Далај Лама – Kurir.mk

Жртвуваме здравје за да заработиме, па трошиме пари да си го вратиме здравјето – најголемата мудрост на Далај Лама

Ивана Ефремовски — Fri, 24 Mar 2023 21:48:53 +0000

Човекот прво го жртвува своето здравје за да заработи. Потоа ги троши парите за да си го врати здравјето. Во исто време, тој е многу загрижен за својата иднина и никогаш не ужива во реалноста. На крајот на краиштата, тој не живее ниту сега ниту во иднината. Живее како никогаш да нема да умре, а кога ќе умре жали што не живеел. Оваа мудрост на Далај Лама потсетува дека трката по материјалните нешта, која е клучна во современиот свет, не е параметар за среќа. Сè додека мислиме дека среќата ќе ни се случи некаде во иднината или размислуваме за тоа како сме биле посреќни во минатото – можностите ни поминуваат.

Најголемата мудрост на Далај Лама: „Луѓето прават две грешки кои им го уништуваат животот, а не мораат. Треба само да живеат“

Ристе Здравков — Thu, 11 Aug 2022 08:30:50 +0000

Секој човек прави грешки во текот на животот и тие можат да бидат исцелувачки. Ова е мудроста на Далај Лама што сите треба да ја слушнеме. Учиме од грешките, поради нив растеме и стануваме личноста какви што треба да бидеме, најдобрата верзија од себе. И штом ќе паднеме, би било идеално да не се повтори истата грешка. За жал, некои грешки и лекции се повторуваат додека не се надминат и не стекнеме искуство кое носи подобар живот. Затоа не бидете премногу самокритични, не негувајте негативни емоции кон себе, бидете понежни кон своето битие. Секој успех и неуспех се дел од животот и не дозволувајте ништо да ве спречи да уживате во ова прекрасно патување. Во неколку презентации, Далај Лама ги истакна грешките што повеќето луѓе ги прават во животот – еве две кои се издвојуваат: 1. Има една поговорка на тибетски јазик која вели: „Трагедијата треба да се користи како извор на сила.“ Без разлика на видот на тешкотиите, сериозноста на болното искуство, ако изгубиме надеж, сме доживеале вистински бродолом . Колку и да се силни животните бури, не губете надеж. Тешкотиите со кои се соочувате, веројатно сега ви предизвикуваат болка, несигурност, незадоволство, но ќе поминат. И ќе знаете дека успеавте да ја завршите оваа фаза, со тоа што сега сте посилни. Една од најголемите грешки што можете да ги направите во животот е да изгубите надеж. 2. Човекот прво го жртвува своето здравје за да заработи. Потоа ги троши парите за да си го врати здравјето. Во исто време, тој е многу загрижен за својата иднина и никогаш не ужива во реалноста. На крајот на краиштата, тој не живее ниту сега ниту во иднината. Живее како никогаш да нема да умре, а кога ќе умре жали што не живеел. Оваа мудрост на Далај Лама не потсетува дека трката по материјалните нешта, која е клучна во современиот свет, не е параметар за среќа. Сè додека мислиме дека среќата ќе ни се случи некаде во иднината, или размислуваме за тоа како сме биле посреќни во минатото – можностите ни поминуваат. Среќата е тука и сега, искористете го овој драгоцен момент.

Далај Лама повикува на мир во Украина: Војната е застарена- ненасилството е единствениот начин

Катерина Бојаџиева — Mon, 28 Feb 2022 08:19:56 +0000

Тибетскиот лидер во егзил Далај Лама изрази тага поради руската инвазија на Украина од страна и рече дека се моли мирот „брзо да се врати во Украина“. Во изјавата објавена денеска на социјалните мрежи рече: „Длабоко сум тажен поради конфликтот во Украина“. -Војната е застарена- ненасилството е единствениот начин. Треба да развиеме чувство за единството на човештвото сметајќи ги другите човечки суштества за браќа и сестри. Така ќе изградиме помирен свет, вели Далај Лама. „Проблемите и несогласувањата најдобро се решаваат со дијалог. Вистинскиот мир доаѓа преку меѓусебно разбирање и почитување на благосостојбата на едни со други. Не смееме да губиме надеж. 20 век беше век на војни и крвопролевање. 21 век мора да биде век на дијалог. Се молам мирот брзо да се врати во Украина“, посочи Далај Лама во објавата на Фејсбук.

ДАЛАЈ ЛАМА ЈА ОТКРИ ТАЈНАТА: Среќните луѓе никогаш не го слават роденденот и не им е грижа за празниците, еве зошто!

Ристе Здравков — Mon, 14 Feb 2022 19:10:19 +0000

Далај Лама открива зошто не треба да се оптоваруваме со празници … Зборовите на Далај Лама се испреплетени со мудри совети и упатства како да се живее едноставно, среќно и лесно, а ова е неговиот став за празниците и родендените: “Не славам родендени. Ми се чини дека ова е губење време. За мене, овој ден не се разликува од другите. На некој начин, секој ден е роденден. Разбудете се наутро, се е свежо и ново, и главната работа е дека овој нов, ден носи нешто важно “. До денес, луѓето ја задржаа навиката да имаат по една мисија за секој празник, а една од најважните е да ги импресионира другите. На пример, младите мајки се натпреваруваат кој најдобро може да ги прослави родендените на нивните деца. И секој се обидува да го надмине другиот. Аниматори, ресторани, гости sвезди, скапи подароци. На детето не му треба оваа екстравагантност, но родителите се задоволни. Има луѓе кои секојдневно јадат тестенини и инстант храна, додека за празниците уживаат во вкусни и квалитетни оброци. За мудри и навистина среќни луѓе – секој ден е празник . И овој ден не се карактеризира со вкусна храна, гласна музика и слобода од омразената работа. Тоа лежи во фактот дека секој час е радост. Сегашниот момент е највредното нешто што го имате – тоа е во нашето срце, во нашата душа, во нашиот ум . Затоа, не чекајте „специјални“ денови, туку живејте радост во секој момент од вашиот живот.

Ќе ве воодушеви : Далај Лама објави нова песна

Тале Кристо — Fri, 03 Jul 2020 11:59:19 +0000

Тибетскиот духовен водач Далај Лама објави нова песна наречена „Една од моите омилени молитви“ (One of My Favorite Prayers), којашто е втора објавена песна од неговиот се уште необјавен прв духовен албум си мантри и вежби. – Целта на мојот живот е да им служам на луѓето колку што можам, а музиката и мелодијата можат да им помогнат на луѓето во тоа што јас не можам лично, изјави духовниот водач. Албумот „Внатрешен свет“ (Inner World) ќе биде објавен на 6 јули, на роденденот на Далај Лама. Издавач е продуцентската куќа „Хитко ентертејнмент / Кандро мјузик“, а проектот е замислен од продуцентката Џунел Кунин, инаку ученичка на Далај Лама. Идејата за снимање на албумот е нејзина и е од 2015 година. Песната, односно молитвата, е изрецитирана на англиски јазик.

Мисли кои ќе ви го променат животот: Понекогаш не добивајќи го тоа што го посакуваме е голема среќа за нас

Катерина Бојаџиева — Sat, 11 May 2019 18:55:40 +0000

Далај Лама е спиритуалниот лидер на Тибет. Тој има 83 години и е еден од најмудрите и најсмирените луѓе на светот. Ова се негови мисли кои ќе ви го променат животот. Секој ден треба да се будиме: Денес сум среќен што сум жив. Имам бесценет живот и нема да го потрошам. Целта не е да се биде подобар од другите луѓе, туку од сам себе си. Размислете добро, што е тоа што ве спречува да живеете живот каков што ви е потребен и каков што посакувате. Како што вдишувате, ценете се себеси. Како што издишувате, ценете ги другите. Љубовта и љубезноста се неопходни, тие не се луксуз. Без нив човештвото не може да преживее. Нашата примарна цел во животот е да им помогнеме на другите. Ако не можеме да им помогнеме, барем да не ги повредуваме. Мирот не значи отсуство на конфликти и разлики. Тоа значи решавање на разликите на мирен начин, преку дијалог, образование, знаење и човечки начин. Само разбирањето и љубезноста можат да ни ги донесат среќата и мирот кои ги бараме. Како што постои игнорирање, не постои мир. Понекогаш не добивајќи го тоа што го посакуваме е голема среќа за нас. Среќата не е завршена работа. Таа доаѓа од нашите дела. Љубовта е отсуство на осудување.

Далај Лама хоспитализиран во Њу Делхи

Дарко Андоновски — Wed, 10 Apr 2019 07:24:22 +0000

Тибетскиот духовен лидери Далај Лама е примен во болница во главниот град на Индија, Њу Делхи поради инфекција на белите дробови. Далај Лама е хоспитализиран поради инфекција на белите дробови, сега се чувствува подобро. Тој прима терапија и најверојатно ќе остане во болница еден – два дена, изјави портпаролот Тезин Такла. Далај Лама вчера пристигна во Њу Делхи со авион од Дармсала, каде му е седиштето на медицински консултации. Дармсала која се наоѓа во северна Индија е седиште на Далај Лама откако побегна од Тибет во 1959 година по неуспешниот бунт против кинеската Влада. Далај Лама во минатонеделниот говор на конференција на професори и студенти во Њу Делхи повтори дека не бара независност за Тибет и оти повеќе би сакал „повторно обединување“ со Кина под взаемно прифатливи услови.

Макрон предложи да посредува меѓу Кина и Далај Лама

Ивана Ефремовски — Thu, 26 Apr 2018 06:11:13 +0000

Францускиот претседател Емануел Макрон, во текот на посетата на Вашингтон, предложи да дејствува како посредник меѓу Далај Лама и Кина, со цел да се реши кризата на Тибет. - Ако Франција може да биде корисна во решавањето на ситуацијата меѓу Далај Лама и неговиот народ од една страна и Кина на друга страна, ќе дадам се од себе, порача Макрон вчера во разговор со студентите на Универзитетот „Џорџ Вашингтон“. Францускиот претседател истакна дека на основа на првите навестувања, има впечаток дека кинескиот претседател сака поместување во решавањето на ситуацијата. Макрон ја исклучи можноста за средба со духовниот водач на Тибет во Франција. - Кога би се состанал со него, тоа би довело до криза со Кина, истакна Макрон, напоменувајќи дека со Далај Лама се сретнал во текот на предизборната кампања во Франција. Францускиот претседател заклучи дека „средба со Далај Лама во Париз, без предуслови, би испратила само некаков сигнал, што би било бескорисно или контрапродуктивно“. (МИА)