црн дрим – Kurir.mk

Зголемен водостојот на Црн Дрим кај Ложани

Ивона Петрова — Thu, 05 Jan 2023 09:40:15 +0000

За 46 сантиметри е зголемен водостојот на реката Црн Дрим на мерното место кај Ложани во споредба со вчера, покажуваат резултатите од последните мерења направени од Управата за хидрометеоролошки работи (УХМР). Нивоата на другите реки се речиси исти со вчерашните и кај најголем дел од нив се пониски од просекот за јануари. Пониски од просечните се и водостоите на Охридското и на Преспанското Езеро и тоа за 14 снатиметри кај Охридското и за 1,85 метри кај Преспанското Езеро. За разлика од нив, нивото на Дојранското Езеро е за 2,53 метри повисоко од повеќегодишниот просек за овој период од годината.

Зголемен водостојот на реката Црн Дрим

Ивона Петрова — Thu, 29 Dec 2022 10:30:52 +0000

Зголемен е водостојот на реката Црн Дрим на мерното место кај Ложани. Вчера изнесувал 100 сантиметри, а денеска се измерени 129, додека на 115 е одредена просечната вредност за месец декември, покажаа најновите мерења на Управата за хидрометеоролошки работи. Зголемен водостој во однос на декемврискиот просек има и на реката Бабуна кај Богомила, како и на реката Струмица кај Сушево. Намалување на водостојот во однос на вчера има на реката Вардар кај Јегуновце, од 148 на 136 сантиметри, како и кај Скопје ЖМ, од 145 на 125 сантиметри. Сепак, водостојот на овие мерни места сѐ уште е над просекот за декември. УХМР бележи намалување на водостојот на реката Лепенец кај Влив, Вардар кај Демир Капија, Треска кај Македонски Брод, Пчиња кај Пелинце и кај Катлановска Бања, Крива Река кај Крива Паланка, Струмица кај Ново Село, Сатеска кај Ботун и на реката Радика кај Бошков мост. Водостоите на Дојранско, Охридско и Преспанско Езеро не се променети во споредба со вчерашниот ден и се во рамки на просекот за декември.

Експлозивна направа пронајдена во река во Струга

Ивана Ефремовски — Thu, 16 Sep 2021 12:24:22 +0000

На 15.09.2021 година во ОВР Струга пријавена е пронајдена експлозивна направа, во водите на реката Црни Дрим во Струга. По извршен увид, од претставник на Дирекцијата за заштита и спасување, констатирано е дека се работи за бомба од Првата светска војна која, е безбедно подигната.

Нивото на Црн Дрим пониско од јунскиот просек

Магдалена Андонова — Fri, 11 Jun 2021 08:40:05 +0000

За 64 саниметри е пониско нивото на Црн Дрим од јунскиот просек, покажуваат денешните мерења на Управата за хидрометеоролошки работи. Според податоците на УХРМ, повисок водостој во однос на просекот за јуни има Вардар и тоа за 21 саниметар кај Јегуновце и за 11 саниметри кај Демир Капија. Зголемен е водостојот и на реката Струмица за 20 сантиметри и на Пчиња за 15 сантиметри. (МИА)

Црн Дрим го шокираше МЗТ Скопје

Бошко Тасиќ — Fri, 07 May 2021 17:37:46 +0000

Екипата на МЗТ СКопје Аеродром приреди изненадување на своите навивачи и на гостински терен загуби кај Црн Дрим 90-88, со што во разигрувањето за титула ја одбра позицијата „четири“ и во плеј-офот ќе игра против Куманово. Кај домашните Стаменковиќ беше најдобар со 21 поен, пред Соколовиќ со 17 и Пантиќ со 15 поени. Бојиќ постигна 20 поени кај гостите, пред Гравет кој заврши со 18 поени, а трет стрелец беше Стојановски со 13 поени.

Надојдените Радика и Црн Дрим почнаа да го полнат Дебарско Езеро

Магдалена Андонова — Wed, 13 Jan 2021 14:15:08 +0000

Обилните и интензивни врнежи од дожд во дебарското сливно подрачје за повеќепати го зголемија водостојот на реките Радика и Црн Дрим. Тоа поволно се одразува и во зголемувањето на нивото на Дебарско Езеро, односно акумулацијата „Шпилје“. -По обилните врнежи од дожд, дотекот на вода во акумулацијата „Шпилје“ од река Радика изнесува околу 190 метри кубни во секунда, додека од реката Црн Дрим изнесува 36 метри кубни во секунда. Денеска котата на акумулацијата е 568,88 метри, што претставува исполнетост на акумулацијата од 36 проценти, велат за МИА од ЕСМ. Според истот извор, моментно во акумулацијата има вода за производство на околу 16 милиони киловат-часови електрична енергија, додека до максималната кота има простор од 11 метри и 12 сантиметри. Нормалното проектирано ниво на акумулацијата е 580 метри, а минималното 560 метри. Според надлежните во оваа област, поради конфигурацијата на теренот, нема опасност од поплави во ова подрачје доколку продолжи зголемувањето на водостоите. (МИА)

Урнебес: Црн Дрим го „украде“ Американецот на Вардар, па се менуваа кај Соборниот Храм (ВИДЕО)

Тале Кристо — Wed, 06 Jan 2021 16:35:53 +0000

Ретко видена ситуацијата. Денеска и Вардар и Црн Дрим на скопскиот аеродром ги чекаа своите засилувања, станува збор за кошаркари кои доаѓаат од САД. Прв пристигнал Американецот на Вардар, Дикембе Диксон, но го пречекале стружани, мислејќи дека е нивниот член. Дошло до недоразбирање, па наместо да заминат со вистинскиот кошаркар, тие тргнале на пат кон Струга со засилувањето на Вардар. На голема среќа од таборот на „црвено-црните“ брзо реагирале, на аеродром го собрале новиот член на Волтер Мекбрајт и се договориле со стружани да направат замена кај Соборниот Храм. Диксон има 24 години и игра на крилната позиција, бил дел од Универзитетот Илиноис, последно настапувал во бразилскиот шампионат. Што се однесува до Мекбрајт, игра на бековската позиција и исто има 24 години. Бил дел од Универзитетот Ксавиер. Вардар и Црна Дрим во новата сезона забележаа по една победа, скопскиот клуб се наоѓа на деветото место со скор од една победа и пет порази, додека стружани се позиција погоре, имаат и меч повеќе. Во продолжение на Првата лига, целта е јасна, да се подобри сликата. Извор: Спортмедиа.мк

Драстично намалено нивото на Црн Дрим

Магдалена Андонова — Tue, 20 Oct 2020 09:06:26 +0000

Седум пати под просекот за октомври е нивото на Црн Дрим кај Ложани, покажуваат денешните хидролошки мерења. Според УХМР, намалени се и нивоата на Вардар кај Велес и Јегуновце, на Струмица кај Ново Село, на Треска кај Македонски Брод, на Лепенец кај Скопје и на Сатеска кај Ботун. Состојбата кај езерата, Охридското, Прспанското и Дојранското, се без поголеми промени. (МИА)

Нивото на Црн Дрим намалено за 61 сантиметар

Ивона Петрова — Thu, 09 Jul 2020 08:52:12 +0000

Водостојот на Црн Дрим денеска е намален за 61 сантиметар во однос на вчера, покажуваат денешните мерења направени од Управата за хидрометеролошки работи. Според овие мерења, нивото на Црн Дрим денеска е 63 сантиметри за разлика од вчера кога изнесувало 124 сантиметри. Пад на нивото има и кај Вардар и тоа од 12 сантиметри кај Демир Капија и од 10 сантиметри кај Јегуновце. За 10 сантиметри е зголеменото нивото на Вардар кај Велес. Непроменето е нивото на реките Струмица и Радика. Кај езерата нема промени. Под просекот за јули се нивоата на Охридското и Преспанското Езеро, а над нивото на Дојранското Езеро. Мерењата на УХРМ покажуваат дека температурата на водата во Охридското Езеро е 20 степени, на Преспанското 18, а на Дојранското Езеро 25,2 степени.

Нивото на Црн Дим пет пати пониско од просекот

Ивона Петрова — Thu, 24 Oct 2019 08:34:41 +0000

Речиси пет пати пониско од просекот за октомври е нивото на Црн Дим кај Ложани, покажуваат денешните хидролошки мерења. Преполовени се и нивоата на Треска кај Македонски Брод, на Сатеска кај Ботун, на Црна кај Р.Б.Мост, на Струмица кај Ново Село, на Пчиња кај Пелинце и на Лепенец кај Скопје. Нешто над просекот се Вардар кај Скопје, како и на Пчиња кај Катлановска Бања. Нивоата на езерата, Охридското, Преспанското и Дојранското, се во рамки на октомврискиот просек.