д-р Андон Чибишев – Kurir.mk

Чибишев: Новиот клинички центар стана трагедија во македонското здравство

Магдалена Андонова — Thu, 23 Dec 2021 18:37:59 +0000

Во вечерашното гостување во емисијата „Што не е јасно“ на Телевизија Алфа, гостуваше доктор Андон Чибишев, каде што во однос на изградбата на нов клинички центар, Чибишев истакна дека него му е многу тешко да зборува за изградбата на новиот клинички центар, затоа што тој проект нов клинички центар, стана трагедија на македонското здравство. - Ние во 2017-та имавме проект готов, завршен со поминати сите ревизии, обезбедени средства од европски банки и институции и ревизија направено од европски институции и потребно беше да се продолжи со градба на тој проект, посочи Чибишев. Тој додаде дека ако стариот проект чинеше околу 120 милиони евра што власта се откажа, овој нов проект чинеше 500 милиони евра. Сега овие 500 милиони евра се на ливада каде што немаме ништо решено во однос на инфраструктура, комуникација, инсталација и не сум сигурен дека и имотно правно е решено. - Клиничкиот центар во 2017-та година чинеше со се опрема околу 120 милиони евра, и со тоа ќе добиевме една нова зграда клинички центар на веќе постоечката локација. Таа идеја беше отфрлена со образложение дека нема сообраќајно решение со што Чибишев не се сложува, рече Чибишев Тој посочи дека сега во моментов ние планираме нов клинички центар во Скопје, а клиничка болница во Штип која е веќе напредната во изградбата веќе четири години и повеќе ништо не се работи. - Навистина тешко ми е да зборувам за нов клинички центар, каде што поминаа 5 години и имаме ниту една лопата фрлена, ниту една цигла ставено во новиот клинички центар и не гледам дека во догледно време нешто сериозно околу тој проект да се решава, заклучи Чибишев.

Д-р Чибишев: Имавте илјадници евра за дресирање магариња и за послушниците од СЈО, на матичните им фрлате трошки!

Катерина Бојаџиева — Thu, 02 Dec 2021 21:27:43 +0000

Повторно мерка од Владата со која на најбезобразен начин се подценува достоинството на матичните и докторите од примарна здравствена заштита. Ќе добивале 30 денари (и со букви – триесет денари) за секој пациент кој ќе го убедат да се имунизира. Како не ви срам и жал, бре непрокопсани, вака да си играте со чувствата и професионалниот интегритет на докторите. Им фрлате трошки и очекувате да се радуваат, вели доктор Андон Чибишев. -Ама, затоа имате илјадници евра за вашите послушници во пропаднатото СЈО, имате пари за дресирање магариња, купување бифтеци, ф,стаци, бадеми и најново како прочитав за популаризација за некаква пица која правела од пред новата ера. Поддршка и респект за моите колеги, додава Чибишев.

Чибишев: Живееме во епидемиолошка агонија, а немаме вакцини, Комисијата за заразни болести да побара одложување на пописот за да нема човечки загуби

Магдалена Андонова — Sat, 20 Mar 2021 11:51:20 +0000

Цела година живееме во услови на пандемија, и за жал се уште од надлежните институции гледаме само неспособност, неодговорност и празни ветувања. За цело време на пандемијата здравствените работници се соочуваат со недостатоци на медицинска заштитна опрема. Доба дел од опремата сами си ја купувавме за да можеме заштитени да се појавиме на работните места и да се заштитиме од хоророт кој го предизвика вирусот Ковид-19, изјави д-р Андон Чибишев на денешниот протест пред министерството за здравство под мотото „Здравјето не е статистика, жените против неправдите“. - Додека Светската здравствена организација апелираше и имаше нота, тестирај, тестирај, тестирај, ние тестиравме во ограничен број и со тоа имавме ограничен број на инфицирани и ги принудивме граѓаните самите од свој џеб да плаќаат дури 6.000 денари за да можат приватно да се тестираат за да знаат дали се болни или не се болни. Тоа беше огромен пропуст затоа што ја пропуштивме приликата навреме да ги дијагностицираме пациентите и навреме да го ограничиме ширењето на вирусот. За цело време на пандемијата, имаме недостаток од соодветна терапија и одредени медикаменти. Арно ама на приватно, граѓаните можеа по аптеките да ги набават потребните лекови кои им беа потребни за да се лекуваат тие и нивните семејства, рече тој. Чибишев посочи на уште еден проблем. - Цела година ние живееме во епидемиолошка агонија, а се уште немаме уедначени протоколи за лекување. Тоа секојдневно го кажуваат прво матичните лекари на кои беше оставен голем дел од товарот. Сега за жал кога имаме недостаток на вакцини кога цел свет брои бројка на вакцинирани бројка на оние кои примиле втора доза од вакцината, ние за жал броиме новозаразени броиме починати пациенти, што е катастрофално. Од пред неколку месеци добиваме ветувања дека ќе добиеме вакцини, од нашите пријатели д ЕУ, не добивме, па добивме ветување дека имало договор до одредена фармацевтска компанија и дека вакцините само што не пристигнале, арно ама вчера дознавме дека договор немало, потсети тој. - Добиваме ветување дека ќе имаме вакцини до крајот на 2020 година, но не добивме, па јануари, па февруари, помина февруари, а сега добиваме ветување дека на крајот од март или почетокот на април ќе имало вакцини, ама и тоа се земало со доза на резерва, значи нема да имаме ни во април туку ќе останеме да се снаоѓа кој како може. Пандемијата премногу трае и имаме преморен исцрпен медицински персонал и за сите здравствени работници им изразувам почит за нивната посветеност, одговорност, храброст да го издржат овој период со условите кои им се понудени. За жал многу од нив го поминаа хоророт со инфекцијата со Ковид-19 некои од нив за жал и ги загубивме, а состојбата од ден на ден се повеќе се влошува, изјави Чибишев. Тој ги ги повика колегите од Комисијата за заразни болести, да се одважат и да се надминат себе си, и да донесат одлука и да и предложат на владата да го одложи пописот кој е планиран за месец април, инаку последиците од пописот ќе бидат катастрофални по здравјето и животите на граѓаните.