црвена јабука – Kurir.mk

„Црвена Јабука“ имале концерт, Брнабиќ најави казни и нови мерки

Ивана Ефремовски — Wed, 10 Mar 2021 14:27:33 +0000

Салата Комбанк ги прекршила епидемиолошките мерки што се на сила во Србија и поради тоа најверојатно ќе биде казнета. Имено синоќа групата „Црвена Јабука“ оддржа концерт, па иако беше наведено дека биле почитувани сите епидемиолошки мерки, премиерката најави дека организатторите ќе бидат казнети. Премиерката Ана Брнабиќ денеска изјави дека, како дел од мерките против ширење накоронавирусот, ќе инсистира да бидат откажани сите концерти и дека скоро сигурно ќе има нови мерки за викендот. Брнабиќ, по повод можни нови мерки за сузбивање на епидемијата „ковид-19“, рече дека најпрво е неверојатна и дека е изненадена што во ова тешко време се организираат концерти во Белград. -Ќе разговараме со претставниците на градот Белград за да видиме како се случило и ќе инсистираме да се откажат сите концерти. Тоа е спротивно на сите правила и мерки и ќе бараме да бидат казнети организаторите. Тоа не е е театар претстава или културен настан, рече Брнабиќ. Кога станува збор за влошување на епидемиолошката состојба, премиерката рече дека вакцинацијата помага да не биде уште полошо, но дека скоро сигурно ќе има нови мерки за викендот.

Македонка во главна улога, сцени од Скопје: Жељко Самарџиќ и Црвена Јабука објавија прекрасен спот (ВИДЕО)

Ивана Ефремовски — Sun, 04 Oct 2020 13:59:14 +0000

Жељко Самарџиќ и Црвена Јабука објавија спот за песната "Aleje ljubavi". Музиката и текстот на песната ги напиша Мирко Шенковски-Геронимо, а аранжманот го направи Мирослав Столица Спотот се снимаше речеси цело лето на просторите на поранешна Југославија. Се почна од Скопје, па преку Белград, Сараево, Загреб, Љубљана, Подгорица до Скадарско езеро и Јадранско море и секако Мостар, родниот град на Жера и Жељко. Главна улога во спотот е преубавата Македонка Иларија Кирилов. Такво целокупно снимање на музички спот до сега не е забележано на овие простори, а секако има и поголемо значење зашто е сниман во време на пандемија од коронавирус.

„Југославија“ се сеќава на трагедијата: „Црвена јабука“ наместо на концерт на денешен ден замина во смртта

Дарко Андоновски — Wed, 19 Sep 2018 11:54:52 +0000

Популарниот сараевски бенд, „Црвена Јабука“, на самиот почеток по формирањето, пред цели три децении, доживеал тешки моменти кога во сообраќајна несреќа загубиле два члена. На 18. септември 1986 година, додека возеле кон Мостар каде вечерта требало бендот да одржат концерт, загинале Дражен Ричл – Зијо, пејачот на групата и басистот Аљоша Буха. -Публиката подолго време не знаела зошто е откажан концертот, но потоа слушнале гласини дека станува збор за сообраќајка, по што голем дел од оние кои беа пристигнати за концертот, се упатиле кон болницата во Мостар, раскажува за немилата случка Дражен Жериќ – Жера, триесет години подоцна. -Во првото возило „Фиќо“ кое го возеше Златан Арсланагиќ со него беа Дражен Ричл и Аљоша Буха. Зад нив имаше уште две возила во кои патувавме сите кои бевме тргнати за концертот. Кратко откако минавме половина пат, Фиќото се занело, преминало на левата страна од патот и сударот со камион бил неизбежен. Ние воопшто не ни застанавме, бидејќи се брзавме за концертот, па не забележавме дека е нивната кола. Додека возевме кон Мостар се чудевме како успеале толку многу да ни побегнат за да не ги стигнеме. Потоа на стадионот во Мостар дознавме што се случило. Буха загинал на лице место, а Дражен им подлегна на повредите и почина на први октомври, се сеќава Жера на тешките мигови.