црвен тепих – Kurir.mk

Висока мода: Што се случува со фустаните на познатите откако со нив ќе прошетаат на црвениот тепих?

Ивона Петрова — Sat, 26 Nov 2022 16:42:04 +0000

Многумина се восхитуваме на неверојатните креации и фустани со кои славните личности се истакнуваат на црвениот тепих, но дали некогаш сте се прашале што се случува со таа облека по настанот? Повеќето познати личности не ја купуваат својата облека за црвениот тепих. Стилистите на славните личности испраќаат барања до различни модни брендови и избираат фустан од оние што им се понудени. Некои познати личности, пак, имаат договори со одредени дизајнери. Кристен Стјуарт, на пример, е амбасадор на Шанел, па често ја носи нивната облека. По правило, дизајнерите ги позајмуваат своите фустани за максимум 48 часа. И после тој временски период фустанот треба да им се врати. Но, понекогаш, славна личност може да добие фустан како подарок. Сепак, некои познати личности не го сакаат тоа и сами си купуваат фустани на црвениот тепих. Модните куќи, како Диор, Луј Витон и Шанел ги чуваат своите фустани на црвениот тепих во посебни архиви. Но, дизајнерите од пониска класа обично ги продаваат примероците што им ги позајмуваат на познатите личности. Таквите продажби најчесто се случуваат неколку години по настанот. А бидејќи облеката е користена, можете да ја набавите со голем попуст. На овој начин, оние кои уживаат во модата можат по многу ниска цена да добијат уникатен фустан што го носела некоја славна личност. Но, ако фустанот на црвениот тепих стане хит, може да започне масовно производство. Брендовите можат да позајмуваат ист фустан за црвениот тепих повеќе пати. Но, не сите познати личности се среќни кога ќе дознаат. На пример, во 2006 година, стилистката на Рис Витерспун беше шокирана кога откри дека фустанот на Шанел што го носела на Златните глобуси е всушност оној што Кирстен Данст го носела на настан 3 години претходно. Претставничката на Витерспун била толку лута на Шанел што рекла дека повеќе нема да прифаќа ништо од нив и побарала од нејзините други славни клиенти да го следат примерот. Некогаш убавата облека која ја носат познатите личности може да биде дел од разни хуманитарни акции. Фустаните можат да се продаваат на аукции, а заработените пари секогаш одат во хуманитарни цели. На пример, во 2020 година, славната стилистка Елизабет Стјуарт организираше аукција на која беа продадени некои од најубавите фустани што ги носеа актерките и пејачките на различни настани. На овој начин беше продаден и жолтиот фустан на Кејт Бланшет што го носеше на Златните глобуси во 2020 година, како и розовиот фустан на Џенифер Лопез што таа го покажа на Американските музички награди во 2018 година. Приходите од аукцијата отидоа на непрофитна организација која обезбедува опрема за здравствена заштита на работниците. Некои познати личности сакаат истиот фустан да го носат повеќе пати на разни настани и со тоа немаат никаков проблем. На Џенифер Лоренс не и пречи повторно да ги облече истите фустани од црвениот тепих. Таа истиот розов фустан го носеше на настан во 2017 година, но и на свадбата на Ејми Шумер. Во 2014 година, Винона Рајдер се појави во фустан што веќе го носеше на црвениот тепих во 2005 година. Актерката рече: „Знам дека тоа е малку не-не во светот на модата, но зошто да носите облека само еднаш ако ви се допаѓа? Интересно е што еден британски магазин откри дека Кејт Мидлтон се појавила во исти комбинации дури 82 пати.

ФОТО: Првпат на црвениот тепих по семејната трагедија, Георгина Родригез блесна во Кан

Ивона Петрова — Thu, 26 May 2022 09:18:33 +0000

Партнерката на Кристијано Роналдо, Георгина Родригез блесна долг фустан на црвениот тепих во Кан. Фудбалерот и Георгина минатиот месец доживеаја трагедија откако едно од близначињата им почина при раѓањето. Провокативен сребрен фустан дополнет со накит од дијаманти и смарагд беше изборот на Георгина за премиерата на филмот „Елвис“. Парот заедно се грижи за децата Кристијано помладиот и пет годишните близнаци Ева и Матеа, родени од сурогат мајка, како и нивните биолошки деца петгодишната Алана и двомесечната Бела Есмералда.

Кога таа зачекорила на црвениот тепих, настанал општ метеж: Не престанува да се зборува за нејзиниот фустан

Магдалена Андонова — Mon, 07 Sep 2020 15:29:22 +0000

Оваа година на филмскиот фестивал во Венеција, покрај актери и претставници на филмската индустрија, на црвениот тепих се појавиле и голем број манекенки и старлети. И додека едни се прашуваат со што заслужиле тие да се појават на овој настан, други не престануваат да ги фалат нивните креации.

View this post on Instagram

Il #redcarpet di #CeciliaRodriguez al #FestivaldelCinema di #Venezia. Vi piace il suo #look? ?? . . #venicefilmfestival #venice #venezia77 #outfit

A post shared by Il Mondo della TV (@ilmondodellatv) on Sep 4, 2020 at 11:30am PDT

Особено се издвоила манекенката Сесилија Родригез (30) која со својот стајлинг толку многу ги маѓепсала модните критичари што била прогласена за најдобро стилизирана дама на третата вечер од Венецијанскиот фестивал.

View this post on Instagram

#CeciliaRodriguez sul Red Carpet di Venezia. VI PIACE?? • • • #GossipTheCelebrity #Venezia77 #VeneziaFilmFestival

A post shared by Gossip The Celebrity OFFICIAL (@gossipthecelebrity) on Sep 4, 2020 at 11:04am PDT

„Потсетува на грчка божица. Овој фустан одлично ѝ стои“, гласел еден коментар.

View this post on Instagram

#ceciliarodriguez #padrenostrofilm #redcarpet #premiere #venicefilmfestival #venezia?? #venezia77 #celebrities

A post shared by maya spring (@mayaspring8) on Sep 6, 2020 at 6:57pm PDT

Се чини дека актерките помалку се потрудиле околу стајлингот оваа година, па сите погледи биле насочени кон манекенките, кои секоја вечер воодушевувале во интересни и раскошни тоалети. Дали вам ви се допаѓа оваа креација?

На сексапилната манекенка и испадна фустанот на црвениот тепих- сите гледаа во нејзината брадавица која не можеше да ја сокрие

Дарко Андоновски — Fri, 24 May 2019 17:45:28 +0000

На бразилската манекенка Фернанда Лиз на црвениот тепих на филмскиот фестивал во Кан и испадна едната града до „лабавото“ деколте кое не успеа да и се задржи на телото. Манекенката се обиде да го подигне фустанот, но безуспешно, фотографите беа пребрзи за да ја уловат манекенката гола. Манекенката за време на овој гаф се смееше додека набрзо веднаш ја сокри брадавицата со рака. Според многумина таа била најлошо облечена на црвениот тепих, но сепак најзгодна, уверете се самите.

ФОТО: Ова е најубавиот фустан од црвениот тепих во 2018

Ивона Петрова — Tue, 08 Jan 2019 10:36:31 +0000

На „модниот Оскар“ одржан во Лондон, неодамна се прогласени најдобрите дизајнери и модели на годината, а избран беше и главниот фустан за 2018 година. Мислењето на експертите од модната индустрија беше едногласно. Фустанот кој во историјата ќе влезе како најубав за 2018 година е луксузниот бордо-златен модел на Версаче во кој Блејк Лајвли се појави на Мет Гала минатата година. Мајсторите на модната куќа поминале над 600 часа во изработка на фустанот, станува збор за модел со долга „опашка“ украсен со разно изработен вез и скапоцени камења.

Сите погледи вперени кон нив: Јелена Томашевиќ и Иван Босиљчиќ блеснаа на црвениот тепих (ФОТО)

Ивона Петрова — Mon, 13 Aug 2018 19:21:17 +0000

Пејачката Јелена Томашевиќ и нејзиниот сопруг актерот Иван Босиљчиќ важат за еден од најскладните парови на јавната сцена во Србија, а каде и да се појаваат сите погледи се вперени кон нив. Воодушевувањето од нивното појавува не изостана ниту на Филмскиот фестивал во Сараево, каде Јелена и Иван блеснаа и прошетаа по црвениот тепих. Овој момент секако беше искористен и за некоја селфи фотографија која потоа од Јелена беше споделена на социјалните мрежи.