цунами – Kurir.mk

ВИДЕО: Сирени одекнуваат на Алјаска – Цунами по силниот земјотрес од 7,4 степени, луѓето бегаат

Ивона Петрова — Sun, 16 Jul 2023 09:09:00 +0000

Силен земјотрес со јачина од 7,4 степени ја погоди Алјаска. Според информациите од ЕМСЦ, земјотресот бил на длабочина од 10 километри.

Magnitude 7.4 #earthquake strikes #Alaska Peninsula region, #Tsunami warning issued. pic.twitter.com/0FDBw1JHpY
— Smriti Sharma (@SmritiSharma_) July 16, 2023

#Tsunami #earthquake #Alaska May god protect all! This is heart breaking 💔 pic.twitter.com/yVnYzxpr9j
— Taqi Datari (@DatariTaqi) July 16, 2023

Сирените се огласија како предупредување за цунами, кое брзо потоа ја погоди Алјаска.

#Tsunami #sirens after the #earthquake #deprem #alaska pic.twitter.com/jPTOdiGIMA
— sudhakar (@naidusudhakar) July 16, 2023

Alaska Tsunami #deprem #earthquake #alaska #tusunami #tsunami #sirens pic.twitter.com/qaHPIM8dtn
— Ozan.21 (@Ozan_krc21) July 16, 2023

🚨 A #tsunami warning has been issued after a 7.4 magnitude #earthquake in the Alaska Peninsula region,
Follow @CBKNEWS121 for more updates#earthquake #tusunami #tsunami #Alaska pic.twitter.com/w9awjcnXQy — CBKNEWS (@CBKNEWS121) July 16, 2023

📍📌Alaska Tsunami
🚨 A #tsunami warning has been issued after a 7.4 magnitude #earthquake in the Alaska Peninsula region, Follow @CBKNEWS121 for more updates#earthquake #tusunami #tsunami #Alaska pic.twitter.com/yf2zQujBPl — CBKNEWS (@CBKNEWS121) July 16, 2023

Flash: Tsunami alert in kodiak, #Alaska after the #earthquake pic.twitter.com/Q4WLUQCtzC
— Yuvraj Singh Mann (@yuvnique) July 16, 2023

Земјотрес од 6,2 степени во Токио, нема опасност од цунами

Ивана Ефремовски — Fri, 26 May 2023 13:18:57 +0000

Земјотрес со јачина од 6,2 степени според Рихтеровата скала денеска го погоди Токио и околните области на источна Јапонија, но нема опасност од цунами. Земјотресот се случи во 19 часот и 3 минути, а според Јапонската метеоролошка агенција епицентарот бил на длабочина од околу 50 километри од источниот брег на Чиба. Не се регистрирани нарушувања во нуклеарната централа Токаи 2, лоцирана во Ибараки, североисточно од Токио, објави нејзиниот оператор. (МИА)

Силен земјотрес од 7,3 степени во Индонезија, издадено предупредување за цунами

Ивона Петрова — Tue, 25 Apr 2023 05:53:22 +0000

Силен земјотрес со јачина од 7,3 степени според Рихтеровата скала денеска го погоди западниот дел од индонезискиот остров Суматра, соопшти Индонезиската геофизичка агенција (БМКГ), по што е издадено предупредување за цунами. Претходно Европскиот медитерански сеизмолошки институт (ЕМСЦ) соопшти дека земјотресот бил со јачина од 6,9 степени. По земјотресот, чиј епицентар беше на длабочина од 84 километри, издадено е предупредување за цунами, додаде индонезиската метеоролошка служба. Агенцијата побара од тамошните власти веднаш да ги повикаат жителите да се оддалечат од брегот. По главниот, следеа серија помали земјотреси, од кои некои беа со јачина од 4 степени според податоците на БМКГ. Земјотресите се вообичаени во Индонезија, која се наоѓа на таканаречениот Огнен прстен на Пацификот, сеизмички активна област каде што се спојуваат плочите на Земјината кора. На 26 декември 2004 година, земјотрес со магнитуда 9,1 го погоди источниот брег на Суматра, предизвикувајќи цунами во кое загинаа околу 230,000 лица, по што продолжи по должината на бреговите на Шри Ланка, Индија, Малезија, Индонезија и Тајланд.

Силен земјотрес на Филипините, издадено предупредување за цунами

Катерина Бојаџиева — Tue, 04 Apr 2023 15:39:31 +0000

Силен земјотрес со јачина од 6,6 степени го погоди денеска источниот дел на Филипините, по што државната сеизмолошка агенција издаде предупредување за цунами. Епицентарот на земјотресот бил на 120 километри од градот Виго, на длабочина од 45 километри, соопшти Европскиот медитерански сеизмолошки институт, кој првично соопшти дека земјотресот бил со јачина од 6,3 степени. Филипинскиот институт за вулканологија и сеизмологија ги повика луѓето што живеат во близина на брегот да се оддалечат од океанот, предупредувајќи дека може да се соочат со бранови високи еден метар над просекот и дека брановите би можеле да бидат уште повисоки во заливите и теснецот. - Јавноста е информирана да биде подготвена во случај на големи бранови. Им беше препорачано да се држат настрана од плажите, изјави за радиото ДЗММ, Терезито Баколол, директор на државната сеизмолошка агенција. Тој додаде дека засега нема извештаи за штети или жртви.

ИЗДАДЕНО ПРЕДУПРЕДУВАЊЕ ЗА ЦУНАМИ – силен земјотрес од 7 степени во оваа земја пред само неколку минути

Дарко Андоновски — Sun, 08 Jan 2023 15:38:10 +0000

На пацифичкиот архипелаг Вануату денеска е регистриран земјотрес со интензитет од седум степени според Рихтеровата скала, а издадено е и предупредување за појава на цунами. Епицентарот на земјотресот бил на 23 километри од пристаништето Олри на длабочина од 27 километри, соопшти Американскиот геолошки институт. Пацифичкиот центар за предупредување издаде предупредување за цунами на бреговите на оддалеченост од 300 километри од епицентарот. За сега нема информации за евентуални жртви и причинета материјална штета. На Вануату, кој е подложен на природни катастрофи, со активни вулкани и редовни циклони и земјотреси, живеат околу 280.000 луѓе. Архипелагот се наоѓа на пацифичкиот огнен прстен, каде се вообичаени земјотресите и вулканите се вообичаени.

ВИДЕО: Застрашувачки снимки од Тонга – ерупцијата на подводниот вулкан предизвикала цунами кое носи сè пред себе

Магдалена Андонова — Mon, 17 Jan 2022 14:36:48 +0000

Пацифичката држава Тонга е погодена од бран цунами по ерупцијата на вулканот на дното на Тихиот океан. На снимките објавени на социјалните мрежи се гледаат огромни бранови како удираат по брегот и луѓе кои се обидуваат да побегнат од водената стихија. Некои жители на Тонга биле затекнати од цунамито додека биле на миса во црква каде останале заробени. Во водите на Тихиот океан во близина на Апиа, главниот град на Самоа, регистрирани се бранови со висина од околу 1,5 метри, било соопштено од американскиот Пацифички центар за предупредување од цунами. Метеоролошката служба на Тонга соопштила дека предупредувањето од цунами е на сила на целиот остров. Предупредување од цунами исто така издала и Националната служба за вонредни ситуации на Нов Зеланд, како и американскиот Пацифички центар за предупредување од цунами.

This family were in church. They’d just finish having choir practice and the tsunami hit 😩❤️🇹🇴 #Tsunami #Tonga #Oceania pic.twitter.com/j1poqeJ5Td
— Journalist Siraj Noorani (@sirajnoorani) January 15, 2022

A tsunami hit the island of Tonga after a volcanic eruption. #Tsunami #Tonga pic.twitter.com/trp9PQvsuu
— Aleksander Onishchuk (@Brave_spirit81) January 15, 2022

Цунамито во Јапонија преврте и во океанот однесе 20 бродови

Тале Кристо — Sun, 16 Jan 2022 08:54:09 +0000

Цунамито, што се формира по подводната ерупција на вулакнот Хунга-Тонга-Хунга-Хапаи, ноќеска оштетило најмалку 20 бродови во пристаништата во префектурите Токушима и Кочи, во западна Јапонија, јави NHK. Бродовите биле превртени и однесени во океанот, јавуваат медиумите. Првичните информации говореа за пријавени 10 оштетени јапонски бродови. Околу 230.000 Јапонци, кои живеат во областите долж брегот на Тихиот Океан, синоќа од локалните власти добија наредба за евакуација поради заканата од цунами. Засега нема информации за жртви. Дополнително, откажани се и 27 домашни летови со слетување или полетување во зоната на можно влијание на катастрофата. Националната метеоролошка управа на Јапонија ноќеска соопшти за закана од цунами поради ерупцијата на подводниот вулкан Хунга-Тонга-Хунга-Хапаи во Кралството Тонга. Според Управата, ризикот од брза промена на ситуацијата може да остане и денеска. Бранови високи до 1,2 метри беа регистрирани долж брегот во различни делови на Јапонија, а забележана е и можност за цунами високо до три метри.

Предупредување за цунами по силниот земјотрес на Крит

Ивона Петрова — Tue, 12 Oct 2021 11:45:22 +0000

По земјотресот од 6,3 степени јужно од грчкиот остров Крит, Европскиот медитерански сеизмолошки центар издаде предупредување за цунами, а грчкиот професор и сеизмолог Герасимос Пападопулос, на неговиот фејсбук-профил напиша дека во тек е мало цунами и повика граѓаните да се оддалечат од крајбрежјето, јави дописничката на МИА од Атина. Според првичните информации од Крит, силниот земјотрес предизвика помала материјална штета, се урна мала стара црква, но и создаде паника кај граѓаните од градовите и селата во близина на епицентарот. Земјотресот со интензитет од 6,3 беше регистриран кусо пред 12.30 часот по локално време во морскиот дел југоисточно од грчкиот остров Крит. Ова е втор силен земјотрес на Крит во изминатите 15 дена, а според грчките сеизмолози денешниот не е поврзан со оној од 5,8 степени, регистриран на 27 септември, јужно од градот Ираклио. Само осум минути по силниот потрес во близина на Крит, беше регистриран земјотрес од 4,5 степени северозападно од островот Карпатос.

ИЗДАДЕНО ПРЕДУПРЕДУВАЊЕ: Турција стравува од цунами по земјотресот на Крит

Магдалена Андонова — Mon, 27 Sep 2021 10:04:40 +0000

Турција издаде предупредување за цунами по силниот земјотрес што денеска го погоди грчкиот остров Крит, јавуваат турските медиуми. Властите во Турција го предупредија населението за можна појава на цунами предизвикано од земјотресот во Грција, што, како што се прогнозира, може да го зафати целиот регион. Едно лице загина, а девет се повредени во силниот земјотрес на Крит, чија јачина од Европско-медитеранскиот сеизмолошки центар беше проценета на 6,2 степени. Земјотресот оштети стари згради, цркви и патишта во неколку критски општини во близина на епицентарот, јужно од градот Хераклион, додека училиштата беа евакуирани. (МИА)

Укинати предупредувањата за цунами по земјотресот во Алјаска

Магдалена Андонова — Thu, 29 Jul 2021 13:12:31 +0000

Предупредувањата за цунами беа укинати на Алјаска и остатокот од Пацификот по силниот земјотрес од 8,2 степени по Рихтер, кој ја погоди сеизмички активната американска федерална држава во доцните часови. На Алјаска, бранови помалку од 30 сантиметри биле забележани во Сенд Поинт, Олд Харбор, Кинг Коув, Кодиак, Уналаска и заливот Алитак, според американскиот Национален центар за цунами (NTWC). Во моментов нема извештаи за човечки повреди или материјална штета. Неколку крајбрежни места на Алјаска беа евакуирани по земјотресот. Американскиот геолошки институт (УСГС) објави дека епицентарот на земјотресот, кој се случи во 22:15 часот по локално време (8:15 часот по средноевропско време), е на длабочина од 35 километри. Земјотресот се случи на околу 91 милја источно-југоисточно од Перивил, Алјаска. Оддалечено е околу 800 километри од Енкориџ, најголемиот град на Алјаска. По тој земјотрес следеа уште седум послаби потреси, од кои два беа со јачина од над 6,0 степени. Цунамито не се очекува да биде закана за американските држави Калифорнија, Орегон и Вашингтон и канадската провинција Британска Колумбија, рече Дејв Снајдер, координатор за предупредување за цунами во NTWC.