даме груев – Kurir.mk

Прекрасен мурал со ликот на револуционерот Даме Груев ќе краси македонски регионален пат

Ивана Ефремовски — Sat, 26 Aug 2023 17:05:12 +0000

Мурал со ликот на револуционерот Даме Груев отсега ќе го краси еден од потпорните ѕидовите на регионалниот пат Берово - Струмица. Изработката е дело на графитчии од Берово, кои подолги време се занимаат со оваа уметност, а главни карактеристики и теми на нивните уметнички изработки се базираат на патриотизмот, љубовта кон татковината и емпатијата на градот Берово. -Со ова сакаме да испратиме порака за почитување на нашите херои и вредности кои се од исконско значење и треба секој да ги вреднува. Како млади уметници сакаме да искажеме почит кон нашите историски вредности и личности и да ги вреднуваме нивните дела. Ова е само еден мал дел за почит кон нив, а ликот на нашиот херој Даме Груев го овековечивме за да сведочи како личност која е од огромно значење за Берово, Малешевијата и за целата држава, велат беровските уметници за нивното дело. Најавија дека и во иднина ќе презентираат вакви дела за достоинството и делата на македонските херои. -Воедно сакаме да изразиме и револт спрема моменталната ситуација со форсирање на турбо фолкот и кичот во Берово и сите други места во Македонија, кој ја уништи чаршијата и самиот град. Се спротивставуваме на погрешните вредности на рѓосани странски и секакви култури кои ни се наметнуваат, додадоа беровските графитчии. Апелираа секогаш предизвик за младите да биде богата македонска култура и традиција, која посебно помеѓу младите е заборавена. (МИА)

Времен режим на улица „Даме Груев“ утре и задутре

Тале Кристо — Mon, 15 May 2023 13:05:54 +0000

Од ЈП Улици и патишта Скопје информираат дека утре и во среда поради изведба на градежни активности за асфалтирање на пешачките патеки на улицата „Даме Груев“ во насока на движење од крстосницата со улица „Димитрие Чуповски“ до улица „Македонија“, во периодот од 8 часот наутро до 15 часот попладне, ќе биде воведен времен режим на сообраќај. Времениот режим ќе биде обележан со соодветна сигнализација, а поради изведба на градежните активности ќе биде затворена една коловозна лента утре, а потоа на 17.05.2023 година ќе биде затворена и другата коловозна лента во спротивната насока. ЈП Улици и патишта Скопје апелира до сите учесници во сообраќајот до завршување на градежините активности да бидат внимателни и да ја прилагодат својата брзина на движење според условите на патот.

Во недела времен сообраќаен режим на улицата „Даме Груев“

Ивона Петрова — Fri, 05 May 2023 13:48:58 +0000

ЈП Улици и патишта Скопје ги известува граѓаните дека на ден 07.05.2023г.(недела) поради изведба на градежни активности за асфалтирање со порамнителен слој на асфалтна маса на улицата Даме Груев во насока на движење од крстосницата со улица Димитрие Чуповски до улица Македонија, во периодот од 8ч. наутро до 15ч попладне, ќе биде воведен времен режим на сообраќај. Времениот режим ќе биде обележан со соодветна сигнализација, а поради изведба на градежните активности ќе биде затворена едната коловозна лента. ЈП Улици и патишта Скопје апелира до сите учесници во сообраќајот да бидат внимателни и да ја прилагодат својата брзина на движење според условите на патот.

115 години од загинувањето на Даме Груев

Ивона Петрова — Thu, 23 Dec 2021 06:19:17 +0000

На 23 декември во 1906 година на врвот Петлец, кај селото Русиново, Беровско, во борба против османлиската војска загинал Дамјан (Даме) Груев, учител, еден од основачите на ВМРО во Солун, во 1893 година, истакнат организатор и раководител на националноослободителното движење на македонскиот народ на крајот на 19. и почетокот на 20. век. Потекнува од ѕидарско-печалбарско семејство. Се школувал во родното Смилево, Демирхисарско, а потоа во Солунската машка гимназија. Од 1891 до 1893 година бил учител во селото Смилево и во Прилеп. Од летото 1894 година почнал да ги формира првите револуционерни комитети на македонската револуционерна организација во повеќе градови и села во Македонија. Бил учител во Штип и инспектор во Солунско, а потоа и гимназиски наставник во Битола и раководител на Битолскиот револуционерен округ. Во август 1900 година бил уапсен и затворен во битолскиот затвор, а од мај 1902 година бил заточен во Подрум Кале, во Мала Азија. Бил претседател на Смилевскиот конгрес на Битолскиот револуционерен округ на ТМОРО од 2 до 7 мај 1903 година, на кој бил избран за член на Главниот штаб на востаниците на претстојното Илинденско востание, во кое активно учествувал. По неуспехот на востанието ја продолжил својата револуционерна дејност. Во 1904 година претседавал на Прилепскиот подвижен конгрес, а извесно време бил и претседател на Окружниот комитет на Скопскиот револуционерен округ и на Рилскиот конгрес, во октомври 1905 година. Роден бил на 19 јануари 1871 година.

Уапсени две лица во скопската населба Даме Груев: Вршеле предизборен поткуп за политичка партија (ФОТО)

Тале Кристо — Sat, 30 Oct 2021 19:28:10 +0000

Денеска во текот на целиот ден се врши масовен поткуп на гласачи нез цела Македонија. Како што денеска преку текот на денот информиравме, поткуп се случуваше и во скопската населба Даме Груев, позната како Геге во општина Ѓорче Петрови по нашата објава од терен уапсени се две лица. Од информациите кои ги имаме уапсени овие две лица од фотографијата, а од истата може да се забележи за која партија го правеле и поткупот. За истиот случај се огласи и МВР, за кои потвдруваат дека овие две лица се уапсени. -Денеска (30.10.2021) околу 14 часот полициски службеници од СВР Скопје ги лишија од слобода Г.З. (59) и А.С. (63) од Скопје кои во скопската населба Даме Груев давале пари во замена за глас на локалните избори односно вршеле кривично дело по член 162 од КЗ „поткуп при избори и гласање“. На лицата на кои им давале пари за глас им земале копии од лични карти, а при приведувањето кај нив се најдени пари и други предмети. Известен е јавен обвинител и по документирање на случајот ќе бидат поднесени соодветни поднесоци, информираат од МВР.

Арсовска од населба Даме Груев: Ќе субвенционираме вистинска енергетска транзиција, ќе го олесниме движењето кон центарот на градот

Тале Кристо — Sat, 09 Oct 2021 13:25:36 +0000

Независната кандидатка за градоначалник за Град Скопје, Данела Арсовска ги посети жителите на населба Даме Груев во општина Ѓорче Петров и разговараа за проектите кои ќе бидат клучни за општината и градот. -Преку булевар „Словенија“, ќе направиме поврзување на општината со што ќе ја финализираме внатрешната обиколница и ќе го олесниме движењето низ градот. Исто така во областа на инфраструктурата еден од нашите приоритети е поврзувањето со четири ленти на булевар „Теодосиј Гологанов“ до раскрсницата на булевар „Ѓорче Петров“. Ќе се уреди коридорот на реката Лепенец, со велосипедски патеки, со фитнес зони, со детски катчиња за најмладите, со катчиња за пензионерите, да се придонесе кон уредување на овој заборавен дел од општината. Ќе субвенционираме вистинска енергетска транзиција, преку енергетски ефикасни фасади, преку соларно фотоволтаични панели, преку инвертер клими, топлински пумпи за домаќинствата, истакна Арсовска во разговор со жителите. Таа најави и изградба на Спортски центар, со трим и вело патеки, со терени за ракомет, кошарка, одбојка и многу други содржини за кои самите жители посочија дека им е неопходно во општината. Арсовска истакна дека треба да се стави крај на празното политиканство и трошење на парите на скопјани за непостоечки проекти. Според неа, асфалтирање на улици не е проект, тоа е обврска на градските служби.

Стојкоски: Населбата Даме Груев ќе добие пешачка зона наместо небезбедна улица без осветлување и тротоари (ВИДЕО)

Тале Кристо — Sat, 09 Oct 2021 13:14:36 +0000

Километарска пешачка зона ќе биде направена на улицата „Шар планина“ во населбата Даме Груев, која сега е неосветлена и небезбедна, поради тоа што нема ниту тротоари, ниту осветлување. Реализација на овој проект ветува Александар Стојкоски, кандидат за градоначалник од ВМРО-ДПМНЕ за Ѓорче Петров. Смета дека ова место ќе биде одлично за спорт и рекреација за сите жители на населбата, но и општината. -Оваа улица покрај за сообраќај, локалното население често ја користи за слободните активности во попладневните часови. Овдека тие шетаат со своето семејство, со своите пријатели, дел од нив ги шетаат тука и своите домашни миленичиња. Но оваа улица во вечерните часови е многу небезбедна, бидејќи е неосветлена и на нејзе нема тротоари од двете страни. Во мојата изборна програма предвидувам изградба на пешачка зона, пропратена со бројни зони за спорт и рекреација, како и места на кои што граѓаните ќе можат да седнат и да поразговараат, вели Стојкоски. Повеќе инфраструктурни проекти се дел од програмата на Стојкоски, кој вети и отворање на нови сообраќајни артерии за да нема гужва низ Ѓорче Петров и околните населби. Тој секојдневно преку објави информира дека е со граѓаните на терен, што како пракса, ќе го воведе и кога би ја презел функцијата градоначалник. Според него, програмата стигнала до сечиј дом, а за тековните активности информира и на социјалните мрежи.

Драган Ковачки денеска на панихида за Даме Груев во Русиново

Магдалена Андонова — Sat, 26 Dec 2020 13:28:24 +0000

Членот на ИК на ВМРО-ДПМНЕ, Драган Ковачки денеска присуствуваше на панихида, богослужба за помен на починатиот Даме Груев. Богослужбата се оддржа во Русиново, Беровско. Ковачки оддаде почит положувајќи цвеќе пред споменикот на македонски револуционер, основач и еден од најистакнатите членови на Македонската револуционерна организација, Даме Груев. Од таму ќе се оддржи марш до врвот Петлец, каде што Даме Груев загинал.

Панихида за Даме Груев

Ивана Ефремовски — Wed, 23 Dec 2020 18:25:02 +0000

Панихида за Даме Груев ќе биде одржана оваа сабота, информира Иван Соколов. „Браќа и сестри, да Ве известам дека на 26.12.2020 ( сабота ) ќе организираме панихида за Даме Груев, во с. Русиново со почеток од 9 часот. Ве поканувам сите заедно да присуствуваме и да му оддадеме почит на големиот македонски син Даме Груев. Некои даваат многу, но тие дадоа сè! Да им ја одадеме ние барем нашата почит“ - истакна тој!

Јуришникот на СДСМ Тричковски „блеска“: Многу сексизам и навреди кон Мизрахи и апостолите на македонската револуционерна борба

Љупчо Цветаноски — Tue, 28 Jul 2020 11:28:14 +0000

Еден од најголемите и највлијателните поддржувачи на СДСМ и Зоран Заев, екс новинарот Бранко Тричковски, со нови навреди за Рашела Мизрахи и за револуционерите Гоце Делчев и Даме Груев. Според Тричковски Гоце Делчев и Даме Груев никогаш не се бореле туку загинале додека биле пијани или имале секс. Во пост во кој го коментира заминувањето на Рашела Мизрахи на коњ кон Крушево во чест на 117 години од Крушевското востание, поддржувачот на СДСМ Тричковски со навреди и за пратеничката на ВМРО-ДПМНЕ но и за апостолите на македонската револуционерната борба. „Вмороните се собирале на Витоша, како што денеска во Крушево се собира четата на Рашела Мизрахи. Потоа го викале Бимбо од Софија да ги слика. Така амфитеатрално исполегнати на некоја ливатка окружена со корија. Веднаш по фотосесијата го враќале оружјето на интендатурата на бугарската армија и оделе да пасат говеда, да садат тутун или да питачат по софиските улици. Имало неколку чети за тероризирање на македонското население, но ниту една не била обучена за борба против османското присуство. Ниту пак некогаш, некаде отишла да се тепа. Тие што испозагинале испозагинале или на е*ење, како Гоце Делчев или како Даме Груев на препивање. Тоа е, не се Рашелчето заебава со историјата на вмро, туку историјата на вмро се заебава со сите нас“, пишува болниот за внимание Тричковски на Фејсбук. Во врска со Мизрахи тој во обид дополнително да ја навреди во друг статус за одење на Мизрахи кон Крушево на коњ пишува дека на враќање имало договор коњот да ја јава неа.