д-р борче јовчески – Kurir.mk

Сугарески му честиташе на Јовчески за победата

Тале Кристо — Mon, 18 Oct 2021 11:06:45 +0000

-На крајот на изборниот процес, би сакал да ви се заблагодарам на вашата поддршка искажана за време на изборната кампања за локалните избори за градоначалник и членови на општинскиот Совет. Мнозинството граѓани од нашата општина се изјасни за промени и му ја даде довербата на кандидатот на ВМРО-ДПМНЕ. На новиот градоначалник Борче Јовчески, му ја честитам победата. Му посакувам да ги реализира планираните проекти, кои ќе придонесат за понатамошен развој на градот и подобар живот на граѓаните на општина Прилеп – напиша Сугарески на Фејсбук.

Победа во прв круг на д-р Јовчески во Прилеп

Магдалена Андонова — Sun, 17 Oct 2021 19:12:43 +0000

Според неофицијални извори Д-р Борче Јовчески, кандидатот на ВМРО-ДПМНЕ за општина Прилеп се наоѓа пред голема победа уште во првиот круг на локалните избори 2021 година. Наскоро со повеќе детали.

Јовчески: Актуелната локална власт не направи ништо – ветуваме реконструкција на плоштади, улично осветлување, пешачки зони, паркови и фонтани

Тале Кристо — Wed, 13 Oct 2021 08:55:15 +0000

Жално е што актуелната локална власт не направи ништо во врска со реконструкцијата на плоштади. Сведоци сме во каква состојба се најдуваат и плоштадот кон училиштето Кочо Рацин, но и тој кај Марко Цепенков. Сведоци сме колку лошо изгледаат буквално сите фонтани, паркови и пешачки зони. Целосно запуштени и не функционални! Затоа, би сакал дa ви ги претставам дел од нашите проекти за реконструкција на плоштади, улично осветлување, пешачки зони, парковии фонтани, истакна на денешната прес-конференција кандидатот за градоначалник на општина Прилеп од редовите на ВМРО-ДПМНЕ Борче Јовчески. Во продолжение интегрален текст и видео од прес-конференцијата на Јовчески: Почитувани сограѓани, Денес, стојам гордо пред Прилепската саат кула, говорејќи за повеќе проекти чиј бенефит е за сите граѓани. Жално е што актуелната локална власт не направи ништо во врска со реконструкцијата на плоштади. Сведоци сме во каква состојба се најдуваат и плоштадот кон училиштето Кочо Рацин, но и тој кај Марко Цепенков. Сведоци сме колку лошо изгледаат буквално сите фонтани, паркови и пешачки зони. Целосно запуштени и не функционални! Затоа, би сакал дa ви ги претставам дел од нашите проекти за реконструкција на плоштади, улично осветлување, пешачки зони, парковии фонтани: - Промена на оштетените канделабри и поставување на ново улично осветлување онаму каде што нема. - Изработка на проект и постепено заменување на уличното осветлување со светилки на погон на обновливи извори на енергија. - Реконструкција на Старата градска чаршија. Целосна реконструкција на водоводната, одводната, електричната и кабелската мрежа која ќе биде подземна, како и целосно уредување на партерот. - Реконструкција на плоштад „Александрија“ и плоштадот пред Дом на култура „Марко Цепенков“ (промена на оштетени плочки, промена на оштетени канделабри и освежување на зелени површинисо засадување на цвеќиња и ново зеленило) - Реконструкција на Афмитеатарот во Варош - негово повторно ставање во функција со органиирање на бројни настани. - Реконструкција на постојни фонтани – промена на оштетени светилки и оштетени прскалки и ресконструкција на постојни паркови во центарот на градот и приградските населби ,како и во населените места (парк Суд, парк Варош, парк Точила, паркови во Мало и Големо Коњари). - Реконструкција на уништените паркови и спортски терени и изградба на нови. - Комплетна реконструкција, обновување и збогатување со нови содржини на Паркот на Револуцијата. - Партерно уредување со паркови и зеленило во населба Точила околу К-згради; - Поставување на автоматски системи за наводнување на парковите. Ова се дел од проектите во нашата програма со кои град Прилеп повторно ќе биде прекрасно место за живеење. За Прилеп се работи!, истакна Јовчески.

Д-р Јовчески: Комуналната хигиена и паркинг просторот се најголеми проблеми на Прилеп

Магдалена Андонова — Fri, 03 Sep 2021 11:44:02 +0000

Мотивацијата да се кандидирам за градоначалник на Прилеп ја најдов во секојдневните контакти со моите пациенти и со граѓаните кои искрено ми кажуваат што недостасува во градот, вели Д-р Борче Јовчески во интервју за „Република“. Тој вели дека во градот има многу проблеми но оти најголем е комуналната хигена. По улиците има отворени контејнери со извадено ѓубре кое е извор на зараза но и вртилиште на кучиња и мачки. На граѓаните исто така им пречи и недостатокот на спортски објекти, градинки, средена инфраструктура-објаснува кандидатот за градоначалник на ВМРО-ДПМНЕ. Тој нема дилеми со што прво би се зафатил кога ќе ја добие довербата на прилепчани. Отворените контејнери ќе ги замениме со подземни. Потребни се и повеќе пешачки зони, велосипедски патеки.Проблем на чаршијата е и недостатокот на паркинг места. Со изградбата на булеварот и тоа како се оневозможи паркирањето и тоа ќе биде приоритет во мојата изборна програма. Планирани се локациии за монтажни гаражи со кои ќе стопанисува јавното претпријатие за паркинг услуги. Оценувајќи ја работата на актуелниот градоначалник на Прилеп, Јовчески вели дека има пофални зборови за Јовановски како стручњак бидејќи и двајцата доаѓаат од ортопедското одделение. Но, како менаџер на градот за работата на Јовановски постојат многу аномалии. Од неговата работа постои незадоволство како во градската средина така и во руралните делови од градот. Јовчески ветува дека ако биде на чело на градот ќе го врати препознатливиот бред на градот „Пиво фест“ кој привлекуваше многу туристи. Не само „Пиво фест“ туку и други манифестации кои се одржуваа во Прилеп во последниве години беа запоставени. За „Пиво фестот“ би се заложиле за обновување и за продолжување на таа долгогодишна традиција која привлекува многу туристи каде што секој сектор би го нашол бенефитот од посетеноста-вели Јовчески.