Дајот Упамекано – Kurir.mk

Упамекано и Рабио се вратија на тренинзите на француската репрезентација

Бошко Тасиќ — Fri, 16 Dec 2022 06:15:20 +0000

Дајот Упамекано и Адриен Рабио се вратија на тренинзите на француската репрезентација и се очекува да бидат подготвени за финалниот натпревар на Светското првенство против Аргентина. Двајцата го пропуштија дуелот против Мароко во полуфиналето, а финалето е закажано за в недела од 16 часот. Коман, кој е соиграч на Упамекано во Баерн, според француските медиуми, денеска останал во хотелот поради вирусот. Ден по натпреварот, француските репрезентативци имаа полесен тренинг, кој вклучуваше трчање и истегнување.

Двајца француски репрезентативци не тренираа за мечот против Мароко

Бошко Тасиќ — Tue, 13 Dec 2022 06:13:23 +0000

Франција во полуфиналето од Светското првенство во Катар силите ќе си ги одмери со сензацијата Мароко, но на само два дена пред големиот меч од тренингот на „триколорите“ отсуствуваа стандарните првотимци Аурелин Чуамени и Дајот Упамекано. Репрезентацијата на Франција не се огласи за причината на нивното отсуство, но француските медиумите откриваат дека отсуството на Упамекано се должи на воспаление на грлото, додека Чуамени се пожалил на повреда по четвртфиналниот натпревар против Англија. Претпоставките се дека и двајцата ќе бидат подготвени за настап во среда од 20 часот во меч во кој Франција како фаворит ќе бара нов пласман во големото финале со цел одбрана на шампионската титула.

Баерн потпиша петгодишен договор со Французинот Упамекано за 42.5 милиони евра

Тале Кристо — Sun, 14 Feb 2021 16:46:39 +0000

Европскиот и светски првак Баерн Минхен го договори денеска трансферот на Дајот Упамекано, потпишувајќи петгодишен договор со францускиот фудбалер. Според договорот, Упамекано ќе му се приклучи на бундеслигашот од Минхен пред стартот на сезоната 2021/22. Финансиските детали од договорот не се соопштени, а германските медиуми објавија дека Баерн ја активирал откупната клаузула во висина од 42.5 милиони евра. -Среќни сме што можевме да потпишеме договор со Упамекано. Уверени сме дека Дајот ќе биде многу важен член на нашиот тим во годините што доаѓаат, соопшти Баерн. Дваесетидвегодишнот француски фудбалер ќе остане до крајот на сезоната во редовите на Лајпциг, кој е второпласиран во Бундеслигата со четири бодови заостанување и натпревар помалку од лидерот Баерн.