цивилни жртви – Kurir.mk

Рускиот министер за одбрана Шојгу: Намерно ја забавивме воената кампања во Украина за да ги намалиме цивилните жртви

Тале Кристо — Wed, 24 Aug 2022 09:08:35 +0000

Рускиот министер за одбрана Сергеј Шојгу денеска изјави дека Русија намерно ја забавила својата воена кампања во Украина, поради, како што вели, потребата да се намалат цивилните жртви. – Се прави сè што е можно за да се избегнат цивилни жртви. Се разбира, ова го успорува темпото на офанзивата, но ние го правиме тоа намерно, изјави Шојгу на состанокот во Узбекистан на министрите за одбрана од Шангајската организација за соработка. Руските трупи постигнаа мал напредок во последните месеци откако беа истиснати од Киев во првите недели од војната.

ОН: Бројот на цивилни жртви во Украина надмина 1.200

Ивона Петрова — Tue, 08 Mar 2022 06:11:39 +0000

Канцеларијата на Високиот комесаријат за човекови права на ОН соопшти од почетокот на руската инвазија врз Украина има повеќе од 1.200 цивилни жртви, од кои најмалку 406 загинати и 801 повреден. Повеќето од повредените се во регионите Доњецк и Луганск во источна Украина. Бројките се груба проценка и ОХЦХР нагласува реалните се веројатно значително повисоки. Високиот комесар на ОН за бегалци Филипо Гранди изминатиот викенд рече дека досега повеќе од 1,5 милиони луѓе ја напуштиле Украина. Тој нагласи тоа е „најбрзо растечката бегалска криза во Европа од Втората светска војна“.

Талибанците повикуваат на мирно решение на конфликтот во Украина: Изразуваат загриженост за опасноста од цивилни жртви

Тале Кристо — Sat, 26 Feb 2022 09:18:15 +0000

Авганистанските талибанци ги повикаа Русија и Украина да „покажат воздржаност“ и „кризата да ја решат преку дијалог и мирни средства“. Емиратот ги повика страните во конфликтот да ги спасат животите на авганистанските студенти и мигранти во Украина. -Исламскиот емират на Авганистан внимателно ја следи ситуацијата во Украина и изразува загриженост поради реалната опасност од цивилни жртви, се вели во соопштението на портпаролот на авганистанското Министерство за надворешни работи. Талибанците, кои ја имаат власта во Авганистан, веруваат дека двете страни треба да се воздржат од ставови кои можат да доведат до зголемено насилство. Се наведува дека Авганистан се придржува до позицијата на неутралност во надворешната политика. „Исламскиот емират, исто така, ги повикува страните во конфликтот да ги спасат животите на авганистанските студенти и мигранти во Украина“, се додава во соопштението.