дајанчо ефтимов – Kurir.mk

Ефтимов: Министерот законски морал да ги знае недоследностите во тендерите на Онкологија, дали има постапка за нечие разрешување или си земал право да не санкционира никого?

Тале Кристо — Wed, 25 Oct 2023 12:37:11 +0000

Пратеникот од ВМРО-ДПМНЕ, Дајанчо Ефтимов на денешната анкетна комисија за скандалот во Онкологија се осврна на недоследностите во тендерите на клиниката и потсети дека министерот морал и веројатно знаел за сите постапки затоа што тоа и законски му е обврска, па запраша кого санкционирал министерот. Ефтимов нагласи дека врз основа на извештајот од Државниот завод за ревизија се констатирани низа недоследности при спроведување на јавните набавки во клиниката за Онкологија и радиотерапија. - Тргнувајќи од законските обврски на министерот, заменикот, ФЗОМ и раководните структури на клиниката сите се обврзани да ја знаат состојбата. Ова значи дека министерот морал да ги знае сите недоследности од прва рака, рече тој. Ефтимов прашува дали министерот си земал за ексклузивно право да самиот одлучува и биде во тек со јавните набавки не ги санкционирал тие кои не ги спровеле согласно закон бидејќи според законот имал право и обврска да ги знае постапките и дали има постапка за нечие разрешување.

Ефтимов до Сугарев: Дали при вршење на контролите се констатирани одредени недостатоци и дали записниците ги имате доставено до надлежните институции?

Катерина Бојаџиева — Wed, 18 Oct 2023 11:59:58 +0000

На денешната собраниска анкетна комисија за случајот со Онкологија пратеникот од редовите ВМРО-ДПМНЕ Дајанчо Ефтимов посочи дека недозволиви се тврдењата од страна на поранешните министри кои вчера се согласија дека има несоодветно трошење на средства од Буџетот. „Рековте дека 90 проценти од здравствените установи имаат ненаменски трошења, тогаш ако вчерашните тврдења беа во насока дека се за обезбедување на одредена терапија тогаш вие Миле Сугарев кажавте дека секоја установа и директор користи средства спротивно на прописите за некој други намени за кој не им се одобрени, тоа мислам дека сте свесни дека е кривично дело и досега требало да се санкционира, а не да се воспостави пракса по која ќе се движат и се движеле и претходни и понатамошни директори и идни директори“, изјави Ефтимов. Тој посочи дека недозволиви се тврдењата од страна на поранешните министри кои вчера овде потврдија дека имаме несоодветно односно спротивно на закон трошење на средства од Буџетот. „Дали при вршење на ваквите контроли согласно цитираниот закон е констатирано одредени недостатоци како што претходно потенциравте и дали овие записници иако се доставени само до институциите кои согласно закон треба да ги информирате имате доставено до надлежните институции кои се задолжени да ги истражуваат ваквите финансиски скандали и ненаменски трошења?“, запраша Ефтимов.

Ефтимов: Фондот за иновации исплаќа огромни суми на средства на фирми блиски на ДУИ и СДСМ, во иднина ќе треба да се провери секој еден таков проект

Ивона Петрова — Sun, 16 Jul 2023 11:39:42 +0000

На денешната трибина на ВМРО-ДПМНЕ насловена „Погрешните економски политики-предизвик за преживување на стопанството и граѓаните“, свое обраќање имаше пратеникот на ВМРО-ДПМНЕ, Дајанчо Ефтимов кој истакна дека во државата постои голема правната несигурност на економските оператори која меѓу другото се одразува и со поволностите кои што ги користат компании блиски до власта на СДСМ и ДУИ кои на брза трака ги зголемуваат нивните профити и се креира нелојална конкуренција за сите оние кои сакаат чесно да работат. „Право пропорционално со економската активност е онаа првана сигурност која што треба да ја имаат економските оператори, меѓутоа во дадениот момент не можеме да се согласиме дека воопшто било кој економски оператор има одредена правна сигурност во однос на неговото инвестирање и постапување. Ова можеме слободно да го заклучиме од оние пинг-понг актуелности коишто им се случуваат во самите државни органи кај што пристапуваат и начинот на којшто ги остваруваат своите права пред државните органи. Како податок ако го земеме ставот дека околу 7 илјади правни лица годишно се затвораат, од коишто сметам дека најголемиот дел кој што ги отвораат можеби се и наменски заради искористување на одредени поволности, односно свесни сме и сведоци сме дека одредени бизнис идеи коишто се блиски до актуелната власт на СДСМ и ДУИ имаат брзорастечки профити и овие компании на брза трака ги зголемуваат своите профити. Сето тоа наидува на нелојална конкуренција кај сите оние кои што сакаат чесно да работат и да ја зголемуваат својата економска активност“, истакна Ефтимов. Тој исто така додаде дека Фондот за иновации исплаќа огромни суми на средства на фирми блиски на ДУИ и СДСМ за наводни иновации од кои нема никаква додадена вредност, па затоа во иднина ќе треба да се разгледа каде отишле овие средства и која е додадената вредност. „Сведоци сме и на огромните средства и од регионот од кој што јас доаѓам, од Фондот за иновации се исплаќаат огромни суми на средства за одредени иновации од коишто немаме никаква додадена вредност во дадениот момент од сето она кое што се инвестира како иновација, затоа сето ова провлекува и една друга ставка која што треба понатаму детално да се разгледа секој еден проект кој што е инвестиран преку Фондот за иновации да се прегледа и да се види каде се наменети овие средства, каде се пласирани овие средства и која е додадената вредност од ваквите средства кои што се пласирани преку фондот за иновации за кој што знаеме дека фирми блиски на СДСМ и ДУИ, повторно потенцирам, ги добиваат најголемите суми, а секако добиваат и соодветни даночни ослободувања, а за тоа што не одговараат за нивните даночни затајувања сето ова е на штета на целокупниот економски подем на на овој регион од кој што доаѓам, а и на државата целокупно“, потенцираше Ефтимов и додаде: „Според Стопанската комора која излезе со податок дека сивата економија е околу 33,2%, а со одредени експерти коишто посочуваат дека овој процент е и до 39% од БДП е сериозен податок за кој што сето ова го придонесува и е последична врска на правната несигурност која што постои, односно бенефитите кои што ги користат оние кои што се блиски до власта“.

Ефтимов: Најверојатно Советот на јавни обвинители ќе ја доживее истата судбина и скандал како и Судскиот совет

Ивана Ефремовски — Thu, 15 Jun 2023 09:24:17 +0000

Принципот на „Прв дојден – Прв услужен“ кој што го применува власта во највисоките правосудни органи не запира и зема се’ поголем замав. Најверојатно Советот на јавни обвинители ќе ја доживее истата судбина и скандал како и Судскиот совет, оценува Дајанчо Ефтимов, пратеник на пратеничката група на ВМРО-ДПМНЕ. -По неуспехот и криминалот во СЈО, скандалозниот избор на уставни судии по партиска линија, по скандалот во Судскиот совет и уште многу други вакви негативни примери, на менито на власта за партизација дојде и Советот на јавни обвинители. Имено овде во Собранието, парламентарното мнозинство, очигледно по наредба и притисок од Владата и Бихаќка, спротивно на сите процедури и Деловник за работа на Собранието, во скратена процедура и набрзина сака да избере член на Советот на јавни обвинители без притоа да дозволи широка дебата и по останатите кандидати за членови на овој совет. Очигледно, на власта и гори под нозе и навистина многу и се брза. За нив веќе одамна не се важни ниту транспарентноста, ниту процедурите и Деловникот, туку само партиските агенди и наредби, вели тој. Посочува дека ова јасно покажува дека во власта владее голема паника, хаос и безидејност. -Наместо професионализам, стручност и способност, власта преку пратениците од мнозинството по којзнае кој пат одлучија главен и единствен критериум во Советот на јавни обвинители да биде токму спротивното, а тоа е нестручност, непрофесионалност и неспособност. Токму затоа, довербата на граѓаните во правосудството е на ниво на статистичка грешка односно мизерни 3%. Токму затоа, над една половина од јавните обвинители немаат доверба во Советот на јавни обвинители дека Советот работи согласно законските надлежности. Дополнително, за скандалот да биде уште поголем, кандидатот кој што сакаат да го назначат за член на Советот за јавни обвинители е поранешен вработен во СЈО со исплатен огромен милионски хонорар. Целата македонска јавност многу добро памети чија испостава беше СЈО, како и на кој начин работеше таа вештачка креација и на крајот како и каде заврши таа и нејзините вработени и раководни лица, посочува Ефтимов. „Значи, човек кој претходно работел во институција полна со неуспех, криминал и корупција, сега ќе биде човек кој ќе треба да избира, разрешува или распоредува јавни обвинители. Едноставно, со ова власта упатува јасна порака до сите дека единствен начин за успех и напредок во кариерата е да бидеш нивен добар и слеп послушник, наместо да работиш чесно, макотрпно и професионално. Тоа е принципот на функционирање на Владата во целиот овој изминат период од 6 години. Затоа државата е дојдена на ова катастрофално ниво на секое поле од нашето секојдневие. Во Македонија одамна нема владеење на правото и правната држава и единствен виновник за ова е токму власта предводена од ДУИ и СДСМ. Но, доаѓа времето кога ќе ја вратиме државата на правиот пат и сите ќе бидат еднакви пред законите и ќе одговараат за своите дела“ - заклучува тој.

Ефтимов до пратениците: Владата ви наметнува да носите закони по брза лента затоа што потпишала нешто за што не е надлежна

Ристе Здравков — Mon, 22 May 2023 12:04:24 +0000

Денес повторно разговараме за еден од пакетот на закони кој што сакате на брза трака да ги поминете во законодавниот дом, иако ова ви е наметната обврска од страна на владата која што потпишала нешто за што не била надлежна, им рече од собраниската говорница на пратениците од парламентарното мнозинство пратеникот на ВМРО-ДПМНЕ, Дајанчо Ефтимов. На седницата на која по скратена постапка се дискутира за законите за изградба на коридорите 8 и 10Д Ефтимов посочи дека, европското знаменце е злоупотребено и дека тоа го потврдија сите, но со ова законско решение како и со другите, ги прескокнувате цели постапки и фази од постапката за да едно решение, едно одобрение за градба или било кој друг акт даде согласно позитивните законски прописи и биде во согласност со уставот и законите. Ефтимов се задржа, конкретно, во членот два од предлог законските измени и дополнувања, со кој се овозможува исклучување на цела постапка, во која е содржан и делот за предбележување на идеен проект за градба, со кој ќе се оневозможува промени во тек на реализација на проектот. „Урбанистички проект е всушност доразработка на урбанистичките планови, не е документ врз основа на кој што треба да се гради. Дополнително на тоа исклучувате цела една постапка и во ставот два велите „за градбите од стратешки интерес не се применуваат одредбите од овој закон кој се однесуваат на постапките за одобрување на идеен проект за издавање на одобрение за градење, услови за започнување со изградба, на измени во тек на изградба, за промена на инвеститор, за издавање на одобрение за подготвителни работи, и за прибележување и предбележување на градбата во јавната книга на недвижности, за рокот на изградба, за формирање на одлагалишта на земјишта„ и така натаму“, истакна Ефтимов. Пратеникот посочи дека прескокнувањето на фазата за прибележување и предбележување се прави поради несигурноста на овие проекти и со кој ќе се овозможи на дневна основа да се менуваат параметрите и начинот на изведба на градежните работи. „Прескокнувате фаза на прибележување и предбележување. Тоа е таа несигурност која што ја воведувате со изградба на овие проекти бидејќи никаде ќе нема траг каде ќе оди таа траса. Не случајно е предвидено со потребните документи се предбележува и прибележува во агенција за катастар на недвижности, затоа што откако ќе се отпочне со имплементацијата на оваа траса веќе не можат да се прават други промени кои што сакаат одредени поединци да ги прават. А овде, без ад се прибележи самиот проект, на дневна основа можат да се менуваат параметрите и начинот на изведба“, рече Ефтимов. Додаде дека тука е суштинската разлика која што сакаат да ја направат, а дополнително за да се заштитат од побудите кои ги имаат, односно оние кои што им даваат насоки, се исклучува и електронското доставување на документите.

Ефтимов: Со протуркувањето на овие законски решенија по брза постапка сакате да озаконите нешто што не е законско

Катерина Бојаџиева — Thu, 18 May 2023 16:46:41 +0000

Повторно за пакетот на закони кои што со европско знаменце сакаат да се протуркаат во законодавниот дом, а со цел да се покријат сите аномалии во договорот кој што извршната власт ги презела обврските за кои што не е надлежна. Ова повеќе пати го елаборивме, но од страна на извршната власт нема ни глас ни траг, вели пратеникот на ВМРО-ДПМНЕ, Дајанчо Ефтимов. Тој од собраниската говорница каде што на пленарна седница по брза постапка, односно со европски знаменце, се дискутира за измените на Законот за урбанистичко планирање запраша, зошто не се скратија роковите да се постапува согласно позитивните законски прописи, а се пристапи кон кратење на цели постапки или делови од постапката за издавање на одобрение на урбанистичко планска документација и сите пропратни документи, елементи кои што треба да ги содржи процесната постапка за да се биде покриено и истите вакви законски решенија, кој што ги носите, да немавте потреба да ги носите. Евтимов додаде дека со добра организација на државната управа, можеа да се скратат роковите и се да биде запазено, со што ќе се отргнеше целокупната ситуација на сомнежи за против правни дејанија и лукративни причини кои што ги имаат нарачателите, односно инвеститорите, а во дадениот момент инвеститор е Владата и извршната власт. „Прескокнувате постапки со што, во текот на постапката, ќе се соочите со многу проблеми кои што ќе ги решавата ад хок и дополнително ќе навлегувате во против законски дејанија. Со овие законски решенија сакате да озаконите нешто што не е законско. Тоа е целта на на сите овие закони кои што протуркувате и сакате набрзина да ги донесете. Со вака доставени предлог законски решенија и конкретниот закон, сакате да ја исклучите јавноста од постапките и увидот во начинот на изведување на овие проекти, бидејќи допрва ќе видиме урбанистичкиот проект нема да биде пред бележан ниту во Агенција за катастар за недвижности, односно ќе нема предбележување, а со тоа ќе нема предвидливост каде ќе се одвиваат активностите и на кој дел ќе се врши трасата“, истакна Ефтимов. Пратеникот додаде дека меѓу другото, власта ги елеминира и сите постапки за електронско издавање на одобренија и електронски постапки, за што и самите цело време се фалат за дигитализација на органите. „Дополнително на тоа, ги елиминирате сите досегашни постапки во однос на електронско издавање на одобрение и електронски постапки, за што секогаш се фалите за дигитализација на органите, овде ги заобиколувате начинот на издавање на овие документи и единствено пристапувате кон хард копи варијанта, тоа значи дека под притисок на претпоставените, во секој момент ќе можат да бидат ставени дополнителни документи или извадени, одредени документи од самиот предмет кој ќе биде формиран и уредно заверен“, посочи пратеникот Ефтимов.

Ефтимов: Јавното Обвинителство треба да постапи за индициите за противзаконските дејанија за изградбата на коридорите 8 и 10Д

Тале Кристо — Thu, 27 Apr 2023 15:47:50 +0000

На денешната собраниска седница за пратенички прашања пратеникот од редовите на ВМРО-ДПМНЕ Дајанчо Ефтимов упати две прашања пратенички прашања до Јавниот Обвинител. Првото прашање кое тој го упати до Јавниот Обвинител за тоа кога ќе има јавно обвинителска одлука за тоа како и пред кого ќе продолжи постапката понатаму по отворање на предистражната постапка за злоупотребите на изборот на надзор за изградба на коридорите 8 и 10д? „Во врска со изградбата на коридорите 8 и 10Д работодавач односно Владата е таа која ги поставува условите како да се постапува и како да се работи на овие коридори. Јавното Обвинителство е тоа кое требаше да ги расчисти сите овие нејаснотии и сите овие постапки“, рече Ефтимов. Тој истакна дека Јавното Обвинителство под притисок на јавноста оформило предмет за „Бехтел и Енка“. „Самото Јавно Обвинителство под притисок на јавноста се произнесе и се изјасни дека оформува предмет, а оформување на предмет е покренување на предистражна постапка на 28.03.2023-та година односно веќе еден месец е покрената таа предистражна постапка. За која што максималниот рок за завршување на оваа фаза е 3 месеци“, кажа Ефтимов. Ефтимов посочи дека има други нејаснотии и произлегуваат други информации од свиркачи и делови од договорот за кој Владата не ги потврди но ниту демантира дека се заговара огромни средства од Буџетот на Македонија кои ќе се исплатат во вид на пенали. Тој додаде дека согласно вака потпишаниот договор Владата ќе исплати 53 милиони евра на ставка пенали доколку во дадениот рок не се изменат предвидените односно посочените закони „Второто прашање повторно се однесува до Јавниот Обвинител кое гласи дали и кога е оформен предмет односно предистражна постапка затоа што Владата потпишала преку ЈПДП за договорените пенали доколку државата не го смени законот за работни односи за да имаме 60 часовна работа иако знаеле дека не можат да ја исполнат оваа обврска?“ запраша Ефтимов. Ефтимов истакна дека се има индиции за противзаконски дејанија и за кои треба Јавното Обвинителство да постапи. „Ова се индиции за сторени противправни дејанија за кои што Јавниот Обвинител требаше да биде овде и да даде одговор или да се произнесеше дека е отворена или кога ќе биде отворена или да кажеше барем кога ќе имаме дополнителна јавно обвинителска одлука дали постапката ќе продолжи или ќе ја запрат овде“, дециден е Ефтимов.

ВМРО-ДПМНЕ поднесе 2100 амандмани на законите кои предвидуват зголемување на платите во правосудството

Тале Кристо — Mon, 20 Mar 2023 10:29:05 +0000

Пратеничката група на ВМРО-ДПМНЕ и коалицијата денес во Собранието на Република Македонија поднесе 2 100 амандмани со цел стопирање на 4-те закони со кои се предвидува зголемување на платите на судиите, на јавните обвинители, на членовите на Судскиот совет и членовите на Советот на јавните обвинители на Република Македонија, изјави ДЕНЕСКА пратеникот од редовите на ВМРО-ДПМНЕ Дајанчо Ефтимов. -Имено, во услови кога инфлацијата во државата е на алармантно ниво, кога стопанствениците едвај даваат плати на своите вработени, кога граѓаните едвај врзуваат крај со крај, новата Влада со очигледно стари навики, не отстапува од намерата да ги зголеми платите на судиите и обвинителите. Она што претходниот министер за правда Тупанчевски го започна, сега новиот министер за правда во Владата го продолжува. Очигледно, ова е награда од Владата за мизерните 3% доверба на граѓаните во судството. Ја прашуваме Владата, дали ова зголемување на платите на судиите и јавните обвинители ќе значи подобро судство, подобро обвинителство, намалување на бирократските процедури и побрзо решавање на судските спорови на илјадници граѓани? Одговорот на овие прашања е јасен и за нас и за целата македонска јавност. Наместо власта да ги засука ракавите и конечно да почне со реални и конкретни реформи во судството, власта решава и мисли дека со вакви ад хок решенија ќе ги поправат своите недостатоци и неработа. За да биде појасно, пратеничката група на ВМРО-ДПМНЕ и коалицијата не е против покачувањето на платите на судиите и јавните обвинители, но како одговорни пратеници реагираме од принципиелни причини бидејќи токму покачувањето на платите во судството треба да биде последната, а не првата мерка која што оваа Влада треба да ја направи. На крајот, уште еднаш ги повикуваме пратениците од власта да отстапат од оваа намера и конечно да почнат да ги решаваат проблемите на граѓаните врз база на приоритет и видливи резултати во правосудството, а не на база на партиско-коалициски договори, истакна пратеникот Ефтимов.

Ефтимов: Овие предлози се внатрепартиски пазарења на СДС и ДУИ, се предлага професор по книжевност за заменик министер за земјоделство

Ристе Здравков — Wed, 01 Mar 2023 17:36:01 +0000

Дајанчо Ефтимов, пратеник од ВМРО-ДПМНЕ на денешната собраниска седница праша што ќе промени во секторот образование предложениот кандидат Агим Нухиу со оглед дека до сега бил заменик министер за правда, додавајќи дека овој предлог е само внатрепартиско пазарење на коалициските партнери. Прашањето е зошто господинот Агим Нухиу не бил добар во министерството за правда, па сега очекуваме да го среди министерството за образование и наука? Досега беше заменик министер што му фалеше ако смета дека до сега имавме правда држава и владеење на правото, досегашниот заменик министер ќе биде и заменик министер за образование и наука. Тоа се клучни прашања кои се поставуваат и потврдуваат дека всушност станува збор за внатрепартиски пазарења на коалиционите партнери. Нема тука некоја суштинска промена и ова е доказ бидејќи имаме само трансфер и нема никаква додадена вредност, вели тој. Ефтимов посочи дека за заемник министер за земјоделство се предлага професор по книжевност. Ако досегашното водење на ова министерство беше од кадри на просветни работници односно професори по физичко образование, сега имаме предлог кадар од професор по книжевност. Со респект за нејзината работа, но која е најмалата допирна точна со земјоделието, праша тој. Предложеното кадровско решение треба да ги надмине предизвиците во земјоделието бидејќи на првата кривина се испостави дека немаме стокови резерви за пченица и затоа набавуваме, додаде тој.

Ефтимов до Ковачевски: Дали Тупанчевски ви пречеше бидејќи обелодени дека само 20% од Националната стратегија за реформи во правосудството за цели пет години се исполнети?

Тале Кристо — Thu, 23 Feb 2023 21:20:06 +0000

„Нови членови во Владата на Република Македонија и наједноставното прашање кое што сите си го поставуваме е која ќе биде додадената вредност на овие кандидати во моментот за само неколку месеци да ја сменат целокупната слика која што ја имаме во општеството“, истакна Дајанчо Ефтимов, пратеник од редовите на ВМРО-ДПМНЕ. Ефтимов додаде дека ако до вчера се разговараше за разрешување, дел од министрите кои што се заменуваат си дадоа свои оставки. Еден од тие беше и министерот за правда, господинот Тупанчевски. „И ако за едни зборувавте дека се неисполнителни, еве премиере, дали сметате дека и министерот за правда беше неисполнителен и неквалитетен кадар. Или сметаше тоа што обелодени дека само 20% од Националната стратегија за реформи во правосудството за цели пет години е исполнета? Или сметаше тоа што потенцираше дека стручен соработник не може да биде претседател на Судскиот Совет и да уценува Врховни судии? Или сметаше со тоа што кажа дека честото менување на министерските позиции не е добра практика и не можат да се реазлизираат реформите кој што тој ги застапуваше“, запраша Ефтимов. Тој посочи дека поради неспособноста на власта, граѓаните не веруваат во судството, а криминалот и корупцијата цветаат во државата.