цистерна – Kurir.mk

ВИДЕО: Цистерна со цемент експлодира во Белград

Ристе Здравков — Tue, 15 Aug 2023 09:09:38 +0000

„Во 8 часот и 45 минути се случила експлозија на резервоар за цемент на улицата Сабачка, Ѕвездара. Повредени нема, но оштетени се возила“, јавува Блиц. Во тој дел од градот сообраќајот е во прекин. На видеото што го објави РТС се гледа како целата улица е прекриена со цемент, автомобилите се затрупани со прав, а граѓаните си ги тресат обувките додека минуваат преку цементот.

Шест пожарникари ја гаснеа цистерната која се запали на патот Струмица – Радовиш

Ивона Петрова — Fri, 14 Jul 2023 12:02:07 +0000

Шест пожарникари со две противпожарни возила ја гаснеа цистерната што утрово се запали на регионалниот пат Струмица-Радовиш. РЦУК – Струмица соопшти дека во 9:18 часот настанал пожар на камион на кој му се дупнала гумата. Камионот превезувал 20 тони на нафта. Со пожарот бил зафатен задниот дел на камионот, кај гумата. Камионот се запалил на еден километар од селото Владиевци, на патниот правец Струмица - Радовиш. Од РЦУК – Струмица соопштија дека и четворица полицајци вршеле контрола на сообраќајот. Нафтата ќе биде префлена во друга цистерна и пренесена до крајната дестинација. - Благодарение на брзата интервенција пожарот е навремено локализиран и ликвидиран. Во случај на пожар или друга елементарна непогода повикај 193 – противпожарна единица, велат од Територијалната противпожарна единица – Струмица. Во период од 9:18 до 9:55 часот, патниот правец Струмица-Радовиш бил во целосен прекин.

Најмалку 19 загинати во експлозија на цистерна во тунел во Авганистан

Ивона Петрова — Sun, 18 Dec 2022 14:21:26 +0000

Најмалку 19 лица загинаа во експлозија на цистерна со гориво во тунелот Саланг во северен Авганистан, изјави денеска официјален претставник за ДПА. Повредени се 32 лица, а се стравува дека бројот на жртвите е поголем, додаде тој. – Телата на жртвите што ги видовме беа целосно изгорени, не беше јасно дали се деца, мажи или жени. Извадивме околу 12 тела, изјави очевидец за локалната телевизија TOLOnews. Портпаролот на Министерството за јавни работи Хамидулах Мусбах изјави дека инцидентот се случил во синоќа поради „технички проблеми“ и пожарот предизвикан од експлозијата потоа се проширил на возилата во близина. Според властите, пожарот е ставен под контрола по неколку часа, но тунелот што го поврзува северот на земјата со главниот град Кабул и понатаму е затворен за сообраќај.

ФОТО: Товарен воз се заби во цистерна

Ивона Петрова — Mon, 14 Nov 2022 08:25:22 +0000

Железничка несреќа се случила рано утринава во 2 часот во Хрватска. Товарен воз кој сообраќал на релација Ријека-Моравица, удрил во група паркирани вагони. Повредени во несреќата нема, а железничкиот сообраќај меѓу Ријека и Загреб е во прекин во двата правци.

Цистерна се преврте на скопска обиколница, сообраќајот пренасочен

Ивона Петрова — Fri, 18 Mar 2022 12:09:25 +0000

Цистерна се преврте на скопската обиколница во близина на исклучокот за Визбегово. Од МВР за Курир потврдуваат дека случајот кај нив е пријавен околу 12:30 часот, а полициски екипи се на терен. Сообраќајот во правец Скопје-Тетово на обиколницата е во прекин и истиот се пренасочува. Неофицијално, во цистерната немало возач.

Бројот на жртвите во експлозијата на цистерна на Хаити се искачи на 75: Луѓето се приближуваат да земат гориво

Магдалена Андонова — Thu, 16 Dec 2021 09:00:04 +0000

Бројот на загинати во експлозија на цистерна на Хаити се искачи на 75. Надлежните велат дека трагедијата е дотолку поголема бидејќи граѓаните се приближиле до превртената цистерна во очајна потрага по гориво. Спасувачите пронајдоа 61 тело на местото на несреќата што се случи во понеделникот вечерта, во градот на северот на Хаити, Кап-Хаитиан, а лекарот од главната болница на тој град изјавил дека уште 14 лица починале од изгореници и повреди. - Ни треба максимална помош што можеме да ја добиеме. Болницата не е навикната да има толку многу повредени – изјави директорот на болницата Жан Гарсија Сок, пренесе Ројтерс. Од експлозијата на цистерната се разнеле фасадите на неколку околни куќи и продавници, а уништени се и околните автомобили и мотоцикли на улицата. Очевидец за Ројтерс изјавил дека цистерната се превртела откако возачот се обидел да избегне судар со мотоциклист.

Експлодира цистерна на Хаити, над 50 лица загинаа (ВИДЕО)

Магдалена Андонова — Tue, 14 Dec 2021 13:51:39 +0000

Најмалку 54 лица загинаа при експлозија на цистерна што превезувала бензин во Кап Хиена, вториот по големина град на Хаити, соопштија властите на таа земја. Според податоците на Агенцијата за цивилна заштита, десетици се повредени и тие се во болница. Медицинските власти упатија јавен апел до граѓаните да дојдат и да даруваат крв за повредените. Премиерот на Хаити Ариел Анри се огласи на својот Твитер профил по повод оваа трагедија, јавува Си-Ен-Ен. - Со очај ја примив веста за експлозијата синоќа што се случи во Кап Хиена, во која загинаа десетици граѓани, а причинета е поголема материјална штета - напиша тој.

Se reportan alrededor de 40 muertos y varios heridos, luego de una explosión de un camión cisterna de combustible en la comuna de Cabo Haitiano, #Haití Ocurrió cuando pobladores trataban de saquear el camión, han informado las autoridades preliminarmente. pic.twitter.com/n5aHBbUGgg
— Scenarios Security Group (@scenariossg) December 14, 2021

Локалните власти соопштија дека спасувачките служби се на терен и дека прават се за да ги спасат граѓаните.

ЕКСПЛОДИРА ЦИСТЕРНА СО ГОРИВО- над 30 загинати и 17 повредени до овој момент, светот не памети ваква трагедија

Дарко Андоновски — Sat, 23 Jan 2021 18:50:14 +0000

Најмалку 30 лица загинаа, а 17 се повредени при експлозија на камион-цистерна за гориво, кој превезувал бензин во нигерискиот град Агбор. Според очевидец, експлозијата била предизвикана од истекување во цревото за дозирање. Се уште не е позната точната причина за инцидентот. По експлозијата избувнал пожар, при што се оштетени повеќе од 30 куќи во близина на бензиската станица. Исто така, целосно е уништена и плантажа со палми. Настраданите се здобиле со сериозни изгореници и биле пренесени в болница.

Цистерна се преврте кај Неготино

Дарко Андоновски — Tue, 16 Apr 2019 18:54:58 +0000

Цистерна полна со нафтени деривати пред малку се преврте кај Неготино. Возачот на цистерната не е повреден – вели за 1ТВ негов колега во телефонски разговор. Додава дека најверојатно причината е замор на возачот бидејќи на пат кон Грција тргнал вчера во 7 часот наутро, таму чекал да се наполни цистерната и веднаш тргнал кон Скопје. Во разговорот возачот вели дека имаат наредба од раководството да возат без одморот кој е предвиден со закон. 1ТВ побара одговор кај надлежно лице во компанијата. Одговорниот со кој стапивме во контакт кусо рекол дека не може да разговара вечерва и дека во текот на утрешниот ден ќе одговори на прашањата.

Превртена цистерна на патот Демир Капија-Смоквица, патот е затворен за сообраќај

Дарко Андоновски — Fri, 25 Jan 2019 17:53:28 +0000

На патниот правец Демир Капија-Смоквица вечерва се преврте камион цистерна, кој се излизгал на патот поради снегот и лошите услови на патот. Во моментов овој патен правец не е прооден за сообраќај. ФОТО: Република