дама – Kurir.mk

„Само биди дама“: Моќни пораки кои мора да ги слушнат сите жени! (ВИДЕО)

Ивана Ефремовски — Tue, 25 Feb 2020 16:13:10 +0000

„Само биди дама!“ Колку пати сте ја слушнале оваа реченица? „Биди дама велат. Здолништето ти е прекратко. Деколтето ти е предлабоко. Пантолоните ти се претесни. Не покажувај толку кожа. Не ги покажувај бедрата. Не ги покажувај градите. Не го покажувај стомакот. Не го покажувај деколтето. Не јља покажувај долната облека. Не ги откривај рамената. Покриј се. Остави малку за имагинацијата. Облечи се скромно. Не предизвикувај. Мажите не можат да се контролираат. Мажите имаат потреби. Изгледаш непривлечно. Опушти се. Покажи малку кожа. Изгледај секси. Изгледај атрактивно. Не биди толку провокативна. Сама бараш невоља. Носи црно. Носи потпетици. Премногу си дотерана. Не си се дотерала. Не носи хеланки, изгледаш како да си се запуштила. Биди дама, велат. Не биди премногу дебела. Не биди премногу слаба. Не биди преголема. Јади. Ослаби. Престани да јадеш толку. Не јади пребрзо. Нарачај салата. Не јади јаглени хидрати. Прескокни го десертот. Мораш да ослабеш. Да влезеш во тој фустан. Биди на диета. Внимавај што јадеш. Јади целер. Џвакај мастика. Пиј многу вода. Мора да влезеш во тие фармерки. Боже, изгледаш како костур. Зошто едноставно не јадеш? Делуваш слабо. Изгледаш болно. Изеди хамбургер. Мажите сакаат жени со месо на коските. Биди малечка. Биди лесна. Биди женствена. Биди големина „нула“. Биди дупла нула. Биди ништо. Биди помалку од ништо. Биди дама, велат. Отстрани ги влакната од телото. Избричи ги нозете. Избричи ги пазувите. Избричи ги препоните. Депилирај го лицето. Депилирај ги рацете. Искуби ги веѓите. Ослободи се од обетките. Избели го ова. Избели го она. Осветли ја кожата. Покриј ги лузините. Покриј ги стриите. Зголеми ги усните. Ботоксирај ги брчките. Затегни го лицето. Стисни го стомакот. Подигни ги градите. Изгледај природно. Биди своја. Премногу се трудиш. Изгледаш претерано нападно. Мажите не сакаат девојки кои премногу се трудат. Биди дама, велат. Носи шминка. Стави пудра. Сокри го руменилото. Истакни ги јаболчниците. Нашминкај ги очите. Израмни ги трепките. Пополни ги веѓите. Продолжи ги трепките. Обој ги усните. Пудра, руменило, бронзер, хајлајтер. Косата ти е прекратка. Косата ти е предолга. Врвовите ти се испукани. Извлечи прамени. Исфарбај ја. Не во сино, тоа изгледа неприродно. Изгледај младо. Старото е грдо. Мажите не сакаат грдо. Биди дама, велат. Чувај се. Биди чиста.Биди девица. Не зборувај за секс. Не флертувај. Не спиј наоколу. Сочувај го достоинството. Не спиј со премногу мажи. Не се продавај. Мажите не сакаат такви. Не биди внимателна. Не биди толку тесноградна. Смеј се повеќе. Угоди им на луѓето. Биди искусна. Биди сексипилна. Биди невина. Биди валкана. Види кул девојка. Не биди како останатите девојки. Биди дама, велат. Не зборувај прегласно, Не зборувај премногу. Не плаши се. Зошто си толку лоша? Не биди кучка. Немој толку да наредуваш. Не биди толу емотивна. Не плачи. Не викај. Не пцуј. Издржи болка. Не жали се. Здипли му ја облеката. Направи му вечера. Направи го среќен. Тоа е женска работа. Ќе бидеш добра жена еден ден. Земи го неговото презиме. Ги зеде двете? Луда феминистко. Подари му деца. Не сакаш деца? Ќе сакаш еден ден. Ќе се предомислиш. Биди дама, велат. Не дозволувај да те силуваат. Не пиј премногу. Не излегувај доцна. Немој да се напиеш. Немој да им се насмевнеш на непознати. Не излегувај ноќе. Не верувај му на никој. Немој да кажеш ДА. Немој да кажеш НЕ. Само биди дама, велат.“ Текстот го напиша Камила Реинвил, а го рецитира американската актерка Синтија Никсон, најпозната по улогата на Миранда во серијата Сексот и градот.

Што е она што ги издвојува вистинските дами од останатите? Ова се карактеристиките

Катерина Бојаџиева — Wed, 24 Oct 2018 21:01:57 +0000

Иако многумина мислат дека дамите и џентлмените и нивното однесување се работи кои се изумрени, сепак некои од карактеристиките на жените кои порано се сметале за дами важат и денес. Ова се карактеристиките кои ги краселе жените кои порано биле сметани за дами: Вистинските дами немаат тетоважи на видливите делови на телото. Тоа за нив е интимна работа. Вистинските дами одговараат со: „Молам?“, а не со: „А?“. Основна култура и бон-тон се многу важни. Вистинските дами никогаш нема да запалат цигара на улица и да шетаат со цигара во рака. Вистинските дами секогаш се пристојно облечени. Ниту пренакитени, ниту развлечени. Едноставно секогаш изгледаат пристојно без оглед на поводот. Вистинските дами никогаш не пцујат. Никогаш нема да слушнете пцовка или погрден збор од една дама. Тоа не е на нивното ниво. Вистинските дами никогаш нема да си дозволат себе си да бидат во друштво на некултурни личности, без оглед на тоа дали се работи за мажи или жени. Тие се оттуѓуваат од нив, бидејќи не поддржуваат такво однесување. Вистинската дама секогаш мириса убаво. Не става премногу парфем, само доволно за да привлекува со својот мирис. Вистинската дама има гордо држење. Исправен грб и сигурен став е показател за достоинство. Вистинската дама не носи многу накит. Суптилни обетки, некој шармантен прстен или ланче оддаваат впечаток на нежна жена. Вистинската дама секогаш знае што сака, а што не сака. Вистинската дама секогаш вели: „Ве молам“ или „Благодарам“. Вистинската дама не е надмена, таа е едноставно достоинствена. Вистинската дама никогаш не лаже, но внимава кога и како ги искажува своите ставови. Вистинската дама не сака да изгледа како некоја друга, таа има свој стил и манири.

Овие трикови за убавина со сода бикарбона секоја дама треба да ги знае

Ивана Ефремовски — Sun, 01 Apr 2018 14:24:10 +0000

Содата, освен што има широка употреба во домаќинствата, може да биде и одлична состојка за убавина. Достапна е, не е опасна по здравје, а воедно е многу евтина. Еве неколку едноставни трикови кои можат да ѝ помогнат на секоја жена да си ја зачува и да ја одржи убавината. МАСКА ЗА ЛИЦЕ Во блендер измешајте една лажица сода бикарбона, две лажици овесни снегулки и малку мед. Додадете онолку вода колку што е потребно за да добиете густа смеса. Маската нанесете ја на лицето, оставете да делува 10 минути и потоа исплакнете. ПРОТИВ ЦРНКИ На црнките можете да им ставите крај со овој природен лек. Во малку гел за миење лице додадете една лажица сода бикарбона, лажица сол, и измешајте. Нанесете на сува кожа, почекајте 5 минути и потоа исплакнете. ЧИСТЕЊЕ НА ЛИЦЕТО Ставете малку сода бикарбона на вашата дланка, додадете неколку капки вода и потоа тријте го лицето. Вака ќе направите нежен пилинг, но притоа внимавајте смесата да не дојде во допир со очите, па убаво исплакнете. ПЕДИКИР Во топла вода ставете една или две лажици сода бикарбона и неколку капки есенцијално масло (можете да одберете лаванда, бидејќи е добра за опуштање или пак масло од чајно дрво кое делува антибактериски). Држете ги стапалата околу 15 минути, а потоа почнете со нежен пилинг. ОТСТРАНУВАЊЕ НА ЛАЖНИОТ ТЕН Кремите за самопотемнување често знаат да остават флеки по телото, особено ако не ги користите правилно. Содата е добро решение против овој проблем. Исцедете сок од лимон и додадете му неколку лажици сода бикарбона, така што ќе добиете густа паста. Користете ја како пилинг, тријте сè додека флеките не исчезнат.