црна кутија – Kurir.mk

Пронајдена е една црна кутија од Боинг 737 кој се урна во Кина

Магдалена Андонова — Wed, 23 Mar 2022 09:57:20 +0000

Една од двете црни кутии на кинескиот авион што се урна во понеделникот е пронајдена во тешко оштетена состојба, соопштија истражителите. Снимачот е толку оштетен што истражителите не можат да кажат дали се работи за рекордер на податоци за летот или за диктафон во пилотската кабина, пишува Скај Њуз. Да потсетиме, Боингот 737-800 со 132 патници и членови на екипажот патувал од Кинминг кон Гуангжу, кога се урна во планините Гуангкси.Кина објави дека нема преживеани во авионската несреќа.

Задолжителна црна кутија во автомобилите во ЕУ

Ивона Петрова — Mon, 21 Jun 2021 05:49:28 +0000

Од следната година, во сите нови автомобили во ЕУ ќе биде обврзна црна кутија, а од 2024 година ќе ја имаат сите возила регистрирани за првпат. Црна кутија е уред што треба да открие до најмалите детали се што се случило во секундите пред сообраќајната несреќа. Таканаречената црна кутија бележи дури 41 податок што помага при експертиза. Црната кутија во автомобилската индустрија не е нова, некои нови возила веќе ја имаат. Обично се наоѓа помеѓу возачкото и совозачкото седиште во модулот за воздушни перничиња.

Пронајдена една од црните кутии на урнатиот индонезиски авион

Тале Кристо — Tue, 12 Jan 2021 13:35:10 +0000

Индонезискиот тим за потрага пронајде една од двете црни кутии, на авион на компанијата „Сривиџаја ер“, што се урна пред три дена во Јаванско Море, при што загинаа 62 патници и членови на екипажот. Се уште е непознато дали се пронајдени снимачот на глас во кокпитот или снимачот на податоци за летот. Авиононт во саботата полета од Џакарта кон градот Понтијак на островот Борнео и за кратко време исчезна од радарите.

Пронајдена црната кутија од паднатиот авион во Украина

Магдалена Андонова — Sat, 26 Sep 2020 13:15:20 +0000

По падот на воен авион во Украина со десетици загинати, пронајдена е црната кутија. Воени експерти го истражуваат и местото на несреќата за да ги откријат причините за неа. Авионот од типот Антонов АН-26 кој се урна во Украина, бил на обучувачки лет и во него се наоѓале офицери и кадети на украинската воена авијација. Местото на падот, во регионот Харков, е во близина на руската граница, но не во воената област во источна Украина. Првично две лица го преживеале падот, со тешки повреди, но подоцна едниот починал во болница. Во авионот се наоѓале 27 лица, од кои 7 членови на екипажот и 20 студенти на Универзитетот на воената авијација. Воени експерти ја истражуваат локацијата каде се урна авионот заради разјаснување на причините за несреќата. Црната кутија се наоѓала во авионоти таа е пронајдена. Според досегашните сознанија, дошло до прекин на работата на сензорите на авионот во левиот мотор. Тој инаку бил произведен во 1977 година и бил користен за транзитни летови. На фотографии на социјалните мрежи непосредно по падот, се гледа трупот на авионот во пламен. Наскоро се појавија и видеа со изгаснати делови од опожарената машина расфрлани во ненаселена област. Дел од луѓето се јагленосани во огнот, што ја отежнува нивната идентификација.

Украинскиот претседател Зеленски на местото на катастрофата

Украинскиот претседател Владимир Зеленски денеска го посети местото на трагедијата. Генералното обвинителство и истражна комисија веќе поведоа предистрага. Зеленски најави формирање посебна истражна комисија која ќе го води случајот. Освен тоа, претседателот побарал информации за вкупната техничка состојба на украинската воена авијација. Голем дел од опремата во украинската војска е застарен. Најновата несреќа е тежок удар за украинската армија, чии припадници се борат во кризниот регион, околу 250 километри оддалечен од неа, против проруските сепаратисти. Од 2014 година наваму, според проценките на ОН, во конфликтот се убиени преку 13.000 лица. Украина и од Русија поддржуваните сепаратисти се обвинуваат меѓусебно за непридржување кон мировниот план.

Црната кутија од украинскиот авион останува во Иран

Дарко Андоновски — Wed, 19 Feb 2020 14:16:28 +0000

Црната кутија од украинскиот патнички авион што иранската противвоздушна одбрана го урна по грешка во јануари годинава, Иран нема намера да ја предаде на ниту една друга земја и покрај надворешните притисоци, соопшти официјален Техеран. Канадскиот премиер Џастин Трудо минатата недела изјави дека е „импресиониран“ од изјавата на иранскиот министер за надворешни работи Мухамед Џавад Зариф дека мора да се заврши до крај целосна и комплетна истрага за трагичната несреќа. Најголем број настрадани патници од украинскиот авион беа Канаѓани и Иранци со двојно државјанство кое Иран не го признава. – Имаме право сами да ја анализираме црната кутија и да ги контролираме сите истражни постапки, нагласи Зариф. Во меѓувреме, иранскиот министер за одбрана Амир Хатами изјави дека кутијата претрпела „сериозни оштетувања“ и дека од стручњаците од воениот комплекс е побарано да се оспособи за анализа на податоците за летот на украинскиот авион. Сите 175 патници и членови на екипажот загинаа кога противвоздушната одбрана на елитната Револуционерна гарда на Иран по грешка истрела ракета земја-воздух на тој патнички авион, претпоставувајќи дека станува збор за непријателски авион. Иранскиот министер за надворешни работи Зариф тврди дека Иран, сепак, е во контакт со други земји во врска со истрагата, особено со Украина.

Силни морски струи оневозможуваат пронаоѓање на црната кутија од индонезискиот авион

Ивона Петрова — Wed, 31 Oct 2018 16:18:24 +0000

Индонезиските спасувачи и проноѓачи имаат „силни индиции“ дека регистрираниот подводен звук доаѓа од црната кутија на авионот „Лајон Ер“, кој завчера се урна со 189 патници и членови на екипажот, соопштија денеска воените власти. Началникот на војската Хади Тјахјанто изјави дека нуркачите веќе заминале да ја проверат локацијата, но дека во тоа им пречат силните морски струи. – Се надеваме дека ноќеска ќе можеме да фрлиме сидро и да спуштиме подводно возило со далечински управувач. Сигурен сум дека ќе ја најдеме црната кутија, имајќи ги предвид силните индиции и недалеку од таму трупот на авионот, рече Тјахјанто. Директорот на индонезиската Агенција за спасување и потрага Мухамед Сјауги наведе дека на дното од морето се забележани остатоци од авионот и предмети на патниците. МИА

Пронајдена црната кутија на урнатиот руски авион

Ивона Петрова — Mon, 12 Feb 2018 09:33:25 +0000

Спасувачките екипи ја пронајдоа црната кутија на авионот Ан-148, кој вчера се урна во подрачје југоисточно од Москва, информира шефот на регионалниот директорат на руското Министерство за вонредни ситуации Сергеј Полетјкин. - Црната кутија со параметрите на летот е пронајдена во 18-от сектор од операцијата за пребарување. Меѓудржавниот воздухополовен комитет (ИАК) работи на потврдување и идентификација на уредот, рече Полетјкин. Авион на руската компанија „Саратов ерлајнс“, во кој имало 65 патници и шест членови на екипаж, вчера се урна југоисточно од Москва. Авионот летал кон Орск, град што се наоѓа во близина на границата меѓу Казахстан и Русија.