Tодор Конески и Дамјан Коњановски од УМС на ВМРО-ДПМНЕ назначени на високи функции во една од најголемите студентски организации во Европа

Тале Кристо — Tue, 10 Aug 2021 11:13:02 +0000

Tодор Конески и Дамјан Коњановски од УМС на ВМРО-ДПМНЕ назначени на високи функции во една од најголемите студентски организации во Европа, објавија од Унијата на Млади Сили на ВМРО-ДПМНЕ . Сакаме да Ве информираме дека двајца членови на Унијата на Млади Сили на ВМРО-ДПМНЕ се назначени на функции во една од најголемите студентски организации во Европа, European Democrat Students. Имено, членот на Извршниот Комитет на УМС Тодор Конески е назначен за копретседател на комисијата за конференцијата за иднината на Европа, додека координаторот на студентската комисија при Градскиот комитет Скопје Дамјан Коњановски е назначен како уредник во списанието на ЕДС, BullsEye. Овие две функции се плод на макотрпна работа во склопот на ЕДС и повторно ги реафирмираат европските заложби на УМС и на ВМРО-ДПМНЕ. Затоа, сакаме да им честитаме на Тодор и Дамјан и да им посакаме успешна и плодна работа на нивните нови функции. Убедени сме дека ВМРО-ДПМНЕ и Македонија ќе бидат претставени на достоинствен начин пред сите останати студенти од Европа и пошироко! Исто така, упатуваме честитки до новиот Претседател на #EDS Бепе Галеа од Малта и новиот Генерален Секретар од Велика Британија Иван Ботучаров. Како Унија на Млади Сили од самото објавување на кандидатурата целосно ја дадовме нашата поддршка на Бепе и Иван и веруваме дека во текот на маднатот сите зацртани стратешки цели ќе бидат исполнети, информираат од УМС

Коњановски: Власта целосно ги заборави студентите, нема ништо од тоа што го ветија

Дарко Андоновски — Tue, 17 Nov 2020 12:46:25 +0000

Одбележувајќи го 17-ти ноември, меѓународниот ден на студентите кој претставува асоцијација на борбата за демократско образование и квалитетен студентски стандард во име на Унијата на млади сили на ВМРО-ДПМНЕ упатуваме искрена честитка до секој студент во нашата држава, ова денеска преку изјава за медиумуте го истакна Дамјан Коњановски од ВМРО-ДПМНЕ. -На овој ден кога во многу држави се говори за напредни, развојни, едукативни програми и планови кога се говори како дополнително да се подобри веќе совршениот образовен систем, студентскиот стандард и условите за студирање со жалење можеме да констатираме дека за разлика од тие држави, ние и оваа година говориме за голготата со која се соочуваат македонските студенти за жалосната реалност со која се соочува секој македонски студент. Во година на пандемија, ние студентите бевме повторно заборавени. Во ниту еден сет од таканаречени економски мерки не немаше нас или бевме присутни се разбира селективно повеќе ради звучност а несуштински и вистински. Никаква конкретна поддршка за студентите и студентскиот стандард, вели Коњановски. Тој додава дека како студенти и членови на Унијата на млади сили на ВМРО-ДПМНЕ уште во септември побаравме сите студенти да бидат ослободени од партиципацијата, конкретна мерка наменете за сите редовни студенти запишани на државните универзитети за учебната 2020-2021 година без разлика во која година од студирањето се наоѓаат. -Со оваа мерка директно ќе се помогнеше на сите редовни студенти и на околу 20.000 семејства кој најголемиот дел врзуваат крај со крај во време на економски колапс. Но, за жал ова наше барање беше изигнорирано, тоа беше директно игнорирање на сите редовни студенти и сите студентски барања и очекувања. Очекувања кои се базираа на многуте ветувања од кој не видовме ништо. Во името на сите студенти во Македонија јавно прашувам каде се бизнис центрите за млади, каде е фамозно најавуваниот проект гаранција за млади. Каде се проектите за подобрување на студентскиот стандард и уште многу други ветувања кои се даваа на студентите, а кој за жал останаа само ветувања. И денес на овој меѓународен ден на студентите со разочарување констатираме дека сеуште наши колеги-студенти живеат во студентските домови со лебарки и се хранат под секаков светски стандард. Зар ова е подобриот студентски стандард? За жал тоа е студентската голгота и нашата жална реалност, вели Коњановски. Тој додава дека затоа на овој ден ги повикуваме сите студентски организации за активизам и активно учество во залагањата и барањата за подобар студентски стандард и подобро образование за заедништво кога се работи за интересите на студентите. -Да не дозволиме студентите и студентските организации да бидат ад-хок користени за нечии интереси и политички цели бидејќи тоа не е и не смее да биде основата на студентскиот активизам. Ние студентите сме иднината на Македонија, ние сме идните професори, лекари, инженери, агрономи и технолози. Сите ние имаме исти потреби, исти интереси, исти замисли и исти очекувања. Токму затоа и на овој 17-ти ноември имаме исти конструктивни и конкретни барања и исти очекувања за подобар студентски стандард и подобри услови за студирање за кој постои сериозна итност. Нема време за пролонгирање, нема време за празни ветувања. Студентите тоа не го заслужуваат, вели Коњановски.

дамјан коњановски – Kurir.mk

Tодор Конески и Дамјан Коњановски од УМС на ВМРО-ДПМНЕ назначени на високи функции во една од најголемите студентски организации во Европа

Коњановски: Власта целосно ги заборави студентите, нема ништо од тоа што го ветија