циркулација – Kurir.mk

Една лажичка мед секое утро ги отстранува токсините од телото

Ивана Ефремовски — Thu, 23 Mar 2023 21:35:04 +0000

Повеќето луѓе се запознаени со здравствените придобивки од медот, секое домаќинство има барем една тегла, но што ќе постигнете ако ги следите упатствата на постарите и навистина земате по една кафена лажичка секое утро? Бидејќи се повеќе луѓе го исфрлаат белиот шеќер од нивната исхрана, популарноста на медот почна да расте. Нутриционистите советуваат да го додадете во овесната каша, но и во други здрави специјалитети. Тој е идеална алтернатива на шеќерот, а е сосема природен. Ако веќе не сте решиле да го вклучите во толкава мера во вашата исхрана, тогаш дефинитивно треба да размислувате за една кафена лажичка мед секој ден – оваа едноставна рутина има бројни придобивки за нашето тело. Редовното консумирање мед го зајакнува вашиот имунолошки систем, но ова е само едно од многуте корисни ефекти на оваа намирница. Медот ја подобрува циркулацијата и ја зајакнува силата на срцето и го подобрува срцевиот ритам. Покрај тоа, го подобрува варењето и регенерацијата на ткивата и ја поддржува регенерацијата на крвните елементи. Медот има антибактериско дејство, го подобрува исфрлањето на токсичните материи од организмот, а делува и против стресот.

Природен лек: Со оваа билка ослободете се од проширените вени

Ивана Ефремовски — Tue, 21 Jun 2022 18:52:00 +0000

Билките што се наоѓаат во природата можат да бидат спас за многу болести, а тоа досега многупати го потврдиле и историјата и науката. Најважно од се’ е што можеме и самите да се увериме во лековитоста која ни ја дава природата како наш најдобар пријател. Можеби сте слушнале, а можеби не, дека рузмаринот е одличен за проширени вени. Во себе содржи киселина која им помага на вените да се регенерираат и на тој начин се постигнува нивно природно јакнење. Рузмаринот делува добро на циркулацијата која е предуслов за лекување на проширени вени. И да ја немате веќе во својата кујна, оваа билка лесно може да ја набавите. Она што е интересно е и фактот што рузмаринот е честа состојка во многу природни креми кои се специјално наменети за лекување на вените. Од рузмаринот може да се прави чај кој со редовно консумирање помага доколу чувствувате грчеви во нозете, а од него се прават и облоги. Секако, доколку имате посериозни проблеми, прво консултирајте се со вашиот матичен лекар.

Храна за подобра циркулација

Ристе Здравков — Wed, 06 Feb 2019 11:09:05 +0000

Кога станува збор за доброто функционирање на нашето тело и здравје, циркулацијата е многу важна. Системот за циркулација во нашето тело е одговорен за пренесување на крв, кислород, хранливи состојки. Тој исто така е одговорен и за регулирање на телесната тежина и рН нивоата. Лошата циркулација настанува поради висок крвен притисок, пушење и лош начин на живот. Дополнително, лошата циркулација може да предизвика кршење на косата и ноктите, губење апетит, замор, болки во мускулите, дигестивни проблеми и тн. Воведувањето на храна која ќе помогне за подобрување на циркулацијата е многу важно за нашето здравје. Цвекло Овој црвен зеленчук е одличен за подобрување на циркулацијата и затоа многу спортисти го конзумираат како сок. Цвеклото е богато со нитрати кои го подобруваат крвотокот и ни даваат енергија. Црвен пипер Ако сакате зачини, тогаш ова е одличен избор за вас. Капсаицинот кој се наоѓа во црвениот пипер е одговорен за интересниот вкус на овој зачин, но и за релаксација на крвните садови, што придонесува за подобрување на крвотокот и низок крвен притисок. Цитрусно овошје Лимоните, грејпфрутот и портокалите се одлични за подобрување на циркулацијата поради витаминот Ц кој го содржат. Освен што го штитат телото од слободните радикали тие ги зајакнуваат капиларните ѕидови и ја подобруваат циркулацијата. Црно чоколадо Љубителите на чоколадо можат да престанат да имаат грижа на совест. Темното чоколадо е богато со 70% какао што го прави одлично за подобрување на циркулацијата. Тоа е богато со флавоноиди кои се познати како одлични поттикнувачи на циркулацијата.