црногорци – Kurir.mk

Анкета: Мнозинството Црногорци го поддржуваат членството на земјата во ЕУ

Тале Кристо — Thu, 22 Dec 2022 11:16:28 +0000

Вкупно 75 отсто од Црногорците го поддржуваат членството на Црна Гора во ЕУ, додека 13 отсто се против, а 12 отсто немаат мислење за ова прашање, покажуваат резултатите од студијата на Центарот за демократија и човекови права (ЦЕДЕМ), цитирани од агенцијата МИНА. Според Андреа Мичановиќ од организацијата, доколку се одржи референдум за членство на Црна Гора во ЕУ, 85 отсто од граѓаните би гласале „за“, што покажува дека политичките превирања во земјата не се одразиле негативно на консензусот во кој правец треба да оди земјата. Центарот за демократија и човекови права вчера во Подгорица пред медиумите ги презентираше резултатите од истражувањето. Црна Гора ги започна преговорите за пристапување во ЕУ во 2012 година. Според резултатите од истражувањето, 44 отсто од испитаниците имаат позитивно мислење за членството на Црна Гора во НАТО, 40 отсто од нив имаат спротивно мислење, а 16 немаат мислење за ова прашање. Граѓаните имаат најголема доверба во образовниот систем (62 отсто), полицијата (55 отсто), Делегацијата на ЕУ (54,6 отсто) и Српската православна црква (54 отсто). Доколку следната недела се одржат парламентарни избори, Демократската партија на социјалистите (ДПС) на претседателот Мило Ѓукановиќ ќе освои 27,7 отсто од гласовите, а „Европа сега“ – 15,2 отсто. Анкетата покажа дека 31,8 отсто од граѓаните предвремените избори ги гледаат како решение за политичката криза, а 21,4 отсто сметаат дека решението е во организирање на парламентарните избори истовремено со претседателските избори во мај.

Младите во Србија најпозитивни кон Црногорците и Македонците, најнегативни кон Албанците

Магдалена Андонова — Wed, 03 Aug 2022 11:30:35 +0000

Младите во Србија имаат најпозитивен однос кон припадниците на црногорската и македонската националност, а најнегативен однос кон албанската, покажа овогодинешниот Алтернативен извештај за положбата и потребите на младите во Србија, јави дописникот на МИА од Белград. -На скалата од еден до четири, со тоа што еден значи „секогаш имавме блиски и пријателски односи со нив“, два – „граѓанин како сите други“, три „не ми пречат, но јас не би се дружел со нив“, а четири „не ги сакам“ – Црногорците и Македонците добија највисоки оценки, соопши Главната организација на српската младина (КОМС). Во групата пријателски националности на територијата на Србија и околината, Црногорците добија вкупна оценка од 1,68, веднаш следат Македонците со 1,75, па Бошњаците со оценка 1,82, Унгарците 1,94 и Романците со 1,95. Оценката дека се „граѓани како и сите други“ од младите во Србија им е дадена на Хрватите со 2,04 и Бугарите со 2,09, а Албанците се најлошо оценети. -Со оценката од 2,52 говори дека тие не се во категоријата со која младите не би се дружеле, а народи кои младите „не ги сакаат“ според ова истражување нема во соседството на Србија, сооштија од КОМС. (МИА)

Дачиќ: Треба ли Црногорците во Србија, који ја подржуваат Подгорица и понатаму да имаат српско државјанство

Тале Кристо — Sun, 05 Jan 2020 13:02:40 +0000

Шефот на српската дипломатија Ивица Дачиќ по повод новогодишните настани околу црногорскиот Закон за верски слободи и заострувањето на односите меѓу двете држави изјави дека „Србија нè ја интересира државниот и правниот статус на Црна Гора, туку е заинтересирана за правата на Србите, кои според последниот попис во Црна Гора ги има 30 проценти“. Дачиќ, гостувајќи на Дневникот на РТС, кажа дека не може да се спореди позицијата на Србите во Црна Гора и на Црногорците во Србија, кои, како што рече, „владееа со Србија, иако беа само 0,5 проценти“, повикувајќи ги притоа Црногорците кои живеат во Србија да се изјаснат за ова прашање. -Оној што стекнал сè во Србија има обврска да не молчи за ова прашање, а оние кои го поддржуваат црногорскиот режим по ова прашање на борбата против српскиот народ, мислам дека големото прашање е дали тие сè уште треба да имаат српско државјанство, кажа Дачиќ. Министерот за надворешни работи го повика „црногорскиот режим да разговара со своите граѓани за Закон за верски слободи, оценувајќи дека кризата „не се појавила во Србија, туку во Црна Гора“, дека дијалогот е единственото решение и дека Србија постојано повикува на разговори, но дека црногорските власти го отфрлаат тој дијалог. Според Дачиќ, „режимот во Црна Гора собира поени за продолжување на антисрпската политика“ и продолжува да ја обвинува Србија за мешање во внатрешните работи на Црна Гора, иако „никој со години нема кажано ништо против независноста на Црна Гора“. Тој додаде дека режимот сака да обезбеди нова победа на изборите, така што ваквото однесување во анти-српскиот блок им носи поени, но и во еден дел од меѓународната заедница, затоа што тие се против Русија, Србија и наводната големосрпска политика. Според Дачиќ, „тоа е минато време и ова е голема неправда затоа што Србите и Црногорците отсекогаш биле заедно и никогаш не биле во судир“. За реагирањето на американската амбасада во Црна Гора на настаните во Белград, Дачиќ рече дека никаде се нема ова случено „затоа што САД имаат амбасада во Србија која можеше да реагира, а амбасадорката во Подгорица можеше да го преиспита кршењето на верските слободи“. -Владејачката Демократска партија на социјалистите (ДПС) вели дека претседателот Александар Вучиќ се меша во внатрешните работи на Црна Гора, а ДПС се вмеша во внатрешните работи на Србија, зборувајќи за независно Косово, кажа Дачиќ

ХИТ ФОТО: Црногорците и одговорија на германската телевизија која направи прилог за балканците во тренерки

Дарко Андоновски — Mon, 15 Jan 2018 18:29:04 +0000

Откако германската телевизија NDR со седиште во Хамбург објави прилог за љубовта на Балканците кон тренерките, Црногорците не им останаа должни. Во прилогот „Големо враќање на тренерките“, во кој се алудира на големиот тренд од деведесеттите години да се носат тренерки во секоја пригода, Црногорците враќаат саркастично со фотографии од Германци во бермуди и сандалки со чорапи, а и со фото од Мона Лиза со горна тренерка, погледнете.