цветан трипуноски – Kurir.mk

Трипуновски: Власта го труе сопствениот народ, не е само зеленчукот имало и портокал со штетни пестициди и тоа шест пати над дозволеното

Ивона Петрова — Thu, 01 Jun 2023 16:51:29 +0000

Системот е девастиран, не функционираат институциите. Свиркачи се обратија до нас како политичка партија, ни доставија информации и информираа дека се случува вака ситуација. Податоците се фрапантни, концентрациите на пестициди се големи, а тоа значи дека ако ние не бевме да ја информираме јавноста како власта оркестрирано го труе сопствениот народ, ова ќе поминеше така, а можеби и во минатото се случувало тоа, изјави претседателот на Комисија за земјоделство, шумарство и водостопанство на ВМРО-ДПМНЕ, Цветан Трипуновски за „За или против“ на Алфа ТВ. Тој посочи дека јавноста треба да биде информирана дека во овие четири земјоделски култури пиперката, домат, млад кромид и краставица се детектирани повеќе пестициди штетни за човековото здравје. И ова е само заради тоа што Агенцијата за храна и ветеринарство како една од најповиканите институции, го има преспано периодот и со оглед како функционира оваа власт претпоставувам дека се работи за проценти кои на брза лента овие пратки влегуваат во Македонија, а се крајно небезбедни. Пред мене го имам извештајот кој се однесува на млад кромид, детектиран еден пестицид, максимално ниво кое е дозволено е 0,01 милиграм на килограм, а резултатот кој е евидентиран од Државна фитосанитарна лабораторија е 0,13. Тоа значи дека 13 пати над дозволената граница е во овој производ кој го консумирале граѓаните, истакна Трипуновски. Тој нагласи дека вакво труење има и кај овошјето, односно алармантно е и кај портокалот, дури 6 пати над дозволената граница. - Сакам ексклузивно да наведам дека и кај овошје, односно портокали. Иако директорот Бабовски вчера информираше за некаква пратка која е вратена, зборуваше за 30 мај, а мојот резултат е за 29 што значи дека е различна пратка. Се работи за портокал, барател на анализата е АХВ и детектирани се да пестициди. Првиот каде горната максимална граница е 7,00, но резултатот е 43,8%. Тоа значи дека овој портокал е 6 пати над дозволеното и е многу штетен. Тоа значи дека ако некој родител сакал да го нахрани своето дете со цеден портокал, му дал нешто штетно, рече Трипуновски.

Трипуновски: Николовски да иницира Агенцијата за стокови резерви целосно да ја откупи македонската пченица

Тале Кристо — Thu, 27 Apr 2023 18:18:28 +0000

Љупчо Николовски е срам за министерството и македонските земјоделци, вели Цветан Трипуновски од ВМРО-ДПМНЕ. -Вакви изјави само покажуваат дека не само што е тотално неспособен и незаинтересиран за решавање на проблемите на земјоделците, туку поима нема што се случува во земјоделството. Но, да беше меѓу земјоделците може и ќе слушнеше кои се нивните проблеми и барања. Изминатиот период неколку пати барав брза реакција од надлежните, уште еднаш апелирам Николовски веднаш да ги повика производителите на пченица и да предложи до Владата, Агенцијата за стокови резерви веднаш да ја откупи цела македонска пченица. Доколку Николовски не знае и овој проблем да го реши, стојам на располагање да му помогнам, се во интерес на земјоделците. Доста е од неспособност и незаинтересираност!, додава Трупоновски.

Трипуновски од Брвеница: Субвенции кои пред се редовно и навремено ќе се исплаќаат кон секоја категорија земјоделец

Тале Кристо — Fri, 03 Jul 2020 09:59:16 +0000

Техничкиот заменик-министер за земјоделство, шумарство и водостопанство Цветан Трипуновски заедно со кандидатите за пратеници Александар Велјановски и Стојан Тодороски од ВМРО-ДПМНЕ ги посети општините Брвеница и Јегуновце разговарајќи со земјоделците и политиките за нивна поддршка. Трипуновски истакна дека ќе се промени состојбата на сегашните постојани доцнења на исплати на субвенции. -Она што можам со жалење да констатирам дека секаде во Република Македонија сликата е речиси иста. Земјоделците овие три години ги доживеаја најголемите неправди односно потценување на нивниот труд во делот на аграрниот сектор се она што ветуваше СДСМ изминатите години односно во предизборието во 2016 година остана само на хартија, а реалниот сектор немаше никаква помош, рече Трипуновски. Тој од Брвеница на сите земјоделци им порача дека се обвзруваат да инвестираат преку 640 милиони евра во делот на субвенциите. -Субвенции кои пред се редовно и навремено исплатени кон секоја категорија земјоделец. Исто така се обрвзуваме да инвестираме 80 милиони евра, односно 20 милиони на годишно ниво во делот на водостопанство бидејќи без навремено и квалитетно наводнување не можеме да зборуваме за рентабилно земјоделско производство и нормално се обврзуваме на еден чесен и искрен однос кон македонскиот земјоделец затоа што после овие тешки години кои ги преживеа со Зоран Заев овие години заслужува да биде на пиедесталот и да биде вреднуван неговиот труд како што заслужува и доликува, изјави Трипуновски. Заменикот министер и кандидатите за пратеници посетија две фарми и една плантажа во Брвеница и Седларце.