Тројца туристи исчезнаа во запален брод кај египетскиот брег на Црвено Море, 12 се спасени

Дарко Андоновски — Sun, 11 Jun 2023 14:45:42 +0000

Тројца британски туристи се исчезнати, а 12 се спасени откако денеска се запали моторен брод во близина на египетскиот брег на Црвеното Море, соопштија египетски претставници и безбедносни извори, пренесоа британските медиуми. Спасените туристи биле сместени во одморалиштето Марса Шагра, заедно со 12 членови на египетскиот екипаж и водичот, за британските медиуми изјавија од канцеларијата на гувернерот и два безбедносни извори. Канцеларијата соопшти дека пожарот бил предизвикан од електричен краток спој на бродот, што од 6 јуни пловел северно од Марс Алам. Фотографиите објавени на социјалните мрежи покажаа бела моторна јахта во пламен во морето, додека густ чад се крева високо кон небото. Британското Министерство за надворешни работи соопшти дека е во контакт со локалните власти, како и дека е вклучено во давање поддршка на граѓаните.

Иран: Црвеното Море не е безбедна рута

Ивона Петрова — Fri, 08 Nov 2019 06:23:58 +0000

Иран ја предупреди меѓународната заедница дека Црвеното Море не е безбедна рута, нагласувајќи дека три нивни танкери биле нападнати за шест месеци во тоа подрачје. Иран претходно откри само за еден ракетен напад крај саудискиот брег што се случи на 11 октомври, пренесува „Тајмс оф Израел“. Техеран сега објави и за други два напада. „Веруваме дека нападите беа организирани од една или повеќе држави, бидејќи два ирански многу големи танкери беа нападнати во приближно иста област и предизвикана им беше штета“, се вели во соопштението од Техеран.

црвено море – Kurir.mk

Тројца туристи исчезнаа во запален брод кај египетскиот брег на Црвено Море, 12 се спасени

Иран: Црвеното Море не е безбедна рута