дами – Kurir.mk

Дами, ова мора да го знаете: Вашите секојдневни навики се непријатели на интимните делови од телото

Ивана Ефремовски — Mon, 20 Mar 2023 20:22:25 +0000

Повеќето жени не се свесни дека одредени хигиенски навики можат сериозно да го загрозат нивното здравје. Хемикалиите и козметичките средства што ги користат ја нарушуваат природната рамнотежа на вагината и се причина за разни инфекции. Затоа е важно да се придржувате до следните совети. Водата е најдобра При миење на вагината треба да се избегнуваат купки и миризливи сапуни бидејќи тоа ја нарушува природната киселост и може да биде причина за воспаление и габички. Најдобра е обичната вода. Минералната вода исто така не е лош избор, но благо или природно, газираната не доаѓа предвид. Дневните влошки и тампони се причина за инфекции Поголемиот дел од козметиката за жени кои се рекламираат не е неопходна, а секој гинеколог ќе ви каже дека постојаното користење на тенки дневни влошки, како и редовното користење на тампони за време на менструацијата, не е пожелно. Имено, го спречува „приливот на воздух“ и го поттикнува размножувањето на бактериите и појавата на воспаленија. Фармерки Тесните фармерки не ѝ дозволуваат на вагината да дише и подобро е да носите облека што е полабава. Не се пожелни и неприродни материјали, како еластин или синтетика, бидејќи го спречуваат природниот секрет на вагината. Најдобар избор е секогаш памукот. Влажност, но не како што треба… Влажноста на вагината зависи од периодот на циклусот, но и од сексуалната возбуда. Здравјето на жените во лето е загрозено поради честото капење во базени кои не се секогаш чисти. Поради тоа на лето најчесто настануваат габични и вагинални инфекции, чешање, печење… Пробиотиците се пријатели на вагината Жените треба да пијат што повеќе млечни производи поради добрите бактерии кои се наоѓаат во нив. Тие помагаат да се одржи избалансиран бактериски статус во вагината. Нивните дози треба да се зголемат доколку сте на антибиотска терапија. Внимателно со детергентот и омекнувачот Детергентите за перење го иритираат пределот на гениталиите, затоа се препорачува да се изберат хипоалергенски детергенти без мирис за чувствителна кожа. Со нив задолжително измијте ја целата долна облека.

Оваа навика ја имаат сите ДАМИ: Изгледа елегантно, но многу е ШТЕТНА за здравјето

Ивана Ефремовски — Sun, 18 Sep 2022 15:20:13 +0000

Многумина од нас седат со скрстени нозе, а тоа никогаш не треба да го правиме, бидејќи сериозно му штетиме на здравјето, предупредуваат експертите. Поради ваквиот начин на седење, може да почувствувате бројни последици. На пример, поради притисокот на нервот над вашите колена, нозете често ќе ви бидат вкочанети. Исто така, може да има привремено зголемување на крвниот притисок. Најризично е кога носите и високи потпетици, а ги скрстувате нозете. Иако изгледа многу елегантно, кога ги прекрстуваме нозете го спречуваме протокот на крв, а честото седење во оваа поза може да доведе до проширени вени. Постојано вкрстени нозе може да бидат и причина за болки во грбот, бидејќи во таа положба мускулите на грбот се ставаат под дополнителен стрес, што доведува до напнатост. Не се препорачува да седите во оваа поза повеќе од 10 минути дневно, бидејќи тоа ја зголемува веројатноста за сите овие здравствени проблеми. Затоа, не ризикувајте, туку обидете се да ја промените оваа навика.

Момци, дознајте: Каква е вашата дама според месецот во кој е родена?

Ивана Ефремовски — Fri, 04 Jun 2021 14:50:10 +0000

Јануари

Дамите родени во јануари се сериозни и конзервативни, но и многу амбициозни. Но, многу сакаат да критикуваат. Ретко може некој да ги извади од кожа, ама кога тоа ќе се случи, подобро е да не сте им пред очи. Не сакаат да ги покажуваат чувствата, па не очекувајте прегратки и бакнежи на дневна основа. Дозволуваат да им се приближат личности со исто интелектуално ниво и слични погледи кон светот.

Февруари

Овие жени имаат апстрактни размислувања, но сепак секој може да ги разбере. Често го менуваат расположението, што значи дека треба да бидете многу трпеливи со нив. Инаку се многу романтични и за саканиот човек се подготвени да направат буквално се. И за тоа очекуваат да им биде вратено со иста мера. Од друга страна, оние кои ќе ги предадат – нема веќе никогаш да ги видат!

Март

Овие жени се многу симпатични, додека некој не ги разлути. Тогаш се спремни да ги направат „парче“ сите пред себе. Посветени се и верни, но тешко се вљубуваат. Пред нив не поминуваат лесно триковите на мажите, како кај останатите жени.

Април

Овие жени се дипломати. Со нив лесно се разговара, иако понекогаш знаат да претераат со самосожалувањето и да зборуваат само за своите проблеми. Токму затоа бараат и големо внимание и посветеност. Овие жени се многу љубоморни по природа, но ако го сретне вистинскиот маж, тогаш ќе го направи најсреќниот човек на светот.

Мај

Родените во мај се многу верни и достојни на своите принципи. Овие дами се многу убави, во физичка смисла. Но во комбинација со тежок карактер, стануваат опасни за секој маж кој ќе се вљуби во нив. Затоа остануваат запамтени до крајот на животот.

Јуни

Многу љубопитни и комуникативни. Само што некогаш многу зборуваат и поради тоа и не можат да чуваат тајни. Во љубовта знаат да бидат многу опасни играчи. Мажите им се како пластелин во рацете.

Јули

Овие девојки се многу мистериозни. Не дозволуваат било кој да им се приближи. Многу се скромни и ретко ќе ги видите да се фалат. Не сакаат конфликти и се љубезни кон сите. Најголема грешка ќе биде доколку ја изневерите, бидејќи ќе ја загубите засекогаш.

Август

Уникатна комбинација на големо срце и … егоизам! Не си играјте со оваа девојка, бидејќи порано или подоцна ќе ве победи. Заштитен знак и е неверојатната смисла за хумор и тоа што сака да биде во центар на вниманието.

Септември

Тие се мили, дисциплинирани и кротки девојки. Но, никогаш нема да им простат на оние кои ќе ги разочараат. Овие девојки ги сакаат долгите врски, а од друга страна имаат многу барања кои очекуваат партнерот да им ги оствари. Умот не им дозволува да прават грешки, дури и кога срцето им вели друго.

Октомври

Девојките, родени во октомври, имаат железен карактер, демонстрираат сила и независност. Но, од друга страна се многу емотивни. Ретко плачат пред други, но кога се сами – си ја отвараат душата која ја кријат од светот. Тие се премногу интелигентни и знаат дека доколку ја разголиш душата пред сите, некој тоа ќе знае да го злоупотреби. Овие жени со својот шарм можат да го покорат и најсилниот маж на светот. Затоа жените им љубоморат, заради тоа што им завидуваат.

Ноември

Овие девојки се секогаш еден чекор напред пред другите. Знаат да ја препознаат лагата „од километар“! Не можеш, а и не треба да си играш со овие жени, бидејќи ќе го извлечеш „подебелиот“ крај. Доколку не сте подготвени да ја чуете вистината – не ги прашувајте за мислење!

Декември

Нетрпеливи, брзоплети, но сепак родени со голема среќа. Скоро секогаш успеваат да излезат како победници од секоја ситуација. Со нив секогаш е забавно и знаат како да ви го кренат расположението.

Дами, ако се пронајдете во овие реченици вие сте неодоливи убавици!

Ивана Ефремовски — Wed, 27 Nov 2019 15:31:25 +0000

Жените често запаѓаат во очај поради убавината, држат строги диети и се подложуваат на пластична хирургија. Но, кога станува збор за убавината не е се во физичкиот изглед. Луѓето кои на прв поглед изледаат убаво можат да ви станат сосема грди кога малку подобро ќе ги запознаете, додека некои личности за кои би кажале дека имаат просечен изглед ни се најубави на цел свет. Тоа е доказ дека убавината не е само фасада и дека во прашање е нешто што не може да се сведе само на генетиката. Начинот на кој жената се движи, разговара, држи до себе, начинот на кој зрачи одвантре, искрата што ја поседува. Тоа е убавината на жената. Таквите жени мажите можеби не ги забележуваат на прв поглед, но полека им се „пикаат под кожа“ со секој поглед со секој разговор. Следните десет особини секоја жена ја прават неодолива: Нејзината страст ја дефинира повеќе отколку физичкиот изглед Нема ништо поубаво од страсна жена. Жената која живее со полна пареа и која работи со голема страст вреди да ја запознаете. Го покажува своето вистинско лице Шминкањето е избор и тука нема ништо лошо. Меѓутоа убавата жена не чувствува потреба да се крие поради своите недостатоци со помош на шминка. Таа ќе се нашминка поради себе, а не поради другите. Не сака да биде центарот на светот Таа не сака по секоја цена да биде во центарот на вниманието. Го прави тоа несвесно, бидејќи поседува самодоверба и скромност, а тие особини го привлекуваат вниманието на другите, повеќе од исфорсираните гестови. Знае да се изрази Нема ништо полошо од девојка, која не е елоквентна и не знае да каже што мисли. Дамата која има свое мислење може да биде неверојатно привлечна и е доказ дека мозокот е најсилен афродизијак. Самостојна е Жената на која не и е неопходен маж за да го живее својот живот е жена, која е сигурна во себе. Самодовербата е вистинскиот клуч за убавината. На таквата жена не и треба одобрување од другите за своите постапки. Мистериозна е Таа не отвара уста без причина и не ги открива своите тајни. Не е од оне кои зборуваат само за да го слушне својот глас. Нема ништо поинтригантно од жена обвиена со велот на мистеријата. Таа е полна со изненадувања и што повеќе ја запознавате, станува се поубава и поубава. Сочувствителна е Таа не мисли само на себе. Сочувствителна е и грижлива. Ќе се жртвува поради другите луѓе. Не крши срца, туку ги исцелува. Тоа е вистинска убавина. Отворена е за нови предизвици Убавата жена не знае за ограниченост. Отворена е за нови идеи, луѓе и места. Нејзината храброст и отворен ум се неверојатно привлечни. Има душа Сите знаеме што значи кога некој поседува внатрешна убавина. Постојат личности кои едноставно сјаат и во чија близина секогаш сакаме да се наоѓаме. Го има „она нешто“ Оваа особина не може да се изрази со зборови. Таа поседува нешто, но тоа не може да се дефинира. Таа го има тој специјален квалитет, кој не можете да го објасните поради тоа што тоа никогаш во животот не сте го доживеале.