д-р Никола Пановски – Kurir.mk

Бројот на заразени со коронавирус е десетина пати поголем од официјалната статистика, Пановски советува да не се фрлаат пари за тестирање

Ивана Ефремовски — Sat, 06 Aug 2022 15:32:17 +0000

Бројот на заразени со Ковид е десетина пати поголем од официјалната статистика, а процентот на позитивни е многу висок околу 50 проценти зошто граѓаните веќе не се тестираат за патување, смета професорот Никола Пановски, пренесе СИТЕЛ. Според него многу од младите не ни знаат дека биле заразени, поминале без симптоми или многу лесно. Тој е категоричен дека не треба да се враќаат дел од задолжителните мерки кои би предизвикале отпор кај луѓето зошто нема потреба од одложување на овој бран кој поминува, а болници се речиси празни. - Не мора задолжително, ќе имаше отпор меѓу луѓето, акко препорака е во ред и гледам дека некои носат маски. Точно е дека бранот нема да расте, за некој ден ќе почнат да се намалува бројот и воопшто мерките при вакви респираторни инфекции се прават да се заштитат болниците. Точно е дека не ги заштитивме матичните, малку потешко поминаа овој месец, меѓутоа болниците се сеуште празни. Нема зошто да се одложува, што ако го одложиме за 2 недели, сите мора да го поминеме на некој начин, освен постарите, поризичните кои успеваат да се скријат. Што ќе добиеме ако го одложиме па во септември да продолжи пак бранот. Вака е подобро, изјави за сител професорот по микробиологија Никола Пановски. Професорот Пановски смета дека нема потреба граѓаните сами да се тестираат и да се изложуваат на трошоци, туку ако почувствуваат симптоми да се изолираат неколку дена. -Во однос на тестовите јас воопшто не би тестирал, освен епидемиолозите и ние микробиолозите да имаме некоја слика каква е состојбата со инфекцијата. Пациентите, народот никаков ефект нема од тестирањето освен финансиска загуба. Дали е Ковид или параинфлуенца, респираторен или ентеровирус за нив ништо не значи и за едното и за другото треба да се изолираат. Точно е дека некои се тестираат да добијат боледување, меѓутоа и за други болести треба да се добие боледување и никаква разлика нема дали бил Ковид или не бил. Дури да можам да бирам меѓу Ковид и ангина, јас би избрал Ковид или стрептококна ангина кое е потешко заболување за младите. Така да мислам дека тестирањето и не значи ништо, смета професорот Никола Пановски. Инаку вчера Комисијата за заразни болести не препорача дополнителни Ковид мерки туку апелираа повозрасните и хронично болните да избегнуваат гужви, да носат маски во затворени простории и да се вакцинираат.

Д-р Пановски: Вакцините штитат едвај 30 проценти од омикрон, реинфицираните со овој сој стекнуваат најсилен имунитет

Магдалена Андонова — Fri, 04 Feb 2022 10:53:42 +0000

Вакцините на почетокот имаа ефикасност од над 90 проценти, но со секоја појава на нова варијанта на коронавирусот, ефикасноста на вакцините опаѓа, вели микробиологот Никола Пановски за Фактор. - Се појавија сосема различно соеви на коронавирусот и токму тие се главната причина поради што поединци повторно се заразуваат иако веќе еднаш ја прележале болеста. И вакцините на почетокот имаа ефикасност од над 90 проценти, а сега, со секоја појава на нова варијанта, нивната ефикасност опаѓа. За сојот омикрон, на пример, вакцините едвај штитат 30 проценти. Сепак, важен момент е тоа што огромен број од луѓето кои прележале корона и сега повторно се заразени, не завршуваат во болница и не го оптоваруваат здравствениот систем. Тоа е така затоа што многу посилен имунитет стекнуваат луѓето кои веќе еднаш го прележале вирусот, отколку оние кои само се вакцинирани, а никогаш не се заразиле, објаснува д-р Пановски. Тој додава дека само вакциналниот имунитет не е доволен. - За жал, кај нас „некои глави“ тврдат дека вакциналниот имунитет е подобар, што според мене е трагикомично. Според науката, супер имунитет имаат луѓето кои прво биле заразени, а потоа се вакцинирале. На толку многу мутации, особено со омикрон, само прележаноста едноставно „не важи“, особено за луѓето кои се заразиле во 2020 година или лани пролетта. Изминат е долг период, а со текот на времето имунитетот опаѓа. Овој сој ги заразува сите, но многу е важно што оние кои претходно биле болни, а потоа и се вакцинирале, ќе поминат многу полесно, посочува д-р Пановски за Фактор.

Пановски: Заштитени се оние што прележале делта сој и што се вакцинирани со 3-та доза

Тале Кристо — Wed, 26 Jan 2022 10:45:08 +0000

Заштитени се оние што прележале делта сој и што се вакцинирани со трета доза, изјави во своето гоствање во емисијата „Студио 10“ д-р. Никола Пановски. -Делта сојот не замина. Се надевам дека овие 26 од вчера се делта сојот. Делта сојот доминира, а нашата смртност е недалеку од онаа во светот. Смртноста е помала во однос на заразеност. Ради правилно лекување смртноста се намалува. Колку што се заразуваат доклу и оздравуваат. Заштитени се оние што прележале делта сој и што се вакцинирани со трета доза. Најбитно е колку од тие ревакцнирани и смртни случаи се од тие вакцинирани. Претседателот на светската здраствена организација не кажува ништо добро, ништо охрабрувачко, а тоа води во депресија, вели Пановски..

Пановски: Зимскиот распуст да се продолжи за две недели, треба да бидиме првите што ќе ги укиниме сертификатите

Тале Кристо — Wed, 12 Jan 2022 16:57:14 +0000

Зимскиот распуст на учениците треба да се продолжи за две недели, а потоа децата да тргнат на училиште без маски, изјави проф. д-р Никола Пановски за Канал 5. -Треба да се скрати периодот на изолација. Според него треба да бидеме и првите што ќе ги укинат сертификатите бидејќи и вакцинираните го шират вирусот, рече Пановски.

Д-р Пановски вели дека со Омикрон варијантата за шест месеци на пандемијата ќе и дојде крај: Прашањето е каков ќе биде тој крај?

Магдалена Андонова — Sun, 26 Dec 2021 14:17:24 +0000

По детектирањето на првиот случај на сојот Омикрон во Македонија, лекарите апелираат на претпазливост. Иако првичните укажувања се дека Омикрон варијантата на коронавирусот е послаба од претходната Делта, епидемиолозите сепак предупредуваат дека тој се шири многу побрзо. Во пресрет на новогодишните празници, тие повикуваат да се избегнуваат групирања и алармираат дека е неопходно да се воведат одредени ограничувања за влез во земјата, со цел да се забави ширењето на вирусот. - Брзото ширење на Омикрон варијантата ќе доведе до крај на пандемијата во рок од шест месеци. Прашање е каков ќе биде тој крај? Тоа зависи од тоа колку оваа варијанта ќе биде вирулентна, вели микробиологот д-р Никола Пановски за ДВ. Според него, се знае дека овој сој не дава потешка форма на болеста, но прашање е дали и колку предизвикува полесна форма на болеста и намалена смртност. - Ако се повтори нешто слично како во ЈАР, тогаш ќе имаме крај на пандемијата со многу случаи, но со малку починати. Се разбира ова зависи и од процентот на вакцинација, почитување на мерките, оптoвареноста на болниците и.т.н. По шест месеци ќе имаме сезонска форма на болеста, најчесто со клиничка слика на настинка, укажува Пановски.

Пановски: Секој ден гледаме дека по 3, а особено по 6 месеци дури и вакцинираните со Фајзер, ја губат заштитата

Тале Кристо — Sat, 28 Aug 2021 12:59:50 +0000

Епидемиологот, д-р Никола Пановски се огласи на Фејсбук и порача дека природно стекнатиот имунитет од прележување на болеста предизвикана од корона вирусот е значително посилен во однос на вакциналниот. „За да нема недоразбирање: 1.Вакцините против ковид спасуваат животи. 2. Треба да се почитуваат и да се даваат на лица на кои им се потребни. 3. Лично сум од групата на вакцинирани во март, не сум прележал ковид, но жестоко се борам за правата на пеележаните. 4. На прележаните од ковид треба да им се даде рок од најмалку 6 месеци за да се вакцинираат. 5. Во меѓувреме треба да се вакцинираат оние кои немаат заштита, па и оние со тррта доза кои се вакцинирани во фебруари и март, меѓу кои се и здравствените работници. 6. Дека природниот имунитет е посилен од вештачкиот го гледаме секојдневно, ние во лаборатории, матичните лекари, инфектолозите итн, а секој ден гледаме дека по 3, а особено по 6 месеци дури и вакцинираните со вакцини како Фајзер, ја губат заштитата. 7. Се уште не е направена штетата, дајте им на прележаните рок од барем 6 месеци да се вакцинираат. 8. До кога ќе молчите колеги, 45 дена мерка немљ никаде во светот, не е точно дека е препорака од СЗО, тие само велат дека месец дена минимум треба да помине. Во прилог е еден труд кој кажува дека прележаните 13 пати поретко се инфицираат од комплетно вакцинираните со две дози Фајзер. Comparing SARS-CoV-2 natural immunity to vaccine-induced immunity: reinfections versus breakthrough infections“, напиша Пановски на Фејсбук.

Д-р Пановски: Ризик е да се почне учебната година со физичко присуство

Дарко Андоновски — Thu, 26 Aug 2021 08:44:52 +0000

Ризик е да се започне учебната година со физичко присуство, бидејќи има многу луѓе кои не се вакцинирани, вели д-р Никола Пановски. Тој смета дека ако на едно дете му се случи нешто посериозно, тогаш ќе настане хаос бидејќи атмосферата е многу чувствителна. Според него, треба да се овозможи комбинирана настава со оглед на фактот што премногу ученици во едно одделение тешко можат да одржуваат дистанца и да ги почитуваат протоколите. Можеби требаше да се овозможи комбинирано да се учи, и со физичко присуство и оналјн. Работите ќе зависат од тоа каква е стратегијата, а очигледно, стратегија нема. Во Шведска имаа стратегија, децата ги пуштија на училиште да се инфицираат. Затоа не носеа маски и сепак немаа ниеден смртен случај, а тоа е држава со 10 милиони жители. Кога ќе се разболи детето таму, останува дома, а другите продолжуваат да си одат на училиште. Кај нас ќе биде хаос, едно дете ќе се разболи, па цел клас ќе биде во изолација, вели Пановски. Според него, здравствените власти знаеле дека ни претстои попис, избори, учебна година, па затоа не требало да дозволат свадби и собири. Но, тоа е нашата реалност, додава Пановски.

Пановски: Вакцинацијата во првите 6 месеци по прележување е залудна, само се трошат вакцини

Тале Кристо — Tue, 24 Aug 2021 17:05:34 +0000

Актуелните мерки остануваат на сила и покрај средбата на Комисијата за заразни болести со претставниците на угостителските објекти. Исто така, доктор Никола Пановски го дели мислењето со угостителите за актуелните мерки на Владата. Според него апсурдно е барањето за вакцинација од граѓаните кои прележале ковид последните 45 дена. Додава дека е штетно за здравјето на пациентите кои прележале ковид-19 да се вакцинираат првите 6 месеци. – Вакцинацијата на лица кои прележале Ковид-19 е залудна и само се трошат вакцини, на место да се вакцинираат лицата кои не биле заразени и кои имаат потреба, изјави за ТВ21 Пановски.

Сè што е на отворено не е опасно, вели д-р Пановски

Магдалена Андонова — Wed, 19 May 2021 18:25:15 +0000

Микробиологот Никола Пановски смета дека граѓаните стекнаа колективен имунитет поради природното заразување. Со оглед на тоа што мерките беа доцна донесени, многу голем дел од населението доби контакт со заразата, некој го поминаа без симптоми некои не знаеја дека го имаа..и некои завршија во болница. Според сите проценки околу 60 проценти ја имаат прележано заразата и повеќето по природен пат, и за жал доста скапо го плативме тој природен имунитет имајќи ги предвид жрт*ите и пост ко*ид синдромите – вели професорот Пановски, за Алфа. Тој вели се што е на отворено не е опасно. Ако се исклучиво на отворен простор да, меѓутоа ако се во затворено не. Треба да се внимава кога ќе влегувате во тоалетите и кај што се собираат во затворен простор таму може да се шири болеста. Меѓутоа сепак впечатокот е дека заразата нема да се шири толку како претходно. Добар дел од населението, веќе е имуно. Но и топлото време има влијание за намалување на бројките – вели Пановски.

Пановски: Неопходно е клуч на врата кај угостителските објекти и да се воспостави ред во јавниот превоз

Дарко Андоновски — Mon, 15 Mar 2021 14:26:08 +0000

Надлежните да признаат каде најмногу се шири корона вирусот, а не во интерес на економијата да се затскриваат зад напишани казни за неносење маски на улица, бидејќи на отворено и со држење на дистанца вирусот не се шири, дециден е професорот Никола Пановски. Тој вели оти неопходно е да се стави клуч на врата кај угостителските објакти, и да се воспостави ред во јавниот превоз, оти само така ќе се држи под контрола третиот корона бран. -Сите мерки, додека работат кафани, кафичи, фитнес клубови, коцкарници и обложувалници се депласирани, без разлика дали од 22 до 05 часот. Казнување на луѓе по улица дека не носеле маски, никаква врска тоа нема со ширење на епидемија. Се знае каде се шири епидемија. Рестораните, барем според мене, не треба да работат. Од економски причини работат, па плаќаме со болест и животи, а друго е што таму внатре не се почитуваат мерките, бидејќи во кафичите секојдневно гледате како стојат на кољопои на триесет сантими без маски, вели професор доктор Никола Пановски за Алфа. Дека мерките не се доволни сведочат и граѓаните. Велат полициски час мора да има и преку ден, па дури и ограничено работно време за угостителите. Сепак, најголемиот проблем според нив, е ниската свест кај населението за заштита од корона вирусот. „Би требало малку да има рестрикција и во дневното движење не само во ноќните часови. Бо ноќните часови ние повозрасните сме дома, младите претежно шетаат“, велат граѓаните. „Или до нас луѓето е или мерките не се добри, не се соодветни, не се навремени. Кас сум за рестрикции, но ако на секое гледање телевизија, слушаме само економијата, економијата, треба да се одлучиме дали луѓето или економијата“. „Многу луѓе одат и без маски, воопшто не држат растојание. Јас мислам дека најмногу е до нас, луѓето“, велат граѓаните Дали и кога Комисијата за заразни болести ќе предложи нови мерки за сега не се знае. Од Министерството за здравство на ова прашање само кусо ни одговорија дека не е исклучена можноста за нови рестрикции, но тоа велат ќе зависело од епидемиолошката состојба во земјата. А во меѓувреме болниците се полнат. 1040 пациенти со комплиакции од Ковид 19 се лекуваат во ковид центрите, што е двојно повеќе од бројките на хоспитализирани од минатиот месец.