Даглас Коста – Kurir.mk

Издаден налог за апсење на Даглас Коста

Бошко Тасиќ — Wed, 31 May 2023 04:38:32 +0000

Одлуката е донесена по барање на судот во Порто Алегре, бидејќи Коста не плаќал алиментација на поранешната сопруга. Поради тоа му се заканува затвор од една година, а постои можност да биде уаспен во Лос Анџелес каде моментално игра за ЛА Галакси. Тимот на адвокати на бразилскиот фудбалер најави жалба на оваа одлука. Коста минатата година од Јувентус замина за САД. Покрај Јувентус и Баерн, во минатото играше и за Гремио и Шахтар.

Милан заинтересиран за 30 годишниот фудбалер кој игра за Јувентус

Дарко Андоновски — Fri, 29 Jan 2021 11:08:13 +0000

Напаѓачот на Јувентус, Даглас Коста кој е на позајмица во Баерн Минхен може да се врати во Серија А, пренесува „Тутоспорт“. Според италијанскиот медиум, за 30-годишниот Бразилец е заинтересиран Милан, кој е подготвен да го ангажира играчот во зимскиот преоден рок. Во исто време, големата плата на фудбалерот, која изнесува 6 милиони евра, може да стане проблем. Коста оваа сезона одигра 19 натпревари на сите турнири, постигна еден гол и направи две асистенции.

Арсенал може да го пушти Лаказет во Јувентус во замена за Даглас Коста

Магдалена Андонова — Wed, 12 Aug 2020 07:20:16 +0000

Фудбалерот на Арсенал, Александар Лаказет може да ја продолжи кариерата во Италија, пренесува „Football Italia“. Според изворот, 29-годишниот Французин може да се пресели во Јувентус, лондонскиот клуб е заинтересиран да го размени за напаѓачот Даглас Коста. Претходно беше објавено дека Арсенал е подготвен да се раздели со играчот за 35 милиони евра. Минатата сезона Лаказет одигра 39 натпревари на сите турнири, во кои постигна 12 голови и направи четири асистенции. (МИА)

Даглас Коста го освои десеттиот шампионат за единаесет години

Магдалена Андонова — Mon, 27 Jul 2020 08:10:02 +0000

Играчот од средниот ред на Јувентус, Даглас Коста го освои својот трет шампион во низа за клубот од Торино. За 29-годишниот Бразилец, ова титула беше десетта во последните 11 години. Коста има пет титули во Украина со Шахтјор помеѓу 2010 и 2014 година, двапати фудбалерот стана шампион на Германија со Баерн Минхен и уште три пати со Јуве. Единствениот пат кога не успеаја да го освојат првенството беше во сезоната 2014/15, кога Шахтјор заврши втор, зад Динамо Киев. Во сезоната 2019/20, Даглас Коста одигра 23 натпревари во италијанскиот шампионат и постигна еден гол. (МИА)

Даглас Коста може да се пресели во Манчестер сити

Дарко Андоновски — Tue, 07 Apr 2020 10:20:26 +0000

Напаѓачот на Јувентус, Даглас Коста, летово може да се пресели во Манчестер сити, пренесе „Corriere dello Sport“. Според изворот, поради повреди и мала минутажа, клубот од Торино е подготвен да разгледа предлози за 29-годишниот Бразилец. Коста веќе настапуваше под водство на Јосеп Гвардиола во Баерн, со кого стана шампион на Германија. Оваа сезона, Даглас Коста настапи на 18 натпревари на сите турнири, во кои постигна два гола и забележа три асистенции.

Солзите на Коста нема да му помогнат – еве што го чека Бразилецот по скандалот

Дарко Андоновски — Mon, 17 Sep 2018 07:28:05 +0000

Јувентус го совлада Сасуоло со 2-1, конечно погоди Кристијано Роналдо и тоа на два наврати, но денот го расипа Даглас Коста со својот безобразен потег. Имено Бразилецот го плукна противничкиот играч, го удари и на крај беше исклучен по асистенција на ВАР. Коста веднаш по мечот се извини, но бадијала. -Ова никогаш го немав сторено, ова не бев јас. Се извинувам на навивачите на Јувентус и противникот, свесен сум што сторив, изјави Коста кој ја шокираше фудбалска Италија. Не постои точен правилник за плукање, но повеќе од сигурно е дека ќе добие најмалку три меча казна со кои може да биде и среќен со оглед што му се заканува и подрастична казна. Исто така ниту Јувентус нема да го штеди, а извори блиски до клубот соопштуваат дека „Старата дама“ драконски ќе го санкционира поради овој потег:

Douglas Costa spitting. Stupid & totally unnecessary. Will be a 3-4 match ban. pic.twitter.com/OGoJzzN5HN
— Tarek Khatib (@ADP1113) September 16, 2018

Коста се извини за плукањето

Ристе Здравков — Mon, 17 Sep 2018 06:46:27 +0000

Бразилскиот фудбалер, член на Јувентус, Даглас Коста на вчерашниот натпреварот со Сасуоло плукна противнички играч и доби црвен картон. Инцидентот се случи во четвртата минута од судиското надополнување и за Бразилецот ќе значи 3-4 натпревари суспензија во следните рунди на Серија А. - Им се извинувам на сите поради мојата непримерна реакција. Се извинувам на навивачите, соиграчите, на сите. Тој потег беше навистина одвратен. Ова мое однесување нема ништо заедничко со тоа што го покажував во текот на мојата кариера, напиша Коста на неговиот Инстаграм профил. Поради непримерното однесување, бразилскиот интернационалец ќе биде казнет и од клубот, најави тренерот на Јувентус, Масимилијано Алегри.

Коста: Невозможно е да се следи Роналдо на тренинзите

Ивона Петрова — Tue, 07 Aug 2018 19:26:56 +0000

Бразилскиот фудбалер Даглас Коста призна дека е невозможно да се следи Кристијано Роналдо на тренинзите. Коста и Роналдо од неодамна се соиграчи во Јувентус, а бразилскиот репрезентативец не ги криеше импресиите за работењето со еден од најдобрите играчи во светот. - Невозможно е да го следи Кристијано Роналдо на тренинзите. Кога стигнавме тој веќе тренираше, а и откако заминавме продолжи да тренира. Никогаш не сум видел такво нешто, истакна Коста. Роналдо со трансфер во висина од над 100 милиони евра премина од Реал Мадрид во Јувентус.

Сопругата на Даглас Коста го обвини селекторот за повредата на нејзиниот маж

Дарко Андоновски — Tue, 26 Jun 2018 10:53:19 +0000

Сопругата на напаѓачот на бразилската репрезентација, Даглас Коста, Луиза Рамос, изјави дека за повредата на нејзиниот сопруг виновен е селекторот Тите. Таа го обвини Тите за интензивните тренинзи кои ги преферирал за време на Мундијалот. - Тој се пожали на болка по тренинг и рече дека се е полесно во Јувентус. Знаеме дека неговата повреда не е толку страшна како и претходната, и се надеваме дека тој ќе се врати на теренот за десетина дена, изјави Луиза. Претходно беше објавено дека 27-годишниот напаѓач ќе пропушти 15-20 дена поради оштетување на бутниот мускул на десната нога. Според прелиминарните податоци, Коста ќе може да се врати во составот на Бразил само доколку неговата репрезентација избори полуфинале или во финале. Бразил по два круга од групната фаза има четири поени. Утре „кариоките“ ќе се сретнат со Србија.

Гвардиола е решен да го донесе: Манчестер Сити со фантастична понуда за големата ѕвезда на Јувентус

Матеја Петровски — Mon, 11 Jun 2018 11:20:04 +0000

Иако Јувентус пред неколку го откупи од Баерн Минхен за 40 милиони евра, италијанските медиуми тврдат дека во Торино за Даглас Коста пристигнала понуда вредна 100 милиони евра. Спорт Медиасет објави информација и тврдат дека Пеп Гвардиола е одлучен фантастичниот Бразилец следната сезона да го види во синиот дрес. Како и обично, пари нема да штеди. Понудата ќе биде 100 милиони евра, што веројатно ќе биде доста привлечна за торинскиот клуб, кој сигурно ќе размисли за продажба на фантастичниот Коста. Минатата сезона Коста одигра одлично како позајмен играч од Баерн. Постигна шест голови и даде 14 асистенции, а најголем дел од нив во клучните моменти од натпреварите.