Дафне Каруана Галиција – Kurir.mk

ЕП бара оставка од премиерот на Малта поради убиството на новинарката

Ивона Петрова — Thu, 19 Dec 2019 06:29:17 +0000

Европски парламент синоќа усвои резолуција во која се бара премиерот на Малта, Џозеф Мускат да мора да поднесе оставка поради опасноста да ја загрози истрагата за убиството на новинарката Дафне Каруане Галација. „За“ резолуцијата гласаа 581 европратеник, 26 се изјаснија „против“, а 83 беа „воздржани“. Европратениците се загрижени поради веродостојноста на истагата за убиството на новинарката Каруане Галиција, се додека Мускат е на функција постои ризик од загрозување на истрагата. Резолуцијата на ЕП упатува на обвиненија за корупција и перење на пари против премиерот на Малта, како и против неговиот шеф на кабинет и поранешниот министер за туризам, другите членови на Владата, како и приватни фирми и поединци поврзани со него. Настаните на Малта последните години доведоа до сериозни и трајни закани за владеењето на правото, демократијата и основните права, се истакнува во соопштението на ЕП, при тоа изразувајќи загриженост поради слободата на медиумите, независноста на полицијата и правосудниот систем, слободата за мирни собири и поделбата на власта. ЕП исто така бара да се укине Програмата на Малта за доделување на државјанства и право на претстој на инвеститорите, бидејќи тоа подразбира продажба на граѓанството на Европска Унија и е опасен ризик за борбата против перењето пари и прекуграничниот криминал. Европратениците во резолуцијата го поздравија востанувањето на годишната награда „Европска награда за истражувачко новинарство – Дафне Каруана Галиција“. По убиената новинарка претходно е наречена сала во ЕП во Стразбур, во која се одржуваат прес-конференции. Мускат на почетокот од месецот по притисок на јавноста и протестите најави дека ќе поднесе оставка од функцијата на 12 јануари, откако владејачката Лабуристичка партија идниот месец избере нов лидер. Каруана Галиција истражуваше случај на корупција, во кој беа вмешани и соработници на премиерот. Таа на својот блог ги обвинуваше политичарите на Малта за корупција. Новинарката беше убиена во октомври 2017 година кога под нејзиниот автомобил беше поставен експлозив.

Премиерот на Малта во јануари поднесува оставка

Ивона Петрова — Mon, 02 Dec 2019 06:39:41 +0000

Премиерот на Малта Џозеф Мускат изјави синоќа дека ќе си поднесе оставка во јануари по притисокот на граѓаните барајќи вистина за убиството на новинарката во Дафне Каруана Галиција. Мускат во телевизиското обраќање рече дека го известил претседателот дека ќе поднесе оставка на функцијата лидер на владејачката Лабуристичка партија на 12 јануари и дека ќе „поднесе оставка како премиер во наредните денови“. Претходно, членовите на малтешката Лабуристичка партија го поддржаа Мускат. Малтешките медиуми претходно објавија дека Мускат би можел да остане на функцијата до јануари кога партискиот конгрес ќе избере нов лидер. Во меѓувреме, речиси 20.000 луѓе протестираа барајќи оставка на Мускат и Владата.

Малтешки бизнисмен тврди дека Мускат е поврзан со убиството на новинарката Галиција

Ивона Петрова — Fri, 29 Nov 2019 07:25:16 +0000

Реномираниот малтешки бизнисмен Јорген Фенех понуди да сведочи против висок владин претставник во случајот со убиството на новинарката Дафне Каруана Галиција и рече дека премиерот на земјата е во судир на интереси во случајот. Адвокатот на бизнисменот Јорген Фенех до судот достави писмо кое го испратиле до претседателот Џорџ Вели во кое го моли да го помилува, а за возврат ветува дека ќе на судот ќе му обезбеди информации поврзани со поранешниот владин шеф на персонал Кит Шембри, поранешниот министер за туризам Конрад Мици и министерот за економија Крис Кардон и други луѓе блиски на премиерот. Адвокатите на Фенех, кој беше уапсен минатата недела во врска со убиството, рекоа дека премиерот Џозеф Мускат не треба да биде вклучен во одлуката за помилување, бидејќи тој бил меѓу оние кои „можеби имале интерес да не се одобри помилувањето“. Адвокатите исто така додадоа дека судијата треба да одлучи за помилување без мешање на кабинетот на Мускат. Каруана Галиција беше убиена кога се активира бомба во нејзиниот автомобил недалеку од нејзиниот дом. Фенех, еден од најбогатите жители на Малта, и рекол на полицијата дека Шембри е мозокот во организирањето на убиството. Шембри беше ослободен од притвор во четвртокот вечерта и не даде изјава.