црн чај – Kurir.mk

Црн чај и чај од ѓумбир против невообичаената надуеност во лето

Ивона Петрова — Thu, 29 Jun 2023 09:08:16 +0000

Летните горештини носат изгореници, топлотни удари, прекумерно потење, но се јавува и непријатната надуеност во цревата којашто честопати предизвикува болки. Според познавачите, постојат два напитоци што се од помош околу овој проблем, а се и прилично достапни. Како една од причините за надуеност во лето, се наведуваат ладните пијалаци. Сепак, британската нутриционистка Памела Мејсон од „Ти едвајзори панел“, специјализиран за чаеви, истакнува дека има и други фактори што влијаат на надуеноста на стомакот и телото. Таа наведува дека топлината предизвикува проширување на крвните садови и капиларите, што овозможува повеќе течност во меѓуклеточните простори меѓу органите и ткивата. Освен тоа, има некои истражувања коишто покажуваат дека потоплото време може да го промени односот на бактериите во цревата, што може да доведе до проблеми со варењето. Се наведува дека решение за оваа непријатна состојба е црниот чај и чајот од ѓумбир. Со пиење топол чај, вели Мејсон, флавоноидите можат да го намалат воспалението во цревата. Овие чаеви исто така ја регулираат микробиолошката мешавина во цревата, намалувајќи ги штетните бактерии и зголемувајќи го количеството корисни бактерии. Покрај тоа, стручњакот предлага да се јаде храна богата со растителни влакна, во спој со редовна физичка активност, за телото да се ослободи од надуеноста.

Ретко пиеме црн чај, а овие работи мора да ги знаеме за него

Ивана Ефремовски — Sun, 09 Apr 2023 15:18:10 +0000

Црниот, зелениот и белиот чај се приготвуваат од исто растение Camellia sinensis. За трите видови чај се избираат различни делови од растението, кои се берат во различно време од годината и се оставаат да ферментираат исто така различно. За белиот чај се собираат најмладите лисја од растението кои не се ферментираат. Зелениот чај се приготвува од сите делови на растението и нивната ферментација трае многу кратко. Црниот чај претрпува целосна ферментација. Црниот чај содржи големо количество витамини Ц и Е и е многу силен антиоксиданс. Тој се бори против стареењето и ако се пие и ако се применува директно на кожата. Можете да правите компреси со црн чај или пак да го миете лицето со истиот. Црниот чај го намалува нивото на кортизолот (хормонот на стресот) во крвта. Тоа го прави особено полезен за активните луѓе. Луѓето кои редовно консумираат црн чај стануваат адаптивни кон стресовите ситуации и нивниот мозок реагира умерено, без крајности. Поради истата причина полесно преминуваат кон процесот на релаксација. Црниот чај делува полезно и на функциите на дигестивниот тракт, го активира метаболизмот, ги ублажува стомачните и менструални болки. Црниот чај го нормализира пулсот и особено е ефикасен за луѓе со низок крвен притисок. Па затоа слободно можеме да кажеме дека чаша чрн чај е многу поздрав старт на денот од кафето.

Што треба да знаеме за црниот чај и зошто треба да го пиеме?

Ивана Ефремовски — Fri, 12 Jun 2020 14:30:04 +0000