115 години од загинувањето на Даме Груев

Ивона Петрова — Thu, 23 Dec 2021 06:19:17 +0000

На 23 декември во 1906 година на врвот Петлец, кај селото Русиново, Беровско, во борба против османлиската војска загинал Дамјан (Даме) Груев, учител, еден од основачите на ВМРО во Солун, во 1893 година, истакнат организатор и раководител на националноослободителното движење на македонскиот народ на крајот на 19. и почетокот на 20. век. Потекнува од ѕидарско-печалбарско семејство. Се школувал во родното Смилево, Демирхисарско, а потоа во Солунската машка гимназија. Од 1891 до 1893 година бил учител во селото Смилево и во Прилеп. Од летото 1894 година почнал да ги формира првите револуционерни комитети на македонската револуционерна организација во повеќе градови и села во Македонија. Бил учител во Штип и инспектор во Солунско, а потоа и гимназиски наставник во Битола и раководител на Битолскиот револуционерен округ. Во август 1900 година бил уапсен и затворен во битолскиот затвор, а од мај 1902 година бил заточен во Подрум Кале, во Мала Азија. Бил претседател на Смилевскиот конгрес на Битолскиот револуционерен округ на ТМОРО од 2 до 7 мај 1903 година, на кој бил избран за член на Главниот штаб на востаниците на претстојното Илинденско востание, во кое активно учествувал. По неуспехот на востанието ја продолжил својата револуционерна дејност. Во 1904 година претседавал на Прилепскиот подвижен конгрес, а извесно време бил и претседател на Окружниот комитет на Скопскиот револуционерен округ и на Рилскиот конгрес, во октомври 1905 година. Роден бил на 19 јануари 1871 година.

Традицонален марш до Петлец ,,По врвиците на Војводата Дамјан Груев 2021“

Тале Кристо — Wed, 15 Dec 2021 09:10:17 +0000

Доколку не би постоеле големите луѓе и големите датуми во историјата на Македонија, би се изгубила можноста за наше препознавање меѓу нациите, бидејќи без нивните подвизи, дела и херојства би била празна историјата и културата на нашиот народ. Во чест на Македонскиот револуционер, борец за слободна Македонија Даме Груев, кој на 23-ти Декември 1906 година го загуби својот живот во борбата за слободна Македонија на планината Петлец во близина на Русиново, Ве покануваме заедно да ја одбележиме 115 годишнината од неговата погибија. 18.12.2021(сабота) 09:00 Собирно место мегдан во село Русиново 09:15 Панихида на чест на Војводата на селските гробишта 09:45 Положување на свежо цвеке 10:15 Тргнување кон местото на загинувањето на Војводата Организатор : ОК на ВМРО-ДПМНЕ Берово Да се прдржувеме кон мерките за заштита од KOVID 19.

дамјан груев – Kurir.mk

115 години од загинувањето на Даме Груев

Традицонален марш до Петлец ,,По врвиците на Војводата Дамјан Груев 2021“