дадилка – Kurir.mk

Другото лице на Анџелина Џоли: За себе вели дека е посветена мајка, но дадилката открива шокантни информации

Ивана Ефремовски — Fri, 03 Dec 2021 09:12:38 +0000

Жената која го поминуваше секој ден со децата на холивудската ѕвезда истакнува дека премногу им дозволува и често ги остава на мира. Што се случува во семејната куќа на холивудската ѕвезда Анџелина Џоли открива дадилката која живеела и работела во куќата на позната дама. Имено, актерката претходно зборуваше за тоа како ги воспитува децата на свој начин, што смета дека позитивно влијае на нивното созревање и растење, а како што наведе, нејзина примарна цел на воспитување се домашните задачи, образованието и влевањето почит и љубов кон сите живи суштества. Еднаш изјавила дека секоја вечер им пее приспивни песни со различен глас за да ги забавува. Сепак, дадилката тврди дека работите во куќата функционираат поинаку. Според зборовите на жената, која наводно ги чувала децата и останувала со нив 24 часа, актерката едвај успева да ги скроти ќерките и синовите, таа најчесто е отсутна од дома, што е голем проблем во воспитувањето на децата. -Таа е мајка која е многу отсутна поради секојдневните проблеми и кариерата, не успева да им се посвети на децата, а тоа е рецепт за пропаст. Анџелина мисли дека е модерна мајка затоа што ги третира децата како да се возрасни. Но, точно е дека на децата одвреме-навреме им треба укор за да можат да го разликуваат доброто од лошото. Анџелина создава повеќе проблеми отколку што носи добро и им прави лоша услуга, изјавила оваа дадилка за американските медиуми, додавајќи дека Џоли често ги остава децата сами дома. „Слушнав дека честопати излегува од дома навечер и ги остава децата сосема сами без некој постар да ги надгледува, а еднаш ги оставила повеќе од десет часа во текот на ноќта додека снимала нов филм“. Изјавите на Анџелина за приспивни песни, дадилката остро ги демантираше, нагласувајќи дека сето тоа било многу порано, кога децата биле многу мали.

Куќна помошничка го ризикуваше својот живот за да го спаси на ова мало девојче- сите ронат солзи на оваа снимка за време на експлозијата

Дарко Андоновски — Wed, 05 Aug 2020 10:59:53 +0000

Додека спасувачите во Бејрут трагаат по преживеани по страшната експлозија на социјалните мрежи се појави видео снимка од куќна помошничка и мало девојче кое ги остави сите без здив. На снимката се гледа како жена најверојатно од Африка чисти со правосмукалка додека девојчето се наоѓа на другиот крај од собата. Во еден момент се започна да се тресе, а прозорите започнаа да се кршат, па настана хаос, еве како реагираше таа во тие моменти на катастрофата. Луѓето на социјалните мрежи пишуваат и како оваа жена била херој, а некој признаа и дека се расплакале откако го изгледале видеото.

My heart goes for this African maid, who ignored her own life, and tried to safe her employer’s child. Not all angels have wings.#Beirut pic.twitter.com/ulTMgwKlqd
— Prashant (@Prashant007___) August 5, 2020

Дадилката која претепа дете во Капитол мол, осудена на затворска казна од 18 месеци

Ивана Ефремовски — Sat, 23 May 2020 13:18:04 +0000

Една и пол година затворска казна доби дадилката кој го тепаше двегодишното момче во игротека во Капитол мол. Вака пред два дена одлучил Кривичниот суд откако жената ја признала вината. Сега предметот по жалба е во Апелациониот суд кој ќе треба да одлучи дали оваа казна ќе остане иста или ќе се промени. Настанот кој ја вознемири цела македонска јавност се случи на 21 ноември лани, а малтретирањето врз детето било снимано од безбедносните камери на игротеката. Видеото беше објавено јавно по што обвинителстовто го поднесе обвинението за дадилката. Во него се велеше дека додека родителите биле на работа, негувателката повеќепати го удрила детето со шлаканици, го давела со раката држејќи го во пределот на лицето и устата и неколкупати го подигала и удирала од земја. Детето во неколку наврати се обидувало да и побегне, а од малтретирањето се здобило со телесни повреди.

Дадилка тепала и кубела тригодишни деца, доби обвинение за малтретирањето

Ивона Петрова — Fri, 07 Feb 2020 10:56:49 +0000

Основното јавно обвинителство Скопје поднесе Обвинителен акт против едно лице кое се товари за кривично дело – Запуштање и малтретирање на дете од член 201 став 1 од Кривичниот законик. -Во првата половина од ноември 2019 година обвинетата била ангажирана како негувателка на две деца на возраст од три години. Но, додека родителите биле на работа, таа постојано им викала на децата без причина, ги навредувала и физички ги напаѓала, удирајќи ги со рака по главата и кубејќи ги за косата. Со цел да се заштитат од неа, во моментите кога им се приближувала негувателката, децата заземале одбранбено движење со кревање на рацете кон главата, информираат од Обвинителството. Мајката на децата во домот поставила безбедносни камери и при прегледот на видео записот го забележала малтретирањето и однесувањето кон децата. Надлежниот јавен обвинител оцени дека постои опасност од бегство и можност обвинетата да продолжи со извршување на кривичното дело, односно да работи иста или слична работа, со што и други деца би биле доведени во ризик. Од тие причини, јавниот обвинител до Основниот кривичен суд Скопје поднесе и предлог за продолжување на определената мерка куќен притвор за обвинетото лице.

Обвинение за дадилката која тепаше дете во игротека во Аеродром

Ивона Петрова — Wed, 29 Jan 2020 10:48:46 +0000

Основното јавно обвинителство од Скопје поднесе обвинение за кривично дело запуштање и малтретирање дете против негувателката која беше снимена од безнедносни камери во игротека во угостителски објект во Аеродром како тепа дете кое и било доверено на чување. Од Обвинителството побарале и продолжување на притворот, мерка која и била претходно одредена. -Oсновното јавно обвинителство Скопје поднесе Обвинителен акт против едно лице за кривично дело – Запуштање и малтретирање на дете од член 201 став 1 од Кривичниот законик. Обвинетата на 21.11.2019 година, во игротека во еден угостителски објект, малтретирала двегодишно дете за кое била ангажирана како негувателка. Додека родителите биле на работа, негувателката повеќепати го удрила детето со шлаканици, го давела со раката држејќи го во пределот на лицето и устата и неколкупати го подигала и удирала од земја. Детето во неколку наврати се обидувало да и побегне, а од малтретирањето се здобило со телесни повреди, соопшти Јавното обвинителство, информираат од Обвинителството. Од обвинителството посочуваат дека со оглед на тоа што во конкретниот случај постои реална опасност од бегство на обвинетата, како и можност таа да го повтори делото што и се става на товар, надлежниот јавен обвинител до Основниот кривичен суд Скопје доставил и предлог за продолжување на претходно определената мерка притвор.

Бебе со повреди донесено на Клиника: Дадилката пријавила- еве ги деталите

Катерина Бојаџиева — Fri, 27 Dec 2019 10:58:09 +0000

Од Комплексот клиники „Мајка Тереза“ завчера во 12:50 часот во СВР Скопје било пријавено дека кај нив било донесено 16- месечно женско бебе од Скопје со повреди. Во разговор со полициските службеници, мајката на бебето, 21-годишната А.М.С. од Скопје изјавила дека дека на 23.12.2019 околу 12:00 часот нејзиниот партнер, 34-годишниот С.И. од Скопје, со кого живеела вонбрачно, го ставил бебето во детско седиште и со своето возило го однел кај дадилката, 55-годишната Л.Д. од Скопје. Според нејзината изјава, истиот ден дадилката ѝ пријавила дека кога го земала бебето од И.С. забележала дека има повреди. Се преземаат мерки за расчистување на случајот, информира МВР.

Нов случај во Скопје: Уште една дадилка приведена- тепала близначиња!

Катерина Бојаџиева — Thu, 28 Nov 2019 18:03:27 +0000

Вчера во 12:50 часот во Полициската станица Центар Н.С. (33) од Скопје, пријавила дека нејзините деца близнаци во нејзиниот дом на улица „Загрепска“ биле физички и психички малтретирани од А.К. (55), која била ангажирана како нивна дадилка. А.К. е приведена, а за случајот е известен Јавен обвинител. По целосно документирање на случајот, против неа ќе биде поднесен соодветен поднесок.

30 дневен притвор за дадилката која тепаше двегодишно дете

Тале Кристо — Fri, 22 Nov 2019 17:22:27 +0000

Постапувајќи по предлог на Основното јавно обвинителство за определување мерка притвор, денеска доцна попладне, пред судија не претходна постапка при Основниот кривичен суд Скопје беше спроведена Ж.П. поради основано сомнение дека сторила кривично дело – Запуштање и малтретирање на дете од чл. 201 ст.1 од КЗ. По разгледување и ценење на предлогот и наводите на обвинетата, судија на претходна постапка увиде дека во однос на видот, карактерот и тежината на кривичното дело за кое се товари осомничената, висината на предвидената казна, податокот дека се работи за кривично дело против бракот и семејството како и личните прилики на обвинетата, постои оправданост дека осомничената може да се даде во бегство. Потоа постоењето на околноста дека може да влијае на сведоците во контекст на издадената наредба за спроведување истражна постапка и фактот дека осомничената и во иднина би можела да работи иста или слична работа со што би се довеле во ризик други лица, судот донесе решение со кое се усвојува предлогот на обвинителството и се определува мерка притвор во траење од 30 дена согласно одредбите од чл. 165 ст.1 т.1, 2 и 3 од ЗКП. Против ова решение странките имаат право на жалба пред Кривичниот совет. 0

МВР со детали: Познат идентитетот на дадилката, нападнатото дете има 2 години

Ивона Петрова — Fri, 22 Nov 2019 09:36:13 +0000

Министерството за внатрешни работи во денешниот билтен на настани информира дека вчера во 15:57 часот полициски службеници ја уапсиле Ж.П.(59) од Скопје. Дадилката, која поради напад на дете ги разгоре социјалните мрежи, била приведена по пријава од М.А., сопственик на угостителски објект каде Ж.П. го извршила нападот. -Тој пријавил дека во игротеката во угостителскиот објект, пријавената физичка нападнала малолетно дете. По преземени мерки било утврдено дека таа била ангажирана да работи како дадилка кај Д.Д.(43) од Скопје и физички го нападнала нејзиниот двегодишен син, информираат од МВР. Увид на местото на настанот извршил јавен обвинител и екипа од СВР Скопје.

Приведена дадилката што тепа двегодишно дете

Тале Кристо — Thu, 21 Nov 2019 20:06:25 +0000

На социјалните медиуми се појави видео на кое се гледа како млада жена тепа мало дете во детска игротека во Скопје. Сопственикот на игротеката во изјава за медиуми посочи дека случајот го пријавил во полиција. Дадиката е приведена, засега е во полициска станица и за случајот е известен јавен обвинител, велат за Радио Слободна Европа од МВР.