цветановски – Kurir.mk

Ало, врзете ги некрофилите…

Љупчо Цветановски — Mon, 13 Jan 2020 13:32:36 +0000

„Пискотници се слушаат од екс Бихаќка до ридот над река, што тешка несреќа ги збра и јуришниците, и стратезите, та гласи тажна ека и навева сал коб и зла?“ Го молам понизно Глигор Прличев, нека ми прости за злоупотребата на „Сердарот“, ама со смена на само неколку зборови од неговата безвременска поема, сликата современа толку добро се доловува... „Скроз“. Да, истиот оној Прличев кој сега без проблем го продаваат на Бугарите токму оние што пискааат и зла коб и тажна ека по медиумите истураат. Ама работава се претера луѓе, отиде во ПМ и назад за само 10 дена техничка направија... Малку ги здрмаа од доходовните им фотелји, а толку зло и повраќаници од себе извадија јуришниците на копче и дел као демек „новинари“ што изиграваат. А ден на терен немале, од „роѓење“ колумнисти станати, грејт сексес што би рекол Борат... Факт е, купишта жолчна маса деновиве ко лавина се изли по македонскиот интернет и етер. Се изначитавме грдотии до бесвест. А што ќе следи како изборите ќе наближуваат, а со тоа и крајот на нечија кариера? Тик-так! Башка и слобода? На страна и фондови, тендери, пари итн. итн. итн. Ууууу, страшна пизма ќе се истури од грлата хејтерски, толку оксиморонски полни со демократија и човекови права. Оти, вистината била поинаква. Јап, мада по рецепт ала д-р Џекил и другарчето му Хајд довчерашните „бранители“ на човековите права се демистифицираа. До „коске“ се соголија. Абе, испаднаа човекојадци да ти биле, а? Упс, а толку многу ги сакаа луѓето, ама по вкусот на мевцето изгледа. Фер, не оние од нивното „племе“, затоа што мразачите кои нон-стоп контра поделби верглаат, по навика најголемите поделби меѓу народот ги внесуваат. Епа, да, тие сегрегатори вични и вечни навистина да ти ги сакале луѓето. Њам, нели. Исто како разликата меѓу педофилот и педагогот, и нашиве „филантропи“ - не мизантропи (тоа е мал збор за „нашиве“ чеда возљубени во фондовите, проектите и парите), туку некрофили да ти биле... И така наеднаш, технички „изазваним“, питбуловите се одврзаа и го изблујаа она што мислат, она за што се створени, она што им прилега. Ко саливено... А, им стои, ама фантастично. Им стои оти влада им паѓа, ццццц... Можете само да замислите колку на некрофиливе им било тешко минативе три години? Колку мака виделе 36 месеци пусти, додека на власт беа, со устињата со заштита подврзани. Иако, да не се лажеме, и тогаш од време на време гнасотилаци истураа, ама со парите ала дијазепампче смирени, далеку од своето „најдобро“ творештво беа. Ќути, што само три години издржаа Зоки и компанија, да беа повеќе, хејтерчињава од мака ќе пукнеа, ќе експлодираа ко мистер Криосот во Монти Пајтон. Да, и вака едвај додржаа срцките. За греота, ќе рече некој, абе запчињата им отапеа, па мораа по пет-шопови гумени играчки за гризање да купуваат, лажејќи дека за љубимецот домашен се таксани. Само, едно ме интересира, ако по утрото денот се познава, кога ќе дојде крешчендото на 12 април, што тогаш ќе прават? А уште подобро, што по 12-ти април? Затнете уши и и врзете очи за нивните дејанија, обавезно. Оти, ова што го гледаме од човекојадциве разбудени е само увертиричка на грдотијата која следува. Дарбата им непрокопсана „тек“ ќе се изнедрува од нивните жолчни вилици и полни со омраза мозочиња. Да, тие немаат ни сиви ќелии, црни се. Кај нив се' е во знакот на оваа боја... Ок, и во знак на зелената де, како синоним за парите, фер... Да, ќе чуете како Дерала се издерава паралелно со оној кој тера се у Тричку лепу материну, па друг „независно“ сипа Богојевци у опозициску осовину, трет најавува враќање на „режими“, четврта јоца-јеца оти сонила кошмар со Грујо, петти од само двајца министри сневидел, шести од заменици технички бессоница фатил. Тууу, маки невидени по саде 240 часа минати... Јако, а замислете тек со сите министри „неподобни“ во идна, нетехничка влада што ќе биде, а? Бррр, хорор во најава, асли. Ни Стивен Кинг не би се нафатил то да напише, ни Карпентер то да режира, јок, премногу е... Затоа, сега барем уживајте, драги мои, оти овие изливи некрофилски сега-засега се’ уште се само инцидентни, блиц-пројави на нечии и онака искривени умови, тешете се и замислете што не' чека по 12-ти април. Блујаници во најава... Или, најдобро, ставете ги на игнор и оставете ги да си лаат. Башка што така без ефект ќе пукнат од мака, башка од хигиенски причини, нели. Ќе отрпнете де, пак, па 11 години претходно ги слушавте и гајле немавте, периодот на нивната хејтерска иницијација го засведочивме, ги израснавме во асли хејтери и дочекавме ко стари, добро познати хејтеришта да ги видиме. Баталете ги, не вредат ни за спомнување професионалните лајачи, водени од максимата „подобро жив кукавица, отколку мртов херој.“ Колку и да ги бива за черечење и кинење кокичиња, пролетта ајваните нема да ја спречат. Нека си лаат, проблемот е што додека тие лаат, државата наша си врви. Нека не ве дефокусираат од целта, не им го правете ќефот и не занимавајте се со тоа што и каква грдотија и повраќаница некој од нив истресол од себе. Има многу поубави работи во животот. Секако, за оние што го имаат. Тажната вистина е дека се започнува со едно лаење, а останатите стотина само лаат по првото...

Недела дена мир: ЗнАЕВ дека ЗАЕВ нема да ви фали, амa ич…

Љупчо Цветановски — Fri, 10 Jan 2020 11:22:05 +0000

Еве, мина и цела една недела како отворам фрижидер, а види ти чудо – Заев го нема да излезе од него? Го нема ни у „дубоко“. Ѕиркам зад теглите ајвар, го нема ни таму. Зад лутеницата или малиџаното. Јок?! Немогуќе, си велам, што е работава? Па три години дерман немавме, што стана сега? Од толку гњаважа, силоважа и тупажа, пустите и се навикнавме, онака мазохистички нели. Ајде, нова шанса. Оп, го нема и во ни зад бурето со туршија?! Ај, трета мајка. Дигаш ве-це шоља, најочекувано да е таму, ама јок - го нема чедото црпнато? Четврта, петта, шеста можност... Јок. Цццц. Штама, калма. Туууу! Ја нема бре досадава, никаде. А минативе над 1000 дена сте се одвикнале од мир, спокој национален и кусок идиотштини. Ама знаете, да не се разбереме погрешно, некако и не ни фали дневната дилајлина доза, нели? „Скроз“ не ни фали, ама ич, дефинитивно. Да, неспорно, оти некому може и ќе му недостига неговото секогаш со лажна насмевка опашано фацулче и очињата пиљарски кои шараат по соговорниците, на друг ќе му недостасуваат стотиците зелени глупоштини популарно наречени ЗАЕВИЗМИ што со брзина од 200 км/час излегуваат од неговата уста, на трет ќе му фалат неверојатните ПОЛИГЛОТСКИ способности на кои може да му подзавиди и Трипио од „Војна на ѕвездите“, некому можеби и мајтапот и мангуплук кооперациски со кои ги извртува прашањата и насекаде ја срамеше државата, па дури може да ви зафалат и неговите муртински авантури со лажни принцови, Порошенка, Столтенберзи, утнати и превртени знамиња. Да, оти знаењето има граници, а незнаењето нема. Постои „могуќност“ истата фалинка да важи и за размената на машни, целивките на пенкала, гушки, ко циганче на цреша фацки со светски лидери и редица други срамотилаци. Искрено, ќе ви фали ли сето ова? Хммм, па го имаме документирано на youtube, секогаш можете да си ги вратите и смеејќи се да си споменувате за ликот и неделото на временската непогода насила наречена премиер. Претпоставувам и дека тогаш, за три месеци и два дена од денеска, поубаво ќе се смеете на гафовите и истресените глупоштини, оти само тоа и ќе му остане на лидерот на хунтата која без да победи на избори успеа времено да го смени името, уставот, а се дрзна и да ја менува историја. Фер, на штетата ќе мора да се работи, да, многу. Јап, кога некој до толку ќе ус.ре, друго чаре нема. Полошо е што, најверојатно, нема ни да има друга шанса, ако ја утнеме оваа... Или, поневеројатно можеби, ќе ви фалат Рекет 1, 2, 3... Кај и да е ќе стигнат до 1001. Не ноќ, рекет. Ќе ви мањка и убавото му распашано и зајдено во сељачки гламур друштво на Какица, Бокија, Кики, Фрики, отец Номче и другите раскалашани распрденици? Ќе ви недостигаат ли и срцките министерски самобендисани и крајно неспособни, кои субвенции не даваа. Епа, ај на катастрофиве на две нозе на 12-ти да им го субвенционираме што подолгото отсуство од политичката сцена. Само, да не бидат оние аланфордовските „Наоружај се и бегај!“ или „Да бегаме, тие се двајца, а ние сами!“ Гарант, некому сигурно ќе му фалат тендерите, на Рашо, Цвета и Букија сигурно, башка и на пола влада, а на колегите и јуришници „неиновативни“ најмногу ќе им мањкаат азната од Фонот за иновации. Вам нема да ви фалат, гарант, ама сигурно ќе си приспомнувате на црнилата на владата која од пуста навика на наместен тендер го продаде и името и дузина други светии. Така, во заборав од ридот, Деус екс макината и меЏународната, плејадата трагикомични ликови кои бескруплозно ја кроеја, черечеа и кастреа историјата и иднината на сопствената татковина, соочени со вистинска (без Рускоска и Кацарска) правда, можеби и ќе сфатат што погром и непростиво иле му сторија на овој напатен, но толку трпелив, горд и непокорен народ. Проблемот е во трпеливоста, да... А, ако сепак, ви зафалат, макар трунка, најверојатно ќе ги најдете. Знаете и каде. Без проблем. Ќе ги лоцирате лесно, а тие сигурно ќе си бидат таму ако посакате да ги видите. Гарант, оти тие не ќе можат да излезат по сопствена волја. Ок, дел најверојатно со новата голема преселба на богатуните ќе летне во странство. Да, поверојатно и дека љубителите на северната страна на светот ќе заминат на исток или југ. На запад и на север важат закони и договори за екстрадиција. Ви текнува... Не грижете се, за „баланс“, привиден барем, уште 4 години ќе го имате за да го трпите Таличниот кој многу милува да ја спомнува страната контра јужната, насаден на Водно за да ни реди ко бапчорка колку било убаво со Зокија, па како заедно едно општество за едни исти ликови правеле, па оксиморонски насила донеле демократија, па како „режим“ урнале, па како мед и млеко течело. Уште две години ќе ги трпиме и Шики и градоначалничката четна лакрдија неотрезнета, шверцерска и насилничка, но ќе издржиме, нели. Затоа, сега, откако првата недeла мина и видовме колку може да биде убаво без него, абе нирвана македонска, ајде да се потрудиме така и да остане, чувството да трае, но да се вложиме малу и за многу подолгорочен мир од глупопштините Зокиеви, на страна смената и на останатите урнебесни ликови од Илинденска бр.2. Нема да ни фалиш будалче, пишаа пред 7 дена. Не беше фер, будалите не знаат што прават. Дилајло, подобро стои... За многу недели нека е . И години...

Години на антинационално лудило, години за заборав…

Љупчо Цветановски — Thu, 02 Jan 2020 13:34:06 +0000

Мина уште една година вредна за заборав. Реално, од хигиенски причини, не само 2019-ката, туку целиот период меѓу 1. јуни 2017. година и 12. април 2020-та ќе треба да го ставиме на некаков умствен стенд-бај, да го избришеме. Скроз... Сосема случајно, нели, овој период се поклопува со стартот на неуставното оформување на Заевата демек влада, а завршува со денот кој треба да го означи збогувањето со истата таа антинационална направија. Фер, убавите работи ги имаше и во меѓувреме, но само на приватен план, во и со семејството и пријателите. Национално, сотреа се’ што допреа. Затоа што бескруплозната биљмеска констелација насила сместена на „Илинденска“ бр. 2, која орно се пресели од удбашкото гнездо на екс Бихаќка, не ни знае поинаку. Оти, од дилајли политичар не бива, а срцките толку многу сакат да бидат владетели, ама од „роѓење“... Ако не верувате, прашајте го Зокија, Катица, Фросе, Кирацот, Рашко, Шилежето, Паки и остала банда. Небаре, прв впечаток ви е дека се работи за некоја екипа циркузанти или лоши комедијанти. Еден тресе зелени без усул, друг краде, трет фолира, четврт фризира, петти продава мадиња за бубрези, шести пие ко смук, седми шмрка итн. итн. итн. Ако се прашувате – што сторивме за да заслужиме вакви дилајли, одговорот е - не сторивме, ама баш ништо. Но не позитивно, да не се разбереме погрешно. Ништо не сторивме, барем многумина, за да не бидат таму кај што се. А со мрчење и продавање пуфки, нема да биде подобро, дефинитивно. Епа, ај да ја смениме прикаската и лентата, затоа што Спасовски и Царовска веќе почнаа да глумат Македонци и добија силен патриотски набој. Да не паднат на овие евтини марктиншки финти повторно дел од чедата „неопределни“ и да бидат дел од новата екипа „разоШарани“. Како малечок, го сакав Езоп и неговите басни. Камо и дел од дилајлите да не застанеа на „Зоки Поки“ во наобразбата им, да се помачеа вклучувајќи ги мозочињата и да сфатеа барем дел од наравоученијата пренесени од „животинчињата“ Езопови. Урбаната, македонска верзија на Езопова басна би била во оваа форма: „Еднаш, во една шума си живееле многу животинки. Најразлични, од мечки до ежиња, од лисица до елен. Ко и во секоја шума и тие не се сложувале за се’, ама сепак си коегзистирале и колку-толку се почитувале. Да, живееле на едно исто место, со векови почвата и судбината ја делеле. Го делеле и чувството на припадност. Имале и лоши и убави денови и периоди, не течело баш мед и млеко, ама тоа било нормално. Не биле ни пребогати, ни пресиромашни, ама биле свои на своето. Соседните шуми и полиња биле поголеми и секогаш настрвени кон нивната шума, но успевале да се одбранат и да останат свои. Не била идила прикаската, ама се си течело по природниот тек на нештата. Арно ама, еден ден се’ се сменило. Се појавил еден безобразен зајак, кому некој однадвор му дал изим да прави бељи и владее. „Ууууууу“, вознемирено викнале домородците, уплашени од апашот зајак кој во шумата бил познат по бескруполозноста, селската итроштина и тресењето зелени. Силен вознемир внел безобразникот кој харал и плашел со бомби в ранчето, а дополнителен страв в коски им донела змијата, глуп смок кој сега со странска генетска модификација станал отровница, која беспоговорно го следела ушкото и постојано на сите што макар и ги погледнеле им пискала „Сдссссссссссссссссссссссссссссссссссс!“ И така, благодарение на бомбите в раце и змијата отровна, зајакот завладеал со шумата. Тормозел, гњавел, фолирал, досадувал, умувал, унишувал, но и натаму зелени без престан тресел. Бил и многу самобедисан. Се правел дека знае да зборува мечешки, па јазовечки, следниот ден полиглотот со уши големи демек знаел и орловски... Затекнатите живи суштества на овие глупоштини си се потсмевале под мустаќ ил скришно, но стравот од заштитникот на долгоушестата досада ги спречувал да сторат што било. Јес, од патот на љубителот на моркови се тргале мечките, лисиците, јазовците, а бегале и елените и ласиците. Волци никогаш не ни имало во шумата, можеби и затоа дошле на тоа дереџе со зајакот... Гавази, пак, му станале мисирките и кртовите, а најдобар поддржувач и партнер нашол во кукавиците. Трагикомичната бурлеска шумска траела со години, тмурни времиња во кои зајакот успејал да внесе страшни поделби меѓу жителите и да урниса еден куп вредности кои биле свети за нив. Го трпеле, трпеле и трпеле, само и само поради наметнатиот страв, кој деспотот долгоушест им го донабил со затворање на непослушниците. Арно ама, еден ден зајакот почнал да приметува дека бомбата во неговото ранче одвреме-навреме престанува да отчукува, а змијата увидела дека нејзиниот отров слабее, па кого и да каснела, тој само со угриз од заби минувал. Страшна паника ги фатила, дерман немале, па почнале да се молат под истото дрво кај ридот за нова помош. Сфатиле, пустите, дека вака нема да можат да владеат, силен страв ги фатил, око не можеле да склопат. Ама одговор немало, заштитникот ридски заминал... Мислеле, мислеле и сковале нов план. Скришно, под закрила на ноќта со своите гавази ќе ископаат огромна јама, па еден по еден во неа ќе ги носат своите противници од шумата, ќе ги закопаат и во апс скришно чуваат. Планот на зајакот многу и се допаднал и на змијата, а кукавиците пукнале од среќа. И копале, копале, а наутро со камуфлажа од лисја ја криеле јамата. Другите, кои ќе приметеле дека нешто муљаат, ги лажеле дека нашле рудник со злато и начин како да ја подобрат економијата на шумата и да ги дигнат пензиите и платите на жителите. Завршиле со се’, а зајко бил најсреќен, страшен товар од плеќи му паднал. Ушите од милина му пораснале. Пукнал од убаини, па така во силен занес се залетал, ја гушнал змијата и со неа, така улетан, се сопнал и траснал во дупката, која сега била стапица и зандана без излез. Тој почнал да писка, а змијата викала сдссссссссссссссссссссс, но биле претешки за да гавазите ги извадат. Така, соочени со реалноста, довчерашните им верни поданици итно си заминале по дома, без збор. Кукавиците, пак, во свој стил одлетале кај мечките и јазовците и издале што им спремале зајко и змијата. Не ги извадиле никогаш, туку ги хранеле и чувале во новокомпоновата ќорка, а во нивна чест над нив изградиле јавни тоалети. Нивните имиња сега ја краселе новата јавна „установа“. Оттогаш, никој во шумата немал проблем со празнење и стомачни тегоби од овој тип, со ќеф оделе во вецето и со милина си ја вршеле работата, токму над главите на довчерашните тирани. И мир, повторно завладеал во шумата. Набргу, сите ги заборавиле зајакот и змијата...“ Наравоучениево е од басната „Двете жаби“, оригинал Езопова, од 4. век п.н.е. и гласи: „Ништо во животот не треба да правиме, без притоа да ги имаме предвид последиците.“ Фер, нели...

Политички оксиморон: СДСМ „уставобранителска“

Љупчо Цветановски — Mon, 30 Dec 2019 12:13:49 +0000

И тоа го дочекавме, ала доктор Џекил и мистер Хајд преобразба на политичката ни владина сцена. По принципот „та-даааам“ на Чигаљ Макс (оти ова за нив е „игра живота и смрти“ затоа што кога не се на власт не „живеат“), партијата која на следните избори треба да се води од аланфордовската максима „Ние ништо не ветуваме и тоа го исполнуваме“ доживеа целосна, асли трансформација во нејзиното почитување на највисокиот правен акт на државата. Сега устите им се полни со „владеење на правото“, дури ќе помислиш и дека се искрени... Срцепарателно, но Уставот наеднаш им стана многу битен. Солзи ни надојдоа, не растреперија и разнежнија. Не натераа да се запрашаме - што е следно, ќе добијат ли наплив на патриотизам и ќе се борат за враќање на уставното ни име? Па, да се потестиме, техничкиот Оливер и вице-Мила последниве денови престанаа да верглаат Северна, Северна, Северна, и наеднаш, им текна дека сме Македонија. Индикативно? Јок. Пи-арот предизборен им работи? Да... Како и да е, ова е вест од рубриката „Верувале или не“ - СДСм наеднаш почна да го брани Уставот?! -Вауууууу, ауууу, машала, неверојатно! Ова беше логичната реакција на пучанството кое минативе години се навикна истата таа комуњарска констелација да го користи Уставот како тоалетна хартија, да го гази, валка, погани, заобиколува и расчеречува. И така, требаше само еден квалитетен предлог со професионалец од опозицијата за технички министер, за да СДСм ја смени прикаската и да стане инстант „уставобранителска“. Абе, експресно им светна - тоа да ти била најсветата книга, „штиво“ од кое нема отстапки. Јес, Уставот наеднаш стана Библија за атеистичко-опортунистичката банда од екс Бихаќка. Оти, кај нив, се’ си е по потреба де. Така било и ќе биде. И наеднаш, Ковачки „изазваним“, социјалдемократите синокрвни се истопорија во јавноста, ја вклучија „Фабрика 106“, или која и да е, и удрија по ВМРО-ДПМНЕ за „тешко“ непочитување на новокомпонирано светата им книга. Партали летаа по нивните „професионални“ медиуми, сите од Тричко до Најчевска орно се вклучија во офанзивата и правда насушна делеа. Нејсе што кога Уставот вистински и ачик се черечеше и име се менуваше, збор не зуцнаа, ама сега им текна дека некој ја допрел светињата и грев голем сторил. Абе табу прекршија вмровците. Јаз’к да е, нели... Ало, дечки, па само во последните две-три години десетина пати му се изнајававте и изнаонадивте на тоа свето книжуле, чуму сега толку вредно ви стана? Како по толку време ви текна дека, воопшто, тоа постои и го имаме? Сепак, пропагандата им машинерија забаботе на „најјако“, пискотници се слушнаа од екс Бихаќка до „Илинденска“ бр. 2, па многумина тазе „разоШарани“ во тешка дилема паднаа, може ли од комуњар лукративен уставобранител да стане? И од некаде се чу гласот разумен, кој приспомна „Кх, кх, кх, абе чедата опортунистички во тендерите возљубени од избори бегаат, причина си најдоа ајваните, вајстина е!“ Некој друг потсети дека истите тие биљмези дури и Преамбулата на тој Устав, што сега толку го милуваат, без проблем ја сменија. Трет кажа дека постереферендумски со закани, уцени и затвори „светата“ книга без проблем ја изменија и уставното име го унакажаа и испоганија и друго со додавка контра јужната страна налепија... Четврт спомна, аааа, да не е до моментот што истиот тој професионалец знае како да им ги извади сите криминални дејанија од владеењето им, бааги „мрсно“ со афери и скандали? Петти рече, да не ќе да е до моментот што народот ќе ги спореди Ковачки и Спасовски и од човек со екстра кариера и без љага ќе дојдеме до најнеуспешниот министер кому му се случија Рекет 1, Рекет 2, кому му избегаа Груевски и Спасов и кој ли не, во чие време Бејрут на улиците го видовме. А го наградија со технички министер, башка... И така, едно по друго се редеа сеќавањата на народот мозочно „немиен“, кому му „текна“ за кршењата на унитарноста уставни, де прво договор со Бугарија, па Договор со Грција пред Референдум да има, па и тој само конусултативен, а потоа и небитен за чедото муртинско, па Закон за двојазичност. И што ли не... Е сега, уставобранителите новопечени, кои станаа Власт токму кршејќи го флагрантно истиот тој Устав и деловникот на 27 април 2017. година, каде и вистински уставобранители имаше (ама од страв ги испозатворија), сега решија да го бранат?! Парадоксално, ама од зародиш неуставната творба на Заев сега се повикува на Уставот кому ја е..а мајката. И така, би СДСм уставобранителска... Или би пародија оксиморонска, она, кога нешто не ти „стои“, ама ич, „скроз.“ Соодветна аналогија на уставобранителниот наплив на „ЗА“-евци би бил педофил кој се повикува на повелбата на ООН за правата на децата или зоофил кој членува во „Анима мунди.“ Така си е тоа и ќе си биде, се' додека си имаме работа со гарнитура која се води од прикаската дека е подобро да испаднат будали, отколку од Влада. А време е, крајно, дечките што се дрзнаа да ни ја менуваат историјата, да ги испратиме во истата...