дафина стојановска – Kurir.mk

Милошоски до Маричиќ: Неизживеан вицепремиер, умислен мачомен

Ивана Ефремовски — Thu, 28 Sep 2023 13:27:01 +0000

Пратеникот од ВМРО-ДПМНЕ, Антонијо Милошоски со Фејсбук статус му одговори на министерот Маричиќ, кој денеска со сексистичка гестикулација ја нападна и навреди пратеничката Дафина Стојаноска. „Она кога си неизживеан вицепремиер, умислен мачомен и без срам провоцираш жена, сопруга и пратеничка со недоличен сексизам“, напиша Милошоски.

Јаревски: Поддршка за Дафина Стојаноска, однесувањето на Маричиќ не смее да остане без извинување

Ивана Ефремовски — Thu, 28 Sep 2023 13:17:13 +0000

Уште еден доказ дека Владата е дно! Уште еден доказ дека не знаат што му доликува на функционер, реагира Тони Јаревски од ВМРО-ДПМНЕ. „Уште еден доказ дека се срам! Поддршка за достоинствената Дафина Стојаноска! Ова не смее да помине без извинување и одговорност“ - напиша тој.

Стојаноска: ВМРО-ДПМНЕ утре ќе поднесе интерпелација за Талат Џафери

Тале Кристо — Sun, 29 May 2022 10:30:12 +0000

ВМРО-ДПМНЕ и коалицијата во текот на утрешниот ден ќе ја поднесат формално интерпелацијата за Талат Џафери, претседател на Собранието на Република Македонија, истакна на денешната пре-конференција Дафина Стојаноска, член на ИК на ВМРО-ДПМНЕ. Во продолжение интегрален текст и видео од прес-конференцијата на Стојаноска: Целокупната македонска јавност изминатиов период беше сведок на целосното нестручно и несовесно работење и претседавање на Талат Џафери со македонското Собрание. Во неколку наврати Џафери еклатантно ги кршеше одредбите од Уставот, Деловникот за работа на Собранието, како и законите со кои е уредена работата на Собранието. Имено, откако Џафери е избран за претседател на Собранието, сѐ почесто сме сведоци на скандали во неговото работење. Последен во низата беше скандалот кога пратениците на пратеничката група на ВМРО-ДПМНЕ и коалицијата „Обнова на Македонија“ беа заклучени во салата во која се одржуваше пленарната седница. Во храмот на македонската демократија во македонското собрание на опозиционите пратеници им беше ускратено загарантираното право на слобода и движење. Претседателот Џафери постапи несовесно, со тоа што изврши најтешка повреда на „Кодексот за етичко однесување на пратениците во Собранието на Република Македонија“, односно го прекрши членот 14 од Кодексот, со кој е уредено што се подразбира под тешка повреда на овој кодекс. Иако Џафери е прво потпишан на овој Кодекс, како што можеше да слушне целата македонска јавност, со крајно вулгарен речник, употребувајќи најразлични пцости, вршеше притисок врз службита во Собранието, при што го омаловажуваше нивното достоинство. Дополнително, во неговиот мандат, сѐ со цел исполнување на коалиционите договори, Талат Џафери во својата работа постапува како пратеник на власта, а не како претседател на Собранието, кој треба да соработува со координаторите на пратеничките групи, како што е предвидено во членот 60 од Деловникот на Собранието на Република Македонија. Исто така, иако со истиот член во Деловникот е предвидено претседателот да се грижи за примената на истиот, сведоци сме на најразлични прекршувања, воведување на различни пракси, кои досега не биле дел од работата на Собранието, при што самото тоа отвора простор за проблем во функционирањето на пленумот во иднина. Многупати сме биле сведоци ние, како пратеници, а и целата македонска јавност на начинот на кој се водат седниците од страна на претседателот, односно на повеќе наврати седниците траеле до раните утрински часови, со намера да се ускрати правото на говор и дебата, а со една и единствена цел - изгласување на закони кои се од бизнис интерес на коалицијата на власт. Дополнително, во изминатиов период, сведоци сме на повеќе прекршувања на Уставот и Деловникот на Собранието на Република Македонија од страна на претседателот и тоа: - Неразгледување на интерпелации поднесени за работа на носители на јавни функции, предложени од опозицијата. Интерпелациите само се оставени на дневен ред на одредена седница и никогаш тие точки не се разгледуваат. Интерпелациите за тогашниот вицепремиер Љупчо Николовски и министерот Бојан Маричиќ станаа беспредметни, бидејќи тие сега извршуваат сосема други функции; Понатаму: - Неразгледување и непродолжување на пленарни седници, на кои се останати информации предложени од опозициските пратеници; - Ненавремено доставување на материјал до пратениците; - Спротивно на Деловникот и без образложение, отфрлање на амандмани поднесени од пратеници на опозицијата; - Одземање на право на говор на пратеник, како што беше случајот со утврдување на дневниот ред на 71-та Седница на Собранието; - Разрешување и избор на член на работно тело на Седница на Собранието, без претходно да има одлука која треба претходно да е усвоена на матичното работно тело; - Неупотреба на македонскиот јазик во излагањето на Талат Џафери пред Комитетот на министрите на Европскиот парламент, како единствен службен јазик во меѓународните односи на Република Македонија. Со ваквиот неодговорен пристап, претседателот на Собранието на Република Македонија, Талат Џафери покажа дека нема капацитет за правилно водење на Собранието, ниту пак покажува волја за соработка со пратениците од опозицијата, преку почитување на Уставот и Деловникот. Поради овие причини, ние како пратеници од ВМРО-ДПМНЕ и коалицијата „Обнова на Македонија“, согласно Уставот и Деловникот на Собранието на Република Македонија, ја поднесуваме оваа интерпелација. Ние не очекуваме дека власта, предводена од СДСМ и Димитар Ковачевски, ќе се охрабри и ќе ја изгласа оваа интерпелација, и дека 61 пратеник од власта ќе го чујат гласот на народот и ќе гласаат за разрешување на Талат Џафери. Но, добро е граѓаните да го видат лицето на ДУИ и СДСМ, како сложно го бранат неодбранливото дивеење врз Уставот, Деловникот и законите, од страна на Талат Џафери, истакна Стојаноска.

Стојановска: Џафери прв го потпиша етичкиот кодекс, најгрубо го крши истиот и бега од одговорност

Тале Кристо — Wed, 25 May 2022 08:15:27 +0000

Поминаа повеќе од десет дена, а Претседателот на Собранието Талат Џафери, не само што не се извини за неговото безобразно однесување спрема вработените во собраниската служба туку се однесува како ништо да не се случило, изјави денеска пратеничката од редовите на ВМРО-ДПМНЕ Дафина Стојановска. Човекот кој прв го потпиша етичкиот кодекс, најгрубо го крши истиот и бега од одговорност вели Стојановска. -Крајно е недозволиво токму од човекот кој што прв го потпишал етичкиот кодекс за однесување во Собранието, најгрубо да го крши и да бега од одговорност и заедно со пратениците од власта да пробуваат на секаков можен начин да го скријат под тепих овој скандал, појасни Стојановска. Џафери најмалку што можеше да направи е да се извини за ваквото однесување и да си поднесе оставка од функцијата Претседател на Собранието, рече таа. Стојановска вели дека тие секогаш ќе бидат тука за да го потсетуваат за неговото однесување и работа и дека е еден најнеспособните претседатели. -Сакаме да му порачаме на Џафери дека колку и да бега од одговорност и да пробува да се заборави овој скандал дека дамката што ја остави зад себе секогаш ќе го прати, а ние секогаш ќе бидеме тука да го потсетуваме дека со неговото однесување и работа е еден од најлошите и најнеспособните претседатели што ги имало Собранието. Исто така го повикуваме господинот Панчо Минов да не одолговлекува и да закаже седница на Комисијата за деловнички и мандатно-имунитетни прашања на која што ќе се расправа за санкции по повот прекршувањето на етичкиот кодекс од страна на Талат Џафери, додаде Стојановска. Доколку Џафери не понесе одоговрност за ваквото однесување ќе даде до знаење до сите пратеници дека етичкиот кодекс на кој што сите заедно работевме, повеќе не важи во законодавниот дом, појасни таа.

Стојаноска: Активната блокада беше повеќе од успешна, на 18-ти јуни ќе се случи масовен протест, граѓаните се заситени од сивилото на власта

Тале Кристо — Wed, 18 May 2022 20:57:19 +0000

Блокадата во Собранието не да беше успешна туку беше повеќе од тоа, бидејќи видовте како заврши минатата работна недела,а за сметка на тоа пак оваа недела апсолутно нема никакви закажани собраниски активности. Дури би испратила апел до власт да да дојдат во Собрание за да можеме да продолжиме со активната блокада. Јас не знам што очекуваа од активна блокада, два дена им поминаа во усвојување на Дневниот ред и го усвоија неделовнички, би рекла насилнички, истакна Дафина Стојаноска, пратеник и член на ИК на ВМРО-ДПМНЕ во гостување во емисија „Заспиј ако можеш“ на Алфа телевизија. Стојаноска додаде дека во однос за закажаниот протест на 18-ти јуни, таа одлука е донесена на Извршниот комитет во понеделникот. И се очекува да биде масовен со огледна тоа што навистина народот е премногу заситен од ова сивило во Република Македонија. И тука нема да се запре. Се очекува после тој протест да се случи одлуката дали конечно Република Македонија ќе добие датум за отпочнување на преговори со ЕУ. -За сето после 18-ти јуни дополнително ќе се прави стратегија. А, до 18-ти јуни пратеничката група на ВМРО-ДПМНЕ и опозицијата продолжува со активна блокада. Денес поднесовме и барање до претседателот на Комисијата за мандатно имунитетни прашања да свика седница а про по она што се случи минатата недела со претседателот на Собрание. Но, за жал ништо друго не е свикано, а претседателот на Собранието е отсутен, а тоа не значи дека собраниските комисии не можат да се закажуваат и да се работи. Дали толку се исплашијаили изморија од нашата активна блокада не се знае. А, ние сме само на почетокот од нашата активна блокада, нагласи Стојаноска.

Стојановска: Пратениците на Алијанса за Албанците се согласуваат дека Изборниот законик треба конечно да влезе во процедура

Ивана Ефремовски — Thu, 03 Feb 2022 11:45:56 +0000

Како што знаете денес ја заокружуваме онаа тура од средби со помалите пратенички групи во Собранието на Република Македонија и предмалку само што заврши средбата со координаторите на Пратеничката група на Алијанса со кои секако разговаравме за прашањето за Изборниот законик, истакна Дафина Стојановска, пратеник на ВМРО-ДПМНЕ. -Можам од оваа средба да ве известам дека повтоторно како што беше заеднички содржател од сите изминати средби во оваа недела, а тоа дека и Алијанса се согласува дека Изборниот законик треба конечно да влезе во процедура, сите сме за јавна расправа со Собранието по однос на ова прашање на која ќе ги разгледаме сите поединечни ставови и барања по однос на тоа дали листите да се отворени, по однос на прагот итн. Значи останува заклучокот од сите изминати средби, мислам дека денес е направена последната и бараме овој предлог на закон конечно да влезе во процедура и за тоа го повикуваме претседателот Талат Џафери, истакна таа.

Стојаноска: Собранието е бурно и хаотично и минатиот мандат и овој мандат, а законот недела неработен ден не ги опфаќа сите работници, намерите на власта не се чесни

Тале Кристо — Thu, 23 Sep 2021 09:24:21 +0000

„Според последните информации кои ги добив утрово од Собранието мислам дека ќе нема можност за да се свика седница, бидејќи нели за вторникот имавме закажано, но по смс пораки не известија дека истата е одложена. Но, моите последни информации говорат дека ќе нема можност до пред започнувањето на официјално изборната кампања да има можност за седница. За денес имаме работен ден во Собранието, закажани се комисии за образование и тоа две, број 9 и број 11. Така што и овој ден може да се искористи од страна на пратениците кое што тоа нели им е должност да го прават. Не би рекла дека се работи за бурен период во Собранието, туку јас би рекла Собранието е бурно и хаотично и минатиот мандат и овој мандат“, истакна Дафина Стојаноска, пратеник и член на ИК на ВМРО-ДПМНЕ во „Утрински Брифинг“. Стојаноска додаде дека хаосот во Собранието се случува поради владејачкото мнозинство. „Навистина е хаотично да се работи и не знам дали за тоа може да се префрли вината бидејќи тие имаат тенко мнозинство, а тие треба да бидат свесни на тоа, не би требало да се извлекуваат на состојбата на пандемијата. Но, знаете кога сте во немоќ тогаш ќе барате кривец. А, најлесно им е вината да ја префрлат на опозицијата. А, на опозицијата работа и е во Парламентот да укажува на сите оние неправилности кои што планираат од власта да ги спроведат, на оној хаос кој што се воведува на комисиите кои што се предводени од нивните претседатели, така да бурно е Собранието“, рече Стојаноска. Стојаноска посочи дека во Деловник стои во членот 5 став 2 дека Собранието користи годишен одмор односно пратениците од први до 31 август. А, во став 3 стои во тој член кој што вели дека има право претседателот да свика седници и во периодот на одмор за пратеници. „А, тоа значи дека ако тие имаа навистина искрени намери за навистина да се воведе законот неработен ден недела, а не набрзина како што тоа им е редовна пракса во Собранието можеа да докажат и Комисија за труд и социјална политика и седница на која што ќе се помине. А, ние не го блокираме сега законот. Никој не предвидуваше дека ќе се случи онаа страшна трагедија на 8-ми септември, кога ние мораме да го искористиме присуството на министерката за труд и социјална политика која што беше завчера во Собранието, и да побараме како прва точка во таа седница да се побара да се стави на дневен ред отчетност на министерката да ни даде за оној дел од нејзината работа каде е вината или одговорноста за трагедијата во Тетово“, појасни Стојаноска. Стојаноска укажа дека трагедијата на 8-ми септември има најголем приоритет во моментов во државата. А, ние како партија не сме против законот за недела неработен ден, но граѓаните треба да знаат дека токму тој закон има над 40-тина исклучоци на работниците кои што не би работеле во недела. Законот за недела неработен ден не ги опфаќа сите групи на граѓани.

Стојановска до Царовска: Зошто не излезете на говорница со таблет или мобилен телефон, туку од обични листови хартија ни прочитавте податоци кои само вие ги знаете

Катерина Бојаџиева — Wed, 28 Apr 2021 15:44:42 +0000

Ќе ја запрашам министерката Царовска зошто овде на говорница не излезе со еден таблет или мобилен телефон како што често го користи, па да ни иститка некоја информација од Шведска, Данска или Финска, туку со обични листови хартија ни прочита некои податоци која што само таа ги знае и за кои само таа може да посведочи. Ова е еден срамен чин за една министерка за образование на држава која што цели да има европско образование, рече од собраниската говорница пратеничката од ВМРО-ДПМНЕ Дафина Стојановска. Таа на денешната седница за Законот за учебници ја критикуваше министерката Мила Царовска и поради нејзиниот арогантен однос кон опозицијата. -Пратеничката група на ВМРО-ДПМНЕ и коалицијата реагираат по основ на членот 91 и членот 92 од деловникот за работа во Собранието на Република Македонија според кој за одржување на редот на работата се грижи во случајов потпретседателот на Собранието. И во нив се вели дека Претседателот на Собранието ќе му го одземе зборот на пратеникот - во случајот министерката за образование Царовска, кога тој пратеник со својот говор го повредува редот, а на истиот ред се повика министерката. Не почувствувавме никаква почит од нејзина страна кон нас. Вас ве гласале граѓаните исто како и нас што не гласале, и во ова Собрание должни сте да не сослушате и почитувате затоа што ние сме гласот на народот. А вие чиј глас сте не знам. Но, најмалку заслужувате да бидете министерка за образование и да се однесувате вака спрема овој законодавен дом, кажа од говорницата Стојановска.

МОЈОТ БРЕНД Е МАКЕДОНИЈА

Дафина Стојаноска — Thu, 21 Jan 2021 11:22:14 +0000

Деновиве повторно стана актуелно брендираното однесување на поединци од власта. Шалот на Мила кој чини повеќе од нечива месечна плата беше само еден клик на нејзината ароганција и надменост кон оние за кои таа е назначена да биде министерка. Додека наставниците и професорите мака мачат во фаќањето чекор со нејзините реформи во образованието и се во неизвесност до кога ќе бидат на платните списоци во образовните институции, додека учениците и студентите не можат да се снајдат во нејзиното далечинско учење, додека нивните родители се чудат од каде толку „иновативност“ кај неа, Мила обвиена со Гучи мува не ја лази и стои цврсто на ставот дека нејзиниот план ќе почне да се реализира од 1-ви септември оваа година. Не така одамна, и надмената Радмила знаеше да се истакне со нејзините брендирани парчиња облека или очила, за сметка на руинираната ни Армија, а пред тоа и за сметка на неизодениот европски пат со нејзините брендирани чевли. Народот во Македонија едвај врзува крај со крај од првиот до последниот ден во месецот, но затоа Мила и Радмила се тука со нивните елегантни и грациозни појави, да ги засенат латиците на облеките, да го потценат скромниот живот на своите граѓани и да покажат како се тие модни икони на македонската политичка сцена. Бадниковата вечера некои ја поминаа навистина посно, во согласност со традициите, но и во согласност со можностите. Постат луѓето на Македонија, не само за Бадник Македонците, туку и секој ден Албанците, Турците, Ромите, Власите, Србите, Црногорците и Бошњаците. Постат, зашто животот им стана преживување, а надежта последна опомена дека оваа власт ја премина секоја мерка на сочувство и емпатија кон ближните. Филипче гради хациенди, а пациентите се лечат во субстандардни услови. Некои од нив остануваат оштетени за цел живот, без притоа никој да одговара или Филипче да покрене иницијатива за тоа. Некои завршија фатално, но затоа Филипче продолжува со неговата агенда на ветување фрижидери без вакцини и соопштување прво на бројките на оздравени, а потоа на бројките на починати од корона-вирусот. Не така одамна беше и газењето по црвениот тепих од страна на Николовски, тогаш министер за земјоделие, а сега вицепремиер за борба против корупцијата. Земјоделието го „оправи“, па сега се зафати и со корупцијата. И, замислете, оваа година ја прогласи за година без корупција. А, претходните „беа“ години на економијата и на човечкиот капитал, се сеќавате? Можам уште многумина да набројувам со нивните брендови и манири на искомплексирано однесување и стилизирано облекување. Можам уште толку примери да давам како оваа власт се издигна во облаците, газејќи по маките на сопствениот народ и истовремено ветувајќи му мед и млеко. После четири години на вакво однесување, народот на Македонија остана со своите пусти маки и разочарувања. Оние, на кои им беа доделени ваучери, веќе одамна истите ги истрошија. Приватните бизнисмени во голем број ги затвараат своите фирми, нивните вработени остануваат без работа. Земјоделците не знаат што да прават со нивните мачно сработени производи. Пензионерите не веруваат дека нивните пензии се зголемени за фантастични 130 денари. Веќе и не се зборува за 100-те илјади денари плата на докторите, ниту за 500-те евра просечна плата. Во меѓувреме, се раскрчмува и она што остана од нашата Македонија. Нашите соседи си тријат раце од успешните договори за нив, а нашите брендирани властодршци со нивната вештачка насмевка се’уште не’ убедуваат дека се на прав пат. Правиот пат е само за нив, а никако за Македонија. Правиот пат е за нивните џебови и семејни фирми, а никако за народот на Македонија. Тој се’ повеќе осиромашува, како во новчаниците, така и во духот. Е, тоа е и последната агенда на оваа власт – да го ослабне духот на Македонецот. Зашто, само така смета дека ќе успее во нејзината крајна цел. Но, не знае власта дека духот на Македонецот не е бренд и дека тој не се купува со стотици и илјадници евра, а уште помалку со мизерни ваучери. Духот на Македонецот е Македонија. Духот на Македонецот е македонската земја и култура, македонската историја и традиција. Духот на Македонецот е во неговата издржливост кога е најтешко. Тој не се крши така лесно и евтино. Можеби е сега ослабнат, но знае да се издигне над сите кризи и предизвици. Знае да никне од пепелта и да се исправи, кога најмалку се очекува. Затоа, нека продолжи само вака власта. Нека се брендира и ашикува на сметка на народот, ама истиот тој народ знае да се охрабри и знае да се спротивстави на овие понижувања во континуитет. Тоа веќе се чувствува и гледа, само некој не сака да види или не може, од преголемата доза на самобендисаност. Додека некој, со брендот на себе, мисли дека е многу возвишен и попаметен од оној до и околу него, тој до него има само еден бренд на и во себе, а тоа е Македонија. Брендот Македонија е во секој чесен и напатен Македонец. Токму тој бренд нема цена и ќе ги сруши брендираниве властодршци. Доаѓа денот кога тие ќе останат со брендираните алишта на нив, ама и денот кога за сето ова ќе одговараат. Дафина Стојаноска - пратеничка

Стојановска: “Сосема случајно” чoвек пред капијата во затворот ја снимаше Гордана, му се гади на народот од Заев

Тале Кристо — Tue, 29 Sep 2020 08:35:47 +0000

Од најновите гадости на мафијата на Заев издвојуваме... На денот кога им падна цел образовен систем, побрзаа Гордана да ја стават во затвор, реагира преку својата Фејсбук страница пратеничката од редовите на ВМРО-ДПМНЕ Дафина Стојановска.. Притоа, "сосема случајно", имаше човек кој пред полицијата на главната капија ја снимаше кога влегуваше во затворот, за да ги задоволи гадните апатети на мафијата и саможивното чуство дека направиле зло и наместо убиец ставиле невин човек во затвор. Притоа, да не заборавиме дека Миле и Спиро беа тепани во затвор. Денес и’ се кршат сите права на Горде. Има ли во оваа земја народен правобранител или и тој ќе оди по принципот “наведната глава сабја не ја сече”? Заев, му се гади на народот од вас. Колку побрзо го дознаете тоа, толку побрзо ќе се приземјите. И едно знајте, стапот секогаш има два краја, пишува Стојановска во својата Фејсбук објава. https://www.facebook.com/StojanoskaDafina/posts/2712104169032429