црвена звезда – Kurir.mk

Кошаркар на Црвена ѕвезда доживеа сообраќајна несреќа

Ивона Петрова — Thu, 24 Aug 2023 13:45:28 +0000

Кошаркарот на Црвена ѕвезда Мирослав Радуљица доживеа сообраќајна несреќа во близина на ресторанво Белград. Како што јавуваат српските медиуми, автомобил Волво удрил во мотоцикл Дукати управуван од Радуљица. Тој поминал со модринки и не побарал итна помош, потврдија од Црвена ѕвезда. Радуљица дојде во Ѕвезда минатото лето, но речиси не играше во поголемиот дел од сезоната, а се шпекулира дека летово би можел да го напушти клубот. Ѕвезда објави дека Радуљица е добро и дека е неповреден.

Адам Ханга нов кошаркар на Црвена Звезда

Бошко Тасиќ — Wed, 12 Jul 2023 16:34:04 +0000

Српскиот кошаркарски тим Црвена Звезда промовира уште едно засилување за новата сезона, а тоа е Адам Ханга кој доаѓа од редовите на европскиот шампион Реал Мадрид. Ханга потпиша двегодишен договор со Ц. Звезда и ќе им се приклучи на подготовките на неговите нови колеги. Досега во Белград пристигнаа Дејан Давидовац, Милош Теодосиќ и Марко Симоновиќ, а тоа е потврда дека Ц. Звезда има високи амбиции за следната сезона.

Милош Теодосиќ официјално потпиша со Црвена Звезда

Бошко Тасиќ — Tue, 11 Jul 2023 04:45:24 +0000

Последните денови имаше спротивставени информации за договорот меѓу Милош Теодосиќ и Црвена Звезда, а „Кориере дело Спорт“ тврдеше дека иако имало преговори, истите биле прекинати и трансферот пропаднал. Сепак, српските медиуми пренесоа дека Теодосиќ ќе биде трето засилување летово за црвено-белите и недостасува само официјална потврда на евролигашот. Искусниот плејмејкер ќе биде големо засилување за Звезда, а бил задоволен од преговорите со раководството и плановите на тренерот Душко Ивановиќ. Пред Теодосиќ, за белградскиот состав потпишаа и Дејан Давидовац и Марко Симоновиќ, па Црвена Звезда најавува дека планира да има квалитетен состав со кој ќе настапува и во Евролигата. Теодосиќ досега беше член на Виртуз Болоња, а во Европа претходно настапуваше и за ЦСКА Москва, Олимпијакос и ФМП.

Летниот караван на Црвена Звезда доаѓа во Куманово – сите можат да се сликаат со пехарот!

Дарко Андоновски — Tue, 27 Jun 2023 12:02:21 +0000

Во сабота (01.07.2023) на Градскиот плоштад во Куманово доаѓа летниот караван на Звезда. Програмата започнува во 18 часот. Големиот летен караван за прв пат доаѓа во Македонија. Караванот ја носи двојната круна освоена годинава од првиот тим на ФК Црвена Звезда, како и пехарот од Бари и им овозможува на сите членови на клубот да се сликаат со нив. Тричасовната дружба ќе биде исполнета со песни и реквизити на ФК Црвена Звезда, а особено радосни се приказните на навивачите и постарите кои се сеќаваат на Црвена Звезда, но и на најмладите кои штотуку ја откриваат својата љубов кон клубот. Настанот е објавен и на Фејсбук, истиот можете да го погледнете ТУКА.

Ѓуровски: Капа долу за тебе мој пријателе Дарко, ти си права легенда

Бошко Тасиќ — Tue, 25 Apr 2023 04:58:31 +0000

Во име на актуелниот фудбалски шампион на Србија на промоцијата на филмот на Дарко Панчев - „Патот на Кобрата до ѕвездите“ - беше и некогашниот репрезентативец на Македонија, а сегашен тренер Бошко Ѓуровски. Тој имаше обраќање пред присутните во кое му честита на играчот за се што направи низ богатата кариера и посочи дека овој документарец е заслужен. „Даре мој, во името на Црвена Звезда и мое лично име сакам да ти пренесам поздрави од сите генерации на клубот. Зборував со големи играчи во изминатите денови. Имаш и голем поздрав од Милко. Фудбалерите во клубовите ги делам на легенди, мајстори и во трета група се тие што не се сеќаваат дека играле за Вардар и за Црвена Звезда. Жалам, ама тоа е вистината. Тука имаме многу легенди на Црвена Звезда и Вардар. Легенда се станува на два начина, со верност во клубот или со посебен допринос. Јас сум љубоморен на тебе малку Дарко, во три до четири години стана легенда, а јас терав десет години, па тогаш да ми каже некој легендо како си. Затоа, голема благодарност за се што даде на Црвена Звезда, ќе ги цитирам Французите - „chapeau mon ami“ (шапка долу, мајсторе н.з)“, изјави Ѓуровски. На промоцијата Бошко Ѓуровски му го подари новиот дрес на Црвена Звезда на Дарко Панчев.

Факундо Кампацо од наредната сезона во дресот на Реал Мадрид

Бошко Тасиќ — Sun, 23 Apr 2023 15:01:04 +0000

Факундо Кампацо експресно ќе ја заврши авантурата во Црвена Звезда, откако аргентинскиот плејмејкер донел одлука каде ќе настапува наредната сезона. Одличниот кошаркар дојде како големо засилување во декември, потпишувајќи договор до крајот на сезонава, со опција за уште една дополнителна година. На маса имаше неколку понуди, но според шпанските медиуми, тој веќе ја избрал онаа на Реал Мадрид, прифаќајќи ја понудата за договор на почетни две години. Според истите извори, трансферот бил договорен пред гостувањето на Црвена Звезда во Барселона во Евролигата, а Кампацо веќе ги известил и челниците на „црвено-белите“ за својата одлука „Кралевите“ ќе му дадат на Кампацо плата од 1,6 милиони евра по сезона, а згора на тоа ќе му биде отпишан долгот од 2,6 милиони евра што Аргентинецот го има кон Реал кога реши да ја искористи клаузулата за заминување во НБА-лигата, останувајќи му должен на шпанскиот гигант.

Евролига: Црвена звезда го урна шампионот Анадолу Ефес

Бошко Тасиќ — Thu, 09 Mar 2023 05:23:39 +0000

Кошаркарите на Црвена звезда во 27 коло од Евролигата го совладаа актуелниот шампион, тимот на Анадолу Ефес со резултат 94:75 . Белградските „црвено-бели“ ја забележаа 12 победа сезонава и останаа во трката за Топ 8. Турскиот клуб има една победа повеќе и натпревар помалку. За српската екипа доминираше Кампацо кој постигна 22 поени, потоа Добриќ 15, а Митровиќ и Бентил по 10. Кај гостите Жижиќ постигна 16 поени, Бубуа 15, а Клајбурн и Мбаје по 12. На табелата Црвена звезда е на 13 место, додека Анадолу Ефес е на 11 позиција. Се одиграа уште два меча во средата: Макаби Тел Авив – Фенербахче 78:74, Монако – Панатинаикос 84:70.

Евролигата има три причини зошто Црвена звезда е суспендирана

Бошко Тасиќ — Thu, 05 Jan 2023 05:59:44 +0000

Евролигата ја казни Црвена звезда со забрана за пријавување на нови кошаркари до 28 февруари 2023 година. Тоа значи дека белградските „црвено-бели“ нема да можат да го пријават Факундо Кампацо до март и дека одличниот Аргентинец ќе ги пропушти следните девет натпревари во Евролигата, вклучувајќи го и „вечното дерби“ со Партизан на 27 јануари. „Црвено-белите“ се казнети за неколку пропусти и прекршоци, а во официјалното соопштение на Евролигата јасно стои што е во прашање. Се наведува дека Црвена звезда им должи пари на играчите, како за оваа, така и за некои претходни сезони. Исто така, се посочува дека клубот објавил неточни информации до Евролигата, а како посебна отежителна околност е земено тоа што Црвена звезда претходно беше двапати казнувана за слични прекршоци. Тоа не е сè, бидејќи оваа суспензија може да биде увертира за уште поголеми и посериозни санкции, па дури и за одземање бодови. Од клубот најавија дека ќе се жалат на оваа одлука и дека ќе се обидат што поскоро да го пријават своето најново засилување, но како што стои во соопштението на Евролигата, тоа ќе биде можно само пред Судот за спортска арбитража во Лозана.

Црвена Звезда тргна по Кампацо

Бошко Тасиќ — Wed, 07 Dec 2022 06:05:10 +0000

Екипата на Црвена Звезда сака да активира трансфер-бомба и сериозно е заинтересирана во својот тим да го донесе Факундо Кампацо. 31-годишниот аргентински плејмејкер си заминува од НБА-лигата, а Црвена Звезда тргна по него. Му нуди плата од 1,8 милиони евра до крајот на сезоната, за да го облече „црвено-белиот“ дрес. Плус, белграѓани се подготвени да платат и дел од сумата која Реал ќе ја добие затоа што Кампацо порано од предвиденото си оди од НБА. Се работи за 2,6 милиони евра.

МЗТ загуби убедливо но не се посрамоти на гостувањето кај Црвена звезда

Тале Кристо — Sat, 01 Oct 2022 20:20:07 +0000

МЗТ Скопје со пораз ја започна новата сезона во АБА лигата, „штрковите" вечерва загубија на гостувањето кај Црвена звезда со 87-67. МЗТ Скопје ја започна авантурата во АБА лигата со пораз на гостувањето кај Црвена звезда, епилог кој беше очекуван со оглед на тоа дека „штрковите“ против себе го имаа актуелниот шампион во регионалното натпреварување и учесник во Евролигата. Клубот од Аеродром беше инфериорен само во втората четвртина која противникот ја доби со 26-13 и се одлепи на убедливи плус 17 на крајот од првото полувреме (39-22). Во третиот период, Црвена звезда направи серија од 14-2 и дојде до највисоки +27, но ниту тоа не ги исплаши момците во сино-бело, кои погодија неколку тројки во низа и ја спуштија разликата под 20 поени. Последните десет минути минаа во наизменично поентирање на двете екипи па конечниот резултат на табелата гласеше 87-67. В. Стојановски со 17 поени, Бојан Крстевски со 14 и Миќовиќ со 12 поени беа најпрецизните кај МЗТ Скопје на вечерашната средба.