ДЕСЕРТ КОЈ ГО ШТИТИ СРЦЕТО И ГО ЗАБРЗУВА МЕТАБОЛИЗМОТ! Консумирајте го во ограничени количини

Ристе Здравков — Fri, 19 May 2023 07:40:00 +0000

Темното чоколадо е сојузник на доброто здравје, го намалува воспалението, го регулира крвниот притисок и штити од кардиоваскуларни болести. Темното чоколадо се смета за здраво задоволство, со 70 или повеќе проценти какао, богато е со растителни соединенија наречени флавоноиди и флаваноли, кои го намалуваат ризикот од срцеви заболувања. Многу истражувања веќе покажале дека темното чоколадо спаѓа во групата на здрави намирници кои имаат и одредени здравствени придобивки. Една студија објавена во научно списание покажала дека исто така може да поттикне губење на тежината. Покрај тоа, сировото какао е полно со флаваноли, растителни соединенија за кои се верува дека ја подобруваат циркулацијата, го намалуваат крвниот притисок и воспалението и го намалуваат нивото на холестерол. Флаванолите исто така можат да ве заштитат од оксидативен стрес и други оштетувања на клетките. Нутриционистите напоменуваат дека какаото е богато со калиум, кој помага во регулирањето на крвниот притисок и магнезиум, кој е клучен за правилното функционирање на сите мускули, вклучувајќи го и срцето. Го храни мозокот Студијата објавена минатата година покажала дека здравите возрасни лица кои консумирале какао богато со флаваноли, исто така, биле подобри во решавањето на различни проблематични задачи бидејќи, како што тврдат научниците, какаото реагира така што го зголемува протокот на крв во мозокот.

Ова не сте го знаеле за црното чоколадо: Делува слично како канабисот и го намалува ризикот од депресија

Катерина Бојаџиева — Sat, 03 Aug 2019 16:14:35 +0000

Луѓето кои јадат црно чоколадо се помалку депресивни од другите, покажуваат резултатите од истражувањето спроведено во Канада. Со истражувањето биле испитани над 13.000 луѓе при што е утврдено дека лицата кои јаделе црно чоколадо имале помалку проблеми со депресијата. Додека лицата кои јаделе млечно или бело чоколадо немала таков резултат. Испитаниците кои јаделе црно чоколадо подолго од два дена имале за 70 отсто помали шанси да добијат симптоми на депресија. Додека лицата кои конзумирале какво било чоколадо имале за 58 отсто помалку изразени симптоми на депресија во споредба со тие што воопшто не јаделе чоколадо. Чоколадото содржи прилично психоактивни состојки, меѓу кои и два вида анандамин, кои предизвикуваат еуфорија слична како и канабисот. Црното чоколадо содржи и голем број антиоксиданси кои ги намалуваат инфламаторни процеси во телото, за кои голем број научници веруваат дека ја предизвикуваат депресијата. Чоколадото содржи и фенилетиламин, неуромодулатор за кој се претпоставува дека е важен регулацијата на расположението. Истражувањето покажало дека ризикот од депресија се зголемува и со пушењето цигари. Над 300 милиони луѓе во светот страдаат од депресија. Дополнително треба да се утврди дали црното чоколадо штити од депресија или го намалува ефектот на депресија кај конзументите.

црно чоколадо – Kurir.mk

ДЕСЕРТ КОЈ ГО ШТИТИ СРЦЕТО И ГО ЗАБРЗУВА МЕТАБОЛИЗМОТ! Консумирајте го во ограничени количини

Ова не сте го знаеле за црното чоколадо: Делува слично како канабисот и го намалува ризикот од депресија