дака давидовиќ – Kurir.mk

Николоски: Советот на општина Тетово донесе одлука за суспендирање на ДУП-от на Шик Јелак, храбра одлука на Касами и советниците на ВМРО-ДПМНЕ, Алијанса и БЕСА

Магдалена Андонова — Thu, 30 Dec 2021 14:53:27 +0000

Суспендиран ДУП-от за ШИК Јелак на контроверзниот Дака Давидовиќ. Правдата победува ги остваруваме ветувањата! Денес Советот на општина Тетово донесе одлука со која почнува постапка за суспендирање на Деталниот Урбанистички план за просторот на ШИК Јелак во Tетово. Би сакал да честитам за оваа храбра одлука на Градоначалникот на Тетово Билал Касами како и мнозинството во Советот составено од политичките партии БЕСА, ВМРО-ДПМНЕ, Алијанса за Албанците како и независните Подобро за Тетово кои ја донесоа оваа одлука, стои во Фејсбук статусот на потпретседателот на ВМРО-ДПМНЕ, Александар Николоски. Тој напиша дека суспендирањето на овој ДУП зад кои стои контроверзниот Дака Давидовиќ, а кој беше поврзан со бројни манипулации направени од оваа Влада и чии директни актери се највисоките Владини функционери покажува дека промените носат правда. - Jавноста се сеќава на разговорите кои се слушнаа пред изборите во 2020 година во кои се договараа пари, парцели и интереси на штета на Тетово и тетовчани. Исто така јавноста се сеќава дека во 2020 година по изгласувањето на Владата СДСМ/ДУИ ова беше прва одлука која се донесе. Јас тогаш во јавност изнесов бројни сознанија кои дојдоа до мене, се работи за сомнителен капитал зад кој стојат оф шор фирми поврзани со Дака Давидовиќ и врвот на власта во Mакедонија. Добивав дури и закани да се откажам од објавување на овој скандал, но за мене интересот на граѓаните и борбата со криминалот се пред се! По промените во Тетово и изборот на Билал Касами за Градоначалник како и ново мнозинство во Советот од кое дел е ВМРО-ДПМНЕ се покажа дека може да се работи подобро и поправедно! Суспензијата на планот покажува дека правдата доаѓа, сега на локално ниво, а по предвремените избори и на централно ниво, додава Николоски во својата Фејсбук објава.

Мицкоски: За 100 дена влада Заеви заработија 13 милиони евра од пропаѓањето на Еуростандард и се направи криминал од 200 милиони евра со контроверзниот Дака

Магдалена Андонова — Wed, 09 Dec 2020 17:19:35 +0000

Претседателот на ВМРО-ДПМНЕ, Христијан Мицкоски на денешната прес конференција ги потсети граѓаните на фамозните 13 милиони евра кои фамилијата Заеви ги "заработила" преку не исплаќање на ратите од земените кредити од Еуростандард банка, како и на 200 милиони евра во соработка со мистериозниот Дака. Мицкоски истакна дека Зоран Заев има креирана мрежа од свои и фирми на блиску соработници со кои го дели нелегално стекнатиот профит, а конкретно за аферата со Еуростандард банка поврзани се дури 29 фирми кои дел се во сопственост на Заеви, а дел на блиски фамилијарни пријатели. Наместо остварување на ветените проекти и подобрување на животот на граѓаните на Република Македонија, подобрување на здравството во оваа пандемија или стабилизирање на економијата, Зоран Заев се посвети единствено на криминал, корупција и матни зделки по кои самиот тој е доволно познат во јавноста, додаде Мицкоски. Зоран Заев не е единствениот од криминалната врхушка на власт, туку заедно со него се и неговите блиски соработници кои на најразлични начини ја опустошија земјата и ги оставија граѓаните да трпат за леб, додека поранешната министерка за финансии Нина Ангеловска "магично" дознала во каков правец се движи Еуростандард банка, па навреме ги извадила средствата кои ги имала. Со ова само се докажува на каков начин работи СДСМ изминатите години и колку само граѓани се жртви на криминалната власт. Кога граѓаните очекуваа дека нешто можеби ќе се придвижи на подобро, дека барем нешто ќе се оствари од ветеното од страна на СДСМ и Зоран Заев, единствено нешто што со сигурност видоа е како функционира една мафија која царува во државата, без при тоа да одговара за било каков криминал. Практично, еден од примерите е аферата со Дака тешка 200 милиони евра. Се потврдија разговорите кои што беа стекнати на нелегален начин дека се точни, и во првите 100 дена контроверзниот бизнисмен анти-НАТО и анти-ЕУ направи бизнис со земјиштето на Шик Јелак вреден над 200 милиони евра, за нови над 2000 станови. Ова е се што македонските граѓани треба да знаат за Зоран Заев и неговите соработници од криминалната влада. Затоа граѓаните треба што поскоро да застанат на патот на оваа лакрдија која се случува и Македонија да почне да чекори на вистинскиот пат.

ВМРО-ДПМНЕ: Што се 50 евра за возење без кацига, кога обвинителство молчи за 200 милиони евра на Дака за скандалот со ШИК Јелак-Тетово

Ивана Ефремовски — Wed, 23 Sep 2020 13:23:45 +0000

Денес власта на Заев се обидува бесрамно да глуми правна држава. Изречената казна од 50 евра за Зоран Заев, Венко Филипче и Љупчо Николовски е обичен пи-ар театар во услови кога власта на Заев е фатена до гуша во скандал со коруптивниот случај со контроверзниот бизнисмен Дака Давидовиќ. Сега ќе глумат владеење на правото за казна од 50 евра за сообраќаен прекршок, а криминален бизнис тежок 200 милиони евра поминува без никаква реакција на институциите, реагираат од ВМРО-ДПМНЕ. „Аболицираниот за криминал од 8 милиони евра, човекот кој сите го слушнаа и видоа како бара евро за вицето, човекот кој е капо ди тути капи на сите криминални, корупциски и рекетарски мрежи во Македонија не може да биде пример за право и правда. Ова е само блед обид како да се затвори еден сообраќаен прекршок, дури откако јавноста дозна за него преку социјалните мрежи. Апсурдот да биде поголем овој сообраќаен прекршок бил направен на очиглед на припадници на МВР кои се дел од неговото обезбедување и никој не го спречил или санкционирал, се до оној момент не се дозна во јавноста. Тоа е методот на криминалците и прекршителите на законот, ако помине помине, ако не ќе релативизираат, ќе се извинуваат до небо и ќе прават ефтин пи-ар“, порачуваат од партијата.

Арсовски: На првата седница на Влада наместо да се помогне на граѓаните, се доделија енормни пари на Дака, кој пред избори дал мито на Заев

Магдалена Андонова — Wed, 09 Sep 2020 17:25:57 +0000

Портпаролот на ВМРО-ДПМНЕ, Димче Арсовски вечерва гостуваше во емисијата „Само Вистина“ каде што посочи дека првата седница на владата се одржа во Тетово, каде што се одлучи да се дадат енормни пари на еден бизнисмен за кој што се слушаше по бомбите. -Дака Давидовиќ како што слушавме по бомбите дал мито токму кај Генералниот секретар на Владата и кај Зоран Заев, тоа сите го слушавме. Колку и илјадници евра да дал мито Дака, видовме дека му се исплатиле на Зоран Заев и веднаш по изборите се изгласа одлука каде што ќе може да се инвестира од страна на истиот бизнисмен во Тетово, проект вреден 200 милиони евра. Па замислете по завршена работа колку пари ќе земат истите тие луѓе од Владата, истакна Арсовски. Арсовски посочи дека додека СДСМ се фали дека ќе носат четврт сет на мерки, сеуште не е спроведен третиот сет на мерки. Како пример е мерката „Викенд без ДДВ“, од таа мерка се уште нема трага. -Наместо СДСМ да помогне ја искористи корона кризата да се задолжи плус една милијарда евра и еве не знаеме каде се тие пари. Милијарда евра кои што беа задолжени, бидејќи СДСМ ги убедуваше граѓаните треба да се задолжи државата, се задолжи, министерката се задолжи Нина Ангеловска иако веќе не е министер си ја заврши работата и беше подоцна сменета. Значи единствено СДСМ што направи во овие месеци додека трае корона криза наместо да помогнат на граѓаните, државата уште повеќе ја потонаа, нагласи Арсовски.