д-р Ентони Фаучи – Kurir.mk

Фаучи: Омикрон поради високата заразност може да ги оптовари болниците

Дарко Андоновски — Sun, 02 Jan 2022 20:06:07 +0000

Главниот специјалист за инфективни болести на САД, Ентони Фаучи денеска предупреди дека се уште постои опасност од зголемен број на хоспитализации поради високата заразност на омикрон, иако првичните податоци покажуваат дека оваа варијанта на коронавирусот е помалку опасна. – Единствениот проблем е што ако имате толку многу случаи на инфекција, дури и ако стапката на хоспитализација е помала кај омикрон отколку кај делта, сепак постои опасност да има голем пораст на хоспитализации, што може да го оптовари здравствениот систем, истакна Фаучи во интервју за Си-Ен-Ен. Се проценува дека омикрон варијантата на коронавирусот е одговорна за 58,6 проценти од инфекциите со Ковид-19 во САД според податоците од 25 декември, соопшти американскиот Центар за контрола и превенција на болести (ЦДЦ). – Сигурно ќе има многу повеќе случаи на инфекција, бидејќи омикрон е многу позаразен вирус од делта, рече Фаучи. Според него, „се чини дека (омикрон) би можел да биде помалку опасен, имајќи ги предвид податоците што ги собравме од Јужна Африка, Велика Британија, па дури и некои прелиминарни податоци овде во САД“.

Фаучи: Делта сојот најголема закана за напорите на САД за искоренување на Ковид-19

Дарко Андоновски — Wed, 23 Jun 2021 07:00:27 +0000

Делта варијантата на коронавирусот, што за првпат беше откриена во Индија, е најголемата закана за напорите на САД за искоренување на Ковид-19, изјави на прес-конференција американскиот експерт за инфективни болести Ентони Фаучи. – Делта сојот на коронавирус е несомнено полесен за пренесување отколку оригиналната варијанта, нагласи Фаучи, додавајќи дека тој вид станува глобално доминантна верзија што предизвикува посериозна клиничка слика кај пациентите. Фаучи потсети дека вакцините одобрени во САД, вклучувајќи ја и вакцината Фајзер/Бинтек, се ефикасни против тој сој. – Имаме алатки и мора да ги користимеза да го спречиме новото ширење на вирусот, рече Фаучи.

Фаучи е против прераното одобрение на вакцината против Ковид-19 во САД

Магдалена Андонова — Tue, 25 Aug 2020 09:09:46 +0000

Главниот американски епидемиолог, Ентони Фаучи, изјави дека се противи на раното одобрување на вакцина против коронавирусот и истакна дека вакцината не смее да биде одобрена се додека не се докаже дека е безбедна и ефикасна. Фаучи ова го кажа откако два извора за Си-Ен-Ен изјавиле дека Белата куќа ја разгледува можноста за рано одобрување за итна употреба на вакцината, пред да се завршат последните тестирања. Во меѓувреме, Микаел Капуто од Министерството за здравство негираше дека САД од политички причини вложуваат голем напор за забрзување на развојот на вакцината. -Една работа што не сакате да се случи е тоа вакцината да биде одобрена пред да знаете колку е ефикасна, рече Фаучи за британските медиуми. (МИА)

Фаучи: Не сум задоволен од развојот на ситуацијата, отворањето на училиштата може да има катастрофални последици

Тале Кристо — Sat, 15 Aug 2020 09:41:01 +0000

Повеќе од 1.000 Американци ги губат животите од новиот коронавирус секој ден во изминатите две недели, а Центрите за контрола на болести предвидуваат дека бројот на смртни случаи би можел да достигне 200.000 до почетокот на септември. Д-р Ентони Фаучи, водечки американски епидемиолог, изјави дека „не е задоволен од развојот на ситуацијата“ и повторно предупреди дека отворањето на училиштата може да има катастрофални последици. Фаучи вели дека за да се отворат училиштата, „заедниците треба да ја задржат стапката на инфекција под 10 проценти“, и дека мерењето на температурата не е сигурен начин за преглед. Во разговор во живо на Фејсбук со гувернерот на Род Ајленд, Џина Рајмонд, Фаучи рече дека часовите треба да бидат на отворено колку што е можно повеќе, прозорците треба да бидат отворени во училишните автобуси и учениците треба да носат маски колку што можат повеќе. „Излегувајте надвор колку што можете повеќе. Ако ги погледнеме собирите каде што вирусот се шири масовно, тие беа скоро секогаш во затворен простор“, рече тој, потсетувајќи на жариштата на инфекцијата во домови за стари лица, магацините, затворите, како и свадби и другите социјални настани. Фаучи, кој беше интервјуиран во живо на Инстаграм од актерот Метју Меконахи, вели дека Американците треба да избираат меѓу забавите ова лето и учебната година. „Дали сакате да отворите барови или училишта?” Вo САД дебатата околу отворањето на училиштата продолжува. Во училиштата што веќе се отворија, проблемите брзо се појавија – најмалку 2.400 ученици и наставници се ставени во карантин во шест сојузни држави.

Фаучи: Пандемијата се уште не е завршена, тоа е мојот најлош кошмар

Ивона Петрова — Wed, 10 Jun 2020 06:08:25 +0000

Американскиот експерт за заразни болести, д-р Ентони Фаучи, предупреди дека пандемијата на коронавирусот се уште не е завршена и ја опиша како „најлош кошмар“. – Еболата беше страшна. Но, таа не може лесно да се пренесе….Сега имаме нешто што се претвори во мој најлош кошмар. За четири месеци, пандемијата го уништи целиот свет, рече Фаучи. Тој посочи дека има милиони и милиони заразени низ целиот свет во многу кратка временска рамка. На конференцијата организирана од Организацијата за биотехнолошки иновации, Фаучи призна дека е изненаден од брзината со која се шири коронавирусот, но додаде дека е убеден дека ќе се најде вакцина.