цитати – Kurir.mk

ЈАЗИКОТ Е НАШАТА ТАТКОВИНА: Инспиративни цитати од великанот Блаже Конески кој почина на денешен ден во 1993 година

Катерина Бојаџиева — Tue, 07 Dec 2021 10:22:02 +0000

Декември е месец на Блаже Конески- тој беше роден на 19 декември 1921, а почина на 7 декември 1993. Училиштата и институциите кои го носат неговото име, во негова чест, патроните празници најчесто ги празнуваат на 19 декември, но не забораваат да го одбележат и овој значаен ден. Можеби и не постои позначајна личност за македонскиот литературен јазик, книжевноста, граматиката. Тој беше и поет и писател, професор, академик, филолог, книжевник, но и еден од кодификаторите на современиот македонски јазик, како и прв претседател на МАНУ. Конески активно работел стандардизирањето на македонскиот јазик и ја изработува граматиката на современиот македонски јазик. Го составил и правописот на македонскиот литературен јазик, а исто така бил уредник на „Речникот на македонскиот јазик“. Конески е основач на студиите по македонистика на Скопскиот универзитет. А во периодот од 1958 до 1963 бил ректор на универзитетот. Во 1967 станува член на Македонската академија на науките и уметностите (МАНУ) и е нејзин прв претседател (до 1975). Исто така бил член на Македонскиот ПЕН центар и еден од основачите на Друштвото на писателите на Македонија во 1947 година и негов прв претседател. Работел како уредник на литературните списанија „Нов ден“ и „Македонски јазик“, а бил и редовен соработник на списанието „Современост“. Ова се некои од најпознатите цитати на Конески: -Јазикот е нашата татковина. -Послушајте Макеоднци! Јазикот е единствената наша татковина. Се‘ додека го чуваме, го негуваме, го вардиме, го гледаме јазикот наш македонски- ќе може да сметаме дека ја имаме и татковината. Како куќа, како дом, како огниште. -Два конца парај од срцето драги, едниот црн е, а другиот црвен, едниот буди морничави траги, другиот копнеж и светол и стрвен. -Убавите жени, несреќните жени, тие брзо прецутувале, како цут од кајсија, како мајски јоргован. -Какви порази сме морале да издржиме, какви срамови, какви поруги. Боже, умот дури ми се свртува. -Не иди, зашто жалосна би била, и колку да те копнеам – се ледам. -Смирноста е мудра, страсноста е глупа. Ќе седнам во паркот на некоја клупа.

„Кога целиот свет ќе ни сврти грб, луѓето кои ќе останат покрај нас – тоа е нашето семејство“

Ивана Ефремовски — Mon, 26 Jul 2021 18:53:08 +0000

Не можеме да ги избираме своите браќа, сестри и родители. Со нив растеме, созреваме и од нив учиме. Тие се нашето најголемо богатство. Ова се неколку убави цитати за семејството: На крајот на денот, во семејството во кое има љубов, сѐ може да биде простено. Семејството е најважната работа на светот. Не постои ништо што може да нѐ изнервира, но и направи среќни како нашето семејство. Кога целиот свет ќе ни сврти грб, луѓето кои ќе останат покрај нас - тоа е нашето семејство. Сите среќни семејства наликуваат едно на друго. Сите несреќни семејства, се несреќни на свој начин. Што можеме да направиме за мир во светот? Да одиме дома и да го сакаме своето семејство. Ништо подобро не може да направи таткото за своите деца, освен тоа да ја сака нивната мајка. Домот е каде сме најсакани, а најлошо се однесуваме. Само жената може да создаде семејство. Но, и семејството да се распадне поради неа. Семејството е чудо на природата.

„Некои предизвикуваат среќа каде и да одат, некои кога си одат“ – цитати за среќата

Ивана Ефремовски — Wed, 17 Feb 2021 11:55:01 +0000

Среќа. Сите ја сакаме. Но, што е среќата? Дали навистина можеме да се договориме за тоа што е среќа? Секој човек различно гледа на среќата и нам различни работи не прават среќни. А кој може најубаво да пишува за среќата од генијалните книжевни умови? Луѓето кои со своите зборови не префрлаат во други светови и други времиња? Ова се неколку прекрасни цитати за среќата од некои од најпознатите и најдобрите писателски имиња. „Едната половина од светот не може да ги разбере задоволствата на другата половина.“ – Џејн Остин. „Задоволството од читање е удвоено кога човек живее со друга личност која ги споделува и сака истите книги.“ – Кетрин Менсфилд. „Среќата во овој свет, кога доаѓа, доаѓа случајно. Ако ја направите цел по која ќе трагате, тогаш ќе ловите во празно и никогаш нема да ја добиете. Почнете да следите друга цел и многу е можно да ја фатите среќата, без воопшто да сонуваме за неа.“ – Натаниел Хоторн. „Ако само престанеме да се обидуваме да бидеме среќни, ќе си поминуваме одлично.“ – Едит Вартон. „Среќа кај интелигентни луѓе е најреткото нешто што го познавам.“ – Ернест Хемингвеј. „Човек мора да помине толку многу години учејќи да биде среќен. Јас само што почнав да имам некој напредок во науката и се надевам дека ќе ја побијам теоријата на Јанг дека „само што ќе го најдеме клучот на животот, ќе ги отвориме вратите на смртта.“ Секој година ни одзема барем едно залудно очекување и не учи како да препознаеме некое добро на неговото место. Никогаш нема да верувам дека нашите најмлади денови се најсреќните. Каков мизерно потценување на прогресот на трката и дестинацијата на поединецот со тоа што се тврди дека позрелата и просветлената состојба е помалку среќна!“ – Џорџ Елиот. „Некои предизвикуваат среќа каде и да одат, некои кога си одат.“ – Оскар Вајд. „Ако повеќето од нас ја ценеа храната, песната и прославувањето повеќе од златото, ова ќе беше посреќен свет.“ – Џ.Р.Р. Толкин. „За секоја минута лутина, губите 60 секунди среќа.“ – Ралф Валдо Емерсон. „Никогаш нема да бидете среќни, ако постојано сте во потрага да дознаете од што се состои среќата. Никогаш нема да живеете, ако постојано ја барате смислата на животот.“ – Албер Ками. „Не постои ништо толку добро како длабоко земање воздух по непрекинато смеење. Нема ништо толку добро на овој свет како болки во стомакот заради сите правилни причини.“ – Стивен Чбоски. „Да бидеме благодарни на луѓето кои не прават среќни. Тие се како шармантни градинари кои прават нашата душа да цвета.“ – Марсел Пруст.

12 цитати на Фрида Кало кои даваат сила: На крајот од денот, можеме да издржиме многу повеќе одошто мислиме!

Магдалена Андонова — Mon, 14 Sep 2020 09:39:49 +0000

Фрида Кало била мексиканска сликарка која достигнала светска популарност со својот сликарски талент, но и со автентичниот изглед. Животот на легендарната уметница бил обележан од тешки и болни падови. На мали нозе заболела од детска парализа, поради што десната нога ѝ била потенка од левата. Во 1925 година доживеала сообраќајна несреќа во судар на автобус и трамвај, по што имала 32 операции и била врзана за кревет 4 месеца. Фаталната љубов кон неверниот сопруг Диего Ривера ѝ донела нова болка, која ескалирала со спонтан абортус. Фрида Кало поради својата издржливост важела за симбол на сила и трпение. Како таква, таа може да пример за секоја жена, бидејќи му покажала на светот за што сè е способна една жена, и физички и емоционално. Прочитајте некои од нејзините најубави цитати… „Ништо не е конечно. Сè се менува, сè се движи, сè полетува и одлетува.“ „На крајот од денот, можеме да издржиме многу повеќе одошто мислиме дека можеме да поднесеме.“ „Што ќе ми се стапала, кога имам крилја со кои летам.“ „Сликав автопортрети, бидејќи толку често сум сама, бидејќи јас сум личноста што најдобро ја познавам.“ „Преживеав две големи несреќи во животот. Една во која трамвајот ме направи таква каква што сум, а другата е Диего. Диего беше далеку полош.“ „Никогаш не ги сликам своите соништа или кошмари. Ја сликам својата реалност.“ „Се надевам дека излезот е радосен и се надевам дека никогаш нема да се вратам.“ „Јас не сум болна. Јас сум скршена, но сè додека можам да сликам, среќна сум што сум жива.“ „Ништо не е повредно од насмевката. Ти дава сила да се смееш и да се напуштиш себеси, да бидеш светлина. Трагедијата е најглупавото нешто.“ „Порано мислев дека сум најчудната личност на светот, но потоа помислив дека од толку луѓе на светот, мора да постои уште некој кој е ист како мено, кој се чувствува бизарно и дефектно на истиот начин како мене. Тогаш си ја замислував таа личност и си мислев дека и таа, таму некаде, исто така ме замислува мене. Се надевам дека ако си таму некаде и сега го читаш ова, знаеш дека сум овде и дека сум чудна, исто како тебе.“ „Сликам цвеќе за да не овене.“

„Кукавиците не се способни за љубов, љубовта е привилегија на храбрите”

Ивана Ефремовски — Mon, 18 May 2020 13:09:27 +0000

Љубовта е неисцрпна тема. Многу нешта се кажани за љубовта и тие остануваат забележани. Ова се некои од нив, оние кои продираат до самата суштина на човековите чувства и состојби. “Кукавиците не се способни за љубов, љубовта е привилегија на храбрите”. “Никој никогаш не измерил колку љубов може да поднесе срцето, па ни најголемите автори на љубовни песни”. “Единствено што не е нормално кај човековата природа е неспособноста за љубов”. “Знам што е љубов, благодарејќи ти на тебе”. “Кога би морала да кажам зошто го сакам, можам да кажам дека тоа е само поради тоа што тој е тој, а јас сум јас”. “Не сакам секому да бидам се, сакам само на некој да му бидам нешто”. “Она во што некогаш уживавме и што длабоко го сакавме, не може да го изгубиме, тоа останува засекогаш длабоко во нас”. “Во љубовта моето срце е само твое”. “Љубовта не е нешто дадено само од себе и не опстојува без оглед на се, на љубовта мора да се работи постојано и одново”. “Да ја пронајдеш љубовта не значи да најдеш некого со кого ќе живееш, љубовта подразбира да најдеш некого без кого неможеш да живееш”.

Моќни цитати: „Кој не ризикува, нема да добие“, „Мојот страв е тој кој ми дава највеќе храброст“…

Ивана Ефремовски — Thu, 26 Mar 2020 11:31:55 +0000

Храброста ни е потребна на сите, а многу често дозволуваме стравот да надвладее и да нѐ спречи во тоа што сакаме да го постигнеме. Но, не треба да биде така. Не треба да дозволуваме поради стравот да ги пропуштаме работите кои ги сакаме. Ова се неколку цитати за храброста, кои ќе ни помогнат да бидеме похрабри. Оној кој не е доволно храбар да ризикува, нема ништо да постигне во животот. – Мухамед Али Мојот страв е тој кој ми дава највеќе храброст. – Боб Марли Луѓето кои имаат карактер и храброст секогаш им се трн во око на оние другите. – Херман Хесе Моќта ни е дадена на сите. Треба само да ја најдеме храброста во себе и да тргнеме кон тоа што го сакаме. – Фјодор Достоевски Храброста им помага на ѕвездите. – Корејска поговорка Кој не ризикува, ништо нема да добие. – Наполеон Бонапарта Храбар е оној кој наместо да побегне, ќе остане на своето место и ќе се бори против непријателот. – Сократ Ги сакам оние кои се смеат во проблемите, кои наоѓаат сила во тешкотиите, и така стануваат похрабри. – Леондардо да Винчи Храброста која се бори е подобра од слабоста која трае. – Хегел Ако нешто навистина сакате, соберете храброст да вложите се што имате во тоа. – Бернард Френсис Светот им припаѓа на храбрите. – Карл Маркс Сите соништа можат да станат реалност, само ако имаме храброст да ги следиме. Храброста се наоѓа на неочекувани места. – Џ. Џ. Толкин

Најдобрите цитати за храброста: Луѓето кои имаат карактер и храброст секогаш им се трн во око на оние другите

Катерина Бојаџиева — Mon, 08 Apr 2019 17:35:46 +0000

Храброста ни е потребна на сите, а многу често дозволуваме стравот да надвладее и да нѐ спречи во тоа што сакаме да го постигнеме. Но, не треба да биде така. Не треба да дозволуваме поради стравот да ги пропуштаме работите кои ги сакаме. Ова се неколку цитати за храброста, кои ќе ни помогнат да бидеме похрабри. Оној кој не е доволно храбар да ризикува, нема ништо да постигне во животот. – Мухамед Али Мојот страв е тој кој ми дава највеќе храброст. – Боб Марли Луѓето кои имаат карактер и храброст секогаш им се трн во око на оние другите. – Херман Хесе Моќта ни е дадена на сите. Треба само да ја најдеме храброста во себе и да тргнеме кон тоа што го сакаме. – Фјодор Достоевски Храброста им помага на ѕвездите. – Корејска поговорка Кој не ризикува, ништо нема да добие. – Наполеон Бонапарта Храбар е оној кој наместо да побегне, ќе остане на своето место и ќе се бори против непријателот. – Сократ Ги сакам оние кои се смеат во проблемите, кои наоѓаат сила во тешкотиите, и така стануваат похрабри. – Леондардо да Винчи Храброста која се бори е подобра од слабоста која трае. – Хегел Ако нешто навистина сакате, соберете храброст да вложите се што имате во тоа. – Бернард Френсис Светот им припаѓа на храбрите. – Карл Маркс Сите соништа можат да станат реалност, само ако имаме храброст да ги следиме. Храброста се наоѓа на неочекувани места. – Џ. Џ. Толкин.

„Дали може да има друго место за еден Македонец, освен Македонија?“ – најубавите цитати на Гоце Делчев

Ристе Здравков — Mon, 04 Feb 2019 12:03:26 +0000

Денеска се одбележуваат 147 години од раѓањето на револуционерот Гоце Делчев, еден од најзначајните ликови во македонската историја кој уште пред еден век се борел за македонската кауза и зачувување на македонскиот народ и идентитет. Еве некои од неговите познати цитати: "Ослободувањето на Македонија се крие во внатрешното востание. Кој мисли инаку да се ослободи Македонија, тој се лаже и себеси и другите." "Јас го разбирам светот единствено како поле за културен натпревар меѓу народите" "...Дали може да има друго место за еден Македонец, освен Македонија? Дали има и народ понесреќен од македонскиот? И дали има некаде пошироко поле за работа, отколку во Македонија..." "Јас не познавам друг народ кој повеќе страдал од предавствата на своите синови - изроди како македонскиот".

Цитати за кармата што ќе ве потсетат дека сите го добиваат она што си го заслужиле

Катерина Бојаџиева — Fri, 14 Dec 2018 12:59:32 +0000

Тешко е постојано да се биде позитивен. Сите имаме лоши денови понекогаш. Без разлика дали сте ги заборавиле клучевите, сте задоцниле на работа или сте го пропуштиле автобусот, нормално е тоа што таквите работи влијаат на вашето расположение. Но, најважно е да не ја пренесувате негативната енергија на луѓето околу вас. Иако можете да влијаете на вашето однесување, не можете да го контролирате туѓото, така што можно е да се случи некој да го пренесе лошото расположение на вас. Неизбежно е тоа да налетате на намуртени и негативни луѓе. Во таков случај, најдобро е да не реагирате, туку да оставите кармата да се погрижи за нив. Ако некој ве истурка и ви го земе редот, ви се развика од неоправдани причини и слично, не дозволувајте тоа да ви го уништи денот. Останете смирени и верувајте во моќта на кармата. Доколку сте ја изгубиле вербата во нејзиното дејство, следниве цитати ќе ве потсетат на тоа дека сите го добиваат она што си го заслужиле… „Никогаш нема да станете толку големи одмаздници колку што е кармата.“ „Вистинското лице на луѓето ќе се покаже со текот на времето. Можеби ќе бидете измамени во моментот, но бидете трпеливи и почекајте да видите што ќе се случи.“ „Кармата е најдобриот проценувач на карактери.“ „Некои луѓе самите си ги создаваат бурите и потоа се лутат кога ќе им заврне.“ „Порано или подоцна, сите седнуваат на банкет од последици.“ „Единственото нешто што треба да го знаете за кругот е дека секогаш се врти.“ „Кармата е како ластик. Можете да го тегнете дотаму додека не ви се врати и не ве плесне по лицето.“ „Однесувањето на другите луѓе е нивна карма. Вашата реакција на него е ваша карма.“ „Кармата само си ги остри ноктите и си го довршува пијалакот. Ќе се појави за кратко.“ „Сѐ што правите ќе ви се врати назад.“ „Престанете да се нервирате поради лошите луѓе.“ „Само запомнете дека сите неволји што ќе ви ги предизвикаат другите луѓе, порано или подоцна ќе им се вратат.“ „Никогаш немојте да се каете поради тоа што сте биле добри со погрешни луѓе. Вашето однесување кажува сѐ за вас, а нивното кажува доволно за нив.“ „Автобусот под кој ќе ве фрли непријателот, ќе заврти и ќе го удри на тротоарот.“ „Кармата никогаш не губи адреси.“ „Ако треба да одбирате помеѓу тоа да бидете добри или да бидете во право, одберете ја добрината и никогаш нема да погрешите.“ „Будалите земаат нож и го забодуваат во грбовите на луѓето. Мудрите го земаат ножот, ги пресекуваат ланците и се ослободуваат од будалите.“ „Луѓето кои сами создаваат драма, си ја заслужуваат својата карма.“ „Луѓето кои користат други луѓе како скали за искачување, ќе изгубат рамнотежа еден ден.“

„Денес сè се купува и продава“: Прочитајте ги најдобрите цитати од драмите на Горан Стефановски

Ивана Ефремовски — Wed, 28 Nov 2018 21:30:55 +0000

Горан Стефановски беше еден од најзначајните писатели на македонска драма, чии драми ја отсликуваат самата срж на македонскиот живот и дух. Има напишано повеќе од 30 драми, сценарија за ТВ-филмови и серии, либрета и радио драми меѓу кои и „Дупло Дно“, „Чернодрински се враќа дома“, „Тетовирани души“, „Зодијак“, „Наши години“ итн. Од нив произлегле и овие култни реченици и цитати кои уште долго ќе се паметат. По неговата смрт, зад него остави цитати кои македонската јавност ќе ги помни заедно со споменот за Стефановски. Јаков: Затоа што сум жив. Вам ви е сеедно. Луѓето копнеат да умрат. Основците копнеат да станат гимназијалци, гимназијалците студенти, студентите да најдат работа, вработените да се оженат, оженетите копнеат по стан и да им пораснат децата за мирно да си се пензионираат, пензионерите копнеат по здравје, а сите копнеат да умрат и мртви копнеат да се родат за пак да се условно живи, во нов расчекор со себе. (Дупло Дно) Цибра: Иднината никако да дојде, минатото никако да си отиде, а ние овде глумиме сегашност. (Тетовирани души) Киро: Не ме боли га*от за народните права, ниту народот ги заслужува, ниту може да ги има, ниту ако ги добие ќе знае што да прави со нив. (Лет во место) Анастазија: Има помалку души одошто луѓе. Знаете ли тоа? Има повеќе тела одошто души. Па една душа опслужува повеќе тела. Душите се како кучиња. Сакаат да се блиску до господарот. А вам ви е гајле. Ги пуштате да гладуваат, да лутаат неспокојно. (Жив Човек) Никола: А што значи самоубиство? Нас не повика татковината. Јас зедов пушката и тргнав. Како и татко ми пред мене. Имам вера во Бога. Имам вера во власта. (Екс-ју) Денес сè се купува и продава. Дури и она кое луѓето мислат нема цена. Тоа обично е и најевтино. (Диво Месо) Јаков: Ѕидот во вашата глава. Одбивам да сум жив по инерција, да дишам на шкрги. Одбивам да чекам како јаре пред Ѓурѓовден, како свиња пред Божиќ. Одбивам да шетам со цревата во раце, да гледам како нестручно ме оперирате, сечете и шиете, како ми гнојат раните и да се прашувам колку ли ќе ме боли кога ќе дојдам на себе. Не сакам седативи. Не сум купче протплазма. Имам волја и разум и ја преземам одговорноста за својот живот. (Дупло Дно) Димитрија: Да знаев какви ќе излезете ќе ве из*ркав во чаша. Ебави младоста. Сè ќе запустите. Не признавате ни ѓавол ни бог. Немате ред ни во главите, ни во телата… (Диво Месо)