цветин чилиманов – Kurir.mk

Чилиманов: Заев воведе нов економски модел во Македонија, дрога, казино, шверц

Предраг Кукиќ — Thu, 17 Oct 2019 09:03:23 +0000

Во вчерашната емисија на Алфа ТВ, гостуваше Цветин Чилиманов, новинар кој посочи дека владата на СДСМ моментално промовира нов економски модел во Република Македонија, а тоа е дрога, казино, шверц. Новиот модел, новата улога на Македонија што ќе биде во таа идна ЕУ, ќе биде казино, дрога, шверц на мигранти, перење пари, гледаме колку скандали се отвораат со вртење на ИПА фондови. Ќе ги земеме, па после меѓу себе ќе си ги поделат, еден дел најверојатно за тој што ги дава, дел на своите невладини што протестираа, што маршираа, тоа е економскиот модел кој што ние го промовираме. Ќе зголемуваме пад на невработени, ќе купуваме социјала, ќе зголемиме минимална плата што ќе ги испоништи некои фабрики што уште постојат надвор од Скопје, во внатрешноста. И еве ќе живееме од шверц на дроги, појасни Чилиманов. Чилиманов додаде дека во нашата земја моментално се се урнисува, ниту една нова фабрика не дошла, се рекетираат бизнисите на фабриките што се тука. А, моделот е дрога, марихуана директно врзани со фамилијата на премиерот.

Чилиманов: Денес разбрав дека казната „доЖивотен затвор“ значела да лежиш затвор додека не дојде Животот на Зоран Заев, Оливер Спасовски и Катица Јанева

Дарко Андоновски — Fri, 26 Jul 2019 13:10:41 +0000

Новинарот Цветин Чилиманов денеска сподели Фејсбук статус во кои вели дека казната доживотен затвор значела да лежиш затвор додека не дојде СДСМ на власт. -Јас дури денес разбрав дека казната "доЖивотен затвор" значела да лежиш затвор додека не дојде Животот на Зоран Заев, Оливер Спасовски и Катица Јанева (дури и ако си човекот поради кого Заев и шарените цел плоштад го боеа во црвена боја), стои во неговиот пост на Фејсбук.

Чилиманов: СДСМ 10 години ширеше црна пропаганда за вакцините, сега бара народот да се вакцинира

Ивана Ефремовски — Thu, 03 Jan 2019 11:00:32 +0000

Новинарот Цветин Чилиманов потсетува дека СДСМ 10 години ширеше црна пропаганда за вакцините, а сега бара да се вакцинираат децата. „СДС цела деценија ширеше црна пропаганда за вакцините, а ВМРО ги молеше да не се будалат со такви работи. Сега одеднаш, СДС викаат помагајте луѓе, народов не сака да се вакцинира, еден автобус ситимоловци ќе ни направи епидемија. Не зезајте, проблем било кога некој неодговорно ќе шири пропаганда за вакцинирањето, кога ќе ги обвинува политичките противници дека намерно го труеле народот? Лапајте си сега морбили“-напиша Чилиманов, споделувајќи линкови од вести кои го докажуваат тоа што го тврди.

МАН го осудува Антоновски од МИА за политички притисок, мобинг и дикриминација врз новинарите

Ивана Ефремовски — Thu, 04 Oct 2018 13:17:43 +0000

Македонската асоцијација на новинари (МАН) го осудува континуираниот притисок, мобинг и дискриминација на директорот на Македонската информативна агенција МИА, Драган Антоновски, врз дел од новинарите во МИА, што деновиве кулминира со суспензијата на новинарот Цветин Чилиманов, кој е потпретседател на МАН. Во продолжение следува интегрален текст од нивното соопштение: Ставовите на Цветин Чилиманов изразени преку негови постови на социјалните мрежи Твитер и Фејсбук се негови ставови изразени на личен профил, а не на платформа на МИА или профилите на Агенцијата на социјалните мрежи. Чилиманов не го прекршил ниту Законот за работни односи, ниту систематизацијата за работа на МИА, па оттука, незаконска е одлуката за негова суспензија. Дискриминацијата во работењето на Антоновски се огледа и во фактот што го суспендира Чилиманов по политичката хајка за статус кој е негов личен став, а за повик за насилство од друг новинар од МИА Зоран Иванов, кој е екс портпарол на владата на СДСМ – нема ниту реакција, ниту суспензија. Ако одлуката за негова суспензија не биде повлечена, МАН ќе го поддржи Цветин Чилиманов доколку одлучи своите права да ги брани на Суд против директорот на МИА Драган Антоновски. Истото се однесува и за другите новинари од Агенцијата кои се предмет на притисоци.

Чилиманов: Власта ја подразбира слободата на медиумите со поднесување на кривични пријави против медиумите

Ивона Петрова — Tue, 12 Jun 2018 10:29:56 +0000

Новинарот Цветин Чилиманов во неговото гостување во емисијата “Блиц“ вели дека дошол животот во медиумите. Според него оние како луѓе кои протестираа за слобода на медиумите и се бореа за правата на новинарите се видело како ги подразбираат тие работи со систематско поднесување кривични пријави против телевизиите кои се критични против владата се со цел целосно замолчување.

-СЈО и јавното обвинителство ги таргетираат сопствениците на медиумите нивните семејства нивните уредници за произволни тужби се со цел да се реши спорот со името. Никој не смее да го спречи ова што се случува и со таа цел се прави масовен прогон на медиумите. Добар дел од нив се поткупувани. Гледаме со проекти од амбасади патувања во странство, рече Чилиманов.

Тој се се осврна и на вработувањата во државната администрација на дел од шарените револуционери. Според него дел од шарените револуцинери кои не се вработени или платени за дел од тоа што протестираа и ги фарбаа државните институции во овој момент тие се чуствуваат глупаво.

За крај тој додава дека сега може само да се ужива во иронијата на целата оваа работа.

Чилиманов: Ременски во 2016 година протестираше пред домот на Груевски, додека за Ременски во 2018 година не е убаво да се протестира пред куќи на политичари

Катерина Бојаџиева — Mon, 19 Mar 2018 13:07:52 +0000

Новинарот Цветин Чилиманов, на својојот Фејсбук профил направи споредба од ставовите на Фросина Ременски од јуни 2016 година, кога таа и група поддржувачи на шарената револуција протестираа пред домот на Никола Груевски и тогаш за неа беше оправдан и демократсски чекорт на протестираање, за сега во март 2018 година, протестите пред домовите на пратениците да ги оквалификува како фашистички. Која лакрдија е приредувана од претставницните на власта и кое лицемерие е невидено. Од опозиција за СДСМ протестите се израз на незадоволството на граѓаните, но кога се на власт и граѓаните протестираат против нив, тоа е фашизам. СДСМ која ја организираше и поддржа таканаречената шарена револуција фарбаше објекти низ цело Скопје, кршеше и демолираше, со што нанесоа голема материјална штета. Демократија и израз на граѓански револт беше и кога поранешниот премиер Груевски беше исвиркан и нападнат во градскиот парк во Скопје, додека беше со сопругата и ги санкаше неговите две малолетни деца. Тогаш СДСМ не реагираше, бидејќи нели во нивните глави тоа беше одраз на демократија. Наспроти тоа, сега кога граѓани протестираат пред домот на Ременски, тоа е фашизам и се повикува на кривична одговорност за луѓето.

Чилиманов: Заев викаше дека мора да ја свиткаме кичмата и по секоја цена да влеземе во ЕУ и НАТО, а сега продава патриотизам

Ивана Ефремовски — Fri, 09 Feb 2018 15:52:32 +0000

Гостин во емисијата „Алфаскоп“ која се емитува на Алфа Телевизија беше аналитичарот Цветан Чилиманов. За сегашниот премиер Зоран Заев, Чилиманов истакна дека тој беше човекот кој зборуваше дека по секоја цена Македонија треба да влезе во ЕУ и НАТО и да ја свитка кичмата. Сега кога Македонија има таква можност, но по цена на промена на името, уставот и идентитетот, Заев продава патриотизам. -Значи навистина тој е човекот кој што викаше дека мора да ја свиткаме кичмата по секоја цена да влеземе во ЕУ и НАТО , сега од еднаш продава патриотизам. Значи неможе да му се верува. Добро утро да ти каже треба да провериш на саат, колку е саат, дали е утро или е пладне или вечер, вели Чилиманов. Чилиманов потенцираше дека додека СДСМ беше во опозиција ја обвинуваше тогашната власт дека владата се мешала со судството. Сега кога СДСМ е на власт, човекот кој што е обвинет и се појавува на суд, илегално прислушуваните разговори ги злоупотребува за да дојде на власт, врши злоупотреба на полицијата и службите, рече Чилиманов запраша дали сега тој е човек кој ќе го води судство. -СДС креваа галама до Брисел кога Министерот за правда беше член на судскиот совет. Тоа за нив беше скандал невиден. Тоа беше мешање на Владата со судството. Сега имате човек кој што странски дипломати му даваат оправдување да не се појави на суд, незнам обвинителот се разболува, бара да не дојде на судење, да не содржи рочиште во кривичниот процес за корупција на Заев а тој ќе биде сега оправач на судството во Македонија. Значи во СДС сега е сконцентрирано еден авангард на илегално направени прислушкувани разговори со масовна злоупотреба на тајната служба, тајната полиција, влијание во обвинителството и судството, масовно продуцирање врз основа на оваа збирштина од најмрачното тоалитарно време на таа партија, масовно продуцирање на кривични процеси на закани на заплашувања и на притисоци врз сите поинаку мислечки политички, медиумски, бизнис и какви се не фактори во Република Македонија значи едно тотално владеење на тоталитаризам во Македонија, вели Чилиманов.

Чилиманов: Со затворање на луѓе се прави притисок врз ВМРО да се стави крај на спорот за името

Матеја Петровски — Tue, 02 Jan 2018 12:57:05 +0000

Гостин во емисијата Алфаскоп на Алфа Телевизија беше новинарот и аналитичар, Цветан Чилиманов. Тој потенцираше дека со затварање на луѓе кои гласно зборуваа против нарушувањето на унитарноста на Македонија се прави притисок врз ВМРО-ДПМНЕ да го прифати понижувачкиот пристап на Грција и да даде поддршка во решавање на спорот за името. - Не гледам дека има свест и концепт во амбасадите во Скопје. Сметаат дека можат на сила да ја истуркаат оваа работа. Поради тоа во затвор се некои од водечките македонски уметници и патриоти, луѓе кои што зборуваа против редефинирањето интерно на Македонија на односот на меѓуетничките заедници меѓу Македонците, Албанците и другите заедници кој што е формиран со политички договор на сите партии во 2001 година. Сега на сила се менува и консензусот околу спорот за името во којшто сите партии се согласни дека не смее да се менува идентитетот на македонците, гледаме дека луѓето кои што гласно зборуваа против нарушувањето на овие столбови на Република Македонија сега се во затвор и со тоа се прави обид да се направи притисок врз партијата ВМРО за да таа се потпише не знам да е притисната со желбата да се ослободат нејзините приврзаници, луѓе кои некои се сопартијци, некои се поддржувачи, блиски луѓе во секој случај, да се даде потпис на некаков изнуден договор како тој во Охрид со којшто претпоставувам дипломатите сметаат дека ќе се стави крај на овој спор. Јасно е дека нема никаков крај да се стави со тоа. Јасно е дека нетрпеливоста кај граѓаните расте. Гледаме дека поддршката дури за членство во ЕУ што вообичаено била висока е одвај над 50% , кај етничките македонци е под 50% според истражувања што ги врши Европската Унија, потенцираше Чилиманов. Чилиманов истакна дека кога СДСМ е на власт се случуваат грабежи, страв да се инвестира и да се вложат сопствените пари , ослободување на криминалците додека се апсат вистинските патриоти, луѓе кои ја бранат унитарноста на Македонија. -Во случајот со Македонија, од нас се очекува да прифатиме понижувачки пристап од страна на Грција која што секојдневно ќе го чувствува во секоја наша интеракција интерно и надвор. Се бара да прифатиме отстапување од Македонија како држава на македонскиот народ и навистина една ситуација во која други етнички заедници ќе бидат значително привилегирани во однос на македонската . До таму да има парична казна ако не знаеш да зборуваш албански, а да нема казна ако не зборуваш македонски. До такви апсурди не носат и сето тоа во контекст на една килава економија којашто секогаш се случува кога СДСМ е на власт. Еве општ грабеж , страв да се инвестира, страв да се вложат сопствените пари. Никој од надвор нема да дојде да инвестира и општо небезбедност на улиците кој што ги гледаме во изминатиот период со ослободување на криминалци и рекетари додека се апсат македонски патриоти, истакна Чилиманов.

Чилиманов: Напад врз ВМРО е и напад врз стабилноста и концептот на македоската држава (ВИДЕО)

Курир — Tue, 02 Jan 2018 11:56:43 +0000

СДСМ се обидува со заплашување и апсења на неистомисленици да владее со државата, истакна новинарот и аналитичарот Цветин Чилиманов на гостувањето во емисијата „Алфаскоп“ на Алфа Телевизија. -Главниот генератор на оваа криза е партијата СДС која што сега ја превзема власта со методите коишто ни се добро познати. Очигледно немаат концепт на управување со државата коишто би водел кон смирување на кризната состојба и деискалација на состојбите, туку напротив, оние стари нивни техники и методи на владаеење коишто сме ги гледале во минатото со заплашувања, апсења. Само се обидуваат да кренат на што е можно повисоко ниво и сметаат дека сеуште ќе ја имаат поддршката на меѓународната заедница во тоа што го прават рече Чилиманов. Чилиманв истакна дека Македонија влегува во четвртата година од кризата ако се брои од почетокот на објавување на снимките од страна на Зоран Заев. -Гледаме дека главните проблеми на кризата не се отклонети. Покрајтоа што го добија тоа што велеа дека го сакаат, нели власта после која што ќе настапат живот и просперитет и напредок во меѓународните околности, гледаме дека ништо од тоа нема и дека единствено што таа партија може да направи е нејзин обид за зацврстување на власта преку уништување на сите што поинаку мислат, нивно масовно апсење. Практично имаме отворена војна од страна на Обвинителството и Судството против најголемата партија во Република Македонија а гаранцијата дека ова ке значи дополнителна криза во иднината е во тоа што ВМРО, партијата што ја напаѓаат е меѓудругото е единствениот носител на идејата за суверена, самостојна Македонија којашто сама ги носи своите одлуки и несамобитноста и правото на македонскиот народ, суверено да одлучува за својата иднина и за својата држава. Така да нападот врз оваа партија не е само напад врз поедници коишто денеска се во притвор, завори, прогонувани за ступидно обвинување за тероризам и така натаму, жени обвинети за тероризам, туку ова е напад врз стабилноста на Република Македонија, врз концептот на македонска држава којашто може да биде исклучително западнат и целиот регион. Така да навистина ние само влегуваме во поголема и посериозна и потешка криза со ова што го прават Социјалдемократите и нивните меѓународни помагачи во оваа ситуација потенцираше Чилиманов.

Чилиманов: Секогаш кога СДСМ е на власт имаме општа небезбедност низ улиците, а овој пат се ослободуваат криминалци и се апсат македонски патриоти

Дарко Андоновски — Fri, 29 Dec 2017 13:40:57 +0000

Меѓународната заедница навистина нема концепт за тоа како да се развива овој процес и како да го води, видовме дека настапија целосно едно партиски одејќи по паметот на некои од најрадикалните членови на СДСМ, на најмилитантното крило кое потекнува од времето на Југославија кое во ген им е влезено дека политичкиот противник треба да се апси, а критичкиот медиум да се замолчи и да го снема, а сведоци сме колку телевизии и весници мораше да ја променат уредувачката политика од формирањето на владата на Зоран Заев, ова во емисијата „Алфаскоп“ го потенцираше Цветин Чилиманов. -Не гледам дека имаат некоја свест или концепт во амбасадите тука во Скопје, сметаат дека на сила можат да ја истуркаат работата и поради тоа во затвор се некои од македонските уметници и патриоти, луѓе што зборуваа против редефинирањето на Македонија внатре во земјата, како и односот меѓу Македонците, Албанците и другите заедници коишто е формиран со политички договор на сите партии по 2001 година кој сега се менува и спорот со името, а сите партии се едногласни дека не смее да се менува идентитетот на Македонците. Гледаме дека луѓето кои што најгласно зборуваа за нарушувањето на столбовите на Македонија сега се во затвор и со тоа се прави обид да се направи притисок врз партијата ВМРО-ДПМНЕ за таа да потпише некаков изнуден договор како тој во Охрид. Јасно е дека нетрпеливоста кај граѓаните расте, поддршката за членство во ЕУ кое вообичаено била висока е под 50 проценти, вели Чилиманов. Тој додава дека секогаш кога СДСМ е на власт имаме килава економија и општ грабеж, страв да се инвестира и да се вложат сопствените пари како и општата небезбедност што ја гледаме низ улиците во изминатиот период со ослободување на криминалци и се апсат македонски патриоти.