Д-р Нико Беќаровски – Kurir.mk

Причината за фамилијарното труење не е ниту „прсканиот праз”, ниту брашното, Беќаровски откри за каков отров станува збор

Ивана Ефремовски — Thu, 19 Oct 2023 18:12:10 +0000

Од домашна пита со праз се затру цело семејство во Скопје, при што почина една 47-годишна жена. Нејзиниот сопруг и бабата која ја правела питата се во кома, а јавноста е во шок и страв. Со објаснување се огласи доктор Нико Беќаровски. Тој вели дека причината за труењето не е ниту празот ниту брашното. „За да не се шири непотребен страв кај населението, причината за фамилијарното труењето и за жал еден изгубен живот со пестицидот Метомил (карбамат), не е ниту „прсканиот праз” ниту брашното во питата. Инаку доволна е една лажичка концентриран прашок од овој пестицид да предизвика смрт на возрасен човек. Повеќе информации барајте од МВР. Најдлабоко сочувство до фамилијата на починатата“, напиша Беќаровски.

Доктор Беќаровски го откри првиот симптом на омикрон ВА-5

Дарко Андоновски — Thu, 21 Jul 2022 10:23:28 +0000

Д-р Нико Беќаровски предупредува дека проливот, гадењето и повраќањето многу често се првиот симптом дека сте заразени со Omicron BA-5. -Дури 50% од заболените со овој сој поранo или подоцна во текот на болеста манифестираат гастроентероколитичен синдром. Затоа, ова лето при појава на овие симптоми не "ја напаѓајте веднаш расипаната храна која сте ја јаделе тој ден" и избегнувајте неколку дена контакти со постарите и болни членови од Вашето семејство, советива д-р Беќаровски во однос на актуелниот ковид бран.

Д-р Беќаровски: Тие што се плашат од зараза, наставата да ја следат онлајн

Тале Кристо — Mon, 31 Jan 2022 20:40:58 +0000

Докторот Нико Беќаровски од Клиниката за Токсикологија има неколку предлози околу тоа како утре треба да почне и да се одвива второто полугодие од учебната година. Според него, утре сите ученици кои сакаат да посетуваат настава во живо да се вратат во училишните клупи, а останатите (позитивните и тие кои се плашат од зараза) истата да ја следат онлајн, а да присуствуваат физички при тестирање и оценување. -За сите наставници и ученици со симптоми да биде обезбедено тестирање секој понеделник, а сите позитивни наставници кои ќе бидат со општа добра здравствена состојба, да им се дозволи држење на наставата од домовите, без да им се одзема процентот за боледување, кој и не е така мал. После тоа сметам училниците треба да се проветруваат 5 минути по секој завршен час, а никако во текот на самиот час, предлага Беќаровски. Докторот смета дека треба пред почеток на наставата, за време на големиот одмор и по часовите задолжителна дезинфекција на сите простории. -Одлуката за носење маски на секое дете до 5 одделение да ја донесат неговите родители, со писмена изјава, додава Беќаровски. Владата минатата недела одлучи второто полугодие во основните и средните училишта да почне утре со физичко присуство на учениците, при што зачестија барањата за почеток на второто полугодие со онлајн настава.

Д-р Беќаровски: Во Србија строго е забрането ковид-19 да се лечи со антибиотици и високи дози на витамини

Тале Кристо — Mon, 24 Jan 2022 14:00:33 +0000

Д-р Нико Беќаровски од Клиниката за токсикологија, со пост на својот Фејсбук профилот информира дека Србија строго ја забранува употребата на антибиотици и високи дози на витамини во лечење на ковидот. -За да нема недоразбирања, во најновиот протокол за вонхоспитално лечење на болни со Ковид-19 во Србија строго се забранува употреба на антибитици и високи дози витамини!!! Изгледа тоа што цела година го трубиме со моите колеги Никола Пановски и Драган Даниловски подобро го разбираат комшиите од домашните, напиша д-р Беќаровски.