Изгледа лесно, но не е баш така: Ќе успеете ли да ги најдете близначињата меѓу овие цветови?

Ивана Ефремовски — Wed, 06 Apr 2022 11:55:20 +0000

Пролетта дојде и сите се радуваме на нејзините бои и убавите работи кои ги носи со себе. Една од нив сигурно се цвеќињата. Нема човек што не сака цвеќиња. Тие се убави, шарени, миризливи... Токму на таа тема имаме една задача за вас. Овие прекрасни цвеќиња во себе кријат една тајна. Сите останати се различни, само две се идентични меѓу себе. Можете ли да ги најдете близначињата меѓу цветовите? Ако не успеавте, решението го имате подолу! . . . . . . . . . . . . . . . .

Поучна приказна: Понекогаш погледнете и од другата страна на ѕидот

Ивана Ефремовски — Wed, 28 Oct 2020 10:27:58 +0000

Една млада жена била многу горда на цвеќињата во нејзината градина. Таа го наследила ова хоби од нејзината баба, која ја научила како да ги сака и да се грижи за своите цвеќиња, исто како неа. Токму затоа и никој не можел да се натпреварува со убавината на нејзината цветна градина. Еден ден, додека разгледувала каталог со цвеќиња, таа забележала фотографија од можеби најубавото растение кое некогаш го видела. „Мора да го имам!“ – си рекла таа во себе и веднаш го порачала. Кога растението пристигнало, таа веќе имала подготвено место за него. Го засадила во близина на еден камен ѕид, во задниот дел од дворот. Тоа брзо пораснало, со прекрасни зелени лисја кои се искачувале по ѕидот, но сè уште немало цветови. Таа продолжила да се грижи за него, па дури и му зборувала со надеж дека ќе му помогне да расцвета. Но, растението останало зелено. Едно утро, по неколку недели, таа стоела пред ѕидот и размислувала колку е разочарана затоа што нејзиното прекрасно растение не расцутило. Толку била лута, што дури помислила да го исече и да засади нешто друго на негово место. Токму во тој момент, нејзиниот сосед инвалид, чиј двор бил споен за нејзиниот, ја викнал преку камениот ѕид. „Ти благодарам многу! Не можеш ни да замислиш колку уживам во цвеќињата кои израснаа на растението кое го посади!“ Младата жена влегла низ вратата во неговиот двор и видела дека на другата страна од ѕидот, растението биле преполно со цветови. И да, тоа навистина биле најубавите цветови кои некогаш ги видела. Поука: Само затоа што не можете да го видите добриот резултат од вашата работа, не значи и дека тој не постои.

цветови – Kurir.mk

Изгледа лесно, но не е баш така: Ќе успеете ли да ги најдете близначињата меѓу овие цветови?

Поучна приказна: Понекогаш погледнете и од другата страна на ѕидот