цирих – Kurir.mk

Невреме во Швајцарија: Поплавени улици во Цирих- ова е предупредувањето за луѓето

Катерина Бојаџиева — Tue, 13 Jul 2021 15:03:59 +0000

Швајцарија ја зафатија едни од најсилните дождови за време на невремето, што денеска предизвика поплави и сообраќаен метеж во главниот финансиски центар Цирих. Во текот на ноќта во Цирих паднаа повеќе од четири сантиметри дожд, а во Валдег, во околината на градот, за 10 минути повеќе од 3,1 сантиметри, објави СРФ. Тоа се споредува со рекордните 4,11 сантиметри, кои паднаа за 10 минути во Лозана за време на бурата во август 2018 година. Делови од автобуската и трамвајската мрежа во Цирих се во прекин, бидејќи откорнати дрвја ги блокираа линиите, а некои улици беа поплавени. Градските власти не соопштија детали за евентуални повредени или смртни случаи. Јужниот кантон Валис ги предупреди луѓето да не се приближуваат до реките бидејќи се зголемува нивото на водата. Метеоролошката служба соопшти дека дождот сè уште се очекува и поплавите најверојатно ќе се влошат, особено околу езерата и реките. Се предупредува и на опасност од лизгање на земјиштето.

Ова се „најпаметните“ градови

Ивана Ефремовски — Wed, 23 Sep 2020 07:41:42 +0000

Градовите ширум светот сѐ повеќе се натпреваруваат во тоа кој повеќе ќе да ја прифати и ползува современата технологијата… Меѓу другото, индексот покажува дека во многу земји, „најпаметните“ градови не се нивните престолнини. Така, Сингапур, Хелсинки и Цирих се технолошки „најпаметните“ градови во светот. По нив, следат Оукленд, Осло, Копенхаген, Женева, Тајпеј, Амстердам и Њујорк. Ова, според Швајцарскиот институт за управување со развој и, нивната анализа при дебатата за иднината на технологијата во ерата на постпандемијата. -Најпаметните градови во светот не прифаќаат нова технологија веднаш, туку се стремат вистински да го подобрат животот на граѓаните, вели Артуро Брис од Институтот. На дното на списокот се наоѓаат Абуџа, Најроби и Лагос. Испитувањето опфатило 13.000 луѓе од 109 градови. Прашањата се однесувале на влијанието на технологијата во шест области: здравје, безбедност, сообраќај, движење, можности и управување. Во Шпанија, Билбао го надмина Мадрид, а вториот по големина британски град Бирмингем напредува подобро од Лондон. -Во колумбискиот град Меделин, некогаш познат по наркокартелите, стапката на криминал опадна по воведувањето бесплатен безжичен интернет. Тоа им олесни на граѓаните да ги пријавуваат злосторства, вели Брис. Многу градови низ светот воведоа сообраќајни шеми за автомобили и поголема сообраќајна култура заради намалување на метежот, Москва беше особено успешна во тоа. Тоа, затоа што така се гарантира бесплатен паркинг на сите корисници на оваа „паметна услуга“. Големите градови тешко стануваат „паметни“, иако стручњаците сметаат дека Ковид-19 го забрза преминот кон поинклузивни, позелени, попаметни градови. Така, Брис предвидува и тренд на свртување кон помалите градови. -Мислам дека одиме кон свет во кој ќе бидеме пораспрснати. Ќе бидеме побезбедни ако живееме во помалите градови, смета тој. Според него, во случајот на Сингапур, Хелсинки и Цирих, нивната големина им овозможува значително да вложуваат во технологија достапна за сите граѓани. (МИА)

Полицијата во Цирих нуди 10.000 франци за информација за убиецот на македонскиот државјанин Истрефи

Дарко Андоновски — Fri, 07 Jun 2019 07:25:57 +0000

Кантоналната полиција на Цирих нуди награда 10.000 швајцарски франци за секое лице кое ќе обезбеди информации за апсење на убиецот на 51-годишниот И. Истрефи. Македонскиот државјанин Истрефи беше убиен кон крајот на декември минатата година во неговиот локал во местото Рути во Швајцарија. Инаку, Истрефи е главен осомничен за убиството на Дилавер Бојку во август 2017 година во неговите локал во Струга. Бојку беше осомничен макро, кој контролирал два главни илегални правци за транспорт на девојки и жени, посебно од Молдавија, Романија и Украина.

„Еделвајс“ најави летови Цирих-Охрид од април годинава

Дарко Андоновски — Wed, 27 Feb 2019 08:17:15 +0000

Швајцарската авиокомпанија „Еделвајс“ објави дека од 6 април годинава ќе лета двапати неделно на линијата Цирих – Охрид и обратно. „Еделвајс“ ќе сообраќа на новата линија од Цирих до аеродормот „Св. Апостол Павле“ секоја сабота, а од јули до август и секој вторник. Линијата ќе ја опслужува со авион од типот „Ербас А 320“. На македонскиот пазар „Еделвајс“ веќе оперира од Меѓународниот аеродром Скопје од каде лета до Цирих и обратно.

Прва заедничка прошетка: Гога Секулиќ го покажа синчето, но и совршената линија по породувањето (ФОТО)

Дарко Андоновски — Sun, 23 Dec 2018 12:43:45 +0000

Пејачката Гога Секулиќ неодамна се оствари како мајка, а своето прво дете го роди во Цирих. Заедно со својот сопруг Урош тие му го дадоа името Василиј Андреј, а откако поминаа скоро две недели од доаѓањето на свет тој за прв пат се прошета низ центарот на Цирих. Ново печените родители според нивните реакции речици да уживаат за време на нивната прошетка, а фотографијата ги израдува и фановите на пејачката, погледнете:

View this post on Instagram

@sekulicgoga @tinokonino

A post shared by Uroš Domanović (@urosbjj) on Dec 22, 2018 at 10:22am PST

Која метропола е најскапа за живот, а каде ќе поминете најевтино?

Даниел Василев — Tue, 29 May 2018 14:37:35 +0000

Швајцарскиот финансиски центар Цирих се уште е најскапа метропола на светот, додека главниот град на Египет, Каиро е најевтин. Тоа се резултатите од годишната ранг листа на швајцарската банка УБС во која се опфатени 77 светски престолнини. Лос Анџелес е оценет како најдобар град во светот во смисла на куповната моќ со просечната плата на работниците, а неговите жители можат да си приуштат за четвртина повеќе од жителите на Њујорк, се вели во студијата која го користи Њујорк како основа за споредбата, пренесува агенцијата Ројтерс. Според факторите на куповна моќ, Цирих е на второто место, а Њујорк е десетти, додека Лондон 23. УБС, споредувајќи ги податоците за 11 најголеми градови, пресмета и кои од нив се најдобри за младите жители, односно нивната куповна моќ, која денес мораат да ја имаат, вклучувајќи Ајфон, лап-топ и претплата на Нетфликс. СПоред тој параметар, најскап е Хонг Конг. Пар кој за време на излегување оди на вечера, пие шише вино и гледа филм во кино, најмногу ќе плати во Токио, Њујорк и Стокхолм, а најевтино ќе помине во Прага, Мексико Сити и Рио де Женерио.

Во Цирих уапсени 127 криминалци, меѓу нив и лица од Македонија

Катерина Бојаџиева — Tue, 13 Mar 2018 10:18:01 +0000

Полицијата од швајцарскиот кантон Цирих спроведе акција за сузбивање на криминалот и приведе 127 лица, меѓу кои има државјани на Македонија, Србија, Косово, Грузија, Франција, Колумбија, Монголија, Полска, Романија и Сирија. Полицијата спроведе повеќе контроли, а меѓу уапсените се 24 осомничени провалници. Акцијата траела од октомври до февруари годинава, а за време на тој период е зголемен бројот на патроли во кантонот, како и контрола на возила, се наведува во соопштението од швајцарската полиција. Врз основа на контролите уапсени се 24 лица осомничени за провала, од кои 21 се предадени на надлежното обвинителство. Вкупно 55 лица се уапсени поради кршење на законот за странци или наркотици. Исто така, поднесени се и 180 пријави и изречени се многу казни.