На Путин му е одземен црниот појас во таеквондо

Ивона Петрова — Tue, 01 Mar 2022 11:25:41 +0000

На рускиот претседател Владимир Путин му е одземен почесниот црн појас во таеквондо поради нападот на Украина, објави Светската таекводндо федерација. Таеквондо федерацијата со седиште во Сеул, се повикува на своето мото „Мирот е подрагоцен од триумфот“, и ја осудува воената акција во Украина. Се наведува дека „бруталниот напад на невини животи“ претставува нарушување на спортските вредности на почит и толеранција. -Согласно ова, Светската таеквондо федерација одлучи да му го одземе почесниот црн појас 9 дан кој на господинот Владимир Путин му е доделен во ноевмри 2013 година, стои во соопштението на управниот одбор на федерацијата.

World Taekwondo strongly condemns the brutal attacks on innocent lives in Ukraine, which go against the World Taekwondo vision of “Peace is More Precious than Triumph” and the World Taekwondo values of respect and tolerance.#PeaceIsMorePreciousThanTriumph https://t.co/nVTdxDdl2I
— World Taekwondo (@worldtaekwondo) February 28, 2022

Награда почесен црн појас 1 дан од Џудо федерацијата на Македонија за јапонската амбасадорка

Ивона Петрова — Wed, 07 Oct 2020 09:25:11 +0000

Џудо федерацијата на Македонија на јапонската амбасадорка Кеико Ханеда и додели награда почесен црн појас 1 дан. -Признанието се доделува за 4-годишната посветеност на амбасадорката за развивање и ангажираност на џудо спортот во Македонија. Во име на федерацијата плакетата и црниот појас со посвета ја предадоа делегација предводена од претседателот Владимир Трпаноски и потпретседателот Горан Антевски, соопштија од федерацијата. Амбасадорката Кеико Ханеда изрази голема благодарност за признанието и се заложи во иднина, како почесен член на џудото во Македонија да продолжи со активностите за соработка на џудо спортистите од Македонија и Јапонија. Истакна дека во изминатите години во нејзиниот ангажман секогаш го поддржувала секој спорт кој ќе го развива духот и здравјето на секој граѓанин. Исто така изрази огромно задоволство за можниот настап на македонските џудисти на претстојните Олимписки игри во Токио и можноста за негово омасовување и развој во наредниот период. Јапонската амбасада и во наредниот период ќе продолжи со помош и развој на овој благороден спорт преку материјална поддршка во опрема и можност за обука на џудоки во Јапонија.

црн појас – Kurir.mk

На Путин му е одземен црниот појас во таеквондо

Награда почесен црн појас 1 дан од Џудо федерацијата на Македонија за јапонската амбасадорка