цртање – Kurir.mk

Во чест на починатите од коронавирус, активисти на ѕид во Лондон цртаат 150.000 срца

Тале Кристо — Mon, 29 Mar 2021 18:44:46 +0000

На ѕидот наспроти британскиот Парламент активисти почнаа да цртат 150.000 срца во спомен на умрените од Ковид-19, но и како своевидна помош за семејствата на жртвите од пандемијата на коронавирусот. Муралот треба да се протега стотици метри долж јужниот брег на реката Темза пред болницата Свети Тома, каде премиерот Борис Џонсон минатата година беше сместен на Одделението за интензивна нега кога сериозно се разболе од Ковид-19. Акцијата е организирана од групата „Covid-19 Bereaved Families For Justice UK“, која бара јавна истрага за пристапот на владата кон пандемијата. -Секое срце е насликано рачно и е уникатно, како и најблиските што ги изгубивме, изјави Мет Фаулер, еден од основачите на групата. Британската Влада вети дека кога пандемијата ќе заврши ќе изгради споменик за жртвите на коронавирусот.

Не е безначајно: Тоа што вообичаено го цртате на хартија открива нешто за вашата личност

Ивана Ефремовски — Sat, 03 Oct 2020 20:45:19 +0000

За време на здодевни состаноци, кога зборувате на телефон или додека отсутно размислувате со празен лист хартија пред вас, сигурно имате обичај да цртате коцки, квадрати, ѕвездички или нешто слично. Погледнете каква личност сте во зависност од ваквата ваша навика. Андреја Мекникол е познат американски графолог и автор на книгата „Handwriting Analysis: Putting It to Work for You“, чии совети често се користат во судски случаи. Таа одлучила да нè информира за значењето на најкласичните чкртаници кои откриваат некои заеднички карактеристики за карактерот на луѓето. Квадрати – Личност која сака да биде конструктивна, делотворна, од помош, корисна, практична и позитивна. Коцки – Личност која е во состојба да ги погледне и да им пријде на проблемите од сите можни страни. Триаголници – Откриваат логичен и рационален ум, личност која сака да ги завршува работите до крај. Линии без смисла – Ако вашите цртежи најчесто се состојат од линии кои не се поврзани или не чинат некој препознатлив облик, тогаш вие веројатно се чувствувате како да немате доволно стабилна потпора во вашиот живот, а можеби причина за ова е фактот дека сте биле изневерени. Ѕвездички – Надеж, поглед нанапред и оптимизам. Кругови – Ако целите вашите кругови да се секогаш правилни, тогаш вие сте пасивна личност, но исто така многу поврзана за друштвото, односно имате потреба да се дружите со зборлести луѓе кои се флексибилни и имаат потреба да им се допаѓаат на другите. Срценца – Личност која мисли на љубовта. Цветови – Ја претставуваат женствената страна на личноста, како и желбата за развој, природа и проширување на семејството. Лица – Најчесто лицето кое го цртате ја опишува состојбата на вашата свест. Затоа, од вас зависи дали ќе нацртате насмеано или натажено лице. Ненацртаните делови симболизираат чувство на губиток или недостаток од нешто. Дрво – Го претставува нашето его и нашата амбиција. Обрнете внимание на гранките: ако се голи и свиени кон дното, тоа означува депресија и недостаток на борбеност. Стрелки – Ве води желбата, амбицијата и мотивацијата за успех.

Ова мало девојче ќе ве освои: Има само 2 години, а заработува илјадници долари (ВИДЕО)

Ивана Ефремовски — Fri, 10 May 2019 07:56:12 +0000

И натаму носи пелени, а веќе заработува сериозни суми и тоа од цртање. Лола има две години и до сега продала 12 слики, а за една дури добила и повеќе од 1.600 долари. Пабло Пикасо еднаш рекол дека му биле потребни четири години да слика како Рафаело, но целиот живот да слика како дете. Ова дете можеби и ќе го надмине.