цска москва – Kurir.mk

ЦСКА (М) не дозволи Макаби да ја доживее истата судбина како и рускиот тим

Бошко Тасиќ — Fri, 27 Oct 2023 04:06:53 +0000

Екипата на Макаби ТА и официјално своите натпревари од Евролига ќе ги игра во Белград, во салата „Пионир“, вака беше одлучено на состанокот на евролигаши, иако многумина се спротивставија и бараа израелскиот тим да биде исфрлен од натпреварувањето поради војната со Палестина. Поради војната во Украина, руските тимови беа суспендирани и исфрлени од елитното натпреварување, па се шпекулираше дека истата судбина ги чека и Макаби. Сепак, тоа не се случи. Според локалниот портал „Вала“, четири екипи гласале против негово исфрлување, што на крајот пресудно во споменатата средба. Шпанските и турските клубови сакаа да го суспендираат Макаби. Панатинаикос, Олимпијакос, Армани и ЦСКА од Москва го поддржаа клубот и затоа не се одржа официјално гласање, се наведува во текстот. На крајот се покажа дека „армејците“ кои беа исфрлени се меѓу оние кои му помогнаа на Макаби да остане во лигата.

Локомотив Кубан ја елиминира ЦСКА на Рајковиќ од ВТБ Суперкупот

Бошко Тасиќ — Fri, 22 Sep 2023 04:08:24 +0000

Кошаркарите на Локомотив Кубан беа подобри од ЦСКА Москва по продолженија со 100-98 и се пласираа во полуфинале на ВТБ Суперкупот. ЦСКА тргна добро и ја доби првата четвртина со 24-18, а на полувреме имаше предност од 45-41, но во вториот дел Локомотив ја презема контролата и го сврте натпреварот во своја корист. Екипата на Рајковиќ не се откажуваше и во завршницата поведе со 86-84, но Локомотив со последниот напад израмни на 86-86, а потоа во продолженијата беше подобра со вкупни 100-98.

Рајковиќ: Не плачам, туку барам начин да ги победиме УНИКС Казан и Зенит

Бошко Тасиќ — Thu, 31 Aug 2023 04:24:06 +0000

ЦСКА Москва го изгуби двајцата главни играчи од минатата сезона бекот Алексеј Швед и центарот Никола Милутинов, а не најде достојни замени за нив, главно поради намалениот буџет. Затоа играта ќе мора да ја гради повеќе на дефанзивна стратегија и одбрана. Минатата сезона ЦСКА Москва беше главен фаворит за титулата, но, не успеа да ја освои, а со неа се закити УНИКС Казан, тимот во кој игра Ненад Димитријевиќ, додека втор беше Локомотив Кубан. Армејците мораа да се задоволат само со третото место иако регуларниот дел го завршија на врвот. – Влијанието на намалениот буџет е тешко да се игнорира. Сакавме, но не можевме да земеме одредени кошаркари, кои ги купија Зенит и УНИКС. Голем проблем. Но, јас не плачам, туку барам начини да ги победам овие тимови оваа сезона. Звучи тешко, но ако работиме напорно, ќе ја постигнеме нашата цел – вели Рајковиќ кому ова ќе му биде втора сезона на клупата на легендарниот клуб.

Никита Курбанов доби нов договор од ЦСКА Москва

Бошко Тасиќ — Mon, 17 Jul 2023 04:17:09 +0000

Рускиот кошаркар Никита Курбанов го продолжи договорот со ЦСКА Москва на уште една година, соопшти на својата официјална страница рускиот клуб. Крилниот кошаркар го држи рекордот по бројот на сезони поминати во ЦСКА (15), а сопственик е и на рекордот по бројот на одиграни натпревари во дресот на московскиот тим (728). Курбанов е капитен на ЦСКА, а со овој клуб трипати ја освојуваше титулата во Евролигата. Покрај за ЦСКА, 36-годишниот играч играше и за Уникс од Казан, Спартак од Санкт Петербург и Локомотив Кубан. Искусниот кошаркар и следната сезона ќе му се стави на располагање на нашиот тренер на „армејците“ Емил Рајковиќ. Руските клубови се суспендирани од европските натпреварувања од почетокот на војната во Украина.

Никола Милутинов се враќа во Евролигата

Бошко Тасиќ — Wed, 31 May 2023 04:42:13 +0000

Српскиот кошаркар Никола Милутинов повеќе не е член на ЦСКА Москва откако српскиот кошаркар реши да си замине од овој европски гигант по четири години минато бранејќи ги боите на ЦСКА. Информацијата ја потврдија и самиот клуб, како и Милутинов, означувајќи крај на успешната соработка која траеше уште од 2019 година. Тој одигра вкупно 119 натпревари за ЦСКА, при што реализираше 12,2 поени, 8,6 скокови, 1,3 асистенции и 0,6 блокади по натпревар.

„Тешко е да се каже довидување на сите извонредни соиграчи, пријатели и навивачи кои ги запознав во Москва. Уживав во секоја минута од престојот и играњето за ЦСКА, ми беше чест да го носам дресот на овој голем историски клуб. Сепак, дојде време да тргнам на друго место, но им посакувам се најдобро на луѓето од ЦСКА, убеден сум дека пак ќе се видиме и дека овој клуб ќе се врати на врвот на кошаркарска Европа“, изјави Милутинов.

Емил Рајковиќ останува тренер на ЦСКА Москва

Бошко Тасиќ — Thu, 25 May 2023 19:37:35 +0000

Најдобриот македонски кошаркарски тренер во моментов, Емил Рајковиќ и покрај загубената титула во ВТБ-лигата и следната сезона ќе ја предводи големата ЦСКА Москва, соопштуваат денеска медиумите во Русија. Според нив, „црвеноармејците“ имаа можност летово да го раскинат двегодишниот договор кој Македонецот го потпиша лани и тоа со плаќање на мала отштета, но решија да го задржат и да му дадат шанса да продолжи со добрата работа, без разлика што таа овој пат не донесе шампионска круна. Убедливата победа над Зенит (4-1) во серијата за бронзениот медал во регионалната лига се покажа како доволна причина Рајковиќ да добие втора шанса од управата на ЦСКА.

ГОЛЕМА ЧЕСТ И ПРИЗНАНИЕ: Емил Рајковиќ е тренер на годината во ВТБ лигата

Бошко Тасиќ — Tue, 18 Apr 2023 04:27:48 +0000

Предводникот на ЦСКА Москва, Емил Рајковиќ е прогласен за тренер на годината во ВТБ лигата. Нашиот кошаркарски стратег имаше фантастични резултати со „армејците“, тим со кој постави пет лигашки трофеи што беше повеќе од доволно да го добие признанието за најдобар тренер за натпреварувачката 2023/2024.

-Голема чест е што ја добивам оваа награда. Ама верувам дека овој трофеј не е само за еден човек, туку за целиот тим: играчите, тренерите, персоналот и раководството.Нашиот тим го заслужи ова за одличната кампања, за сите победи и рекорди. Ама нашата најважна цел е пред нас, сите наши мисли се насочени кон наредните натпревари кои се многу поважни, -порача Рајковиќ.

Емил Рајковиќ и ЦСКА на чекор од полуфиналето

Бошко Тасиќ — Tue, 04 Apr 2023 04:52:50 +0000

Македонскиот кошаркарски стратег Емил Рајковиќ и неговиот тим ЦСКА поведоа со 2-0 во четвртфиналната серија од ВТБ лигата против Автодор. По триумфот со 103-68 во првиот меч, московскиот тим и денеска ја проби границата од 100 поени, па беше дури и поефикасен, триумфирајќи со 111-85. Јасно беше уште пред почетокот на серијата дека ЦСКА е апсолутен фаворит против поранешниот тим на Рајковиќ, а тоа се докажува и на почетокот. Пласманот во полуфиналето, ЦСКА може да го обезбеди веќе в среда кога се игра третиот меч од серијата, прв во Саратов.

Рајковиќ со ЦСКА Москва стигна до 24. победа во ВТБ лигата

Бошко Тасиќ — Fri, 03 Feb 2023 06:01:04 +0000

Македонскиот кошаркарски стратег Емил Рајковиќ со ЦСКА Москва стигна до 24. победа во ВТБ лигата. „Армејците“ триумфираа на гости кај Нижни Новгород со 70:89 и ја продолжија неверојатната серија. Домашниот тим имаше сила да му парира на тимот на Рајковиќ три четвртини, но потоа ЦСКА Москва го доби последниот период со 15 поени разлика и го реши мечот во своја корист. Уникс Казан на Ненад Димитријевиќ беше декласиран на домашен терен од Локомотив Кубан со 70:103.

Рајковиќ испиша историја со ЦСКА Москва (ФОТО)

Бошко Тасиќ — Sat, 07 Jan 2023 07:50:07 +0000

Македонскиот кошаркарски тренер Емил Рајковиќ со ЦСКА Москва тргна со победа во 2023 година против Енисеј со 109-81, а тоа му помогна да испише историја. Енисеј беше достоен противник само во првите 10 минути (22-22), по што кошаркарите на Рајковиќ ја преземаа контролата врз мечот. Вер со 20 поени беше најефикасен кај победничкиот тим, додека на спротивната страна Герасимов запиша 21 поен. ЦСКА стигна до 19-та победа по ред во ВТБ-лигата и така испиша историја.