создава проблеми ако станува збор за краток временски период. Истражувачите не знаат точно зошто цинкот има ваков ефект, но тие веруваат дека може да го спречи влегувањето на вирусот во клетките, а исто така може да ги намали и нивото на воспалителни супстанции кои се наоѓаат во крвта познати како цитокини.

Колку е цинкот корисен за КОВИД-19?

Според едно истражување, цинкот ја блокира синтезата на РНК така што вирусот не е во состојба да се размножува понатаму. Бидејќи има многу сличности помеѓу двата вида коронавируси, разумно е да се очекува дека цинкот може да влијае на КОВИД-19 на сличен начин. Сепак, ова откритие се однесува на интрацелуларниот цинк, т.е. цинкот што се наоѓа во нашите клетки, така што таблетите цинк може да не бидат корисни врз основа на овој наод. Иако не е познато дали оралното внесување цинк во организмот може да го зголеми нивото на интрацелуларниот цинк на начин на кој го прават тоа липозомните производи, нема да ви наштети ако го зголемите внесот на цинк со консумирање храна што е добар извор на минерали. На врвот на списокот на намирници што се извор на цинк се остригите, кои содржат многу повеќе цинк во споредба со другите намирници. Друга храна што е извор на цинк се ракчињата, говедското месо и јастогот. Доктор Џејмс Роб, патолог и истражувач на коронавирусот, верува дека таблетите што содржат цинк помагаат во борбата против коронавирусот и може да бидат корисни за тековната пандемија. Сепак, тој истакна дека не постои експериментална основа за таквото тврдење, но препорачува луѓето да земаат цинк таблети неколку пати на ден доколку имаат треска, болка во мускулите и покачена температура. Иако никој не може да каже со апсолутна сигурност дека цинкот навистина може да помогне во борбата против коронавирусот, сигурно нема да наштети ако го консумирате и може да ви помогне кај други здравствени проблеми. Всушност, недостатокот на овој минерал може да предизвика многубројни проблеми како што се губење на косата, слаб имунитет, висок холестерол, хроничен замор и остеопороза. Извор: КафеПауза

Чоколадо и цинк за подолг живот

Предраг Кукиќ — Tue, 13 Nov 2018 14:35:47 +0000

Темно чоколадо е добро за здравјето, а според најновите истражувања помага и за долговечност, но само во комбинација со цинк. Според истражувањето на група научници од Германија при универзитетот Ерланген-Нирнберг, цинкот ги активира полифенолите во чоколадото и таа реакција го штити организмот од гас што настанува како отпаден производ на клетките. Овој отпаден гас може да ја оштети ДНК структурата на човекот, а се смета дека има клучна улога во процесот на стареење и се поврзува со појава на воспаленија што може да предизвикаат карцином и Алцхајмерова болест. Освен чоколадото, полифенолите кои се важен антиоксиданс ги има и во чајот и кафето. Полифенолите сами не може да го разградат овој гас, но во комбинација со цинк создаваат „мегакомплекс“. Претходни истраживања покажале дека црното чоколадо во умерени количини може да биде здраво за срцето, а според едно истражување на Харвард, нѐ прави попаметни. Цинкот преку храната може да го внесете преку говедско месо, кефир или јогурт, јагнешко месо, леблебија, семки од тиква, индиски ореви, пилешко месо, печурки и спанаќ.