црн биланс – Kurir.mk

Корона вирусот коси во Македонија – црн биланс со починати

Тале Кристо — Wed, 17 Feb 2021 10:26:23 +0000

Власта целосно потфрли со КОВИД пандемијата покажува статистиката на страницата на Ворлдометар. Кога станува збор за починати лица на милион жители споредбено со соседните земји, Македонија е прва, но кога станува збор за набавка на вакцини против КОВИД 19, Македонија е последна. Имено, според податоците, Република Македонија и понатаму е на врвот кога станува збор за број на починати на милион жители споредбено со земјите од соседството. Според бројките Македонија има 1441 починат на милион жители споредбено со Бугарија која има 38 помалку починати на милион жители или 1403. Со двојно помалку од Македонија починати на милион жители се Република Грција и Република Албанија, кои имаат 595, односно 550 починати на милион жители, додека пак Република Србија има скоро три пати помалку починати на милион жители споредбено со Македонија. Овие бројки ја отсликуваат реалноста со КОВИД 19 кој забрзано си го зема својот данок, но и неспособноста на власта и министерот за здравство Венко Филипче да се справи со спречување на ширење на болеста. Додека во соседните земји имунизацијата на населението започна уште пред нова година и веќе непречено се одвива, во Македонија дури денеска започна со вакцините на Фајзер кои пристигнаа од Србија. На самиот почеток, Грција обезбеди 26.090.000 дози, што одговара на вакцинирање на 15.450.000 граѓани, Република Албанија на почетокот обезбеди 500.000 или се вакцинирале 250.000граѓани, а процесот на имунизација на населението продолжи, односно како што информираат медиумите пред шест дена пристигнала трета доза на вакцини. Од друга страна пак, Србија која има најмал број на починати на милион жители, има најголем број на вакцинирани граѓани, а според информациите во јавноста Србија е прва земја во Европа по број на вакцинирани граѓани. Додека министерот за здравство на Бугарија Костадин Ангелов изјави дека Бугарија ќе нарача дополнителни три милиони вакцини, министерот Венко Филипче се фали со пристигнати 4630 вакцини кои ќе стигнат за едвај 2315 граѓани да се вакцинираат.

Оваа држава со нов црн рекорд- од Ковид-19 за еден ден заразени над 96.000 лица

Дарко Андоновски — Fri, 11 Sep 2020 08:00:49 +0000

Во Индија е забележан нов рекорден дневен пораст на бројот на лица заразени со коронавирус – 96.551 случаи, како што беше потврдено денеска. Бројот на лица заразени со вирусот во Индија расте побрзо отколку на кое било друго место во светот, а Соединетите Американски Држави се единствената земја што е потешко погодена од пандемијата. Бројот на смртни случаи од последиците од Ковид-19 остана релативно низок, но во последно време е забележан тренд на раст, со над илјада смртни случаи во последните десет дена.

Досега починале 76.271 лице од вирусот, а денеска се пријавени 1.209 смртни случаи. Во Индија, од почетокот на пандемијата со коронавирусот се заразени 4,5 милиони луѓе.

Нов црн биланс во Хрватска- денешната бројка на новозаразени руши секакви рекорди, доколку патувате таму ова мора да го имате на ум!

Дарко Андоновски — Wed, 26 Aug 2020 14:06:22 +0000

Во Хрватска денеска повторно е регистриран црн рекорд со 358 новозаразени лица со коронавирусот, објави Националниот штаб на прес-конференција. – Имаме 358 нови случаи. Активни се 2.352. Имаме вкупно 8.899 позитивни случаи. Добрата вест е што во изминатите 24 часа немаме нови случаи на починати лица, рече министерот за здравство Вили Берош. Тој додаде дека добиле нов предлог за мерки за неколку жаришта во Сплитско-Далматинската жупанија, два домови за стари лица, како и натпревари на кои не се почитуваат мерките.