Далибор Јовановски – Kurir.mk

Јовановски: Бугарите се почесто на Македонија ќе и велат, ајде да ги решиме историските прашања ако сакате во ЕУ

Тале Кристо — Sun, 26 Apr 2020 11:57:18 +0000

Бугарија е во предност, тие се членка на ЕУ, а ние треба да почнеме преговори со ЕУ, има 30-тина поглавја во преговорите и има шанси да не блокираат. А сега јасно е дека од Македонија се бара да се откаже од македонско малцинство во Бугарија, а со тоа и од именувањето на македонскиот народ како македонски, и ова е составен дел на заклучоците на Советот на Европската унија. Во овие заклучоци јасно стои дека изјавата на бугарската делегација е составен дел од одлуката, рече професорот Далибор Јовановски од Катедрата по историја на Филозофскиот факултет во Скопје, познавач на македонско-грките оддноси, како и на македонско - бугарските односи, во своето гостување на емисијата „Заспиј ако можеш“ на телевизија Алфа. Според него помеѓу Грција и Бугарија постои ривалитет како да го наметнат своето влијание во Македонија. -Се води и тивка борба за позиционирање во Македонија. На пример, Бугарија се бунеше што грчкото воено воздухоловство го обезбедува македонскиот воздушен простор, Грција е помоќна држава на секое ниво, и сега ако Грците се поприсутни и со капитал и со обезбедување на воздушниот простор, а Бугарите не сметаат за нивни нераздвоен дел и од нивната историја, значи во прашање се геополотички интереси, рече Јовановски. Бугарија се почесто ќе ја опоменува Македонија. -Се почесто во иднина ќе инстистираат на тоа да се решат историските прашања и ќе ни велат дека тоа е важно за да одиме побрзо кон ЕУ. Но, тука ќе треба многу внимателно, рече Јовановски.

Јовановски: Бугарија никогаш не го признавала македонкиот јазик и народ, а сега тој став е вклучен во документ на ЕУ

Дарко Андоновски — Sun, 26 Apr 2020 11:56:20 +0000

Апсолутно е очекувано ова што сега се случува, ова што официјална Софија го прави кон Македонија. Одамна кажувам дека за Бугарија постои само македонска држава и одродени македонски Бугари кои направиле нација во 1944 година со помош на Јосип Брзо Тито, рече професорот Далибор Јовановски од Катедрата по историја на Филозофскиот факултет во Скопје, познавач на македонско-грките оддноси, како и на македонско - бугарските односи, како и член на Мешовита комисија Македонија – Грција. Во своето гостување на емисијата „Заспиј ако можеш“ на телевизија Алфа тој стави акцент на заклучоците од Брисел за Македонија за кои се говори дека се дел од бугарскиот план да се доведе до поништување на Договорот меќу Македонија и Бугарија и потпишување на нов договор со кој ќе се поништи македонскиот идентитет. -Бугарската влада со документот, тн. рамковна позиција од 2019 година најави кои се нејзините услови за поддршка за членство на Македонија во ЕУ, а и бугарскиот парламент на истата тема донесе и декларација со огромно мнозинство. Нашите бугарски пријатели не обвинуваат дека сме под влијание на Србите, но не се запрашале зошто и покрај распадот ана СФРЈ кој беше пред 30 години, а младите знаат повеќе за Србите, Хрватите, Босанците. А ако сме блиски народи тогаш зошто постојано ни кажуваат дека сме одродени Бугари, не обвинува за фалсификување на историја и говорат за европски вредности, а не постијат европски вредности, постојат постојат човечки вредност, вели Јовановски.

Јовановски: Во Грција се забележува триумфализам и апсолвирано е дека прифативме ерга омнес, сигурни се дека ги имаат добиено преговорите

Ивана Ефремовски — Fri, 08 Jun 2018 12:10:09 +0000

Ципрас без договор доби многу нешта што Андонис Самарас ни на сон не можеше да ги добие. Во Грција може да се забележи еден вид на триумфализам затоа што таму е апсолвирано дека имаме прифатено ерга омнес. Читајте ги грчките медиуми, тие се сигурни дека ја имаат добиено работата. Грција доби многу и дури и да не се потпише сега договор, стартната позиција на идниот грчки преговарачки тим ќе биде многу покомотна во однос на идниот македонски тим. Од лошо ни иде на полошо, изјави во емисијата Ѕид на Алфа, професорот по историја и еден од најголемите познавачи на македонско-грчките односи, Далибор Јовановски. - Доколку се прифатат грчките барања, ќе имаме тешки последици по Република Македонија, затоа што повеќе од јасно, затоа што дури и најлибералната влада на Грција, владата на Ципрас апсолутно нема намера да прифати македонски идентитет како што ние сакаме да го прифатиме. Повеќе од очигледно е дека и оваа грчка влада нема да прифати македонски јазик со превод од македонски на други јазици вклучително и на грчки, вели Јовановски. Јовановски потенцираше дека во овој момент малку е веројатно дека грчкиот парламент ќе го ратификува договорот и затоа е најдобро доколку ратификацијата оди паралелно во двата парламенти. Бидејќи како што додаде грчката опозицијата јавно кажува дека нема да прифати ништо што е спротивно од грчките интереси, а коалициониот партнер на Ципрас постојано повторува дека се спротивставува името Македонија да стои во конечното решение. - Грција има страшна дипломатија и многу често нивните успеси не се должеле на војнички победи туку на нивната дипломатија и сега од една страна има дипломатија со искуство наспроти дипломатија која не знае што прави, истакна Јовановски. Во однос на јазикот Јовановски нагласи дека дури и сега по некое чудо се спаси македонскиот јазик, при евентуален влез во ЕУ, Грција повторно ќе го отвори прашањето за јазикот бидејќи таму македонскиот треба да биде службен јазик, а тоа го истакна и Мицотакис кој се поверојатно дека ќе ја формира идната грчка влада кој изјави дека доколку договорот во иднина не им одговара повторно ќе ги отворат некои прашања.