црешево – Kurir.mk

Мицкоски и Стефковски денеска на увид во градежните активности во Црешево

Магдалена Андонова — Thu, 30 Jun 2022 07:51:27 +0000

Денес со почеток во 12:45 часот, претседателот на ВМРО-ДПМНЕ проф. д-р. Христијан Мицкоски заедно со градоначалникот на општина Гази Баба, Бобан Стефковски во рамките на активноста „Промените се случуваат, секогаш со народот“, ќе извршат увид во градежните активности во населеното место Црешово.

Угостителски објект работел по 21 часот- полицијата кога влегла внатре имала што да види, сите веднаш биле приведени

Дарко Андоновски — Thu, 04 Feb 2021 13:21:18 +0000

На 04.02.2021 година во 00.30 часот, по претходна пријава дека угостителски објект во село Црешево, скопско работи по 21,00 часот, од страна на полициски службеници извршена е контрола во угостителскиот објект, сопственост на Д.П.(56) од Куманово и констатирано е дека во локалот се наоѓаат осум лица на возраст од 22 до 65 години од Скопје, Куманово и Струмица. Лицата се приведени. По насоки на Јавен обвинител по целосно документирање на случајот, ќе биде поднесена пријава по член 206 од Кривичниот законик „Непостапување според здравствените прописи за време на епидемија“.

Поплавени куќи во Црешево и Стајковци по обилните врнежи во Скопје

Ивона Петрова — Sun, 06 May 2018 15:21:11 +0000

Во Бригадата за противпожарна заштита на град Скопје, по невремето со интензивен дожд и грмотевици што го зафати скопскиот и други региони во државава, досега пристигнале дојави за поплавени објекти во скопските села Црешево и Стајковци. - Противпожарни екипи се упатени за интервенција поради поплавени неколку куќи во Црешево и Стајковци, изјави за МИА Ѕвонко Томевски, командир на Бригата за противпожарна заштита на град Скопје. Невремето, во одредени делови од Скопје, предизвика проблеми и во одвивањето на сообраќајот, како и времени прекини на снабдувањето со електрична енергија. Според најавата од Управата за хидрометеоролошки работи (УХМР), поинтензивни врнежи за попладне се очекуваат во западните делови од земјата. Локално процесите ќе бидат поинтензивни во форма на невреме со можна појава на град. Во наредните денови продолжува периодот на променливо облачно време со повремен пороен дожд, грмежи и засилен ветер, особено во попладневните часови. Утре се уште локално ќе има услови процесите да бидат поинтензивни, а во вторник и во среда појавата на пороен дожд и грмежи ќе биде поретка и со послаб интензитет. МИА