цска софија – Kurir.mk

Македонија ЃП со играч помалку до нерешен резултат против ЦСКА Софија

Бошко Тасиќ — Thu, 21 Jul 2022 17:37:08 +0000

Фудбалскиот тим на Македонија Ѓорче Петров со десетмина фудбалери успеа да го задржи првичниот резултат 0-0 против ЦСКА Софија и ќе патува во Бугарија со надеж дека може да обезбеди пласман во следното коло од Конференциската лига на УЕФА. Тимот на Муарем Бајрами не беше инфериорен на комплексот на ФФМ, иако остана со играч помалку во 45.минута по исклучувањето на Матеус Ламос.Фудбалерот на Македонија ЃП набрзина заработи два жолти картони и мораше брзо да замине на туширање. Сепак, и без него „лавовите“ успеаја да задржат реми без голови. ЦСКА Софија еднаш се закани посериозно во првото полувреме, а и Ермедин Адем имаше полушанса во вториот дел. Мишевски се обиде од слободен удар во последните мигови, но шутираше за малку непрецизно. Туфегџиќ и Крастев се заканија кон голот на Стевковски во вториот дел, но тој беше на потребното ниво. На жешкото време, и двете екипи сепак оставија патникот за следната рунда да се решава на реваншот во Софија.

Распродадени картите за натпреварот Македонија Ѓорче Петров – ЦСКА Софија

Дарко Андоновски — Thu, 21 Jul 2022 07:54:35 +0000

Фудбалерите на Македонија Ѓорче Петров попладнево на стадионот на ФФМ тренинг центарот „Петар Милошевски“ во Скопје ќе ја пречекаат софиска ЦСКА пред полни трибини, откако освојувачот на македонскиот Куп соопшти дека се продадени сите билети за натпреварот од 2. квалификациско коло во УЕФА Конференциската лига. Капацитетот на стадионот е 1.162 столчиња, а, според најавите, поддршка од трибините ќе има и бугарскиот тим од 60 навивачи. УЕФА за натпреварот што ќе се игра со почеток во 17:30 делегираше свој комесар за безбедност. Реваншот е по една недела во Софија, а поуспешниот тим продолжува на европската сцена во 3. квалификациско коло во Конференциската лига во кое ќе игра со победникот од пресметката меѓу Сент Патрик од Република Ирска и словенечка Мура.

Македонија ЃП денеска ја пречекува ЦСКА Софија

Ивона Петрова — Thu, 21 Jul 2022 06:07:27 +0000

Натпреварот од 2. квалификациско коло во Конференциската лига меѓу екипите на Македонија Ѓорче Петров и ЦСКА Софија ќе се одигра денеска на теренот „Петар Милошевски“ при ФФМ со почеток во 17:30 часот. Имаше многу информации за тоа дека натпреварот може да биде преместен надвор од македонската престолнина, медиумите од источниот сосед бараа да се игра во Ниш, потоа се појавија вести дека Струмица може да биде градот каде лавовите би се соочиле со ЦСКА за да на крајот биде потврдена првичната верзија, дека сепак натпреварот ќе се одигра во Скопје. Билетите се продаваа по цена од 300 денари, а за навивачите на бугарската екипа обезбедени беа 60 влезници.

Официјално: Македонија Ѓорче Петров – ЦСКА Софија, ќе се игра во Скопје!

Дарко Андоновски — Mon, 18 Jul 2022 13:12:20 +0000

И дефинитивно мечот меѓу Македонија Ѓорче Петров и ЦСКА Софија ќе се игра на теренот на „Куќата на фудбалот“ при Фудбалската федерација на Македонија. Ова е последната вест која се доаѓа и е поврзана за дуелот кој е закажан за в четврток во рамките на 2. квалификациско коло во Конференциската лига. Имаше многу информации за тоа дека натпреварот може да биде преместен надвор од македнската престолнина, медиумите од источниот сосед бараа да се игра во Ниш, потоа се појавија вести дека Струмица може да биде градот каде лавовите би се соочиле со ЦСКА за да на крајот биде потврдена првичната верзија, место за оваа битка закажана за 17:30 часот. По една недела реваншот ќе се игра во Бугарија, а во случај избраниците на Бајрами да се изборат за триумф тогаш во третата рунда ќе се соочат со подобриот од Сент Патрик од Ирска и Мура од Словенија. Другиот наш претставник во ова натпреварувње Шкендија пак ако во двомечот биде подобра од Валмиера потоа ќе оди на мегдан со победникот меѓу АИК (Шведска) и Ворскла (Украина).

БЈБ не дозволува Македонија ЃП и ЦСКА Софија да играат во Скопје, МВР „сугерира“ да се игра во Струмица

Магдалена Андонова — Sat, 16 Jul 2022 14:28:13 +0000

Министерството за внатрешни работи ги потврди пишувањата на Република дека Бирото за јавна безбедност (БЈБ) бараат натпреварот од второто квалификациско коло на Конференциската лига на УЕФА, меѓу Македонија Ѓорче Петров и ЦСКА Софија да не се игра во Скопје.

„МВР испрати предлог до ФФМ за натпреварот да се одигра во Струмица место во Скопје поради зголемен број настани во главниот град и ангажмани на СВР Скопје. ФФМ го испратиле барањето до УЕФА бидејќи тие одлучуваат, но до овој момент не е добиен одговор. Во секој случај гарантираме безбедно одвивање на натпреварот, каде и да се игра“, одговорија од МВР на прашањата на Република дали е побарано натпреварот да се одигра во Струмица наместо во Скопје.

Република вчера објави дека натпревар е закажан за в четврток, 21 јули од 17.30 часот на тренинг центарот на ФФМ во Ново Лисиче, но, според неофицијални информации, со одлука на полицијата неговото одигрување на таа локација сериозно се става под знак прашалник. Од извори на „Република“ дознаваме дека од БЈБ испратиле писмо до ФФМ, во кое се вели дека МВР не се нафаќа, односно не може да го организира тој натпревар со гарантирана безбедност. Дополнително, според овие неофицијални информации, во писмото се наведува дека проблемот не е во теренот на ФФМ, туку дека овој натпревар не може да се игра во Скопје, односно ниту на Националната арена „Тоше Проески“, каде што своите натпревари ги игра македонскта фудбалска репрезентација, туку, од БЈБ бараат дуелот меѓу Македонија ЃП и ЦСКА Софија да се игра во Струмица. Ваквиот одговор на МВР личи како начин да се избегне одговорност, а топката ја префрлаат на УЕФА. Бугарските медиуми објавуваа дека Бугарија бара Скопје да биде изземен од организација на натпреварот, поради тензиите кои постојат меѓу двете земји на политички план. Дали овој натпревар воопшто треба да се игра во главниот град на Македонија? УЕФА има практика брзо да реагира на политичките тензии и да ги испраќа натпреварите на неутрални терени. Во конкретниот случај, дури и ова е повеќе од погодно, бидејќи српскиот град Ниш е блиску до двата главни града. Во последните години, УЕФА не дозволува тимови од Ерменија и Азербејџан, како и од Русија и Украина да се сретнат на турнирите. ЦСКА мора да ја посети базата на репрезентацијата на Македонија, именувана од „Македонија ЃП“ за арената на натпреварот. Доколку „Црвените“ ја контактираат УЕФА за проблемот, голема е веројатноста Нион да направи промена. Ова не важи за гостувањето на „Македонија ЃП“, бидејќи во Софија нема слична атмосфера, стои во анализата на бугарскиот дневен весник „Труд“.

МВР во изјава за КУРИР ги демантира бугарските медиуми: Еве колку “специјалци“ ќе ја обезбедуваат ЦСКА Софија во Скопје

Ристе Здравков — Wed, 13 Jul 2022 15:35:47 +0000

Изминативе неколку дена во бугарските медиуми на големо се пишуваше за натпреварот помеѓу Македонија Ѓорче Петров и ЦСКА Софија кој треба да се одигра во Скопје. Имено тие пишуваа дека голем број на бугарски полицјаци ќе го обезбедуваат бугарскиот тим во Скопје. Редакцијата на Курир испрати прашања до македонското МВР за овој случај, а оттаму се вели следното: -Во врска со Вашето прашање Ве известуваме дека од страна на бугарската полиција понудено е заедно со навивачите од Бугарија да дојдат и двајца полициски службеници во улога на спотери како поддршка на македонската полиција, а во врска со препораки за меѓународна полициска соработка и мерки за превенција и контрола на насилство и недостојно однесување при одржување на фудбалски натпревари со меѓународна димензија. Барањето ќе биде разгледано и во наредните денови соодветно ќе биде одговорено. Македонската полиција во целост е подготвена и гарантира безбедно одвивање на било кој натпревар, секако и на натпреварот за кој прашувате, се вели во реакцијата на македонското МВР.

Бугарски „специјалци“ ќе ја обезбедуваат ЦСКА Софија во Скопје, МВР молчи за бројката „обезбедувачите“

Ристе Здравков — Wed, 13 Jul 2022 14:59:58 +0000

ЦСКА Софија ќе гостува во Скопје на 21 јули на натпревар против Македонија Ѓорче Петров во рамки на второто квалификациско коло во Конференциската лига на УЕФА. Како што се шпекулира низ медиумите во Бугарија, тимот на ЦСКА Софија во Скопје ќе допатува и со големо обезбедување односно бугарски специјалци кој ќе ги обезбедуваат во текот на целиот нивен престој на македонска територија. Според медиумите во соседството, бугарската полиција веќе исконтактирала со македонското МВР за детали околу обезбедувањето на тимот. Екипата на Курир побара одговори од македонското МВР, но оттаму до овој момент не одговорија на нашите прашања. Движењето на „арамејците“ низ главниот град ќе биде ограничено само во хотелот во кој ќе бидат сместени и веројатно нема да смеат да го напуштат истиот. Бугарите се загрижени, бидејќи во Македонија, поточно во Скопје секој ден има протести поради политичките тенизии со источниот сосед. ЦСКА Софија ќе има и 60 свои навивачи на трибините на стадионот на ФФМ. Во изминатите неколку дена низ бугарските медиуми можевме дури да прочитаме дека тие бараат Скопје да биде изземен од организацијата на овој натпревар. – Дали овој натпревар воопшто треба да се игра во главниот град на Северна Македонија? УЕФА има практика брзо да реагира на политичките тензии и да ги испраќа натпреварите на неутрални терени. Во конкретниот случај, дури и ова е повеќе од погодно, бидејќи српскиот град Ниш е блиску до двата главни града. Во последните години, УЕФА не дозволува тимови од Ерменија и Азербејџан, како и од Русија и Украина да се сретнат на турнирите. ЦСКА мора да ја посети базата на репрезентацијата на Северна Македонија, именувана од „Македонија ЃП“ за арената на натпреварот. Доколку „Црвените“ ја контактираат УЕФА за проблемот, голема е веројатноста Нион да направи промена. Ова не важи за гостувањето на „Македонија ЃП“, бидејќи во Софија нема слична атмосфера, стои во анализата на бугарскиот дневен весник „Труд“.

Шкендија ја победи ЦСКА Софија во натпревар со пет погодоци

Дарко Андоновски — Wed, 30 Jun 2021 09:32:37 +0000

Македонскиот фудбалски шампион, Шкендија забележа победа над ЦСКА Софија со 3:2. На вчерашниот натпревар одигран во Банско, тетовци беа подобра противник и во првите минути имаа неколку шанси за гол. Резултатот го отвори Арбин Зејнулаи во 22. минута. Водството за Шкендија беше удвоено на почетокот на второто полувреме кога Димитар Видев постигна автогол. По неколку минути Ивајло Климентов намали на 1:2 со силен удар од далечина. Во 59. минута Бесарт Ибраими од пенал зголеми на 3:1, а во 74. минута резрвниот играч на бугарскиот тим, Цветомир Цанев го постави конечниот резултат. Шкендија насатпи во состав: Захов, Мурати, Кривак, Бејтулаи, Павиќ, Алими, Зејнулаи, Џака, Нафиу, Дориев и Ибраими.