даблин – Kurir.mk

Уапсено 20- годишно момче кое се обидело да запре авион бидејќи го пропуштил својот лет

Катерина Бојаџиева — Thu, 27 Sep 2018 12:47:50 +0000

Маж кој пропуштил лет на даблинскиот аеродром е уапсен откако се обидел да запре авион на Рајанер. Според изјави на очевидци, мажот на возраст од околу 20 години, провалил низ вратата и потрчал кон авионот што требало да полета кон Амстердам. Аеродромските власти соопштија дека мажот бил вознемирен откако тој и едно женско лице стигнале доцна на својот лет. Персоналот на Рајанер го задржале додека не стигнала полиција која го спровела во полициска станица во Даблин.

Во Даблин воведен режим за вода поради неовообичаена суша во Ирска

Даниел Василев — Wed, 04 Jul 2018 06:58:00 +0000

Ирските власти забранија наводнување тревници и градини во областа на Даблин поради необичната суша во земјата, која е позната по зеленилото. Ирската метеоролошка служба соопшти дека некои делови на земјата се погодени од сушата, односно 15 дена се без врнежи. Во јуни, температурите достигнаа 32 степени Целзиусови, што е малку помалку од рекордот за Ирска. Во Даблин во понеделникот била воведена едномесечна забрана за поливање со градинарски црева, а ирската служба за снабдување со вода соопшти дека оваа мерка може да ја воведе и во други делови на земјата. Слична забрана е воведена и во Северна Ирска. МИА

Свештеник тргна на погреб, па доживеа срцев удар сред возење и со кола влета меѓу пешаците (ВИДЕО)

Матеја Петровски — Mon, 25 Jun 2018 13:37:56 +0000

Четири лица се повредени кога свештеник со автомобил влетал меѓу пешаци пред црква во Даблин, а двајца се наоѓаат во критична состојба. Како што се наведува, возачот, инаку свештеник, во текот на возењето доживеал срцев удар. Во црквата требало да се одржи погреб, но поради инцидентот таа одложена за денеска подоцна.

Emergency services at Clondalkin's Immaculate Conception Church where pedestrians were hit by a car @thejournal_ie pic.twitter.com/hGdUgJQAtG
— Gráinne Ní Aodha (@GAodha) June 25, 2018

Проблеми во Даблин поради снегот, распоредени лебот и млекото

Ивона Петрова — Wed, 28 Feb 2018 11:34:10 +0000

Студениот бран и снежните врнежи го нарушија патниот и воздушниот сообраќај ширум Велика Британија, а ирските медиуми јавуваат дека во Даблин се распродадени речиси сите количества леб, млеко и компири во исчекување на бурата „Ема“. Температурата се спуштила на минус 12 степени Целзиусови, со што денеска е еден од најстудените денови за ова време од годината во последните три децении. Стотици училишта се затворени, јавниот сообраќај фунционира на минимум, откажани се стотици летови, а од железницата ги предупредија патниците дека се можни доцнења. Ирските портали објавија дека во супермаркетите владее манија за леб, млеко и компири, но и дека во некои продавници се распродадени сите количества од овие продукти. Во Ирска е објавено највисоко црвено предупредување за пет области во источниот дел, вклучувајќи го и Даблин, каде во текот на ноќта паднале меѓу пет и 10 сантиметри снег. Метеоролозите во Шкотска најавуваат дека во повисоките реони се очекува и до 40 сантиметри снег, а во Ирска се очекуваат наголеми снежни врнежи од 1982 година. Во западниот дел на Англија од Португалија и Франција се очекува и доаѓање на бурата „Ема“ која би донела уште снежни врнежи. Од Балтикот до Медитеранот, Европа e на удар од ледениот бран од Сибир, во кој за четири дена се регистрирани најмалку 24 жртви. Жртви има во Полска, Франција, Чешка, Романија, Италија и Естонија. Студениот бран британските медиуми го нарекоа „Ѕверот од Истокот“, Холанѓаните - „Сибирска мечка“, Швеѓаните - „Снежен топ“, а во Франција е познат под називот „Москва-Париз“.