Далас Маваерикс – Kurir.mk

НБА: Феникс Санс го совлада Далас

Бошко Тасиќ — Mon, 06 Mar 2023 05:56:20 +0000

Екипата на Феникс Санс дојде до триумф од 130-126 против Далас во интересен натпревар во НБА лигата, во кој порасположен беше двоецот Кевин Дурант и Девин Букер наспроти Лука Дончиќ и Кајри Ирвинг. Мечот беше главно израмнет со предност за Далас од три поени на полувремето (62-59). Далас во одредени моменти во третиот период имаше и осум поени предност, но во последната четвртина Феникс со пресврт дојде до победа. Дурант го одигра најдобриот натпревар откако дојде во Феникс, постигнувајќи 37 поени, дополнети со седум скока. А, Букер заврши со 36 поени и 10 асистенции. Кај Далас, Лука Дончиќ имаше 34 поени и 9 скока, а Ирвинг запиша 30 поени, дополнети и со седум асистенции.

Новицки ќе добие статуа во Далас

Бошко Тасиќ — Mon, 17 Oct 2022 18:11:44 +0000

Во чест на наследството на Дирк Новицки, Далас Маверикс ќе ја откријат неговата статуа на 25. декември во 11 часот. Церемонијата ќе се одржи во „American Airlines Center South Plaza“ за акредитирани и поканети гости. Улицата „ Nowitzki Way“, ќе биде затворена за сообраќај, така што пошироката јавност ќе има можност да го прослави овој важен настан за Маверикс. Преносот на церемонијата ќе биде достапен во живо на веб-страницата на Далас Маверикс. Мавс го пензионираа дресот со број 41 на Дирк во јануари. „Дирк направи толку многу за кошарката и за нашиот град“, рече сопственикот на Маверикс, Марк Кубан и дополни: „За да ја покажеме нашата благодарност за тоа, сакаме да се погрижиме наследството и уникатноста на Дирк Новицки засекогаш да се паметат во Далас“.

Хрватски репрезентативец ќе игра во Далас

Бошко Тасиќ — Sun, 11 Sep 2022 07:50:31 +0000

Едно од можните засилувања за НБА тимот на Далас е 33-годишниот Бојан Богдановиќ кој во овој момент е со Хрватска на Евробаскетот. На Богдановиќ му завршува договорот со Јута кој е вреден 19.5 милиони долари. Маверикс не се единствената екипа заинтересирана за неговиот потпис, се споменуваа уште Лејкерси, Нујорк Никси и Феникс Санс. Засега не е познат и ставот на Јута, дали тие ќе му понудат нов договор или сакаат обнова на тимот.

Далас пропушти +19, Голден Стејт води 2-0 во финалната серија на Западот

Бошко Тасиќ — Sat, 21 May 2022 06:27:44 +0000

Кошаркарите на Голден Стејт Ворисорс поведоа со 2-0 во финалната серија на Западната Конференција против Далас откако во вториот меч славеа со 126-117. Двата тима се менуваа во водство и по едно полувреме им припадна на двете екипи.Во првиот дел Далас го диктираше темпото и имаше предност од 19 поени разлика, за да на полувреме се отиде со водство од 72-58. Во вториот дел се сменија работите и домашните се консолидираа и разиграа, додека гостите во третиот квартал постигнаа само 13 поени. Најдобар на мелот кај Голден Стејт повторно беше Стеф Кари кој реализира 32 поени,имаше 8 скока и пет асистенции,Пул додаде 23, а Луни имаше 21 поен и 12 скока. Кај Далас најдобар беше Дончиќ со 42 поени и 8 асистенции додека Бронсон реализира 31 поен и имаше 7 скока.

Далас го прати Порзингис во Вашингтон

Бошко Тасиќ — Thu, 10 Feb 2022 20:46:43 +0000

Екипата на Далас реши во последните моменти од преодниот рок во НБА-лигата, да се ослободи од центарот Кристапс Порцингис. Летонецот ќе ја продолжи кариерата во редовите на екипата на Вашингтон, кој во спротивен правец ќе го испрати Спенсер Динвиди. Порзингис своевремено важеше за еден од најдобрите центри во лигата, но серијата повреди на коленото беа причината да падне од форма. Поради ова причина, првите луѓе на Далас се решија на ваков потег, бидејќи сакаа да имаат центар , кој ќе му помогне на Лука Дончич во продолжение на НБА сезоната.

Повреда на Дончиќ, следува подолга пауза

Бошко Тасиќ — Tue, 23 Nov 2021 20:04:40 +0000

Словенечкиот кошаркар Лука Дончиќ ги пропушти последните три гостувања поради повредата на скочниот зглоб, а се очекуваше да се врати на терен во мечот против Лос Анџелес Клиперс но тоа нема да се случи. Дончиќ вчера тренираше со соиграчите од Далас Маверикс, но потоа почуствувал нова болка во левото колено и сега ќе мора да пропушти уште неколку натпревари. Засега не е познато колку време ќе паузира ѕвездата на Далас, но тренерот Џејсон Кид се надева дека Дончиќ ќе може да му помогне во завршницата од регуларниот дел за да изборат пласман во плејофот

Далас Маверикс по Дончиќ, потпиша со Марјановиќ

Бошко Тасиќ — Tue, 10 Aug 2021 19:52:44 +0000

Првите луѓе на НБА тимот на Далас успеаја да го потпишат новиот повеќегодишен мултимилионски договор со првата ѕвезда на тимот, Лука Дончиќ, вечерва стигнува информација дека Мавси успеаја да ја продолжат соработката со уште еден свој кошаркар. Станува збор за српскиот центар Бобан Марјановиќ, кој со своите 32 години е еден и од најискусните во составот. 224 сантиметри високиот центар денеска ставил парав на нов договор, но условите не се објавени. Маријановиќ дојде во Маверикс во 2019 година. Минатата сезона одигра 33 натпревари, со просек од 4,7 поени и 3,9 скока по натпревар.

Дончиќ со уникатно достигнување во НБА

Ивона Петрова — Thu, 16 Jan 2020 08:29:54 +0000

Кошаркарот на Далас Маваерикс, Лука Дончиќ ноќеска имаше уште еден одличен настап. Тој во триумфот над Сакраменто со резултат 127:123 оствари трипл-дабл со 25 поени, 15 скокови и 17 асистенции. Словенецот стана најмладиот играч во историјата на НБА лигата со остварување 20-15-15. Исто така, 17 асистенции се најдобриот резултат во кариерата за Дончиќ. Минатата година Дончиќ беше прогласен за најдобар дебитант на лигата.