црвен метеоаларм – Kurir.mk

Јадранскиот брег останува под црвен метеоаларм

Ивона Петрова — Wed, 01 Aug 2018 08:59:19 +0000

Хрватската метеоролошка служба денеска, втор ден по ред, прогласи црвен метеоаларм на целото јадранско крајбрежје - од Истра до границата со Црна Гора - и жолт аларм во околината на Осијек. Се очекува температурите денеска да стигнат до 35 степени. Во сооопштението се наведува дека денеска хрватскиот брег на Јадранското Море ќе биде еден од најопасните делови во Европа поради екстремните горештини.

Црвен метеоаларм на хрватското крајбрежје

Ивона Петрова — Tue, 31 Jul 2018 12:46:25 +0000

Хрватската метеоролошка управа денеска прогласи црвен метеоаларм на целото јадранско крајбрежје - од Истра до границата со Црна Гора, во очекување на исклучително топло време и високи температури. Во сооопштението на Управата се наведува дека денеска храватскиот брег на Јадранското Море ќе биде еден од најопасните делови во Европа. Метеоролозите предвидуваат тепературите долж јадранскиот брег на Хравтска да надминат 35 степени Целзиусови, а слични температури се очекуваат и во текот на утрешниот ден. МИА

ЦРВЕН МЕТЕОАЛАРМ ВО СРБИЈА: Се прогнозираат особено опасни временски појави

Ивона Петрова — Thu, 01 Mar 2018 07:35:45 +0000

Хидрометеоролошкиот завод на Србија за денеска до недела прогласи црвен метеоаларм што значи дека се прогнозираат „особено опасни временски појави“. Денеска, утре и во сабота, во повеќе делови од земјата во сила ќе биде црвен метеоаларм затоа што според прогнозите на метеоролозите ќе биде исклучително студено, а ќе врне и дожд кој ќе се замрзнува на тлото. На сајтот на РХМЗ е објаснето дека црвениот метеоаларм значи дека се „прогнозираат особено опасни временски појави, со таков интезитет што ќе можат да предизвикаат голема материјална штета и да бидат многу опасни за безбедноста на луѓето и животните“. Според прогнозата, денеска претпладне ќе биде ведро и исклучително студено, во повеќето места со најниска температура од минус 20 до минус 14 степени Целзиусови. Во текот на денот ќе дојде до постепено наоблачување од југозапад, а подоцна попладне и вечер на места ќе врне снег. Утре во текот на денот и в сабота претпладне на места ќе врне дожд кој ќе смрзнува на тлото. До крајот на периодот, до 8 март, ќе биде променливо облачно и потопло, а во некои денови ќе врне слаб дожд.

Балканот се подготвува: Издадена вонредна состојба и црвен метеоаларм, доаѓа студен бран со ветер до 150 км/ч

Ивона Петрова — Wed, 21 Feb 2018 18:15:22 +0000

Црвен метеоаларм за денеска и утре е прогласен за Кварнер и Велебитскиот канал во Хрватска, пред се поради силниот североисточен ветар, чии удари ќе достигнат до 150 километри на час. - Времето е многу опасно и подразбира големо ниво на опасност за здравјето, па дури и по животот, посебно за крајбрежното население, се наведува во предупредувањето. Присутен е и значителен ризик од штета на крајбрежната инфраструктура. За подрачјето на Лика, Горски Котор и централна Хрватска за утре е издаден портокалов метеоаларм поради големите количества снег кои ќе паднат на тоа подрачје, каде се очекува 10 до 40 сантимери нов снег. Невреме со снег, кое предизвикува проблеми во сообраќајот има и во Босна и Херцеговина, а во некои општини во Република Српска е прогласена вонредна ситуација. - Во општината Крупа на Уна висината на снежната прекривка изнесува меѓу 60 и 80 сантиметри, но ситуацијата е под контрола. Републичката управа за цивилна заштита на РС ја следи ситуацијата и презема активности од својата надлежност, наведуваат медиумите во БиХ.